कैरी-आंब्याच्या गुजगोष्टी / आम्रचर्चा

उशिरा प्रतिसाद देण्याबद्दल सॉरी. पण फोटो अपलोड न करता शेअर करायला मी खालील प्रकारे करतो.

अ. गूगल फोटो अल्बम तयार करणे आणि त्याची लिंक पब्लिकली उपलब्ध करुन देणे.
हा भाग फक्त एकदा करायचा आहे.

१. गूगल फोटोजला जा. https://photos.google.com/albums
२. तिकडे एक नवा अल्बम क्रिएट करा. वरची अल्बमची लिंक ओपन केलीत की उजव्या बाजूला वरच्या कोपर्‍यात 'क्रिएट अम्बम' आणि 'अधिक' ची खुण असेल त्याचा वापर करा.
३. या अल्बमला मायबोली किंवा काहीही सुटसुटीत नाव द्या, आणि आता मायबोलीवर शेअर करायचे फोटो यातुनच शेअर करत जा, म्हणजे तुमचे खाजगी फोटो आणि सार्वजनिक फोटो यांची काही गल्लत होणार नाही.
४. अल्बम तयार करताना यात कुठले फोटो अ‍ॅड करायचे ते विचारलं की आपल्याला हवे ते फोटो त्यात टाका. हे नंतर ही करता येईल.
५. आता अल्बम मधुन बाहेर पडून परत एकदा आत जा आणि हवा तो फोटो आलाय खात्री करुन घ्या.
६. अल्बमच्या आत गेल्यावर उजव्या बाजूला वरच्या कोपर्‍यात तीन उभे डॉट्स दिसतील ते क्लिक करा, आणि ऑप्शन्स मध्ये जा. तिकडे लिंक शेअरिंग स्लाईड बार दिसेल तो अनेबल करा.

ब.
आता मायबोलीवर इथले फोटो लिंक कॉपी कशी करायची?
१. हा इमेज टॅग कॉपी करा. < img src= " " />
इथे हा टॅग दिसायला '<' आणि 'img' मध्ये मुद्दाम एक स्पेस देऊन सिंटॅक्स एरर केलेला आहे.
२. आता गूगल फोटोज मध्ये शेअरेबल अल्बम मधील कुठल्याही फोटोवर क्लिक करा.
३. फोटो ओपन झाला की त्यावर राईट क्लिक करुन 'कॉपी इमेज अ‍ॅड्रेस' वर क्लिक करा. या फोटोचा अ‍ॅड्र्रेस कॉपी होईल.
https://lh3.googleusercontent.com/pw/AP1GczOniNfMJDzMQ_Qbk36_y6kOPC0FCnM...

४. आता हा अ‍ॅड्रेस वेगळा ब्राऊजर वापरुन ( नेहेमी क्रोम वापरत असाल तर मायक्रोसॉफ्ट एज मध्ये) चालतोय ना बघा. याने अल्बम शेअरेबल झाला आहे त्याची खात्री होईल. हे ही एकदा पहिल्या फोटोला केलंत की बास आहे.

५. आता वरच्या इमेज टॅग मध्ये src= " " मधल्या डबल टॅग मध्ये हा अ‍ॅड्रेस पेस्ट करा.
< img src="https://lh3.googleusercontent.com/pw/AP1GczOniNfMJDzMQ_Qbk36_y6kOPC0FCnM..." />

इथेही तोच सिंटॅक्स एरर आहे. तो एरर अर्थात ती स्पेस काढलीत की फोटो दिसू लागेल.
६. प्रतिसाद सेव्ह करा.

यापुढे फोटो शेअर करताना इमेज टॅग कॉपी करणे, आणि त्यात सोर्स मध्ये अ‍ॅड्रेस सेव्ह करणे (अर्थात ब. १, ३, ५ ) या स्टेप्स केल्या की तुमच्या गूगल ड्राईव्ह वरचा फोटो शेअर होईल.

चिल्ड रसम म्हणजे काय?
चांगले लागते का?
अमित व, तुम्ही उदाहरणादाखल म्हणून टाकलेला फोटो फारच अप्रतिम आहे! सुंदर आकाशी छटा! डोळे अगदी निवले उन्हाच्या काहिलीत !

उन्हाळ्यात नेहमी रायवळ आंब्यांच्या सासव ची रेसिपी पाहते पण रायवळ आंबे मिळालेच नाही कुठे मागच्या उन्हाळ्यात. यावर्षी पुन्हा मला चिडवण्यासाठी सोमी वर तीच रेसिपी दाखवण्यात आली. झालं.. अस्मादिक पुन्हा तयार झाले की यावर्षी जमवूच. तशीच तडक पिंपरी मार्केट गाठून जंग जंग पछाडले. सगळे फळवाले मला सांगून थकले की बाई रायवळ आंबे आत्ता कुटं, पण मी ऐकतेय कुठे म्हटलं रेसिपी वाल्यांना मिळताय मलाच का गावत नाय. पण नाही मिळाले कुठे पण मी हार n मानता परत पुढच्या महिन्यात जाणार..

सान्वी,हल्ली रायवळ आंबे मिळत नाहीत.बर्‍याच जणांनी असलेली झाडे तोडली आहेत म्हणे.यावर्षीचे पहिले सासव कर्नाटकी आंब्याचे केले.अर्थात चांगले लागले नाही.अगोड किंवा कोवळा हापूस्/पायरी आंब्याचे मी सासव करते.

खरंय तुमचं..

दिल्लीच्या लाल किल्ल्यातील एका भिंतीवरील हे आंब्यांनी लगडलेल्या झाडाचे चित्र.

हजाराव्वा प्रतिसाद लिहायची माझी पहिलीच वेळ.
अनिंद्य, अभिनंदन.
हा धागा असाच मोहरत राहो.

ऋतुराज , छान चित्र.
सध्या मी कोकणात आहे. आज सड्यावर बागेत गेलो होतो. ह्या वर्षी आंबे अजिबातच नाहीयेत. दरवर्षी आंब्यानी लगडलेली झाडं पहायची सवय झाली आहे पण ह्या वर्षी अजिबातच आंबे नाहीयेत. एवढ्या झाडांवर शोधून शोधून मोजून तीन आंबे दिसले खूप वाईट वाटलं बघताना. त्यामुळे फोटो काढावा असं ही वाटलं नाही. वर्षभराची मेहनत, खर्च अगदी च फलद्रूप झाली नाही ह्या वर्षी.

चीअर्स!

हो, आंबा पिकून गोड झाला होता.
पुदिना आणायला गेले तेव्हा इथल्या Whole Foods दुकानात एक पाइनॅपल मँगो साल्सा मिळाला. दोन्ही फळं बारीक चिरलेली + हॅलापिनो मिरची + लिंबाचा रस + मीठ + कोथिंबीर + पुदिना + लेमन झेस्ट.

फार भन्नाट चव होती. मग तोही क्रश करून घातला आमरसाच्या जोडीला. त्यामुळे मिरची निराळी घातली नाही, नाहीतर खरंतर तीही खरंतर असायची या फॅमिली फोटोत.
पुदिना आणि लिंबू तरीही लागलंच - किंचित रस पिळून आणि गार्निश. त्याशिवाय मजा नाही कॉ/मॉकटेलला!

टका आमडी गूगल करते. कैर्‍या शॅलो फ्राय?! इन्टरेस्टिंग!

एक सहज सुचवणी देऊ का? इथे फोटो पेस्ट करताना मी एक थंब रूल म्हणून सहसा त्याचा साइज निम्मा तरी करते. हा असा:

यामुळे (विशेषतः लॅपटॉपवर बघताना) फोटो 'इन युअर फेस' अगडबंब दिसत नाहीत - आणि मुख्य म्हणजे मजकूर झाकोळून टाकत नाहीत.

अर्थात, हा माझा पर्सनल चॉइस - सर्वांनाच रुचेल असं नाही, आणि सगळ्याच फोटोंना लागू पडेल असंही नाही.

इतक्यात renovate / repaint झालेले दिसतेय चित्रातलं दालन.>>>>>> नाही, मला तर ते जुनेच वाटले.

स्वाती, भन्नाट दिसतोय फोटो.
अनिंद्य,
सिंधी स्टाइल टका आमडीची तयारी, भारी दिसते आहे.
सुरमईचे काप जणू.
फायनल फोटो टाका

दोन दिवसांपूर्वी दोन कैऱ्या आणि दोन तीन आवळे मिक्स लोणचं केलं, रेडिमेड मसाला उरलेला होता, तो घालून केलं.

माझे कैरी भात, पन्हं आणि मेथांबा करून झाले.

टक्कू, आंबाडाळ ,पन्हे चालूच आहे. आज मेथांबाi झाला .

तुम्ही सर्व मेहनती आहात.

तोतापुरी आंबा एकच आणलाय, थोडा मुरांबा करेन. मी खात नाही. बाकी मध्ये मध्ये भेळ, सॅलड (कैरी घालून), कोशिंबीर वगैरे सुरू आहे.

आंबेडाळ पन्हे एकदाच केलं, नवऱ्याने एकदा पो भा केंद्रातून डाळ आणलेली. सोसायटीत पहिल्यांदा यावर्षी सार्वजनिक चैत्रगौर हळदी कुंकु केलेलं, उत्साही मेम्बरनी, तेव्हा आंबेडाळ खूप मागवलेली, त्यामुळे भरपूर मिळाली, फ्रिजरमध्ये ठेवली, दुसऱ्या दिवशी खाल्ली, परत वरून फोडणी करून.