कैरी-आंब्याच्या गुजगोष्टी / आम्रचर्चा

थँक्स सर्वांना.

फोटो काढता येत नाहीत, मोबाईलही जुना झालाय, मांडणी वगैरे थोडीफार इथल्या काहीजणांकडून प्रेरणा घेऊन केलेला प्रयत्न.

नाव गाव फळ फुल झालंय आज माझ्याकडून

ओह गणपती केलायस अन्जू आत्ता कळलं.

नाही असं काहीच ठरवून केलं नाही, पण गणपतीबाप्पा वाटला असेल तर थँक्स, मलाही नव्हतं माहिती. दोन तीन प्रकारे मांडले त्यात हे बरं दिसलं, आधी फुल बाहेर स्टुलावर adjust करत होते, होत नव्हतं त्यामुळे असं ठेवलं, नवराही म्हणाला मधे ठेऊन बघ. तसं ठेवलं.

आता तू म्हणालीस म्हणून परत बघितलं तर मलाही गणपतीबाप्पाचा भास झाला, थँक्स परत एकदा.

>>>>> मलाही गणपतीबाप्पाचा भास झाला,

यु आर वेलकम.

देखणे आंबे.

अंजू, तू वरती लिहिले आहेस
बिल्डिंग म्हणजे आमच्या विंग मध्ये काहीजणांना वाटते, तसे वाटले, माहेरी पाठवले, मग

हे वाचून मला वाटले की.. तुमच्या बिल्डिंग मधील काही लोकांना असे ( कायमच !) वाटते, की तू माहेरी आंबे पाठवतेस!!

वाचून मला वाटले की.. तुमच्या बिल्डिंग मधील काही लोकांना असे ( कायमच !) वाटते, की तू माहेरी आंबे पाठवतेस!!..... मलाही.
दुसऱ्यांदा वाचले त्यावेळी कळले.

अंजू , आंबे मस्तच दिसतायत. खरंच गणपती वाटतोय. लिली शोभून दिसतेय आंब्यावर.
कोकणात आंब्याला देव च मानतात , सगळ अर्थ कारण त्यावर अवलंबून म्हणून. त्या दृष्टीने ही फुल ठेवणं समर्पकच.

हापूसचे भाव चढेच आहेत मात्र...... हो. त्याही पेक्षा पायरी महाग मिळाला. पायरी फारच कमी मिळते हल्ली.
FB वरुन एकीशी 2020(बहुतेक) साली संपर्क साधून पायरी मागवली होती. अफलातून गोड आणि एकदम मोठ्या आकाराचे पायरी आंबे त्यावेळी खाल्ले.नंतर तीच पार्टी माझी पायरी supplier aahe. विजयदुर्ग हापूसवाला वेगळा.

आजही एकाची FB वर add पहिली. बरेच कमी दराने हापूस आहेत. पण आता अनोळखी माणसाशी व्यवहार करायला नको वाटते. 5-६ वर्षांनी मीही म्हातारी झाले.

धन्यवाद सर्वांना. हेमाताई हो कोकणात आंबा, नारळ देवासारखेच.

अनिंद्य परफेक्ट, फुलातही आम आहे.

सगळे confused झाले,त्या दोन वाक्यांमध्ये स्वल्पविराम आहे बहुतेक पूर्णविराम देऊन माहेरचं लिहायला हवं होतं.

आम्ही स्वतः हापूस देवाला नैवेद्य दाखवून अजून एकच खाल्लाय, फार गोड होता. दोन पायरी आलेले ते लगेच झाले म्हणून काल रस काढून आमरस पोळी बेत केला. आंबे पिकतायेत.

दोन केशर आंबेही पिकतायेत, दोन माहेरी पाठवले. पायरी दोन होते म्हणून फक्त आम्हाला ठेवले.

पुण्यात आमचे नातेवाईक जास्त आहेत. केसर आणि पायरी एकेकच झाड आहे, पुण्यातही प्रत्येकी दोन दोन पाठवले दिरांनी. त्यांचं कौतुक. बाकी आता होत नाही, माझ्या मुलामुळे नवरा मदतीला जाऊ शकत नाही म्हणून एकच हापूसची बाग ठेवली आहे घरी करायला, बाकी दुसऱ्यांना दिल्यात करायला.

सुरेख दिसतय ताट.>>> १००+

अन्जुताई मस्त दिसतायत आन्बे आणी लिलीच फुल...काहीही आणलस आणी विषेश केलस की नेहमी सगळ्याना देवुन खातेस हे तुझ जेस्चर मला फार भावत.

थँक्स. त्याचं क्रेडिट आईला, आईचं बघून हे शिकले. अर्थात इथले काहीजणही देतात काहीना काही.

आंब्याचा शिरा -

आहाहा एकदम.

माझी दिवसाची सुरुवात एकदम गोड झाली, हा देखणा शिरा बघून....
कोकोनटने खाल्ला का ग?

नोट - ते काही लोकांना प्रत्येक धाग्यावर शा खा आणल्याशिवाय चैन पडत नाही तसे मला अस्मिताच्या पोस्टला रिप्लाय देताना कोकोनटला आणल्याशिवाय चैन पडत नाही...

कोकोनटला नैवेद्य असतोच. फारच आवडला त्याला शिरा. हल्ली तर भुंकून मागतो नाहीतर तपश्चर्येलाच बसतो खाली तिथेच स्वयंपाकघरात, एकटक बघत. केविलवाणं, गोजिरवाणं तोंड पाहून आपल्यालाही द्यावंच वाटतं. "शबरीची बोरे" सीन चालू असतो आम्हा दोघांचा. पूर्ण ममव झाला आहे.

मस्त दिसतोय शिरा

शिरा मस्त!!!

शबरी नक्की कोण? तू की कोकोनट?

शबरी नक्की कोण? तू की कोकोनट?......

बिचारा कोकोनट!

शिरा अप्रतिम दिसतोय अस्मिता.
शबरी कोण ?

मी पण काल आंबा घालून रवा लाडू केले. रंग आणि स्वाद छान वाटतोय.

ममो, लाडू सुरेख...... , रंग एकदम मस्त आलाय !!!
आंब्याचे प्रमाण काय घेतले १ वाटी रव्याला ?
अस्मिताचा आंबा शिरा ही मस्त !!

ममो, सुंदर लाडू.

^^पूर्ण ममव झाला आहे. Happy

नवीन Submitted by अस्मिता. ^^
चांगले संस्कार केलेस हो..
आपली मराठी अस्मिता जागृत ठेवलीस..
नाही तर हल्लीची चार पायाची लेकरे... डॉग फूड आणि कॅट फूड शिवाय तोंड लावत नाहीत कशाला...

असो . ...
हा धागा आंब्याचा आहे ना, सॉरी सॉरी.. लईच अवांतर झालं...

ममोंचे लाडू आणि अस्मिताचा शिरा भारी!!!

धनवन्ती , माझेमन
ममोंचे लाडू पाहूनच प्रेरणा घेतली. लाडूचा घाट घालण्यापेक्षा शिरा सोपा वाटला.

लाडू मस्तच, देखणे.

लाडवांसाठी धन्यवाद सर्वांना.

चार वाट्या रवा होता त्याला एक आंब्याचा रस गाळून घातला अश्विनी.