सहिष्णू धागा

प्रकु, हिंदुतल्या ज्या अंत्यज जाती जमातीतले लोक भेदभावांना कंटाळून इतर धर्मात जातील ते त्या नव्या धर्माचे गोडवे गाताना जुन्या धर्माला आपसूकच नावे ठेवणार ना?

नव्या बौद्ध धर्मात प्रवेश करण्याच्या प्रतिज्ञाच 'मी हिंदू धर्मातलं अमुक तमुक यापुढे पाळणार नाही' अश्या असतात.
त्यामुळे प्रत्येक धार्मिल सणाला त्या परत परत सांगून अंगी बाणवायला प्रोत्साहनही दिले जाते.
मग तुमच्या सणाला हिंदु धर्माला नावे ठेवू नका हे त्यांना कसे सांगणार?

ख्रिश्चन धर्मातील बहुतेक गरीब लोक हिंदुधर्मात अंत्यज होते. मग त्यांच्या मनातील स्वाभिमान जुन्या धर्मातील वाईट वागणूक उगाळूनच जागवणार ना?

संपादित

यावर हा भेदभाव काढून टाकणे हा उपाय आहे. >>> ह्या उपायांसाठी संघाकडे काही योजना असल्यास त्याबद्दल वाचायला आवडेल.

हिंदू धर्माने सर्वांना समान वागणूक दिली असती >> अजुनही ती दिली जात नाही हे वास्तव आहे.

प्रकु, ख्रिस्ती धर्मांतराबद्द जितक्या खात्रीने , मुद्देसूद लिहिलंत , ततसं संघाच्या वैचारिक बैठकीबद्दल लिहिताना दिसत नाही. हिंदू सघटनांचा फोकस.आतल्यापेक्षा बाहेरच अधिक असतो ही गोष्ट वारंवार जाणवत राहते.

काल एका दिवाळी अंकात एका ख्रिश्चन धर्मगुरूंचा मराठीतला लेख वाचला.
भारतात श्रमसंस्कृती रुजली नाही, श्रमांना किंमत नाही याचे सगळे श्रेय (!)त्यांनी चातुर्वर्ण्य पद्धतीला दिले आहे.
इतकेच नव्हे तर व्हॅटीकनमध्ये कश्या चांगल्या पांढरपेश्या समाजातील स्त्रियाही टॉयलेट साफ करण्यासारखी नोकरी आनंदाने आणि सन्मानाने करतात ह्याचे श्रेय 'ख्रिस्चन धर्मपरंपरेनुसार श्रमांना असलेली प्रतिष्ठा ' या गोष्टीला दिले आहे.

सातींचे म्हणणे पटणेबल आहेच. जेथे धर्मांतरणाच्या संकल्पनेची निर्मीतीच असमान वागणूक मिळाल्यामुळे झाली आहे तेथे पहिल्या एक दोन पिढ्यांमध्ये तरी ती भावनिक तीव्रता राहणारच.

पणः

>>>नव्या बौद्ध धर्मात प्रवेश करण्याच्या प्रतिज्ञाच 'मी हिंदू धर्मातलं अमुक तमुक यापुढे पाळणार नाही' अश्या असतात.
त्यामुळे प्रत्येक धार्मिल सणाला त्या परत परत सांगून अंगी बाणवायला प्रोत्साहनही दिले जाते.
मग तुमच्या सणाला हिंदु धर्माला नावे ठेवू नका हे त्यांना कसे सांगणार?<<<

पण जे लोक धर्मांतरीत जोडप्यांच्या पोटी बौद्ध धर्मातच जन्माला आलेले आहेत त्यांना सर्वधर्मसमभाव शिकवण्यास काय अडचण आहे? त्यांना कोणतीही वाईट वागणूक मिळालेली नसणार.

तसेच, आजही जर हिंदू धर्मात हीच विषमता आहे तर त्या विषमतेविरुद्ध हिंदूंमधील उपेक्षितांनी आवाज उठवणे योग्य ठरेल. जे आता हिंदू धर्मातच नाहीत त्यांनी तर ही विषमता केव्हाच त्यागलेली आहे.

आणि जर हिंदू धर्मात नसलेल्यांनाही हिंदू धर्मातील विषमता आजही सोसावी लागत असेल तर दुसरा धर्म स्वीकारून नेमके काय प्राप्त झाले?

एवढे सगळे लिहूनसुद्धा 'हिंदू धर्माने समानता अंगी बाणावी' ह्याबाबत दुमत नाहीच. 'आम्ही सुधारणार नाही, तुम्हीच सुधरा' असा ह्या प्रतिसादाचा अर्थ काढला जाऊ नये म्हणून हे लिहिले.

ह्याही शंकाच आहेत, मते नव्हेत.

पण जे लोक धर्मांतरीत जोडप्यांच्या पोटी बौद्ध धर्मातच जन्माला आलेले आहेत त्यांना सर्वधर्मसमभाव शिकवण्यास काय अडचण आहे? त्यांना कोणतीही वाईट वागणूक मिळालेली नसणार.>>

नाही हो, असे मुळीच नाही.
माझ्या जन्माच्या तीस वर्षे अगोदर कन्वर्ट होऊनही आमची आमच्या पुढची पिढीही अजून डिस्क्रीमिनेशन सहन करतच आहे.

हिंदू सघटनांचा फोकस.आतल्यापेक्षा बाहेरच अधिक असतो ही गोष्ट वारंवार जाणवत राहते.
>>

नेमकं मांडलत मयेकर हिंदुंच संघटन (किंबहुना हिमस वा संघ परिवारातल्या संघटना) हेच मुळात एक्सटर्नल मुद्द्याहून झालय. बाहेरील धर्म ह्यांपासून संरक्षण ह्या उदात्त ध्येयापासून सुरुवात झाली तर, वैचारिक बैठक तशीच होणार.

आपला धर्म, साफ करून ठेवला तर आपोआप सक्षम होऊन इतरांपासून धोका राहणार नाही. पण ते कठीण, त्यापेक्षा इतरांना टार्गेट करणं सोप्प.

>>>नाही हो, असे मुळीच नाही.
माझ्या जन्माच्या तीस वर्षे अगोदर कन्वर्ट होऊनही आमची आमच्या पुढची पिढीही अजून डिस्क्रीमिनेशन सहन करतच आहे.<<<

ह्याबद्दल एक प्रश्न विचारला आहे मी साती. मग धर्मांतरणाचा फायदा काय झाला असा.

>>>बाहेरील धर्म ह्यांपासून संरक्षण ह्या उदात्त ध्येयापासून सुरुवात झाली तर, वैचारिक बैठक तशीच होणार. <<<

तात्या, ह्याला योगायोग म्हणावा काय? साती म्हणत आहेत की हिंदू धर्मातील असहिष्णूतेला विटल्यामुळे लोक बौद्ध झाले व त्यामुळे त्यांच्या प्रतिज्ञा तश्या आहेत. तुम्ही म्हणत आहात की हिंदू धर्मीय इतर धर्मापासून सुरक्षित होण्यासाठी अशी वैचारीक बैठक बाणतात. मग दोन्हींच्या रिअ‍ॅक्शन्समध्ये फरक तो काय? जे एकाच्या बाबतीत उदारपणे पाहिले जाण्याची अपेक्षा बाळगली जाते ते दुसर्‍याच्या बाबतीत त्याचा कट्टरपणा म्हणून का पाहिले जाते?

प्रकु,

ते सुरूही असेल, पण आमच्यासारख्या बाहेरच्यांना, जे इतरत्र टार्गेट करतात, ते जास्त प्रमाणात आढळतात. म्हणून लिहिले हो.
जर सक्षमीकरण दिसले असते, तर ते लिहिले असते

प्रकु,

संघाकच्या उपाय योजना काय आहेत त्याबद्दल लिहा ओ....
बाकिचे दळण खुप वेळा दळुण झालय.

मी बाहेरील धर्म म्हणालोय, भारतीय नाही! संघाच्या स्थापनेवेळी, त्याचा धोका जास्त होता
माझ्यामते संघ बौद्ध आणि शीख ह्यांना हिंदूंच्या शाखाच मानतो. (संघ मानतो, मी नाही … नायतर माझ्यावर सुरु व्हायचे चुकीच असल्यास संपादित करण्यात येईल)

चुकीची माहिती आहे संपादित करा..

बेफी, धर्मांतराचा फायदा असा झाला की हे डिस्क्रीमिनेशन बरेच कमी झाले.
आता अत्यंत कडवे डिस्क्रिमिनेशन बर्‍याच ठिकाणी होत नाही.
आणि त्याहूनही जो धर्म आमच्याबाबतीत असे डिस्क्रीमिनेशन करण्याची ऑफिशीयल परवानगी देतो त्याला आम्ही ऑफिशीयली नाकारतो असा स्वाभिमान आमच्या मनात आला.
असा स्वाभिमान, जो तुम्ही तुलना करून पाहिलात तर कन्वर्टेड बुद्धिस्ट आणि ख्रिश्चन यांच्या मनात जितक्या प्रमाणात आलाय तितका अनकन्वर्टेड हिंदु अंत्यजांत अजूनही नाही.
आणि ही आकडे वारीने सिद्ध करण्याची गोष्ट नाही, याकरिता ते पर्सिव्ह करून घेणारे मन आणि बुद्धी हवी.

बाकी सकुरातै म्हणतात हे दळण इथे अनावश्यक आहे, त्यामुळे इथे याबाबतीत फुलस्टॉप.

हसवू नका.

मग संघ त्यांच्या आरएसएस मुख्यालय वर प्र्जासत्ताकदिनी तिरंगा का नाहि फडकावत?

'अगदीच भारतीय'
शब्दप्रयोग लई आवडला!
झ्यकास!

हसवू नका.:P

तिरंगा फडकवायला सरकारी आस्थापने आणि शाळा *यांनाच* आत्ताआत्तापोतर (पक्षी २०१० पर्यंत वगैरे) परवानगी होती न? बाकी नंतर रेशीमबागेत तिरंगा फडकल्याचे पाहिलेय मी स्वतः

त्या प्रजासत्ताक आणि स्वातंत्र्यदिनाचं म्हणत असतील.

>>> साती | 11 January, 2016 - 16:21 नवीन <<<

साती, छान वाटला रिप्लाय आणि पटलाही. डिस्क्रिमिनेशन कमी होणे (खरेतर नष्टच होणे) हेच ध्येय होते आणि ते कमीजास्त प्रमाणात साध्यही झाले. मग आता प्रतिज्ञा ग्रॅज्युअली बदलायचे विचार येऊ शकत नाहीत का?

१. प्रतिज्ञेमुळे डिस्क्रिमिनेशनचा जास्त आघात न सोसावा लागलेल्यांच्याही मनात तेढ पेरली जात नाही का?
२. एका धर्मापासून वेगळे होऊ पाहणारा आणि झालेला धर्म असा परिचय त्यागून स्वतंत्रपणे अस्तित्त्वात असलेला एक धर्म असा परिचय निर्माण होणे आवश्यक नाही का?

============

मूळ धाग्यात सर्व विषय (सर्व धर्म, व्यक्ती वगैरे) चर्चेस घेतले जाण्याचे स्वागत होईल असे म्हंटलेले आहे. त्यामुळे संघाबरोबरच इतर विषय आपसूकपणे आले तर 'हे दळण आहे' वगैरे म्हंटले जाऊ नये असे वाटते. मुद्दामहून कोणी 'संघाबद्दल बोलता काय, मग आम्ही ह्याच्या-त्याच्याबद्दल बोलतो' अशी भूमिका घेतलेली दिसली तर ते अयोग्य ठरेलच.

कहर आहे कहर,,
जग तिकडे फेसबुक, व्हाट्सएअ‍ॅप , विन्डोज, अजुन असे काहीतरी शोध लावते अन आपण अजुनही जात धर्म यापुढे जात नाही. कमाल आहे. जस्ट टाइम पास. जे चांगले आहे ते घ्यावे, उगाच ज्ञान का पाजळावे. कळत नाही.
हा वाईट , तो चांगला, आम्ही हुशार , ते नालायक असे करुन जो आनंद मिळेल ति विकॄतीच.