खाऊगल्ली - आजचा मेनू - (७)

सगळे पदार्थ मस्त! सध्या सिक्किममध्ये आहे. लोकल
शेल रोटी नेपाळी डीन ही बटाट्याच्या भाजी बरोबर खातात. आम्ही नुसतीच खाल्ली थोडीशी गोडसर चव असते . होम स्टेमधील जेवण

क्रोकरी छान आहे.

ताज्या कोकमाची सोलकढी पण छान लागते, रंग पण सुरेख येतो.

हॉस्टेल रेसिपी चा स्वतंत्र धागा काढता येईल.
Innovative recipe असतात हॉस्टेल मध्ये, आमच्या हॉस्टेल मध्ये एक स्टीलची बकेट होती, अंडी खाणारी जनता त्यात हिटर सोडून अंडी उकडवत ठेवायचे, खूप वेळखाऊ प्रकरण
इस्त्रीवर पापड भाजणे, केटल मध्ये तर अनंत प्रकार व्हायचे.

रस घावन, लेकाची फर्माईश

Wow मस्त

सिक्किमच्या होमस्टेमधील घरगुती जेवण

सिक्किमच्या होमस्टे यावर एक लेख येऊ देत आता..

रस घावन गोड असतं का?
घावन नेहमी सारखे आणि ते रसात असंच असेल ना?
तर रसाची पाकृ सांगाल का?

सिक्कीम घरगुती जेवण छान. खाल्लंय असं तिथे.

रस म्हणजे नारळाचं दूध. निगुतीने काढायला लागतं. त्यात किंचित सुंठ/ आलं (ऐच्छिक आणि फक्त हलक्या स्वादापुरतं), वेलचीपूड आणि गूळ घालायचा. रस-शेवई पण करतात आणि रस घावन पण.

Hi मानवदा
प्रज्ञा ने लिहिले तेच रस घावन करताना, नारळाचं दूध त्यात गुळ जेवढे गोड हवे त्याप्रमाणे, किंचित मीठ आणि वेलची पूड घालायची.
घावन करताना तांदूळ पीठ + पाणी + मीठ किंवा तांदूळ भिजवून वाटून मग करायचे. घावन मऊ झाले पाहिजेत आणि घावन करताना तव्याला तूप लावायचं, तेल वापरायचं नाही.
डिश मध्ये गरम घावन घेऊन त्यावर रस घालून एक दोन मिनिटे मुरू द्यायचं आणि मग खायचे

तुम्हाला आंबोळ्या जमतात म्हणजे घावन नक्कीच येत असतील.
अशीच खापरोळी पण करतात त्यात आंबोळी आणि रस असतो.

धन्यवाद प्रज्ञा, मुग्धा.
हे करून बघेनच.

मंजूताई, काय आहे हा पदार्थ?

( बाय द वे, मला ते चमचे असे उलटे ठेवलेले अजिबात आवडत नाहीत! उचलून घेताना हात लागतो ना......त्यानेच कसे खायचे?)

कुठल्याच पदार्थांची नावे कळली नाही एकतर कधी न ऐकलेली नावे आणि त्यात त्यांचे अगम्य उच्चार... चमचे डेकोरेशनसाठी उलटे ठेवलेत.

पेल्यात ठेवलेले चमचे म्हणत आहेत त्या.
त्या पदार्थाला टिंगमो म्हणतात.

अच्छा ! माझ्या तर लक्षातच नाही आलं. …..जेवायला बसायच्या आधीच चमचे काढून घेतो…. घरी दांडी वर ठेवतो. हातानीच तर जेवतो हात लागला तर त्यात काय मोठं…. प्रत्येकाची आवड प्रत्येकाचा विचार….असो !
मानव, सोपं तर नाव आहे बहिणीला सांगितले होते पण तिला कळलेच नाही. माझं लंघन होतं त्यामुळे नाश्त्याला गेलेच नाही. गृपवर टाकलेला फोटो इथे टाकला.

>>>> उलटे ठेवलेले अजिबात आवडत नाहीत!
बरे झाले कळले ते. नाहीतर पंचाइत झाली असती.

हो. मी पेल्यात ठेवलेल्या चमच्यांबद्दल म्हणतेय.
आपलाच हात लागला तर ठीक आहे. पण वेटर ने अथवा अजून कुणी, चमचा दिला काढून, तर त्याने खायला कसेसे वाटते!

सामो , लक्षात ठेव हं, मला बोलावशील तेव्हा !

टिंगमो!!!

उकड असते तांदळाची तसे आहे का?