गंमतखेळः सवालजवाब

Submitted by संयोजक on 12 August, 2025 - 11:25

नमस्कार मायबोलीकरांनो,

मजेत आहात ना सगळे?

कसे काय गेले तुम्हाला हे वर्ष?

या वर्षी मायबोलीवर शब्दकोडी, शब्दखेळ, कोडी यांचे धागे बरेच प्रसिद्ध झाले नाही?
आपले आणि विविध प्रकरच्या कोड्यांचे नाते आजचे नाही. लहानपणी, कॉलेजात असताना वेगवेगळ्या माध्यमातून आपल्याकडे आलेली कोडी सोडवायला, नंतर तीच कोडी मित्र-मैत्रिणी, नातेवाईक यांना घालायला मजा यायची नाही?

यावर्षी परत जरा ती मजा अनुभवू या का? पण ती मजा मायाबोलीकरांसोबतच घेऊ या.

या वर्षी आपण गंमतखेळ म्हणून सवाल-जवाब घेत आहोत. पुर्वीच्या काळी मराठी चित्रपटात असत ना तसेच.

खेळ अगदी साधा आहे.

आम्ही पहिले कोडे म्हणजेच सवाल देऊ. जो कोणी पहिले उत्तर देईल तो पुढचे कोडे देईल आणि मग हा खेळ असाच पुढे चालू राहील.

तर हे आहे तुमचे पहिले कोडे....

नाही मी पक्षी, तरी उडते,
नाही मी पाणी, तरी वाहते ,
नाही मी हात, तरी स्पर्श करते,
कधी थंड कधी गरम,
कधी शांत कधी वादळासारखी,
घरातही असते, बाहेरही,
ओळखा पाहू, कोण मी?

विषय: 
उपक्रम
Groups audience: 
मायबोली गणेशोत्सव २०२५
Group content visibility: 
Public - accessible to all site users
शेअर करा

कसली भारी भारी कोडी घालतात इथे.
कोडी आणि उकल मस्तच.
कालपासून इथे उकल उकल वाचून मला शाळेतील पदावलीची उकल आठवली
कंचेभागुबेव भयानक नियम आठवला

Submitted by ऋतुराज. on 4 September, 2025 - 03:31

इथल्या कोड्यांपेक्षासुद्धा काही शशक जास्त अवघड वाटताहेत मला. बऱ्याच डोक्यावरून गेल्या. Lol
अमितव यांचा माबोवाचकांना माबोलेखक होण्याचा पंच वाचून फुटलो >> छान होता पंच. माझी सर्व ऊर्जा शब्दखेळ तयार करण्यात आणि शशक लिहिण्यात वापरली गेली, त्यामुळे येथे काही सुचत नाही. Happy

Submitted by माबो वाचक on 4 September, 2025 - 04:09

चकाकते पण सोनं नाही,
प्रकाश देते पण गरम नाही,
दिवसा लपून राहणे हा गुण,
मुलांना आवडतो हा एक सद्गुण!

Submitted by संयोजक on 4 September, 2025 - 06:52

एक लय सोप्पं:

रामाच्या दु
कानात उ
तम चिवडा मिळतो.

म्हणजे ओ काय?

Submitted by माधव on 4 September, 2025 - 06:54

त्तम

Submitted by मानव पृथ्वीकर on 4 September, 2025 - 06:55

@मॅगी चांदोमामा सद्गुण कसा होइल?
@माधव, काजवा, सद्गुण कसा होइल?
--------------------------------------------------
३ खोल्या आहेत आणि त्यापैकी एका खोलीत तुम्हाला जाउन १ तास रहायचे आहे. तुम्ही कोणती निवडाल?
- विषारी सापाच साप असलेली खोली जिथे जमिन सापांनी आच्छादून गेलेली आहे.
- बंदुकधारी टेररिस्ट ज्यांच्याकडे लोडेड गन्स आहेत व तुम्हाला मारण्यास ते टपून बसलेले आहेत
- ५ सिंहीणी आहेत अशा की ज्यांनी ३ वर्षात काहिही खाल्लेले नाही.

Submitted by सामो on 4 September, 2025 - 07:38

चांदोमामा मुलांनी आवडून घ्यायचा अशी रीत आहे. मुलांना आवडतो हा सद्गुण.

फटाक्याचा सवाल इतकाही अवघड नव्हता. मानव यांनी योग्य दिशेने प्रवास सुरू केला होता. पण त्यांचं लिहून व्हायच्या आतच मी उत्तर देऊन टाकलं.

Submitted by भरत. on 4 September, 2025 - 07:53

सामो, तिसरी खोली. तीन वर्षे काही खाल्लं नाही म्हणजे सिंहिणी कधीच मेल्या. त्यांचा सांगाडा उरला असेल.

Submitted by भरत. on 4 September, 2025 - 07:54

लांब शेपटी खार नसे
दो शिंगांची ना गाय
थय थय नाचे आकाशी
अनुपम गाणे गाय

Submitted by भरत. on 4 September, 2025 - 09:22

या सवालाच्या जवाबातली एक ओळ सुटली आहे आणि खाडाखोडही आहे. शिवाय ती वस्तू वा प्रक्रिया मी पाहिलेली नाही, इतर काही गोष्टींचे संदर्भही कळले नाहीत. त्यामुळे अर्थ कसा लावावा ते नीट कळत नाही. त्यामुळे who ऐवजी how असे हे कोडे.

सवाल - अधांतरी परि ब्रह्मा नाही
दात दोन मुख चार
नंदी वाहन नच शिवशंकर
जल एकच आहार

जवाब - विहिरीवर मी भस्ति पाहिला
भरीत एक पखाल
दोनच काळ्या दौत दंत
अन् मुले तियेची चार
बैलावरती बसली होती.

Submitted by भरत. on 4 September, 2025 - 09:27

>>> लांब शेपटी खार नसे
धूमकेतू?

>>> अधांतरी परि ब्रह्मा नाही
हे मोटेचं वर्णन आहे का?

Submitted by स्वाती_आंबोळे on 4 September, 2025 - 09:41

धूमकेतूला शेपटी जुळते पण दोन शिंगे आणि थयथय नाचे, गाणे कसं जुळवायचं विचार करतोय.
हो विहिरीवरील बैलाने ओढलेली मोट.
दात दोन का? कारण व्हर्टिकल पाणी फेच करायची मोशल हॉरिझाँटल फोर्स मध्ये बदलायला एकमेकांत दाते गेलेली दोन चक्रे एक उभं आणि एक जमिनीला समांतर लावतात. जेणेकरुन बैल जमिनीवर गोल फिरला की आडवं चाक फिरेल आणि त्याचे दाते उभ्या चाकात गेलेले असल्याने उभं ही फिरू लागेल.
मुख चार.. कारण त्याला चार कळशा सदृष लावलेलं असेल ज्यात पाणी भरेल.
इथे एका व्हिडिओत दाखवलं आहे.
मस्त! आवडलं.

Submitted by अमितव on 4 September, 2025 - 09:50

Pages