दुःखद घटना २

Submitted by उपाशी बोका on 30 July, 2024 - 11:48

आधीच्या धाग्यात २००० च्या वर प्रतिसाद झाल्याने नवीन धागा काढत आहे.

विषय: 
हितगुज ग्रूप
शब्दखुणा: 
दुःखद
Groups audience: 
चालू घडामोडी - भारतात
Group content visibility: 
Public - accessible to all site users
शेअर करा

काल वाचलं पण चेहरा डोळ्यासमोर येईना. गुगल करू म्हटलं आणि राह्यलं . सातच्या बातम्यात फोटो दाखवला. शांत, सोज्वळ चेहऱ्याची सरला महेश्वरी फार आवडायची. भावपूर्ण श्रद्धांजली!

Submitted by मंजूताई on 12 February, 2026 - 22:44

मलाही चेहरा पटकन डोळ्यासमोर आला नाही. गूगल करून बघितल्यावर मात्र स्पष्ट आठवला. ही नावं आणि हे चेहरे खूप ओळखीचे, घरातलेच वाटायचे तेव्हा. Sad

Submitted by वावे on 13 February, 2026 - 00:31

एकेक वाईट बातम्या, श्रद्धांजली. सिंघनिया म्हटल्यावर मलाही मुलाने दिलेली ट्रीटमेंट आठवली पटकन.

Submitted by अन्जू on 29 March, 2026 - 10:38

श्रद्धांजली.
An incomplete life - Vijaypat Singhania हे आत्मचरित्र आठवलं. देशातल्या मुख्य आणि प्रसिद्ध कुटुंबांत वृद्धांची काळजी मुले घेत नाहीत इतरांचं काय? काय करणार कायदे?

Submitted by Srd on 30 March, 2026 - 01:21

पटकन गेल्या. दीर्घ आजारपणातून त्रास सोसणे नाही.

Submitted by Srd on 12 April, 2026 - 06:07

होय वाचले प्रज्ञा. तडकाफडकी गेल्या. खितपत पडल्या नाहीत जी की त्यातल्या त्यात चांगली बाब. बाकी फार वाईट वाटले. त्यांना

भावपूर्ण श्रद्धांजली

Submitted by सामो on 12 April, 2026 - 10:55

माझा शालेय वर्गमित्र राजीव याने गायिका आशा भोसले यांवर केलेली आजची कविता { त्याच्या अनुमतीने} देत आहे-
-------------------आशा--------------

ओलांडशील शंभरी
अशीच होती आशा
आज पोरकी झाली
स्वरा सूरांची भाषा

जगरहाटीची तू आशा
कधी न केलीस पर्वा
क्षणाक्षणातील आनंद
तुला भोगण्या हवा

अतीव दुःखे सोसत
झालीस तू कणखर
अन् आमच्यसाठी तू
वाटलेस सुख मणभर

अभंग, नाट्य नी कॅब्रेगीतांस
दिलास तू आवाज
भावपूर्ण तर मादक कधी
असा असे तुझा बाज

तुझ्याच गीतांमधूनी आम्ही
साद घालतो प्रीतीची
नखरेल कधी , कधी भावोत्कट
उन्मदक उडत्या गतीची

अगणित स्वप्ने आमची तुझिया
स्वरात होती सजली
' चैन से हम को कभी ' ऐकता
नेत्रे आमची भिजली

आज आमचे मन आक्रंदे
' अभी न जाओ छोडकर '
या विश्र्वात गूंजत राहील
आशा अविरत तव स्वर
या विश्र्वात गूंजत राहील
आशा अविरत तव स्वर

...राजीव
...12 4 26
_______________________________

Submitted by Srd on 12 April, 2026 - 10:28

Pages