पारंपारिक बेसन लाडू - besan ladoo

मी यंदा पाकातले रव्याबेसनाचे केलेत लाडू. जमलेत, पण हे बहुधा बिगिनर्स लक!
अजून चार वेळा करून त्यातल्या निदान दोन वेळा बिघडवून सुधारल्याशिवाय हातखंडा बसायचा नाही.

छान दिसतायत लाडू स्वाती. नारळ घोवायचा कंटाळा आला की मी करत असे हे लाडू बरेच वेळा. प्लस रवा नारळ लाडू पेक्षा ह्याचा पाक थोडा इकडे तिकडे झाला तरी चालतो, लाडू बिघडत नाहीत. असो.

हे माझे ह्या वर्षीचे बेसन लाडू ,

बाई आणि हेमाताई, लाडू मस्त दिसतायत.

मस्त लाडु…

काल लाडू करायच्या आधी ही रेसिपी बघितली आणि तशीच वापरली.
छान आहे . लाडू छान झालेत ( खणाऱ्यांच्या मते). रेसिपी साठी धन्यवाद!

ही कृती वाचून बेला करायची इच्छा झाली तर ‘बेसन लाडू
टाळू/ळ्याला चिकटतात म्हणून मला आवडत नाहीत’ असा बाणेदारपणा दाखवून नवर्याने बेसन आणलेच नाही. मग चिवडा करणार नाही अशी धमकी देऊन त्याला लाडू बेसन आणायला पाठवले. तर म्हणे ‘हे काय असतं?’ मग बारीक बेसन, जाड बेसन व लाडू बेसन यावर एक मिनी परीसंवाद होऊन शेवटी नाहीच समजलं तर वाण्याला ‘लड्डू के लिए बेसन दे दो’ असं सांग यावर मांडवली झाली.
बेसन येईस्तोवर हात भरून येईपर्यंत बेसन भाजायचे हे आठवून ‘सिदन्ति मम गात्राणि…’ अशी अवस्था आली. तेवढ्यात मदतनीस अस्मिताने ‘ताई, मी आधी जिथे काम करायचे त्या ताई लाडूची ऑर्डर घ्यायच्या. त्या काय गॅसवर भाजायच्या नाहीत. मायक्रोवेव्हमधे भाजायच्या’ हे सांगून धीर वाढवला.
बेसन घरी येऊन पडलं पण दोन दिवस काही ना काही निमित्ताने लाडू राहूनच जात होते. शेवटी काल तड लावून लाडू करायचेच असं ठरवलं. अर्धा किलो बेसन दोन भागात विभागून पहिला भाग मावेत १ मिनीट भाजून चेक/गार करणे असं ६ वेळा केल्यावर बेसन भाजल्याचा वास यायला लागला. दुसरा भाग जरा कॉन्फिडन्सने २ मिनीटे असा २ वेळा भाजल्यावर खमंग वास आणि रंग आला. पहिल्या स्लॉटचा रंग जरा फिकट वाटल्याने परत एक मिनीटे भाजून दोन्ही स्लॉट मिक्स केले. त्यात बेसनाच्या १/४ तूप घालून परत २ मिनीटे भाजले. छान रंग आला व भगरा तयार झाला. बेसनाची मुठ वळली जात होती. आधी चहाचा एक कप व नंतर अर्धा कप असे दूध टाकले. व २ मिनीट मावे केले. त्यामुळे बेसनात गुठळ्या झाल्या. पण फोडता येत होत्या.
हे मिश्रण कोमट झाल्यावर त्यात बेसनाच्या साधारण (मोजून नाही) अर्धा पट पिठी साखर घातली. ती मिसळून उरलेले १/४ तूप गरम करून घातले. व लाडू वळले.
थोडे अगोड आहेत पण नवर्याला लाडू भरवल्यावर (प्रेमाने नाही, बेला बघून नाकारू नये म्हणून) त्याने तो खाल्ला व चांगला झालाय ही पावती दिली.
तर बेसन लाडवांना घाबरणार्या ताया-बायांनो, दादांनो स्वाती विरचीत या कृतीचा लाभ घ्या. बिनधास्त बेला बनवा व खाऊ घाला. ती दूध घालायची टीप बेसन लाडू बनवणार्यांसाठी व खाणार्यांसाठी वरदान आहे.
॥इति बेला पुराण संपन्नम्॥

अरे, नुसते ऐकून सरळ मावेवर करायला घेणे हे धाडसाचे काम आहे आणि ते तडीस नेणे कौशल्याचे, जिकरीचे.
वाचत असताना दुध घालून मावे केल्यावर गुठळ्या झाला हे वाचे पर्यंत मी मनात "हे तर आपल्याला पण जमेल" असे म्हणत होतो पण नंतर जरा डगमगलो.
कधी कुठलेच लाडु केले नसल्याने (वळले मात्र आहेत) आधी दुसरे जरा सोपे करून पहावे मग हे मावेतले बेला असा विचार करतोय. नाहीतर उगाच बेला के fool मध्ये गणती व्हायची.

वा वा! लाडू जमल्याच्या पावत्या बघून छान वाटलं.
ही पूर्णपणे पारंपरिक कृती आहे, लिखाणातल्या वात्रटपणापलीकडे माझं काही श्रेय नाही यात.

मायक्रोवेव्हमध्ये करायचा माझा धीर झालेला नाही अजून, बेसन एकसारखं भाजलं जाईल की नाही अशी धाकधूक वाटते. पण माझेमनची पोस्ट वाचल्यावर करून बघेन म्हणते.

एकदा बेलाचे मिश्रण खूप कडक झालेले त्यामुळे मी नादच सोडला.
यावेळेस बेडेकर बेसन लाडू मिक्स आणले. त्यात तूप गरम करून मिसळले आणि १५ मिनिटात लाडू तयार!
पारंपारिक पाककृतीच्या धाग्यावर इंस्टंट पाकृ लिहून मी पळते आता

ही मधुराची रेसिपी. मायक्रोवेव्ह लाडू साठी.
https://madhurasrecipe.com/sweets/besan-ladoo/
छान होतं बेसन भाजून.

मावसबहिणीचे ऐकून मीही मावेत बेसन भाजले होते.फक्त माझा मावे ओट्यावर नसून एका वेगळ्या कप्प्यात असल्याने मला दर 1- 2 मिनिटांनी उघडा,भांडे ओट्यावर ठेऊन ढवळा या प्रकाराचा कंटाळा आला होता.पण करावे लागत होते (कारण यापूर्वी 2 वाटीभर बेसन का होईना घरच्या तूपासकट करपले होते.) नेहमीपेक्षा कमी तूपात बेला चांगले झाले.पण मनापासून मला नाही आवडले.कारण बेलाचा एक सुगंध दरवळतो घरात तो मिसिंग होता. खातानाही ते जाणवले.कदाचित मी जास्त चूझी असेन.

माझेमन, दीड कप दूध जास्त होता नाही का? पुढल्यावर्षी नक्की मावेमधूंच बेसन भाजणार.

माझेमन, दीड कप दूध जास्त होता नाही का >>> प्रॉपर मेजरींग कप नाही. चहाचा कप होता साधारण १००-१२० मिली असावे.

मलाही पहिला स्लॉट सतत चेक करावा लागला कारण पहिल्यांदाच भाजत होते. मी बेसन कोरडे भाजले तेव्हाही भाजल्याचा वास आलाच. पण तूप टाकल्यावर आपल्याला हवा तसा खमंग वास आला. रंग मात्र ब्राउनिश नाही झाला. डार्क यलोच राहिला.

इतरांसाठी धागा वर काढतेय.
याही वर्षी हीच रेसिपी + मावे वापरून लाडू केले. यावेळी सर्वच तूप बेसन भाजताना वापरल्याने थोडे ड्राय वाटताहेत पण लाडू वळायला काहीच अडचण आली नाही.
रेसिपी झिंदाबाद…

मदत करा प्लीज. तूप जास्त झाले असावे कारण मिश्रण पातळ झाले आहे. काय करू आता ?

एक्स्पर्ट्स येईपर्यंत नाइट वॉचमन म्हणून उत्तर देतो.
थोडे बेसन कोरडे भाजून ते + पिठीसाखर मिसळा.
मिल्क पावडर मिसळा.
काजू बदाम भाजून त्याची फाइन पावडर करून ती मिसळा.

मीही मायक्रोवेव्हमध्ये बेसन भाजून लाडू केलेत, पण 'तो' रंग येत नाही.
इथली स्वातींची कृती तंतोतंत पाळून एकदाच लाडू केले. ते परफेक्ट होते.

ही कृती वाचणं हा खमंग अनुभव दर वर्षी घ्यायला आवडतो.

धन्यवाद ! नवऱ्याने पण तेच सांगितले, बेसन आणि साखर घालून काम झाले. मिल्क पावडरची गरज पडली नाही.

ही कृती वाचणं हा खमंग अनुभव दर वर्षी घ्यायला आवडतो. >> अगदी

जबरी!