बेत काय करावा?

अगं त्यातलं सँडविचेस सोडून मी आधी काहीच करुन नाही पाहीलेलं, त्यामुळे रीस्क नको.
किनोआ/किन्वा खिचडी हा प्रकार कॅकॉ लोकांसाठी ठीक असतो का ?

मवा quinoa चा पुलाव केला होता मी इतक्यात्..तो घरात तरी सगळ्यांना आवडलाय...
त्यात तुम्हाला आवडतील त्या भाज्या घालुन ..वन डीश, सोप, ति़खटाचं प्रमाणही कमी जास्त हवं तसं आणि बाजुला लोणचं/चटणी घेऊन ज्याला हवं तो ते वाढवू शकतो...
दलियाची खिचडी, चायनीज भेळ (पण मला रेसिपी माहीत नाहीये.नेटवर असेल कुठेही) एका पार्टीत मी स्वतः बिन्सची भेळ खाल्ली होती..बिन्सने त्रास होत नसेल तर तो पर्याय पण चांगला आहे....त्यात आधी खाली उकडलेल्या बिन्स/राजमा मग त्यावर तुम्हाला हवे तशा भाज्या, मग कांदा, ट्~ओमेटो असं काही आणि सगळ्यात वर किसलेलं चीज होतं...बिन्स उकडल्यावर थोडं हवं तसं फ्राय करून फ्लेवर द्यायचा म्हणजे कमी ति़खट हवं असेल तर त्याप्रमाणे...आणि मग हे लेयर मिक्स करून खायचं....चालणार्^यांना बाजुला चिप्स धावतील..:)

वेका... एव्हढ्या लोकांनी बीन्स खल्ल्यावर घर तरंगायला लागेल

जायच्या दिवशी कर नं म्हणजे त्यांची त्यांची घरं तरंगतील....:)

BS
रगडा पॅटीस, वडा पाव, चाट, बेक पोटॅटो, बेक व्हेज, ठेपले, परोठे, भानोळे, उत्तप्पा, आम्लेट + ब्रेड...
बरोबर स्मुदी, मिल्कशेक, फालुदा....

मवा, वाफवून केलेले दहीवडे (निशा मधुलिकाच्या वेबसाईटवर आहे पाकृ), दलिया खिचडी / मूडाखि, हिरव्या मुगाचे/ मूगडाळीचे डोसे, व्हेजि-सँडविच/रॅप्स - सूप - सॅलड, पास्ता सॅलड, इडली-चटणी वगैरे. चकोल्या?
अल्पनाने दिलेली अमृतसरी छोलेची पाकृ मस्त आहे, फक्त त्यात तिखटाचे प्रमाण कमी करायचे की तुला चालेल.
भाज्या घालून केलेले पराठे, चटणी.

जेवणासाठी मेनू हवा असेल तर डाव्या बाजूला, म्हणजे रायते, कोशिंबीर, सलाड, चटण्या, चटके/तक्कू/छुंदे वगैरेची बाजू भरभक्कम करायची. उजव्या बाजूला सार/ कढी/ तडका डाळ किंवा फोडणीचं वरण/ ताकातली पालेभाजी किंवा बेसन लावून गोळाभाजी/ कमी तेलातील उसळ असे. भाजी म्हणजे चक्कपैकी फळभाज्यांपैकी झटकन शिजणार्‍या भाज्या (दुधी, तांबडा भोपळा, फ्लॉवर इ.) वाफवून त्यांना थोड्या तेलाच्या फोडणीत परतून मीठ मसाला इ. घालून सर्व करायच्या. भाजलेले पापड, उकडलेल्या बीन्स - मीठ मिरपूड/तिखट भुरभुरून, ताक / दही ठेवायचे सोबत. फुलके. पेज काढलेला भात.

सॉरी, हे जरा विषयांतर आहे.

अरुंधती, मला ते वाफवलेले दहीवडे अजिबात आवडले नाहीत दहीइडली खाल्ल्यासारखी लागत नसेल का?

दही भल्ला खाल्ला आहेस का मंजूडी? हे त्याच घरातले. तेल, तळण नाही आणि वरून चाटमसाला, दही, चटण्या इ. प्रकार.

वेगवेगळ्या डाळी (उडीद, हरभरा, तूर, मूग) व तांदूळ भिजवून, वाटून त्यात भिजवलेल्या मेथ्या वाटून घालायच्या, आले, मिरची, मीठ, हळद, इनो सॉल्ट घालून वाफवून त्याची इडली करतात, त्या प्रकाराची चव मात्र सह्ही लागते. (आमचे पेट्ट नाव - इडोळा = इडली + ढोकळा) त्यासोबत ओल्या नारळाची लसूण घालून चटणी!!!

आता विपू विपू

अकु, छान आयडीयाज. धन्यवाद.

सग्ळयाना धन्यवाद! बरेच options सुचवलेत की आधी ईड्लीच करणार होते, पण देशी mixer तुटलाय त्यामुळे पीठ दळणे शक्य नाही, म्हणून उत्तप्पा, दहीवडा, ढोकळा, त्तसम सगळे out. कीन्वा कीश / casserole करीन बरोबर चहा-कोफी, veg puffs आणि muffins.

पुन्हा विषयांतर
अप्पेपात्रातले दही वडे छान लागतात तसे..

उद्या संध्याकाळी एक अमेरिकन कपल जेवायला घरी येणार आहे. त्यापैकी नवरा गेली दहा वर्षे भारतात असल्याने त्याला भारतीय जेवणाची चांगलीच सवय आहे. पण त्याची बायको व्हेगन आहे.

मी सुरळीच्या वड्या/ पालक पचडी/ अमृतसरी छोले /फुलके / एखादी नॉनमसालेदार ग्रेव्ही/भात आणि दाल फ्राय असा मेनू ठरवला आहे.सोबत पापड/चटणी/ सॅलड वगैरे असेलच.

हा मेनू ठिक वाटतोय का? आणि सर्वात महत्त्वाचे म्हणजे गोडामधे काहीतरी पदार्थ सुचवाल का? ग्रेव्हीसाठी पण ऑप्शन सुचवा. मला इथे चांगलं विकतचं अवियल मिळेल पण ते मेनूबरोबर विसंगत होइल का?

नंदिनी, मेनू वाचूनच तोंडाला पाणी सुटले! अमेरिकन बायकोसाठी सौम्य चवीचे पदार्थ ऑप्शन आहेतच या मेनूत. पारंपारिक गोड पदार्थ हवा असेल तर गाजर/दुधी हलवा किंवा मग फालुदा/ फिरनी?
अवियल तयार मिळत असेल तर ठेव की आणून! मग ग्रेव्ही ऑप्शनला टाकता येईल.

अकु, अगं ती व्हेगन आहे गं. म्हणजे दूधातुपाचे पदार्थ चालणार नाहीत

नंदिनी, गोडामधे खांडवी?
आणि छोले, दाल फ्राय असल्यावर अजून एक ग्रेव्ही लागेल का?

मंजुडी, ग्रेव्ही एकदम सौम्य हवी आहे. कारण तिला काहीतरी खाता यावं म्हणून. छोले आणी दाल फ्राय तसे जरा मसालेदारच होतात.

खांडवी कधी बनवली नाही. बिघडण्याची काही शक्यता आहे का?

नंदिनी फ्रुट सॅलेड आणि जेली करु शकतेस. अवियल मध्ये काय असत?

तांदळाच्या शेवया आणि नारळाचा रस गुळ वेलची घालुन

नंदिनी, मिनोतीच्या ब्लॉग वर विगन फुडच्या/ गोडाच्या पाककृती आहेत. त्या बघ.

ओह्ह... ये मेरे ध्यानमेच नै आया.... गोड पदार्थ : मूगाच्या डाळीचे गूळ घालून नारळाच्या दुधातील पायसम् करता येईल का बघ. वरून ड्राय फ्रूट्स.

किंवा थंडगार केलेल्या फळांच्या फोडी? (कलिंगड, आंबा, खरबूज, पपई, अननस, सफरचंद इ.?) जर क्रीम चालत असेल तर वरून क्रीम घालता येईल.

शीरा जमतो त्यांना खांडवी जमतेच.

मंजुडी. खांडवीचा ऑप्शन ठेवला अहे. आणि आता जरा बाजारात जाऊन आंबे चांगले मिळतात का बघून येते. म्हणजे काही नाही तर आमरस तरीकरता येइल.

सुरळीच्या वड्यांमधे दही / ताक लागेल. तेवढं चालतं का?

नंदिनी, मिनोतीचा हा ब्लॉग बघ. तिच्या ऑलमोस्ट सगळ्या रेसिपीज व्हीगन आहेत.

आंब्याच्या सीझनमध्ये करायला पर्फेक्ट पदार्थ

नंदिनी, मला वाटतं वेगळ्या चवीच्या आवडीची लोकं जेंव्हा जेवायला येतात तेंव्हा एक पदार्थ त्यांच्या ओळखीचा ठेवावा. जसं स्टर फ्राईड व्हेजीज, किंवा सॅलड, किंवा स्वीट डिश.

फ्रूट पाय, केक्स, फ्रूट स्मूदी असं काही आवडेल का?

मला पण नंदिनी कडे उद्या संध्याकाळी जेवायला जावसं वाटत आहे. तू ठरवलेला मेन्यू मस्त आहे गं

मृ, हे तू खाऊ नकोस असं सांगेन तिला. काय करणार? तिलाही एकदम घरगुती इंडियन जेवण जेवायचे आहे. त्यांचे नुकतेच लग्न झाले आहे आणि ती पहिल्यान्दाच भारतात आलेय. आणी तो तमिळ शिव्या देण्याइतका प्रगत आहे.

आर्च, आधी मला हमखास जमणारे पदार्थ थोडे. जे जमतात तेही मायबोलीकृपेनेच. त्यातही अभारतीय पदार्थ जास्त कधी केलेच नाहीत. नविन एकदम ट्राय कराय्ला भिती वाटते. पालक पचडी सोबत एखादे ग्रीन सॅलड करेन. किंवा व्हेज सूप कसं वाटेल?

मघाशी बसून मिनोतीचा बराचसा ब्लॉग वाचला. बिल्वाने सुचवलेला मँगो मूसपण वाचला होता. त्यातले घटक पदार्थ मला मिळतील की नाही याची खात्री नाही त्यामुळे सध्यातरी आमरस/खांडवी हे ऑप्शन्स आहेत.

पालक पचडी सोबत एखादे ग्रीन सॅलड करेन. किंवा व्हेज सूप कसं वाटेल?
>>>सूप नको . सॅलड कर. उन्हाळा आहे न तिकडे.