वाचून पहा तरी एकदा! प्रकरण-ए-थायरॉईड...

thyroid test करतात कशी हे कोणी सांगेल का? म्हणजे जसं सोनोग्राफी machine, xray machine असतं तसं ह्यासाठी काही नसतं का?
मला हेमोग्लोबिन आणि thyroid अशा दोन्ही test करायला सांगितल्या. पण lab मध्ये फक्त रक्ताचं sample घेतलं. फक्त त्यावरून माझ्या गळ्यात काय गडबड आहे हे कसं कळणार?

माझी अंगकाठी बारीक आहे. गेल्या ४-५ महिन्यापासून दिवसाही खूप झोप येतीये. सारखी भूक लागते. खूप घाम येतोय.
प्लीज हेल्प!

पण lab मध्ये फक्त रक्ताचं sample घेतलं. फक्त त्यावरून माझ्या गळ्यात काय गडबड आहे हे कसं कळणार?>>>

थायरॉईडची टेस्ट म्हणजे टी ३ , टी ४ आणि टी एस एच या रक्तातील घटकांची मोजणी.
या वरून थायरॉईड्ची क्षमता कळते आणि यात दोन प्रकार आहेत.
हाय्पो आणि हायपर.
बाकी तुमच्या डॉक्टरांकडून सविस्तर माहिती काढावी.

thanks रेव्ह्यू. म्हणजे माझं bloodsample घेतलं ते बरोबर होतं.
आज 'सकाळ' मध्ये thyroid वर आयुर्वेदिक उपचार म्हणून जो लेख आलाय, त्या मध्ये जे चित्र दाखवलंय
मला वाटल खरी test अशी करतात का काय आणि माझ्या डॉ. नी माझी फक्त blood टेस्ट वर बोळवण केली आणि ५०० रु. उकळले!

चैत्राली, ब्लड टेस्टच करतात. काही प्रसंगी डॉ सोनोग्राफी देखील करायला सांगतात सुरुवातीला. मला सांगितली होती.
पण आता रेग्युलर टेस्ट म्हणून ब्लड टेस्टच करतात. मी दर २-३ महिन्यांनी करते तपासणी. टि३, टि४, टिएसएच टेस्ट करते. क्वचित डॉ. फ्री टि३ टि४ टेस्ट करायला सांगतात (अशी फ्री टि३, टि४ टेस्ट मला सुरुवातीला २-३ वेळा सांगितली होती)

आता लेव्हल विदिन लिमिट आहे ना गोळी घेऊन हे तपासत रहाण्यासाठी मला दर २-३ क्वचित ४ महिन्यांनी (डॉ सांगेल तसं) टेस्ट करुन बघावी लागते

कविन, तुमचा हायपो की हायपर? गोळ्या कायमच्या बंद होऊ शकतात का?

मी गेल्या २ वर्षापासुन हायपर आहे. ८० mg वरुन ५mg वर आहे सध्या पण पूढे काय हे समजत नाही.

हायपो
मला २५ एम्सिजी थायरोनॉर्म चालू आहे.

thanks कवीन.
पण जर reports +ve आले तर हे कायमचं मागे लागणार?

अविकुमार ,
माझा detect झाला तर हायपर चं होईल! मी शेअर करीनच इथे मला डॉ . नी काय सांगितलय ते.
तुमचं वजन कमी झाल होतं ना? मग वाढलं का परत? हे मी स्वतः साठीच विचारतीये. माझा वजन खूप कमी झालय.
औषध- उपचारांनी थोडं वाढलं तर बरंच होईल.

माझं वजन वाढलं होतं, लेव्हल विदिन रेंज आल्यावर पुन्हा नॉर्मल झालं. ह्या गोळ्यांना आपली मैत्रिण मानायचं आणि न विसरता घ्यायच्या त्या. त्यामुळेच लेव्हल नॉर्मल रहातेय हे विसरायचं नाही. गोळ्या कमी मात्रेच्या करायच्या का नाही, करायच्या तर कधी हे डॉ ला ठरवू दे. आपण आपलं गोळ्या घेणं आणि अधून मधून टेस्ट करणं विसरायचं नाही.

पण जर reports +ve आले तर हे कायमचं मागे लागणार?>>> होय. बर्‍याच लोकांना बरच काही मागे लागतं त्यामानाने ही तर एक छोटीशी गोळी आहे. बस्स.

चैत्राली
मागे लागलय वगैरे भावना मनात आणू नका.
मी रेग्युलेटेड डोज दर रोज २ वर्षांपासून घेतोय प॑ण खूप रीलीफ आहे.
आणि अनेकांना हा त्रास असतो पण अगदी नक्की कमी होतो.

तुमचं वजन कमी झाल होतं ना? मग वाढलं का परत? हे मी स्वतः साठीच विचारतीये. माझा वजन खूप कमी झालय.>>>चैत्राली, वजनाची चिंता करु नका. ते होतं परत नॉर्मल.

माझं वजन ९० किग्रॅ होतं ते हायपरमुळे ५७ किग्रॅ झालं होतं. सध्या ९७ आहे!!! (हायपो झाला का काय?!!!!)

वेळेवर न चुकता गोळी घेत रहायचं, काही प्रॉब्लेम्स होत नाहीत.

५७ होईपर्यंत निदानच झालं नाही. डॉ.ला वाटलंच नाही की थायरॉईड असेल म्हणून. एकदा का निदान झालं की लगेच कंट्रोल होतं.

हाय, कविन, दे टाळी... मलापण थायरॉईड आहे... हायपो. वजन वाढतं हायपोमधे म्हणून माझ्या लेकाच्या भाषेत हिप्पो
सगळ्यात महत्वाचं म्हणजे आपल्याला थायरॉईडिझम आहे हे स्वीकारायचं. काही विशेष विचित्रं झालय हे मनातून काढून टाकायचं.
सुरुवातीच्या काळात डोस रेग्युलेट होण्यासाठी, तुझ्या शरीराला गोळ्यांची सवय होण्यासाठी काही वेळ लागेल, वरचेवर टेस्ट्स कराव्या लागतील. चिडचिड, वैताग, क्वचित डिप्रेशन... हा सगळा आपण ह्याला सरावण्याचा भाग असेल...
घरातल्यांना विश्वासात घ्यायचं, मुलं समजण्याइतकी मोठी असतिल तर त्यांनाही. आपण मोठ्यानं ह्या गोष्टी बोलायला लागलो की त्याची तीव्रता कमी होते.
मी फटकन चिडायचे... अगदी काहीही बोललेय. मग स्वतःचा राग, मग गिल्टी... रडारड. काय नव्हेच ते.
स्वतःला जरा सुधरलं की चक्कं माफी मागून टाकायची घरातल्यांची, अगदी मुलांचीही. काहीच दिवसांत वजन, हे मनाचं संतूलन वगैरे सगळं ताळ्यावर येईल.

अजून एक... थायरॉईड काम न करणं म्हणजे आपला बॅटरी चार्जर काम न करणं हे लक्षात ठेवायचं. बाहेरून थायरॉक्सिन घेणं म्हणजे बॅटरी चार्ज करणं. त्याचा डोस आपल्या नेहमीच्या कामांसाठी, आयुष्यासाठी ठरवलेला असतो. मग गोळी विसरणं आणि अती काम किंवा मज्जा किंवा काहीही (ज्यात शक्ती खर्चं होते) हे वरचेवर झालं की, संतूलन बिघडतं.
तेव्हा गोळी घेत रहाणे, आपली एनर्जी लेव्हल लक्षात घेऊन काम ओढवून घेणे (किंवा माझ्यासाठी एकाचवेळी किती दगडांवर पाय ठेवायचा ते ठरवणे)... वगैरे आयुष्याचा सहज भाग होऊन जातो...
चक दे फट्टे... थायरॉईडकी ऐशी की तैशी.

दाद, खरी मैत्रिण ग तू!!! मी पण हिप्पो माझ्या मुलीच्या भाषेत.
आणि आता ही रोजची एक गोळी म्हणजे आयुष्याची सखी आहे. पण नाही घेतली की शरीर थकून जातं, मन उगीच घाबरं होतं. ज्यांना ही गोळी घ्यावी लागते आहे त्यांनी - मैत्रिणी आणि मित्रांनी - नकारात्मक विचार करू नका. मला पण काही महिने लागले हा मानसिक बदल करण्यासाठी. पण जेव्हा केला तेव्हा या गोळीचे महत्व पटले. आयुष्याकडे सकारात्मक होऊन बघु शकते.
थायरॉईडचे विकार - हायपर्/हायपो जगातल्या २०% लोकांना असतात - माझ्या डॉ च्या म्हणण्यानुसार. त्यामुळे आपण एकटे नाही आहोत. यावर उपाय सापडला आहे आणि तो सोपा आहे हे पण काही कमी नाही. योगासनांमुळे हा त्रास कमी होतो असं आताच वजनाच्या धाग्यावर वाचले. याबद्दल अधिक माहिती मिळेल का?

जे हायपोथॉयरॉयड साठी गोळी घेत असतील त्यांनी एक गोष्ट लक्षात ठेवावी की गोळी घेतल्यावर कमीतकमी एक तास काहीही खाऊ पिऊ नये. मी झोपताना गोळीची बाटली जवळ ठेवते.पहाटे ४,५ला जाग आली की गोळी घेते.परत झोप. हे केल्यानंतर वजन कंट्रोल झाले.

माझ्या आईलाही आहे- हायपो. डॉ नी मलाही होणार सांगितलं आहे!
त्यांनी एक टिप दिली ती म्हणजे कच्चा कोबी खायचा नाही. कोबी खायचा असेल (भाजी वगैरे) तर
२० मिनिट शिजवायचा मग खायचा.

मी पण याच नावेत...
T3 & T4 नॉरमल आहे, अ‍ॅन्टीबॉडी ABS पण नॉरमल आहे.
आता जी टेस्ट केली.. thyroglobulin ति आहे @ > 500.00 नॉरमल रेंज <= ६०.००

माझी Endocrinologist ची अपॉइनमेन्ट बुधवारी आहे.. काय म्हणतात काय माहीती..

मी पण फार चिडकी झाली आहे, वजन वाढले आहे, आळशी झाले आहे.. बघू काय होते.. पण टेन्शन आले आहे आता...

मीदेखील हायपो गटातली.गेली १२ वर्ष रोज गोळी(१००mcg) घेणारी. आता एवढी सवय झाली आहे की गोळीशिवाय चैनच पडत नाही!

योगिता, << मी पण फार चिडकी झाली आहे, वजन वाढले आहे, आळशी झाले आहे.. बघू काय होते.. पण टेन्शन आले आहे आता... >>
आळशी - नाही. तू लवकर थकते आहेस. काहीही करावसं वाटू नये (स्लगिशनेस) हे लक्षणच आहे, हिप्पोचं
मी वर म्हटलं तसं बॅटरी चार्जिंगमधे गोंधळ आहे. गोळ्या-डोस अ‍ॅड्जस्ट झालं की, हळू हळू सगळं ठीक होईल. टेन्शन तर अजिबात घेऊ नकोस.

मी साधारण १ वर्ष घेतेय हायपोसाठी ..सुरुवातीला tsh 6.4 काहीसे होते..२५mcgने 5 वर आले, मग ६ महिने ५० mcg घेत होते..हल्लीच परत बघितले तर tsh 0.75. डॉक्टर म्हणे tsh नॉर्मल रेंजच्या खाली आले तर हाडांची झीज होत जाणार..आता ५ दिवस ५०mcg मग २ दिवस अर्धी गोळी (२५mcg) असं चाललंय..१ महिन्याने पुन्हा टेस्ट करुन बोलवलंय.

NANBA khup chaan lekh lihala ahes, actual mala hi thyroid cha tras ahe gelya 5 varshan pasun pan mi niymit goli ghete (THYRONORM 50 MCG) tyamule pushkal recover ahe. tasech doctor yoga pan sangital ahe pan mi karat nahi .jamat hi nahi v kahi alashipana. pan hi goli ayushbhar ghyavich lagnar ahe ka hyavar kahi upay nahi ka.

Kalpana..........

pan maze hat pay dukhat rahtat v hatapayal mungya pan khup yetat yavar side by side kahi heomiopathic or ayurvedic upay ahe ka...................

Kalpana........

मी पण आले ह्याच नावेत.. हायपोथायराईड आहे आजच कळले ५० mcg ची गोळी सुरु झालीय
अगोदर माहीतीच नव्हते की वजन का वाढतेय मला वाटले खाण्यामुळे असेल तर असो.
इकडे बरीच चर्चा झालीय लक्षणांची पण अजुन एक लक्षण आहे स्त्रियांमधे जे म्हणजे छाती दाबल्यावर दुध येणे.. प्रेग्नेट नसल्यावर पण

कनन, तुम्हाला झालेला हायपोथायरॉइडिझम हा कोणत्या कारणामुळे झालाय ते माहीत करून घ्या. तो जर ऑटोइम्यून ऑफ थायरॉइड असेल तर ही गोळी नक्की आयुष्य्भर घ्यायची आहे. तसच ह्या ऑटोइम्यून चा साईड बिझनेस म्हणजे आर्थरायटिस. तो र्हुमॉटॉईडही असू शकतो. हात पाय (सांधे) दुखतात ह्याचं ते ही कारण असू शकेल.
ह्यात घाबरण्यासारखं काहीही नाही... मला हे दोन्ही आहेत आणि मी मज्जेत आहे. डोक्टरांशी बोलून बघा. काही व्हायटॅमिन डेफिशिअन्सीमुळे सुद्धा हातपाय दुखू शकतात. (डी, कॅल्शियम). पण ते आपण नाही ठरवायचं... डोक्टरनी टेस्ट्स करून बघायच्या आणि उपाय सांगायचे. मग ते आपण नियमीत करायचे.
योगासने, प्राणायाम, नियमीतपणा, खाण्या-पिण्यावर योग्य नियंत्रण... हे सगळं न केल्याने क्रॉनिक डिझिझेस होतात... आपणच आपल्याला त्या कड्यावरून ढकलून देतो. किती अजून खाली पडायचं ते ही आपल्याच हातात आहे.
प्राणायाम, आसनं ह्यानं सांध्यांचं आरोग्य नीट राहतय माझं. त्यावाचून उपाय नाही. त्यावरच कोणतही पेन किलर न घेता जगता येतय.
वेळ नाही किंवा आळस हे कारण मला परवडणारं नाही हे कळलं आणि जमलं सगळं.... जमवलं.
माझ्याकडून शुभेच्छा. औषधं काही प्रमाणात उपयोगी आहेत... पण शिस्तं, नियमीतपणा ह्याला उपाय नाही... हे सत्य मला उशीराने कळलय... ते तुम्हाला सांगितल्याविना रहावलं नाही. राग नसावा.

ऑटोइम्यून ऑफ थायरॉइड याचा अर्थ काय.??......

मी कालच डोक्टरानकडे (आयुर्वेदीक) जाऊन आले. हातपाय सारखे दुखतात त्यावर त्यानी म ला b12 & calcium test सागीतल्या आहेत . करुन बघते काय report येतात...... ५० mcg ची गोळी चालुच आहे . सध्या शनीवार व रविवार नाही घ्यायला लावली आहे अस साधराण २ महीन्यापासुन सुरु आहे व आता थायरॉइड test पण करायाला सागीतली आहे बघु या काय reports येतात. व हे खरच आहे की आळस करुन चालणार नाही..

दाद, तुम्ही खुप छान माहीती दिली त्त्याबद्द्ल धन्यवाद...........

ऑटोइम्यून ऑफ थायरॉईड (ह्याला हशिमोटोज डिझीस असंही छान नाव आहे) - गुगलून बघितल्यास भरपूर माहिती मिळेल. सगळेच ऑटोइम्युन रोग हे इम्यून सिस्टिमच्या डिसॉर्डर मुळे आहेत.
साध्या शब्दांत सांगायचं तर एका भल्या दिवशी इम्यून सिस्टिमच्या अंगात येतं. अन माणसाला प्रोटेक्ट करण्याऐवजी ती त्याच्याच चांगल्या चाललेल्या प्रक्रियांवर हल्ला करते.... हल्ला सुरू ठेवते.
माझ्या थायरॉइड ग्रंथी (कारखाना) छानच आहे. अंगात आयोडीन वगैरे कच्चा माल पुरेसा आहे. पण माझी इम्यून सिस्टिम कारखान्याची शिफ्ट सुरू झाली की... कारखानाच बंद पाडते
का? त्यावर पुरेसं संशोधन झालेलं नाही.
आपल्याला काही भयंकर झालय हे आधी डोक्यातून काढून टाकायचं. मधूमेहा सारखाच हा सुद्धा रोग. गोळी ही बाहेरून घ्यायचं ते थायरॉक्सिन आहे... जे अदरवाईज आपल्या ग्रंथी तयार करतात. किंचित कमी, किंचित जास्तण ... ह्याचं संतूलन आपला मेंदू त्या कारखान्याशी बोलून ठरवतो. पण ठराविकच डोस बाहेरून घेत असू तर हे बॅटरी चार्जिंग सारखं आहे. आपला दिवस आपल्या बॅटरीप्रमाणे आखून घ्यायचा अन बॅटरी कमी होत असल्याचं लक्षात आल्यावर आराम करायचा. स्ट्रेस, दगदग टाळायची.... सोप्पय.

असो... तर ही ऑटॉइम्यूनची कथा... 'रोगी अन रोग दोघेही सुखाने नांदू लागले...' अशीच संपवायची आहे आपल्याला. अगदी अशीच... ह्या कथेला दुसरा कोणताही अंत मला मान्य नाही... तुलाही नसावा. इथे येऊन माहिती घेऊन अन देऊन आपल्याला सगळ्यांना हे आणि हेच साधायचय.

खुपच छान माहिती..
माझ्या काही शंका..
घसा/ गळा बाहेरुन थोडा सुजल्यासारखा तसेच चेहरा पण थोडी सुज आल्यासारखा वटतो आहे...
आधी जवळ जवळ २ वर्षा पुर्वी थायरॉइड टेस्ट केली होती तेव्हा सगळ नॉर्मल होत...
PCOS (polysicystic Ovary Syndrome)चा आणि थायरॉइड चा काही संबंध आहे का?
थायरॉइड ची टेस्ट डॉ. च्या प्रिस्क्रिब्शन शिवाय करु शकतो का?
त्या टेस्ट चे नाव काय?

>>PCOS (polysicystic Ovary Syndrome)चा आणि थायरॉइड चा काही संबंध आहे क>><
सगळे हॉरमोनल इम्बॅलस्नस चे शिकारी आहेत.
त्यामुळे इन्डायरेक्टली हो.

>>थायरॉइड ची टेस्ट डॉ. च्या प्रिस्क्रिब्शन शिवाय करु शकतो क>><<
नाही.

मागची पाने चाळा. मी निबंध लिवलाय कोणत्या टेस्ट करायच्या ते.

ज्या मुख्य असतात त्याच सोडून काही डॉ सांगतात्.(म्हणजे डीटेल मध्ये जात नाहीत... कधी कधी काही डॉ. )

धन्यवाद झंपी..

थायरॉइड, मध्ये सर्व शरिराला खाज सुटते का?

जिथे जिथे हा प्रश्न योग्य वाटत आहे तिथे तिथे लिहित आहे..
जर पेशंट पीसीओएस डिटेक्ट झालेला असेल तर..
१) वजन कमी करण्यातला एक उपाय म्हणुन सकाळी कोमट पाण्यात लिंबाचा रस आणि मध घ्यायला सांगतात .. यात मध पीसीओएस ला चांगला पडेल काय ?
कारण मध शुगर लेव्हल वाढवु शकतो.. मग अगदी एक टी स्पून मध आणि २-३ टी स्पून लिंबू रस घेतला तर चालेल काय?
२) नुसते लिंबाचा रस आणि कोमट पाणी घेतले तर फरक पडतो का?