फिरनी

मंजुडीने बरोबर लिहीलेय. तरीही प्रांता प्रांतामध्ये वेगळी प्रथा असतेच.

आपल्याकडे महाराष्ट्रात सांज्याच्या ( शिर्‍याच्या ) पोळ्या श्राद्धाला करतात, तर गोव्याकडे त्या पक्वान्न म्हणून सणाला करतात, असे एका गोव्यात २ वर्षे राहिलेल्या कुटुंबाकडुन समजले. त्यांनाही आधी हे माहीत नव्हते, तिथे गेल्यावर कळले.

एरवी आपल्याकडे तांदळाची खीर निषीद्ध समजतात, पण वरील पद्धतीने केलेली ( फिरनी म्हणा पाहिजे तर ) खीर ही देवीच्या प्रसादासाठी लागते. मी करते नेहेमी अशी.

टुनटुन, सांज्याच्या पोळ्या हे महाराष्ट्रातही पक्वान्नच आहे

मंजु मलाही हे माहीत नव्हते कारण आमच्याकडे या पोळ्या करतात कधी नैवैद्य म्हणून्:स्मितः

श्राद्धाला कधी केल्याचे मला आठवत नाही, आई पण करीत नाही. पण बर्‍याच ओळखीच्या लोकांकडुन हे कळल्यावर आश्चर्यच वाटले.

आज केली होती या पद्धतीने. नेहमीप्रमाणेच वस्तू गॅसवरून उतरण्याची घाई केली त्यामुळे हवा तेवढा घट्टपणा आला नाही.

वरती दिलेलं साखरेचं प्रमाण हे बहुतेक पश्चिम महाराष्ट्रातल्या गोडघाश्यांनाच ठिक होईल
मी दोन वाट्या लिहिलेलं असून सुद्धा घाबरत घाबरत दीड पेक्षा जास्त आणि पावणेदोनपेक्षा कमी घातली. माझ्यासाठी खूप जास्त झाली साखर. सव्वा वाटी पुरली असती.

गार करायचे असल्याने साखर जास्त लागते हे मात्र खरे आहे. गार करायला ठेवायच्या आधीची चव आणि नंतरची चव यात गोडपणात खूप फरक होता.
नवर्‍याने कधीतरी चालतं जास्त गोड म्हणत साधारण दिड वाडगे फिरनी संपवली. म्हणजे एकूणात व्यवस्थित झाली असावी

माझ्याकडे इसेन्स नाहीयेत कसले तर मी एक प्रयोग करून बघितला तो मात्र फसला. चायनाहून आणलेल्या वाळवलेल्या गुलाबाच्या कळ्या आहेत माझ्याकडे. ज्या पाण्यात टाकल्यावर पाण्याला मस्त फ्लेवर येतो. या कळ्या चमचाभर दुध-पाण्यात भिजवून ठेवल्या आणि वाडग्यात फिरनी ओतल्यावर, गार झाल्यावर प्रत्येकावर अर्धा अर्धा चमचा हे कळ्यावाले दूध पाणी गार्निश सारखे घातले. तेव्हा मस्त गुलाबाचा वास लागला होता. पण खाईपर्यंत तो वास गायब होता.

हि माझी फिरनी

छान आहेत सगळे फोटो.
फ्रिज मधे सेट केल्यावर फायनल कन्सिस्टन्सी कशी येते ? खीरी पेक्षा घट्ट असते का ?

कसली भारी दिसतेय दीपा_एस फिरनी

आपल्याकडे महाराष्ट्रात सांज्याच्या ( शिर्‍याच्या ) पोळ्या श्राद्धाला करतात >> सरसकट नसावं.
मंजुडी, आमच्याकडे - श्राद्धाला ह्या प्रकारे नाही करत खीर (तांदूळ शिजवून).
तांदुळ धुवून, वाळवून,रवा काढून करतात.
मला फार आवडते ती खीर. फक्त पातळ असते ती.

काल बेसिक व्हर्जन केलं फिरनीचं. तांदळाच्या पिठीबरोबर मिल्क पावडरपण घातली होती मी. केसर-विलायची + ड्रायफ्रुट्स. साखर मात्र पाऊण वाटीच घातली आणि तेवढी पुरली. (माझ्याकडे पंजाबी वाटी आहे, आपल्याकडच्या वाटीच्या दिडपट असेल)

माझ्याकडे केवडा इसेन्स नाहीये पण केवडा जल आहे. केवडा जल वापरुन केवड्याचा स्वाद येइल का की त्यासाठी इसेन्सच हवा?

आज केली फिरनी. तांदूळ कॉफी ग्राइंडरमध्ये दळल्याने रवाळ राहिले त्यामुळे फिरनी पण रवाळ झाली. बराच वेळ मंद आचेवर ढवळाढवळ करुन सुद्धा खिरीला येतो तसा दाटपणा न आल्याने धीर सुटून ( मांसाहेबांच हे असंच. जरा स्वयंपाकघरात पाऊल ठेवलं की त्यांचा धीर सुटतो :फिदी:) त्यात दोन पेढे कुस्करुन घातले. केसर ईलायची करायला घेतली ती केसर ईलायची खवा फिरनी झाली. जे काही आहे ते फार छान लागतंय.

२ वाट्या साखर खूप जास्त होइल असे वाटल्याने पाऊण वाटी साखर घातली. ते दोन पेढे आणि साखर असा मिळून चांगला गोडवा आला आहे.

रेसिपी बद्दल धन्यवाद हा फोटो -

अहाहा कसले लाळगाळू फोटो आहेत सगळे!

लहान मुलांचे कप्पे नसलेले लंच बॉक्स मिळतात तसा आहे डबा. मूसच्या छोट्या वाट्या, जेलोचे कप्स व्यवस्थित मावतात त्यामुळे सेट करताना फ्रिझमध्ये झाकून ठेवता येतात.

खव्यामुळे असेल किंवा खवा घातल्यानंतर सुद्धा खूप वेळ मंद आचेवर ठेवल्यामुळे असेल पण छान दाट झाली होती फिरनी. दूध जवळजवळ पाऊणपट आटले होते. नंतर एवढी छान सेट झाली नाही. तांदळाची बारीक पेस्ट न केल्यामुळे कदाचित.

भारी दिसतेय तुझी फिरनी सिंडे.

वा! सिंडीच्या फिरनीचा फोटो कातील आहे.

सोपा आहे की प्रकार.
मस्त फोटो दीपा_एस आणि सिंडी.

फिरनी करायची राहुनच गेली. आत्ता रेसिपी वर आली आणि आठवण झाली. सिंडी फोटो मस्त आहे.

त्या वाट्या किती क्युट आहेत! मस्त दिसतेय फिरनी, करुन बघणेत आणि खाणेत येईल.

काल फिरनी करून पाहीली. अफलातून झाली होती. धन्यवाद नंदिनी.

फिरूनी वर आली फिरनी

मस्तानीची फिरनी मस्त दिसतेय.

२०१२ साली ही रेसिपी वाचली तेव्हापासून करून बघायची होती आणि खाउन पण कारण आधी कधीच खाल्ली नव्हती.
काल फायनली योग जुळून आला. योग जुळायला कारण ठरलं ते फ्रीजमध्ये उरलेलं कंडेन्स्ड मिल्क. (ते वापरून मी काही दिवसांपूर्वी 'ती' फेमस खरवस्/गोडाचा पदार्थ रेसिपी केली होती)
सध्या आई-बाबा इथे आले आहेत आणि बाबांचा उपास सोडायला काहितरी गोड असलेलं त्यांना खूप आवडतं म्हणून मी उत्साहाने बासमती तांदूळ धुवून ठेवला. मिपावर पण एक रेसिपी वाचली होती त्यात बदाम पण घातले असल्याने ते पण १२-१५ भिजवले.
मस्त तांदूळ जरा भाजून त्यांचा रवा काढला. बदामाची पण स्मूद पेस्ट केली. आणि खीर ढवळत उभी राहिले. १० मिनिटात माझ्या मनात आलं की आत्ता वेळ आहे हाताशी तर पटकन सलॉन मध्ये जाउन यावं. मनात आलेली गोष्ट पटकन करून टाकण्याचा स्वभाव असल्याने बाबांनाच फिरनी ढवळत उभं रहा, खाली लागू देउ नका, तांदूळाचा रवा शिजला की गॅस बंद करा आणि निवेपर्यंत ढवळत रहा म्हनजे गुठळ्या होणार नाहीत हे सर्व बजावलं. आईला खीरीवर आणि बाबांवर लक्ष ठेव असं बजावलं आणि बाहेर पडले.
मग मी दीड्दोन तासांनी घरी गेले. धावत जाउन फिरनीचं भांड पाहिलं तर ती घट्ट गोळा हाउन बसली होती.
मी हताश होउन आईकडे पाहिलं तर ती म्हणाली तू पाव वाटी तांदूळ घेतलेस तेव्हाच माझ्या मनात आलं होतं की गावाला पुरेल इतकी फिरनी होइल पण तू माबो रेसिपी म्हणून नाचत होतीस म्हणून मी काही बोलले नाही.... मी म्हणाले की अगं नंदिनी जिने ही रेसिपी लिहिली आहे तिच्या घरी दोनच माणसं खाणारी म्हणून तिनी १ चमचा लिहिलं असेल आणि आपण ७-८ जणं खाणार म्हणून मी पाव वाटी तांदूळ विचार्पूर्वक घेतले होते तव्हा माझ्या माबो रेसिपीला दोष देउ नकोस. पण आत्ता ह्या क्षणी मी तुला शरण आले आहे तेव्हा हे प्रकरण निस्तरू कसं ते तेवढं सांग.. मला तो सर्व गोळा टकून द्यायचं अजिबातच मान्य नव्हतं.
मग तो सर्व गोळा एका डब्यात भरून फीजमध्ये ठेवला आणि त्यातली ४ मोठे चमचे घट्ट पेस्ट + साखर + दूध असं ब्लेंडरवरून फिरवलं आणि परत थंड करायला थोडा वेल फ्रीजमध्ये ठेवलं. जेवताना अप्रतिम चवीची फिरनी खाल्ली. मी त्यात व्हॅनिला एक्सट्रॅक्ट पण घालणार होते पण कोणत्यातरी स्टेजला विसरलेच. बहुधा सलॉन ला जायचा अभद्र विचार मनात घोळत होता तेव्हाच विसरले असणार.
तर हे रामायण लिहायचं कारण असं की मी केली ती चूक तुम्ही करू नका. त्या फिरनीत फुगायचं प्रचंड पोटेन्शियल आहे तेव्हा चमचाभर तांदूळ खूप होतात.
उतू नका मातू नका केली फिरनी टाकू नका.
ही साठा उत्तराची फिर्नईकथा पाचा उत्तारी सुफळ संपूर्ण.

तात्पर्य १: मदर इन नीड इज अ मदर इनडीड
तात्पर्य २: फिरनीची चव फार मस्त लागते.

>>हे रामायण लिहायचं कारण असं की मी केली ती चूक तुम्ही करू नका. त्या फिरनीत फुगायचं प्रचंड पोटेन्शियल आहे तेव्हा चमचाभर तांदूळ खूप होतात>> हात तुझी!!! मला वाटलं घेतलेलं काम अर्धवट टाकून सलॉनला जाऊ नका म्हणशील

मला वाटलं घेतलेलं काम अर्धवट टाकून सलॉनला जाऊ नका म्हणशील>> LOL. सलॉनला न जाउन तांदूळ फुगायचे थांबले असते काय?