कैरी-आंब्याच्या गुजगोष्टी / आम्रचर्चा

आज पहाटे केली आंब्याची डाळ आणि पन्हे. देवीला नैवेद्य दाखवला. नंतर हॉलमध्ये ठेऊन फोटो काढला.

काचेच्या ग्लासात वगैरे ठेऊन पन्हे नीट दिसेल पण ते जरा वरून काढायला हवेत. कैरी शिजवून हाताने गर काढून भरपूर गुळ घालून, किंचित साखरही घातली आणि सैंधव, वेलची, जिरे घातलं.

पोस्ट करू का नको विचार करत होते पण तुम्ही लिहिलंत आणि करूया पोस्ट ठरवलं.

मस्त पहिला फोटो आला आंबेडाळीचा. पुढच्या वेळी जवळून काढा फोटो काढून काढून मस्त येतील .पण यातही दिसतंय छान पन्ह आणि डाळ.

अंजू खरच फणसे नाडण गटग व्हायला पाहिजे. डाळ पन्हं दोन्ही छानच दिसतय.
आंब्याचं साईज नुसार सॉर्टिंग भरणी पॅकिंग वगैरे.

पूर्वी एक नंबरचे आंबे असे पत्र्याच्या पेटीतून मार्केटला येत असत हल्ली जाळीदार प्लॅस्टिक क्रेट असतात.

फोटो आवडला त्यांना धन्यवाद. हा फोटो घरच्यांसाठी काढलेला, इथे पोस्ट करणार नव्हते. माझ्या फोनने नीट येतही नाहीत. अनिंद्य फोटोचं म्हणाले आणि म्हटलं अनायसे काढला आहेच तर शेअर करुया.

हेमाताई आंबे माहोल.

मला माहितच होते इथे भारी चर्चा होणार आहे म्हणून आज जसा वेळ मिळाला तसा पहिल्यांदा माबो उघडून या धाग्यावर उडी मारली.
ऋतुराज, माहिती आणि श्लोक छान.
ऋन्मेऽऽष, जाळा निल्सन जाळा....
बर्याच जणांकडे आंबा वाटणीवरून भांडण व्ह्यायची वाटते
अनिंद्य, नशिब आमची आई तुमच्या आईसारखी हुशार नव्हती
अनिंद्य, तुमच्या पन्ह्याचा रंग किती सुरेख हिरवा आला आहे. माझा साखरेत केला तर पिवळा आणि गुळात केला काळपट येतो. रेसीपी सांगा प्लिज.

आंब्याचा रस, तूप आणि पोळ्या हा जगातील सर्वश्रेष्ठ गोड पदार्थ आहे>> हे खातांना मन /पोट भरलं म्हणून नाही थांबत मी.. तर (आपणच केलेल्या असल्या तरी ) अजून किती पोळ्या खायच्या ह्याची लाज वाटून थांबते.

मधे दोन उन्हाळे मी आणि मुलगा असे दोघेच राहायचो घरी. रोज स्वयंपाक काय, हा प्रश्नच नाही पडला कधी. रोजच आमरस पोळी कुरडई अन शेवटला (फोडणी देऊन केलेला )दहीभात.

हा प्रकार कोणी केलाय का?
https://x.com/Tejasvi_people/status/1910231332061425700?t=M_Q79jHspb_Zn8...

अनिंद्य, नक्की प्रयत्न करेन. मी अशी ऑरेंज कुल्फी केली होती मागे.

>>>>द.सा. , वर सायो आणि माझ्या पोस्टी आहेत>>>
खरंच की कसं सुटलं माझ्या नजरेतून.

दसा, तुम्ही दिलेल्या लिंकमध्ये त्या बाईने साधी कुल्फी करुन भरली आहे आंब्यात. खूप वर्षांपूर्वी संजीव कपूरने आंब्याचा गर काढून दुधात मिक्स करुन मग भरला होता आंब्यात. दोन्ही प्रकार छानच लागतील.

अर्र! इथे यायलाच नको - फोटो बघूनच वजन वाढायचं!

अनिंद्य, कोथिंबीर कुठे आहे? ती एकदोन लपलेली पानं दाखवू नका. भेळ इज नो भेळ विदाउट भरपूर कोथिंबीर!

ह्या बीबीवर अस्थनी आहे पण मोह सुटत नाही.

भेळ मस्त. तुमची ते परत फक्त मध्ये फुलं वाली डिश आली अनिंद्य

सायोच्या हातची ही कुल्फी खाल्ली आहे. भार्री होते!!
अंजू तुझे पोस्ट आवडले. ममो वरचे आंब्याचे फोटो पण मस्त. एकसारखे पेटीत लावलेले काय सुरेख दिसताय्त आंबे!!
आमच्या ग्रोसरीवाल्याचा मेसेज आलाय काल हापूस आलेत म्हणून. जाऊन बघायला पाहिजे. पण इथे अजून वेदर तेवढे वार्म नाही त्यामुळे शंकाच वाटते कितपत पिकतील.

कैरीयुक्त सुकी भेळ आणि वर ऑरेंज कुल्फी (आईस्क्रीम) आहाहा.

यावर्षी कैरीची डाळ, कैरी कांदा चटणी, कैरी पुदिना चटणी, कैरीचे ताजे आंबट गोड लोणचे, ताजा सखुबत्ता / सखुबद्दा करून झालाय. इथे अजून खूप जास्त कैऱ्या किंवा आंबे आले नाहीत. आत्ताशिक कैऱ्या यायला लागल्यात.
तरी परवा अमेझॉन फ्रेश वर दिसला म्हणून २ हापूस आणि ५ पायरी आंबे मागवले. हापुस तर दोन्ही खराब निघाले. पायरी पण रस करण्याइतका गोड नव्हता. कापून खाऊन झाला थोडा. आज एका आंब्याचे spicy mango salad dressing केलं.

यात ड्रेसिंग चा रंग केशरी न येता डार्क आलाय कारण माझ्याकडचा मध डार्क रंगाचा होता.
उद्या बहूतेक उरलेल्या आंब्याचा इथल्या रेसिपी ने सालसा करेन.

भेळ कुल्फी आणि साल्सा तिन्ही मस्त दिसतय.
कैरीचा सर्वात आवडणारा पदार्थ म्हणजे मेथांबा . दोन कैऱ्या होत्या त्याचा केला आज .

ममो, मेथांब्याचा असा रंग कसा आला?

काश्मिरी लाल तिखट घातलं आहे.

मेथांबा भयंकर आवडतो आणि मस्त दिसतोय.