फिरनी

शूम्पी

शूम्पे

शूम्पी, सायोचं वाक्य तात्पर्य-३ म्हणुन टाक

शूंपी,
रोजा चालूच आहे तर रोज संध्याकाळी इप्तारी समजून खावू शकता एकेक गोळा (खिरीचा हो) काढून तात केवड/बदाम इसेन्स घालून. इप्तारी नाही समजून खाल्ली तरी चालू शकते... (ए. फु. स).

वा! बरेच प्रकार दिलेस की फिरनीचे.. फोटोपण मस्त...

माझ्या सगळ्या हैद्रबादी मैत्रीणी इप्तारीच म्हणतात.

नंदु, छान झाली गं फिरनी. जरा भीत भीतच तांदूळ घातलेले. पण आता भांड्याचा तळ दिस्तोय म्हणजे चांगलीच झाली! मी पायसमदेखील हेच ingredients वापरून करते. तांदळाचा रवा करून डब्यात ठेवला की दिल चाहे तब फिरनी किंवा पायसम! तेवढी धावपळ वाचते ऐनवेळी.
थांकु, रेस्पी आणि वेरिएशन्सबद्दल.

शूम्पी, संपली का फिरनी मग?

रच्याकने, फिरनीच्या वाट्या ठेवलाय तो डबा टार्गेटमध्ये बॅक टु स्कूल भागात दिसला. कुणाला हवा असल्यास सांगा. घेऊन ठेवते.

वा वा सुंदर लेख,कृती आणि सर्वच प्रचि..

फिरनी, चाटून पुसून साफ झाली २ दिवसातच. काळजी नसावी. पुन्हा नक्की करणार.

शूम्पी

डेझर्ट ग्लास भार्री आहेत नम्रता.

Thank you and thanks Nandini for sharing this recipe...it was super duper hit in my daughter's first birthday party

ह्यामधे Condensed Milk घातलं तर चालेल का?

काल एका पॉटलकसाठी काजू-पिस्ता फिरनी केली होती. तांदूळ जास्त प्रमाणात असल्याने नेहमीसारखे रवाळ राहिले नाहीत. काजु-पिस्त्यांची पण बारीक पूड करून घातली. दोन्ही मिळून छान सेट झाली. झटपट होणारा गोड पदार्थ असल्याने टॉप २ (पैला नंबर मँगो शिर्‍याचा) मधे फिरनी गेलेली आहे. त्यात वेगवेगळे सर्विंग बोल्स आणि बारीकसारीक डेकोरेशन मिळून लेमन्यांचा एक्झॉटिक गोड पदार्थ होतो. अर्थातच आवडली सगळ्यांना.

नाही, कुकी डेकोरेशनसाठी रंगीत साखर मिळते इथे ती आहे. फिरनी करताना एक थेंबभर रंग टाकला होता.

कातिल फोटो आहे तृप्ती.

मस्त फोटो. ' लेमन्यांचा ' म्हणजे काय?

layman's terms चं भाषांतर बहुधा...

'एकदम सोपी फिरनी'च्या या बीबीवर आधी केलेल्या फिरनीचा फोटो टाकणे राहूनच जात होते. त्यात रविवारी केलेल्या चित्तथरारक फिरनीची भर पडली. म्हटले, दोन्ही फोटो एकदमच टाकूया.
ही गेल्यावर्षीची -

ही गेल्या रविवारची.

हिची कथा येणेप्रमाणे -
घरच्या गेटटुगेदरला मुख्य मेनू बिर्याणी होता म्हणून मी पंधरा दिवस आधी 'मी गोड म्हणून फिरनी करणार' हे डिक्लेअर केले. त्यासाठी मातीचे वाडगे पण खास आणून घेतले. शनिवारी संध्याकाळी मावसभावाच्या बायकोच्या संक्रांतसणासाठी जाऊन, थकून उशिरा परतल्यावर फिरनी बनवायचा अतिधाडसी बेत आखला. त्यातून माझ्या पाककौशल्याचे कौतुक वाटणार्‍या एका लहान मावसबहिणीला 'मदतीला ये प्लीज' असेही सांगून ठेवले होते. आणि रात्री साडेदहाला फिरनी घडवायला घेतली.
'तांदळाची पेस्ट फार टाकायची नाही, नाहीतर फिरनी अतिघट्ट होईल आणि उद्या कदाचित मंडळींना फिरनीच्या वड्याच खाव्या लागतील' असा विचार मनात आला त्यासरशी पेस्ट करायला ठेवलेल्या तांदुळापैकी थोडे खाऊन टाकले. मग उरलेल्यांची छानपैकी पेस्ट करून दुधात कालवली. दुधाची कन्सिस्टन्सी अजिबात बदलली नव्हती. स्वतःला 'शाब्बास!' म्हणत साखरबिखर घालून फिरनी ढवळणे सुरू केले. मग घड्याळाचे काटे हळूहळू सरकू लागले. फिरनी दाट व्हायचे नाव घेईना. बाजूला मदतीला आलेल्या मावसबहिणीचे पिस्ते कापून झाले होते आणि ती उत्सुकतेने फिरनीकडे पाहत होती. थोड्या वेळाने तिने एका चमच्यात थोडा नमुना घेऊन चाखला आणि 'हे दूधसाखर लागतंय. या स्टेजला असंच लागतं का हे मिश्रण?' असा बालसुलभ निरागस प्रश्न केला. माझा ८० टक्के धीर तिथेच खचला. मग समोरच्या कपाटात मला काजू दिसले. फिरनी एव्हाना आयसीयूमध्ये पोचली होती. उसकी जान बचाने के लिये करण्याच्या डेस्परेट प्रयत्नात मी थोडी काजूपेस्ट केली आणि.. आणि.. रूम टेम्परेचरची काजू पेस्ट गरम दुधात घातली. ताबडतोब त्यांनी गोळ्यांचे स्वरूप धारण केले. मावसबहीण बाहेर टीव्ही पाहायला जाऊन बसली होती एव्हाना! फायनली थकून मी ते सगळे प्रकरण गॅसवरून उतरवले. ढवळून निवू दिले. शक्य झाले असते तर त्यावर पांंढरी चादर सरकवून 'सॉरी.. हमने बहोत कोशिश की पर उसे बचा नही सके!' असंसुद्धा म्हटलं असतं. मग ते सगळे प्रकरण फ्रीजमध्ये ठेवून दिले. व्हॉट्सअ‍ॅपवर जाऊन पब्लिकला 'सॉरी... फिरनीचा फियास्को झाला.. भ्यां भ्यां.' असे मेसेज आणि रडके एमोटिकॉन टाकले. मग कधीतरी रात्री झोप लागली.

दुसर्‍या दिवशी सकाळी उठल्यावर फिरनीला पुन्हा जिवंत करायचा प्रयत्न करायचं ठरवलं. जास्तीचे तांदूळ घेऊन पेस्ट करून ठेवली. पण अजूनही त्या मिश्रणाला हात घालायचा धीर होत नव्हता. तोवर आमच्या स्वैपाकाच्या मावशी आल्या. फिरनीची वार्ता आईकडून त्यांना समजली होती. त्यांनी आल्याआल्या 'चल करू प्रयत्न.. काही होत नाही. होतंय सगळं नीट' म्हणून मला धीर दिला आणि ते मिश्रण नवीन भांड्यात गाळून, काजूचे गोळे मिक्सरमधून फिरवून स्मूथ पेस्ट करून माझ्या हवाली केले. त्यात नव्याने पेस्ट मिसळली आणि 'हर हर महादेव!' म्हणून फिरनी गॅसवर ठेवून ढवळायला सुरुवात केली. मोजून दहाव्या मिनिटाला मिश्रण दाट होऊ लागलं. अर्ध्या तासात निवलेले मिश्रण मातीच्या वाडग्यात भरले. ड्रायफ्रूट मिश्रणाने सजवले आणि फ्रीज करायच्या आधी फोटो काढून पब्लिकला धाडला. टोटल ३४ वाडगे फिरनी झाली.

फिरनीचेही पुनरुत्थान रविवारीच घडले ही त्या आकाशातल्या दयाळू बापाची कृपा!

फिरनी मस्त दिसते आहे श्रद्धा

फिरनी मस्त दिसते आहे श्रद्धा +१

श्रध्दा , सॉलिड कथा आहे फिरनीची आणि तुझ्या जिद्दीची ही
फोटो अल्टीमेट आहे. एक नंबर !!