कोणती गाडी घ्यावी?

केदार आणि अजय, अधिक माहिती तसेच चुकीच्या दुरुस्तीबद्दल धन्यवाद. 'दास ऑटो' हे टॅगलाईनचे माहिती नव्हते मला.

नंदिनी तु सांगितलेला खर्च तर कमीच आहे. कालची त्यांची फक्त पुणे एडिशनची कँपेन सध्याच्या रेटकार्डप्रमाणे २.५ कोटी रुपयांच्या आसपास असेल. मुंबई एडिशनचे रेट्स तर पुण्याच्या तिप्पट्-चौपट आहेत..!
(अर्थात हे लोक पब्लिकेशन्सशी अ‍ॅन्युअल काँट्रॅक्ट करतात, त्यात रेट पाडून मागतात- हे निराळे).

मामी जेट्टाची किंमतही मर्क/ बीएम ड्ब्ल्यु पेक्षा 'आटोपशीरच आहे की. मर्क ३५ लाखांपासून पुढे, तर बीएमड्ब्ल्यु ४५ लाखांपासून पुढेच तयार होते शोरुमच्या बाहेर निघायला.

हुडाच्या प्रश्नावर बरंच काय काय सुचतं आहे. पण ते सारं इथं नको.

गाडी घेणे चांगलेच, कारण-
१) बायकोची कटकट बंद होते. (जरा मोठी का नाही घेतली, म्हणून काही दिवसांनी पुन्हा सुरु होते; पण ती जरा सहन-करणेबल असते.)
२) रस्त्यावर ट्रॅफिकमध्ये तुम्ही किंवा इतरांनी काहीतरी आयटेम केला, तर जे काय व्हायचे ते आधी गाडीला होते. दुचाकीवर असलात आधी तुम्हाला होते, मग गाडीला.
३) हापिसात कंटाळा आला, तर सरळ गाडीत जाऊन सीटाला झोपवून त्यावर झोपून टाकता येते.
४) वेळप्रसंगी लागणारे गरम कपडे, एखादी शाल, वर्तमानपत्रे, एखादी चटई, फर्स्ट एडचे सामान, एखादी प्रवासी बॅग, २-४ कॅरीबॅगा, दाढीचे सामान (हे तुझ्यासाठी नाही. ), सुटे पैसे, स्पेअर गॉगल/चष्मा, टिश्युपेपर्स, २-३ लहान मोठे रुमाल, एखादी वाईनची बॉटल, बियरचे कॅन्स किंवा सरळ क्रेट हे सारे वर्षानुवर्षे गाडीत पडून राहिले तरी कुणाची काहीच हरकत नसते. दुचाकीवर हे सारे कुठे ठेवणार, अन ती जास्तीत जास्त कुठेकुठे नेऊ शकणार?
५) ट्रान्सपोर्ट म्हणून वापरा बिन्धास्त. आमच्या एका मित्राने बहिणीच्या लग्नासाठी त्याच्या इंडिका गाडीची चारही दारे काढून ठेवली होती. सामानाची ने आण करण्यासाठी. लई भारी, बग्गीसारखी दिसत होती ती गाडी. दुचाकीला दारे नसतात, त्यामुळे अशी मज्जा करून बघायचा प्रश्नच येत नाही.
६) ऊन, वारा, पाऊस यापासून सुरक्षित राहता येते; दुचाकी वाल्यांकडे चौकाचौकात तु.क. टाकता येतात- पण हे काही फार महत्वाचे फायदे नाहीत.

मोगरा.केतकी, तुमच्या प्रश्नाला वेगळ्या पोस्टमध्ये (जमेल तसे आणि माझ्या माहितीप्रमाणे) उत्तर देतो.

मारुति SX4 व होंन्डा JAZZ या दोन गाड्या घेतल्यामुळे तुम्हाला पेट्रोल गाडीच हवी आहे, हे गृहित धरतो.

मारुति SX4 ही नॉचबॅक, तर होंन्डा JAZZ हॅचबॅक प्रकारातली गाडी आहे. (मागे डिकी/बुटचे बुड नसलेली- हॅचबॅक). मुळात नॉचबॅक व हॅचबॅक यांच्या लुक्समध्येच फरक असल्यामुळे लौकिकार्थाने या दोघींची कॅटेगरी वेगळी आहे, असे म्हणता येईल. SX4 ही मिडसाईझ सेदान, तर JAZZ ही प्रिमियम हॅचबॅक गाडी आहे. दोघांच्या युटिलिटीमध्येही फरक आहे. SX4 ही १६०० सीसी इंजिनवाली जरा मोठी, पॉवरफुल, तर JAZZ ही १३०० सीसी, एक मॉडर्न-मल्टियुटिलिटीवाली गाडी आहे. या दोन गाड्यांत एकच गोष्ट जवळपास सारखी आहे, ती म्हणजे किंमत. JAZZ ८ लाख, तर SX4 ८ ते ८.५ लाखांत.

जाझ संदर्भात मागल्या पानांवर १-२ पोष्टी टाकल्या होत्या.

SX4 चे स्पर्धक- होंडा सिटी, ह्युंडाई वर्ना, फियाट लिनिया, फोर्ड फियेस्टा, शेवर्ले अ‍ॅव्हिओ इ.
JAZZ चे स्पर्धक- ह्युंडाई आय-२०, फोर्ड फ्युजन (हिचे दिवस भरत आले आहेत. कोणत्याही क्षणी मार्केटमधनं गायब होईल ही), फियाट पुंटो, स्कोडा फाबिया इ.

महाग सांगतुस ल्येका? >> त्या काय माझ्या घरच्या आहेत काय?

आणि लाखो रुपये लागत नाहीत. पन्नास हजारात गाडी दाराला लागते. (मारुती वगैरे)

दीपू, धन्यवाद. पोलो पण सही आहे, एवढ्यात लाँच व्हायला हवी खरे तर.

मामी, जेट्टा नंतर तुम्ही 'येता' काय म्हणालात. स्कोडाच्या 'येती' बद्दल बोलताय का? ती आली नाही वाटतं अजून.

आरं गब्रु जवाना, पयले म्हनतूस- गाडी काहून घ्याची ते सांग. आता म्हनतूयास- कोनती घ्याची नाय, ते सांग.

ह्ये तुजं काय रामलीला चाल्लंय, एक्डाव सांगूनच टाक गड्या आता. एकांद्या गाडीनं तुला लई म्हंजी लईच जोरात उडविल्यालं दिसतंय बग. त्याबिगर नाय असा डुख धरायचा तु. (एमएच ३१ वालीच आस्नार ती गाडी पन नक्की).

जेटा ही अमेरिकेत सिव्हिक, करोला यांच्या लायनीत येते. >>
हम्म. खरे तर त्याच रेंजमध्ये आहे ती. पण सिव्हिक, क्रुझ, करोलापेक्षा (इथेतरी) थोडी महाग आहे ती.

अ‍ॅकॉर्ड, कॅम्री, सोनाटा या जास्त मोठ्या अन महाग आहेत. पसाट यांच्या रेंजमध्ये येईल. इथे विकत आहेत पसाट गाड्या. पुढल्या महिन्यात आणखी दोन नवीन गाड्या येताहेत. त्यातली एक एसयुव्ही प्रकारातली, तर दुसरी बीटल.

अश्विनीमामी | 23 March, 2010 - 12:22
फोर्ड फ्युगो बद्दल काय एक्स्पर्ट ओपिनिअन?

साजिरा | 23 March, 2010 - 13:00
स्मॉल कार वॉर मध्ये या वर्षात धडाधड पडलेल्या उड्यांपैकी ही एक. फोक्सवॅगन, फियाट, होंडा या लोकांनी पहिल्यांदाच 'स्मॉल कार्स' भारतीय बाजारपेठेत सादर केल्या आणि जनरल मोटर्स, टाटा, हुंडाई, मारूती यांनी आपली स्मॉल कार्सची रेंज वाढवली- ती याच वर्षात.

'फिएस्टा'चा सेल उतरणीला लागल्यापासून आणि 'फ्युजन' आणि 'आयकॉन' नावाच्या गाड्या इतिहासजमा व्हायच्या मार्गावर आल्यानंतरचे फोर्डचे हे जरा उशिराचे, पण पहिले पाऊल. १.२ लिटर्स-पेट्रोल इंजिन असलेल्या या गाडीचा बर्‍यापैकी मोठा आकार, आतली बरी स्पेस (शिवाय फिएस्टापेक्षाही मोठा व्हीलबेस) बघून ३.९ लाखांपासून सुरु होणारी किंमत नक्कीच आकर्षक आहे. या किंमतीत आता-आतापर्यंत मारुतीने झेन, वॅगनआर, अल्टो सारख्या गाड्या विकल्या यावर आता विश्वास बसत नाही.

१.४ डिझेल फिगो हाही पर्याय उपलब्ध आहेच. पण अर्थातच जास्त किंमतीत. जास्त मेंटेनन्ससह. रोजच्या रोज वापर नसेल, तर पेट्रोल गाडीच घ्यायला हवी.

१.२ पेट्रोलच्या इतर गाड्यांच्या कमीत कमी किंमती बघा.
मारुती स्विफ्ट- ४.५
मारुती रिट्झ- ४.६
मारुती ए-स्टार- ४.२
शेवर्ले बीट- ४.६
फियाट पुंटो- ४.७
टाटा इंडिका- ४
होंडा जाझ- ८
हुंडाई आय१०- ४
हुंडाई आय २०- ५.३

या किंमती बघता, फोर्डने प्राईस वॉर मध्ये सॉलिड पंच मारला आहे, हे नक्की. लुक्स, पॉवर, इंजिन, स्पेस, पेस बाबतही ती ओके वाटते.

१.४ लिटर्स च्या फोक्सवॅगन पोलोची किंमत ४.९ पासून सुरू होते हे लक्षात ठेवा.

माझी निवड- शेवर्ले बीट किंवा फोक्स्वॅगन पोलो.

आगाऊ, ऑटोमॅटिक गाडयांमध्ये सगळ्याच कंपन्यांची ऑटोमॅटिक मॉडेल्स आहेत. नुसत्याच नॉचबॅक नाही, तर हॅचबॅक (स्मॉल) कार्स मध्येही ती आहेत. म्हणजे ५-६ लाखांपासून ते पुढे. तुम्हाला गाडी घ्यायची असेल तर किंमत, कंपनी, बजेट, गाडीचा आकार, उपयोग अशा अनेक पॅरामीटर्सचे हे फंक्शन आहे.

भारतातले रस्ते, वाहतूक, प्रत्येक प्रकारच्या वाहनासाठी असलेला स्वतंत्र / डेडिकेटेड लेन्सचा अभाव- यामुळे ऑटोमॅटिक ट्रान्समिशन प्रकारच्या वाहनांचा खप फारच कमी आहे.

ऑटोमॅटिक ट्रान्समिशनमुळे तुम्हाला गाडीचे इंजिन डिलीव्हर करत असलेली पुर्ण पॉवर संपूर्ण वेळ 'युटिलाईझ' करता येत नाही. गियर्सचे ऑटोमॅटिक ट्रान्समिशन होण्यामध्ये इंजिनची बरीचशी शक्ती खर्च पडते, आणि त्यामुळे अर्थातच शहरातल्या, गर्दीच्या ठिकाणी ही गाडी चालवल्यामुळे कमी मायलेज मिळते.

फायदे तर सर्वांनाच माहिती आहेत- क्लच आणि गियर यांच्या को-ऑर्डीनेशनचे झंझटच संपते. जे काही वर्षांपासून गियरच्या गाड्या चालवतात, त्यांना हे काहीच वाटत नाही. पण १) या प्रकारामुळेच गाडी शिकणे, चालवणे, सराव करणे राहून गेलेल्यांना २) गाडी अनेक वर्षे चालवली असल्यामुळे, आणि मायलेज वगैरेची चिंता आता फारशी नसणार्‍यांना, जरा आरामाची गरज असणार्‍यांना अशा गाड्या घ्यायला काहीच हरकत नाही.

हे सारे अर्थातच, आगाउने विचारल्याप्रमाणे भारताबद्दल बोलतो आहे. परदेशात ऑटोमॅटिक ट्रान्समिशनवाल्या गाडयांचा सर्रास वापर आहेच.

भारतात फोक्सवॅगन बीटल मिळते. पुण्यातली ऑन-रोड किंमत २५ लाखांच्या आसपास.

या 'लिजंडरी' गाडीची बरेच जण वाट पाहत होते. आता किंमत बघता, ती मध्यमवर्गींयांची नाही, हे तर नक्कीच. किती लोक घेतात, ते बघावे आता.