कोणती गाडी घ्यावी?

रेन्टल गाडी कुठे घेऊन जायची म्हटले की एक मानवता म्हणून त्या ड्रायव्हरचेही बाळंतपण करीत बसावे लागते हा एक मोठ्ठाच ड्रॉ बॅक आहे. तो ही नीट असला तर नाही तर उग्र गुट्खा खानारे , पचापचा थुंकणारे रॅश ड्रायव्हिंग करणारे ड्रायव्हर अगदी डोक्यात जातात ट्रीपभर.. >> अगदी खरे व लाख मोलाचे. परवा मी सेलम ला गेले व आले ना ते ही नॉन एसीइंडिकातून. लै वैताग. तो वाहन चालक कार्तिकेयन व शूमाकर चा मिक्स ब्रीड असल्यासारखा १०० च्याच स्पीड ने चालवत होता. हायवे वर लै ट्रापीक. मला तामिळ नाडू आवड्त असले तरी शहीद व्हायची अजून तयारी नाही तमीळ रस्त्यावर. मी त्याला रिलॅक्स रिलॅक्स म्हण्तेय तर तो काय असे तामिळातून विचारतोय. मागचा माणूस काहीतरी विशय काढ्ला कि पूर्ण मान मागे वळवून बोलतोय. फोन घेतोय एसेमेस चेक करतोय. मला रामरक्षा येत नाही नाहीतर मी म्हण्ली अस्ती. उतरल्यावर हात जोड्ले.

माराय मार भद्राय, मार चन्द्राय विधियसे म्हनायचे.. हा का ना का?

कुणीतरी माझ्या प्रश्नाचं ऊत्तर द्या हो!!!

हेय आमच्या गाडीचा नंबर आला. आता पुढील महिन्यात राणी सजवणार. ढांग टिक ढांग टिक टांग.
अ‍ॅक्सेसरीजबद्दल सांगा जाणकार. मला गाडीत विडीओ स्क्रीन आवड्त नाही. पण उत्तम सीट कवर्स,
काचांना हल्की काळी फिल्म, स्टीअरिन्ग ला कवर, पुढे मागे ते अ‍ॅक्सिडेंट गार्ड मिळतात ते लावावेत का?
( बैल गेला झोपा केला न्यायानुसार? :P) मला मायबोलीचा म गाडीच्या मागच्या काचेवर लावायचा होता
त्याचा स्टिकर मिळतो काय?

सॉरी, थोडेसे विषयांतर...

भाड्याने गाडी घेतल्यास (ड्रायवर सह आणि ड्रायवर शिवाय) किती भाडे पडते?(पुण्यातले रेट मिळाल्यास बेस्ट) धन्यवाद!

अ‍ॅक्सेसरीजबद्दल सांगा जाणकार >>>

१.ट्रंक उघडून केनवुडचे मोठे ४ स्पिकर्स न एक मोठ्ठा सब
२. डॅश उघडून तिथे विमानासारखी (किंवा गेलाबाजार व्हॉल्वो च्या बससारखी विविध बटणं, बटण दाबले की गाणी चालू, फ्रिझ उघडे इ इ
३. बॉडीला लायनिंग पेंट
४. पाठीमागच्या काचेवर एक मस्त विंग

हाय काय नी नाय काय.

मनस्मी पुण्यात एविस, हर्ट्स आहे. (ड्रायव्हर शिवाय - रु १०००) भाडे पाहिले होते. तसेच मी एकदा ७०० रु रोज प्रमाणे इंडिका पण (ड्रायव्हरसहित ) घेतली होती. डीसे मध्ये. आता बदलले असेल तर माहित नाही.

४. पाठीमागच्या काचेवर एक मस्त विंग १.ट्रंक उघडून केनवुडचे मोठे ४ स्पिकर्स न एक मोठ्ठा सब>> अनुमोदन. मागे कुत्र्याचा स्टिकर.

पुढे मागे ते अ‍ॅक्सिडेंट गार्ड मिळतात ते लावावेत का?
>> नको, दुर्दैवाने अ‍ॅक्सिडेंट झाला तर गाडीच्या चासिस ला धक्का लागतो. कारण अ‍ॅक्सिडेंट गार्ड shock absorb करत नाहीत.

अ‍ॅक्सेसरीजबद्दल सांगा जाणकार >>>

१. गाडीच्या काचांना 'लुमार' ची फिल्म लावा. थोडी महाग आहे पण चांगली आहे. गाडी आतून तापत नाही. A/C चा इफेक्ट चांगला रहातो. (V-Cool भलतीच महाग आहे)
२. समोरच्या काचेसाठी सुध्दा पारदर्शक फिल्म मिळाते. ही लावण्याचे दोन फायदे, एक रात्रीच्या वेळी समोरच्या गाडीच्या दिव्यांचा त्रास होत नाही आणि दुसर म्हणजे कडक उन्हात सुध्दा गाडी आत खुपच कमी तापते
३. रिव्हर्स सेन्सर्स लावून घ्या. गाडी मागे घेताना आपटण्याची शक्यता कमी
४. रिअर व्हू मिरर मोठा लावून घ्या
५. गाडीला बाहेरून टेफलॉन कोटींग आणि खालून 'Anti-Rust' treatment करून घ्या
६. टायर मधे नायट्रोजन भरून घ्या (टायर ट्यूब-लेस असतील तर उत्तम)
७. Aura चे alloy wheels लावून घ्या
८. बॉनेटच्या आत एक छोटा दिवा बसवून घ्या

जबरी धागा आहे हा. छान माहिती, धन्यवाद. साजिर्‍या आय-२० च्या लूक्स बद्दल अनुमोदन.

मन्या धन्यवाद. काम चालूच आहे.

साजिरा,
थॅन्क्यु
मला नाही तर दुसर्या कुणाला कामात येईल ही माहिती
लिनीया पण फार आवडते पण पुण्यात चालवणे म्हणजे खरंच ताप..

समोरच्या काचेच्या फिल्मिंगबद्दल .... यामूळे पावसाळ्यात (low visibility मुळे) गाडी चालवीताना त्रास होवु शकतो का ? रात्री आपल्या गाडीच्या हेडलाईट मुळे एकवेळ दिसेल पण पावसाळ्यात आणी दाट धुक्यात हेडलाईटचा फारसा उपयोग होवु शकत नाही. तिथे या फिल्म मुळे आणंखि त्रास होवु शकेल असे मला वाटते.

शेवर्ले च्या स्पार्क बद्दल लिहा ना कुणाला माहिती असेल तर.
शेवर्ले चं ३ वर्षांच शेवर्ले प्रॉमिस आहे. maintainance, servicing, plastic parts वगैरेंची कॉस्ट झीरो असा त्यांचा दावा आहे. wagon-R (k-series engine) पेक्षा प्राईस कमी आहे आणि जास्त आकर्षक पण वाटली त्यामुळे स्पार्ककडे मन inclined होतंय.

कुणाकडे आहे का? फायदे/तोटे किंवा मार्केट रिव्ह्युज कुणी देऊ शकेल का?

आमची गाडी मूळ नक्षत्रावर असेंबल झालीय बहुतेक. शोरूम मधून निघतानाच ठोकले,
काल पोस्टाने आरसी कार्ड आले त्यावर नंबर ३३६८ आणी त्या लोकांनी फोनवर सांगितला होता ३३६७ म्हणून ३३६७ प्लेट बन्वून इतके दिवस वापरली. आज परत भुर्दंड करेक्ट नंबरप्लेट बनवायचा! चुकीच्या प्लेटी घरी घेऊन आले. त्याचा काहीतरी आर्ट प्रॉजेक्ट करीन.

हे वेंधळे पणाच्या बीबीवर टाकावे काय?

इमोशन पॅक काय आहे?

निसान ची एक मायक्रा म्हणून ही आली आहे. स्पेक्स हवेत का तर टाकणार. शोरूम बगलमेंही है. दो मिनिट में लाके देतूं.

निंबू, बीट पण आहे शेवर्लेची.

Micra चा review "http://www.carwale.com/research/upcomingcars.aspx?id=47" इथे वाचा.
१.२ लि. इंजीन जरा under powerred वाटत.

Fiat Punto ची road-test "http://www.carwale.com/research/roadtests/view.aspx?id=75" इथे वाचा

मी Punto चालवून बघीतली आहे. मस्त गाडी आहे. Fiat चा मुख्य problem म्हणजे after sales service and availability of parts. टाटा बरोबर tie up करून सुध्दा यात फारसा फरक पडला नाही. त्यामुळे चांगल्या गाड्या असूनही म्हणाव्या तश्या खपत नाहीत.
Linea Petrol पण चांगली गाडी आहे. ही गाडी Honda City 2008 पेक्षा जास्त Fuel economic आहे असे बर्‍याच जणांचे म्हणणे आहे. विशेष म्हणजे लिनीया इमोशनल पॅक १.४ (Fully Loaded) ही सीटी १.५ S MT पेक्षा सव्वा लाखाने स्वस्त आहे. (Ex-Showroom price)
जर डिलर नेटवर्क सुधारलं तर Fiat ला नक्कीच चांगले दिवस येतील.

निंबू, बीट पण आहे शेवर्लेची.
<>>>

हो मामी. बघून आलो ती. पण तिला ३ वर्षांच शेवर्ले प्रॉमिस नाहिये. १३क extra टाकून ते विकत घ्यायचं. आणि आत बसून पाहिलं तर स्पार्क पेक्षा अंधारी आणि मागची सीट फक्त २ जणांना कंफर्टेबल आहे. मलाही आधी बीट चा आकार जाम आकर्षक वाटला होता. पण शोरुम मध्ये जाऊन प्रत्यक्ष पाहून आल्यावर स्पार्क चे फीचर्स जास्त छान वाटले.

साजिरा, तुमच्या पोस्ट ची वाट पाहत आहे.

साजिरा, किती वाट पहायला लावायची. असो

आमचा तरी सध्या वॅगनआर की स्पार्क असा dilema आहे. cardekho.com वर या दोन्ही cars चे comparison पाहिले आहे technical and functional बाबींमध्ये. वॅगनआर चा response great च आहे यात काही वाद नाही पण इथे स्पार्क चा अनुभव किंवा माहिती असलेलं कुणी आहे का ते पहाय्चं होतं. कधी कधी दुसर्‍यांचे अनुभव खूप उपयोगी पडतात.

बीट नक्की घेणार नाहीये. आमच्या फॅमिली मध्ये मी, मोदक, साबा, साबु, दीर आणि आमचे पिल्लू असे सर्व आहोत. एकदम पहिल्याच फटक्यात मोठी car घ्यायला जमणार नाहिये पण निदान ५ जण नीट बसू शकतील अशी फॅमिली car हवीये. शिवाय बजेटचा ही प्रश्न आहेच. त्यामुळे बीट आणि रिट्झ वर फुल्ली. त्या यंग जनरेशन ला attract करणार्‍या cars आहेत.

गेल्या आठवड्यात इथे एक वाइट अपघात झाला. कोटा नावाचे विनोदी अभिनेते आहेत. त्यांचा मुलगा एअरपोर्टच्या रस्त्यावरून ६०० सीसी स्पोर्टस बाइक चालवत होता. एकदम समोरून डीसीएम मिनि लॉरी आली व त्याने जरी ब्रेक दाबला तरी बाइक थांबली नाही व हेड ऑन कोलिजन होउन तो गेला. चाळीशी पण गाठ्ली नव्हती. बाकीचे घरचे गाडीतून त्याच्या मागून येत होते. लगेच त्याला वैद्यकीय मदत वगैरे मिळाली तरीही उपयोग झाला नाही.

इथे लिहीण्याचा उद्देश हाच की आपल्या हातात अति उत्तम मशीन असले तरीही रोड कंडिशन व इतर वाहन चालकांचे वर्तन आपल्या हातात नसते. हैद्राबादेतील हा ओआरार अतिशय अपघात प्रवण रस्ता आहे. चक्क बंदी असूनही ट्रक व दुचाकी गाड्या त्यावरून चालवितात. ट्रक वाल्यांनी अपघात केले तरी ते पळून जातात नाहीतर बेल वर सुट्तात. ही आपली भारतीय रिअ‍ॅलिटी आहे.

सर्व वाहनप्रेमींना सावधानतेचा इशारा मधूनच. चुकीच्या जागीलिहीले असेल तर उड्वावे.

बाप्रे, मामी तुम्ही म्हणता ते खरंय. भारतात कुठेच कायद्याचे नीट पालन होत नाही.

साजिरा, धन्स तुम्ही दिलेल्या माहितीबद्दल. आम्हीही स्पार्क चे टॉप मॉडेल (LT) फायनलाईज केले आहे. तुमच्या response साठी थांबलो होतो. धन्स परत एकदा.