कोणती गाडी घ्यावी?

फियेस्टा, एसेक्स४, लोगान, अल्टो या गाड्या आता घेऊ नयेत. या गाड्या 'बदलून' येणार आहेत, असं मी वर कुठेतरी लिहिलं होतं.

एसेक्स४, वॅगनआर, अल्टो या आता 'के-सिरीज' च्या नवीन इंजिनांसह येणार आहेत, असे मारुतीने काल जाहीर केले आहे. (ही 'के-सिरीज' इंजिने स्व्फ्ट, रिट्झ, ए-स्टार, एस्टिलो इ. मध्ये आधीच लावली आहेत). आणि तशा बातम्याही आज सगळीकडे आहेत. नवीन एसेक्स४ ची आज टाईम्सला जाहिरातही आहे, पान भरून.

पण तरीही माझ्या मते-
पेट्रोल- एसेक्स४ (८ लाख) चा विचार करणार्‍यांनी, थोडे जास्त पैसे मोजून होंडा सिटी (९ ते ९.५ लाख) किंवा थोडे थांबून २०१० च्या पहिल्या किंवा दुसर्‍या तिमाहीत येणार्‍या ऑल-न्यु फोर्ड फिएस्टाचा (९ लाख) विचार करावा.

डिझेलसाठी फियाट लिनिया (८.५ ते ९.५ लाख) आणि ह्युंडाई वरना (८.५ ते ९ लाख) हे पर्याय आहेतच. परंतु याही गाड्या २०१० मध्ये मॉडिफाईड व्हर्जन्स बनुन येणार आहेत. लिनिया १.३ लिटर्स ऐवजी जास्त ताकदवान १.६ लिटर्स इंजिनात येईल तर नवीन हुंडाई 'वरना-ट्रान्सफॉर्म्ड' मध्ये काही इंजिन रिफाईनमेंट्स तसेच इंटेरियर-एक्स्टेरियरमधले बदल होतील.

योगिताच्या केसमध्ये, लिंभाऊला अनुमोदन.
फक्त एक सामाजिक/राष्ट्रीय जबाबदारी/कर्तव्य म्हणून १५ वर्षांच्या पेक्षा जुनी गाडी विकत घेऊ नका, वापरू नका.

सक्षम, थोडा खोलवर जाऊन विचार करा.
कर्ज म्हणजे घरबुडवेपणा, ही समजूत जुनी झाली. कर्जे उचलून शहाणपणाने वागून प्रगती केल्याची नुसती आजूबाजूच्या कुटूंबांत/नातेवाईकांतच नव्हे, तर मोठ्या, बहुराष्ट्रीय कंपन्यांतही उदाहरणे सापडतील. सामान्यत: एकाच उत्पन्न पातळीवर जगातला कोणताही माणूस आयुष्यभर राहत नाही. आज जड वाटत असलेला हप्ता वर्षभराने हलका वाटतो, आणि पाच वर्षांनी जाणवतही नाही. विशेषतः होम लोन ही तर मला अभिमानाची गोष्ट वाटते. तुम्ही स्वतःच्या हिंमतीवर घर घेतले आहे, ते कर्ज फेडण्याची कुवत/धमक तुमच्यात आहे, आणि तुमची ही कुवत तुमच्या बँकेनेही ओळ्खून एक प्रकारे तुमचा सन्मान केला आहे, एक प्रकारे तुम्हाला सामाजिक प्रतिष्ठाच दिली आहे- या पद्धतीने विचार करा. घराच्या हप्त्यांधल्या वार्षिक व्याजाच्या भागासाठी सरकार तुम्हाला टॅक्स मध्ये सुट देते, यातच सारे आले. शिवाय गृहकर्जाचा व्याजदर इतर कर्जांपेक्षा सर्वात कमी असतो, हेही एक मुख्य कारण.
यामुळे, काही अपदात्मक परिस्थिती वगळता, घराचे कर्ज लवकर 'निल' करण्याच्या भानगडीत पडू नका.

मित्र म्हनतो मंग आपन कधी हिंडायचं फिरायचं? आपल्या इच्चा कधी पुर्या करायच्या ? >>>
हा मुद्दा माझ्या दृष्टीने सर्वात महत्वाचा आहे. (स्वतःच्या हिंमतीवर) पंचविसाव्या वर्षी घेतलेली ३ लाखांची गाडी, तिसाव्या वर्षी ५ लाखांची गाडी, पस्तिसाव्या वर्षी १० लाखांची आणि चाळिसाव्या वर्षी घेतलेली ३०-४० लाखांची गाडी यांची किंमत माझ्या मते सारखीच आहे. वय वाढते, भावना बोथट होतात, फुलपाखरू अन इंद्रधनुष्ये बघून हरखायचे-नाचायचे दिवस संपतात अन मग लक्षात येतं, अरे, इतके दिवस घास घास घासलो, काम केलं, ते कोणासाठी? मी, माझी हौस-मौज तर राहून गेली तशीच!!

वय वाढल्यावर रोल्स रॉईस अन लँबर्घिनी पण येईल एखादे वेळेस; पण उमेदवारीच्या काळात हिंमत दाखवून, कर्ज काढून, हप्ते फेडून घेतलेल्या मारुती ८०० किंवा अल्टोइतकं सुख अन अभिमान नाही देणार ती.

हा अतिशय साधा असा 'लॉ ऑफ मार्जिनल युटिलिटी' आहे. हातात भाकरी अन पोटात प्रचंड भुक असल्यावर त्या भुकेची किंमत करोड रुपयेही होईल. पण एकदा का अर्धी भाकरी खाऊन संपवली, की हातात उरलेल्या अर्ध्या भाकरीची किंमत अर्धा कोटी नाही, तर त्यापेक्षा खुप कमी होईल.

हा सारा निर्णय जनाचे अन मनाचे ऐकून, नीट विचार करून, परिस्थिती अन भविष्यातल्या संधी बघून घ्यावा; हे ओघाने आलेच.

ही ती हिरवी गाडी. (ग्रीन कार).

चार्ज केलेल्या बॅटरीवर चालणारी ही गाडी. इलेक्ट्रिक कार. एकदा चार्ज केल्यावर साधारण ५० किमीपर्यंत जाणारी. या २ सीटर गाडीची किंमत ४ लाखांपेक्षा जास्त आहे. भारतात काही वर्षांपुर्वी बंगलोरच्या कंपनीने लाँच केली, तेव्हा बेडकासारखी दिसणारी, अन रिक्षापेक्षा लहान भासणारी गाडी बघून अनेकांनी नाके मुरडली होती. पण तिचे भविष्य चांगले आहे, हे नक्की.

काही बदल करून, अधिक आकर्षक करून ती अमेरिकेत नेण्याचे या कंपनीने ठरवले आहे. आता आहे तेच मॉडेल तसेच 'रेवा नेक्स्ट' हे आणि आणखी काही मॉडेल्स घेऊन. त्यांची किंमत बहुधा १० लाखांपेक्षा जास्त असणार. शिवाय चार्ज केल्यानंतर ती १२५ ते १५० किमी न थांबता चालू शकेल.

ही गाडी अमेरिकेत बनवून जगभर वितरित करण्यासाठी तिथल्या काही कंपन्यांशी ही बंगलोरची कंपनी बोलणे करते आहे. (छे, छे!! आता आपली अर्थव्यवस्था इतकी वाईट झाली, की भारत आता आपल्याकडून आऊटसोर्स करणार??!!- अशी काही अमेरिकनांनी कॉमेंट केल्याचीही बातमी आजच वाचली. )

इंधन न लागणारी environment friendly car. आता टाळले, तरी भविष्यात हिची गरज आपल्याला नक्कीच भासणार आहे. व्हाट्से?

मागल्या आठवड्यात लाँच झालेल्या जनरल मोटर्स (शेवर्ले) च्या 'क्रुझ' गाडीची टेस्ट राईड मी आजच सातारा रोडवरल्या पाषाणकर ऑटोमध्ये घेतली. (दिवाळीच्या आधी 'बिग बॉसच्या' घरात बॉक्समध्ये ठेवलेली तीच ही गाडी). जनरल मोटर्सने ही गाडी इतर देशांतही आधीच उपलब्ध केली आहे. (बरोबर ना? जाणकारांनी सांगावे.)

होंडा सिव्हिक, टोयोटा करोला, स्कोडा आणि जनरल मोटर्सच्याच ऑप्ट्रा शी स्पर्धा करणारी ही गाडी. परंतु क्रुझ आता फक्त डिझेलमध्येच आली आहे, अन येत्या काही महिन्यात पेट्रोलमध्येही ती उपलब्ध होईल. ऑटोमॅटिक ट्रान्समिशनवाली यायला मात्र वर्ष जाईल, असे ते म्हण्ताहेत. सध्या उपलब्ध असलेली क्रुझ पुण्यात १४.६१ लाख इतक्या किंमतीत रस्त्यावर येईपर्यंत पडेल. (सिव्हिकची किंमत- १३.५ ते १४.५, करोला- १२.५ ते १४)

२.० लिटर्स (२००० सीसी) क्षमतेचे पॉवरफुल डिझेल इंजिन. डायनॅमिक, मॉडर्न, व्हायब्रंट म्हणता येतील असे लुक्स. (पण 'छ्या! सिव्हिक ची मजा नाय ब्वा!' असं होंडाप्रेमी म्हणतील, हे नक्की!) छान पिकप, कमी आवाज, कमी स्पीडला नॉकिंग नाही, व्हायब्रेशन्स नाहीत आणि इझी हँडलिंग ही वैशिष्ट्ये थोडे अंतर गेल्यावर लगेचच जाणवली. बाकी कीलेस इंजिन स्टार्ट (बटन स्टार्ट), क्रुज कंट्रोल फंक्शन (हे सिव्हिक मध्येही आहे), मागचे सीट ६०:४० स्प्लिट होऊन मागच्या बुटला (डिकीला) आतुनच अ‍ॅक्सेस, टिल्ट आणी टेलेस्कोपिक स्टिअरिंग अ‍ॅडजस्टमेंट, स्टिअरिंग माऊंटेड ऑडियो आणि इतर कंट्रोल्स इत्यादी सोयी आहेत.

२ एअर बॅग्ज, ऑटोमॅटिक क्लायमेट कंट्रोल, ड्रायव्हर इन्फर्मेशन सिस्टिम, अ‍ॅलॉय व्हील्स हे इतर नेहेमीचेच.

बरोबर किरु. फ्युएल इकॉनॉमी आणि जबरदस्त युटिलिटी यांच्या जोरावर इतक्या नवीन गाड्या (त्यातही खुद्द मारुतीच्याच जास्त आहेत) येऊनही अजून या गाडीला मागणी आहे. एवढेच नव्हे, तर २०१० मध्ये तिची सुधारित आवृत्तीही येते आहे. वॅगनआर-ड्युओ ही पेट्रोल तसेच एलपीजीवर चालणारी आणखीच मस्त गाडी.
सँट्रोसारखीच मोठी हेडरूम आणि सीट्सची अ‍ॅरेंजमेंट ही ठळक वैशिष्ट्ये. (पण याचमुळे हायवेला, जास्त वेगात थोडी अनस्टेबल होते हा एक छोटासा तोटा).

आजचा अख्खा 'टाईम्स ऑफ इंडिया' फोक्सवॅगन ने 'विकत' घेतला आहे, असे म्हटले तरी चालेल. आजच्या टाईम्सला (मेन इश्यु) पाने २०+४. त्यातली '+४'- चारही फुल पेजेस- हे फक्त फोक्सवॅगन. (हे '+४' म्हणजे अख्ख्या अंकाला एक कव्हर, अन त्यावरही रीतसर टाईम्स ऑफ इंडियाचा लोगो). २० पानांपैकी खालील पानांवर फोक्सवॅगनच्या जाहिराती (फुल / हाफ किंवा क्वार्टर पेज)..
१, ५, ७, ९, ११, १३, १५, १७.

आयला, हा अभिनव प्रकार त्या 'जाहिराती देता का कुणी..' बीबीवर टाकला पाहिजे. असो. हे इथे लिहिणे खरे तर अस्थानी. पण 'फोक्सवॅगन' किती तयारीने भारतात उतरली आहे, हे दाखविण्याचा प्रयत्न.

चाकणला भरपूर गुंतवणूक करून एक मोठा, वर्षाला एक लाखांपेक्षा जास्त गाड्या बनवू शकणारा अद्ययावत प्लँट त्यांनी यावर्षी सुरू केला आहे. पुण्यात 'दास ऑटो' हा त्यांचा डीलर.

फोक्सवॅगन ही ऑडी, स्कोडा, बेंटली, बुगाटी, लँबोर्घिनी.. इ. ची बहिणच म्हटली पाहिजे. खरे तर एकच ग्रुप, पण आपापली वेगवेगळी उत्पादने घेऊन स्वतंत्रपणे बाजारात अस्तित्व.

दणकट बांधणी, सुरक्षिततेची पुरेपूर काळाजी, पॉवरफुल गाड्या, नवनवीन तंत्रांचा आवर्जून वापर ही जर्मन कंपन्यांची वैशिष्ट्ये सांगता येतील. मागल्या वर्षी भारतात प्रिमियम सेगमेंटमधल्या 'जेट्टा' आणि 'पस्साट' आल्या, अन त्यांना मिळणारा प्रतिसादही हळूहळू वाढतो आहे. विशेषतः जेट्टाला. ही पुण्यात १७-१८ लाखांपर्यंत, तर पसाट २२-२३ लाखांत जाते. या प्राईस रेंजमधले स्पर्धक- स्कोडा सुपर्ब, होंडा अ‍ॅकॉर्ड, ह्युंडाई सोनाटा, टोयोटा कॅम्री इ.

जेट्टाची टेस्ट राईड मी घेतलेली नाही. (लवकरच दास ऑटोमध्ये जाऊन घेईन). पण या गाडीचे रिव्ह्युज अतिशय चांगले आहेत.

'फोक्सवॅगन'च रे झकासा.

आणखी एक म्हणजे, लिजंडरी 'बीटल' नव्या रुपात येते आहे भारतात. अनेकांच्या नॉस्टॅल्जियाला हात घालायला. डिसेंबरमध्ये दिसेल ही गाडी भारतात.

लौकिकार्थाने 'स्मॉल' कार, पण किंमत अंदाजे १३-१५ लाख असणार. (हा माझा अंदाज). हिची स्पर्धक- 'क्युटी' म्हणून ओळखली जाणारी फियाटची '५००'. (किंमत १७ लाख - ऑन रोड, पुणे). हा बघा तिचा फोटु. (टिळक रोडच्या पंडित ऑटोमध्ये बघायला मिळेल).

हा उच्चार असा का आहे >> अच्छा अच्छा. मला वाटले- 'नक्की काय उच्चार आहे' हे विचारतोयस. 'का आहे' ते नाय ब्वा माहिती. कूनाला माहिती असेल तर लिहा. मलाही उत्सुकता आहे.

वोल्सवॅगन नाही. volkswagen- 'फोक्सवॅगन'च रे भो.
फार तर हिंदीमध्ये 'फोक्सवागन' म्हण.