फिरनी

माझ्या उलट प्रॉबलेम कसा येतो जनतेला?>>
शूम्पे, दुधावरही हे अवलंबून असेल कदाचित.
:आजीमोडॉन:
मेल्यान् ढोभर पाणी ओतलेलं दिसतंय दुधात
:मोडॉफ:

परत फिरुनी फिरनी वर!! बाकी सगळ्यांबे फोटो मस्तयंत..आता मी पण ट्राय करेन म्हणतेय!

माझ्या उलट प्रॉबलेम कसा येतो जनतेला? >>

सशल, मीही अ‍ॅपल ओट्स करते म्हणून लिहिते आहे, सफरचंद रंग बदलत नाही.
(रच्याकने, काळं कुठे पडतं सफरचंद? चिरल्या चिरल्या पांढरं असतं आणि थोड्यावेळाने पिवळं पडतं. खूप वेळाने रस्टी कलर येतो. पण काळं नाही ब्वा!)

फिरनीचा घाट घातला इथे वाचून (इन्स्पायर वगैरे होउन ) , त्यात वर आपल्या कर्तॄत्वावर लैच विश्वास त्यामुळे लागणारा वेळ २० मि. हे नंदिनीनी लिहिलेल प्रमाण मानून जेमतेम अर्धा तास ठेवला होता, माझ्या सुगरण असण्याबद्दल कोणतीही शंका मला नसल्याने, मी घरी पदार्थाच नाव डिक्लेअर न करण्याची खबरदारी घेतली होतीच, नाहीच जमली , तर खिर अथवा पुडिंग म्हणून खपवणाअर होते त्यामुळे फ्लेवर सिनॅमन ठरवला होता. वरून गार्नीश कॅरॅमल.
तांदुळ वाटून पावडार पेस्ट परेंत नीट होतं सगळ पण फ्रीज उघडल्यावर लक्षात आल की फक्त गाईच ( तस्मात पातळ) दुध आहे. असो २० च्या ऐवजी २५ लागतील मिनीट अस म्हणून उकळायला ठेवल, माकाचु , हा धागा , फसलेल्या फिरन्यांचे अनुभव याचा अभ्यास पुर्ण केल्यानी फुल्प्रूफ प्लॅन आहे असा विश्वास होता . पंधरा मिनीटानी ही काहीही फरक पडला नाही , चव पण गोड दुध ह्यापलीकडे काही नाही , अर्ध्या तासानंतर पेशंट आय्सीयुत याची खात्री पटाली , मग च्मचाभर तांदळाच पिठ घातल आणि अजून दहा मिनीटात काही बदलल नाही तर डिक्लेअर्ड डेड म्हणायच ठरवल. हैला उगाच त्या माबोवर्च्या रेस्प्या वाचून नस्ते उद्योग असे मनातल्या मनात म्हणून झाल , अजून एक चमचा पीठी , मग फरक दिसायला लागला, सिल्की वगैरे कन्सीस्टन्सी !! जितं मया म्हणत पेशंट ला जनरल वार्डात! मट्के नव्हते मग साके चे लहान उभट बोल्स वापरले सेट करायला ठेउन दिल.
हुश्श! चवीला सिंपल अ‍ॅपरंटली पा़कृ पण सिंपल! जमता जमता ( हिंदी आणि मराठी) जरा धीर धरावा लागतो

अहाहा, मस्त्च दिसतेय.
मला सांगा फीरनी घट्ट म्हणजे नक्की कशी? कॅरमल कस्टर्ड सारखी का?

माकाचुमध्ये माझा नंम्बर लागायची १०१टक्के खात्री असल्याने करायच्या वेळेस नंदिनीला फोन लावण्यात येईल

रच्याकने इन्नातै भारीही फोटो.. फिरनी चाखायच्या वेळेस साकी साकी रे ओ साकी हे गाण आठवल की नाही

वर्षा ,सेट झाल्यावर हो , सेट व्हाय्चा आधी बासुंदी ची व्हिस्कॉसिटी.
जाई

सेट व्हाय्चा आधी बासुंदी ची व्हिस्कॉसिटी.
<<<< माझी पद्धत - ग्यासवरची फिरनी डोशाच्या पिठासारखी दिसू लागली की पाच मिन्टांनी ग्यास बंद करणे.

बाकी फिरनी सामाण्य काचबोल आणि मातीचे बोल या दोहोंत सेट करून बघितली आहे, तर याठिकाणी मी अशे सांगू इच्छिते की मातीच्या बोलमधल्या फिरनीला तोड नाही. त्यामुळे मातीचे बोल हा एक जरुरी घटक म्हणून णमूद करावा अशी मी याठिकाणी नंदिनी यांना विनंती विशेष करते.

श्रद्धा, नै ना मिळाले मला , आता हे प्रक्रण जमतय म्हटल्यावर नव्या जोमानी शोधीन आता

दिवाळीच्या आसपास शोधाल तर निदान पणत्या तरी मिळतील नक्कीच

संक्रातीची सुगड शोधायचा चान्स हुकला

माझ्याकडे असतील भरपुर पनत्या. आज घरी गेल्यावर बघते

बार्बेक्यू नेशनमध्ये अगदी छोट्या साईझच्या पणतीतच सेट केलेली असते बहुतेक फिरनी. पोर्शन कंट्रोलही चांगला होतो.
हिंजवडीतल्या मरकेशमध्ये मोठ्या सुगडीतून भरभक्कम क्वांटिटीत फिरनी देतात ( ही सुगडीतली बहुतेक बर्‍याच हॉटेल्सना पुरवली जाते ) कोरेगाव पार्कातल्या एबीसी फार्म्समध्येही एकदा तीच मिळाली होती

युकेत असताना नंदिनीलाच विचारुन फिरनी केलेली आहे मी मागे. परफेक्ट झाली होती पण वेळ खूप लागला होता असं आठवतंय. तिथल्या पाकिस्तानी रे. मध्ये अशक्य फिरनी मिळत असल्याने परत घरी करायचा योग आला नाही.

इथले फोटो जबरी आहेत एकेक.

मला एक प्रश्न फिरनी करून इथे फोटो टाकणार्‍यांना विचारायचा आहे की फिरनीसाठी साखर तुम्ही 'अर्धा लिटर दुधाला दोन वाट्या साखर' या प्रमाणाताच घालताय का?

नॉय. 'नेहमीपेक्षा जरा जास्त गोड' लेव्हलची साखर घालायची म्हणजे थंड फिरनीला बरोब्बर होते ती!

मंजूडी, पाउण वाटी घातली मी.

हां.. कारण मी बासुंदीलाही एक लिटर दुधाला पाऊण वाटी साखर असं प्रमाण घेते. फिरनीत तांदूळ असल्याने किंचीत(च) जास्त.. मला वाटलं माझा गोडाचा पारा खाली आलाय की काय

फ्रीज नाही . मातीच्या भांड्यात तशीच बाहेर ठेवली तर फिर्नी सेट होत्व का?

बायको म्हणते अस्लं श्राद्ध्हाला खातात. णको म्हणुन.

श्राद्धाला अख्ख्या तांदळाचे करतात. हे पिठाचे आहे. असा फर्क सांगुन पर्वानगी मिळवली आहे.

मातीची भांडी अजुन बाजारातच आहेत.

'अर्धा लिटर दुधाला दोन वाट्या साखर' >>> नाही. मला तरी अती गोड होइल एवढी साखर घातलेली फिरनी.

फिरनीवर २० नविन पोस्टी आणी परत तोच माझ्या विरुद्ध प्रॉबलेम
मी काय म्हणते... दूध अर्धच घ्या आणि कंडेन्स्ड मिल्क वापरा म्हणजे झटक्यात घट्ट होइल मग साखर मात्र कमी किंवा नाहीच अजिबात.

काल फिरनी करुन बघीतली...
मी २ मोठे चमचे तांदुळ घेतले होते...
ईथे लिहिल्यासारखच सगळं सगळं केलं...
खिरीसारखी व्हायला लागल्यावर गॅस बंद केला...आणि सेट करायला चिनीमातीच्या भांड्यात काढुन फ्रिज माद्धे ठेवली...पण फिरनी सेट झालीच नाही...म्हणजे ती पातळ च राहीली...
कितपत घट्ट झाली की गॅस बंद करणे अपेक्षित आहे...??

माझं काय चुकलं... /?
आणि अजुन एक म्हणजे..माझ्या मिक्सर वर एकदम बारीक वाटले जात नाव्हते तांदुळ...थोडी का होईना पण भरड राहिलीच...तर तांदुळ बारीक करण्यासाठी काही युक्ती आहे का ?

चव मात्र आफलातुन आली होती...मी केशर काड्या टाकल्या आणि थोडा केवडा जल पण...

केली .. केली . .. बहूचर्चित फिरनी अखेरीस केली. धन्यवाद नंदिनी.
मला येकच शंका आहे.
सेट झाल्यावर 'जेली' एवढे घट्ट व्हायला हवे का ? तसे असल्यास मग माझी फिरनी 'सेट' झाली नाही असे म्हणावे लागेल.

फार सुंदर, मऊसूत झाली होती, मातीच्या भांड्यात ठेवल्याने.

पुन्हा एकदा मनःपूर्वक धन्यवाद. परवा ४ लिटरची फिरनी केली होती. जबरदस्त हिट गेली. आता जरा हात बसलाय असं वाटतं. मेलं ते दोनदोन तास चुलीपुढे उभं राहणं तेवढा लै वैताग आहे. पण वर्थ इट.
फोटु नाही काढला सॉरी. माझ्याकडे सुंदर वाट्या पण नाहियेत. पण फिरनी सुरेख आणि मऊसूSSSत झाली होती आणि उपस्थित लोकांच्या जीवाला गार, गार वाटले. जवळजवळ प्रत्येकाने पाककृती विचारली.

आमची मँगो लेयर्ड फिरनी. लय भारी लागते.

पाकृकरता लेखिकेला धन्यवाद

खूप दिवस मनात होतं.. शेवटी मागच्या आठवड्यात केलीच
मस्त झाली होती..

मी फक्त सजावटीकरता बदाम काप वापरले होते, बदाम पेस्ट वापरली नाही.
आणि स्वादाकरता वेलची पूड वापरली.

साखर मात्र दीड वाटी घातली घाबरत घाबरत तरी ती खूप जास्त गोड वाटली सगळ्यांना, पुढच्या वेळी सव्वा वाटी च साखर पूरे.

एक निरीक्षण आहे, दूध गॅस वर ठेऊन ढवळत असताना दाट होत नाही, ढवळताना साधारण जड जायला लागलं की गॅस बंद करावा.

आणि हा फोटो