भारताचा ऑस्ट्रेलिया दौरा (२०११-२०१२)

मला नाही वाटत की सचिन स्वत: महाशतकाबद्दल एवढा कासावीस झाला असेल. त्याच्या महाशतकाचा मोठा इश्यू मिडीयानेच जास्त केला आहे.>> अनुमोदन. मीडियाच कशाला, मागचे इथले archives खोदलेत तर दिसेल कि प्रत्येक मॅचच्या आधी "होउन जाउ दे रे बाबा" वाली खंडीभर पोस्ट्स.

पण तो सचिनबद्दल योग्य बोलला आहे - गेली १-२ वर्षे सचिन फक्त अधूनमधून वन डे खेळतोय. आधी त्याला वर्ल्ड कप पर्यंत फिटनेस ठेवायचा होता तोपर्यंत ठीक होते. पण आता त्याने(च) ठरवायला हवे की वन डे खेळायचे की नाही. टीम एक दोन सिरीज खेळते आणि मग अचानक तेंडुलकर लाईन-अप मधे दिसतो. त्याने इतरांचाही गोंधळ होत असेल. त्याने वन डेत ती राहिलेली दोन शतके मारून मोकळे व्हावे व मग फक्त टेस्ट्स खेळाव्यात. नाहीतरी आता वन डे मधे अजून काय करणे बाकी आहे?>> मलाही असेच वाटले होते पण हि लिंक बघ,
http://stats.espncricinfo.com/ci/engine/player/35320.html?class=2;templa...
२०१० च्या सुरूवातीला RSA विरुद्ध देशातली सिरीज, नंतर २०११ मधे सुरूवातीला RSA विरुद्ध दोन मॅचेस, World Cup नि थेट २०१२ मधे Austrialia. मधे दोन West Indies मालिका नि England झाले. त्यात तो खेळला नाहिये. ज्या प्रमाणात गांगूली म्हणतोय त्या प्रमाणात बदल होत नाहियेत. इथे मुद्दा काही वेगळाच आहे. मूलात कपिल किंवा गांगूली ह्यांचे शेवटी जे झाले तसे सचिनचे नक्कीच झाले नाहिये. त्याला substitute मिळणे निव्वळ अशक्य आहे. पण अजूनहीशत्याचा रोल एकत्रपणे सांघिक कामगिरीने करु शकतील असेही कोणी दिसत नाहित तेंव्हा ......

गांगुलीने सचिनला निवृत्त व्हायला सांगितलेले नाही. मुख्य म्हणजे टेस्ट बद्दल तो काहीच बोललेला नाही. वन डे मधे खेळायचे की नाही ते एकदा ठरव असे म्हणाला - कधी कधी खेळतो आणि मग २-३ सिरीज खेळत नाही, याने कोणालाच फायदा होत नाही असे त्याचे म्हणणे आहे. मला ते पटले.

सचिनच्या निवृत्तीबद्दल सहमत. ते त्यानेच ठरवायचे आहे. सिडनी आणि मेलबोर्न सोडले तर त्याचा खेळ सध्या बोअर होतो आहे - २००५-०६ प्रमाणे- हे फॅन म्हणून सांगायचा आपल्याला हक्क आहे. त्याचे सध्या वन डेत खेळतो आहे तसे खेळणे बघायलाही बोअर आहे आणि टीमलाही काही उपयोग नाही. मधे चांगली २-३ वर्षे तो असा खेळत होता. त्यातून बाहेर आला तसा आताही यायला हवा. पहिल्या दोन टेस्ट्स इतका मस्त खेळल्यावर नंतर काय झाले कोणास ठाऊक!

टीमचे एकूणच काहीतरी बिनसलेले आहे हे नक्की. अजिबात पॅशन्/खुन्नस काही दिसत नाही. सगळे जण सध्या उरलेल्या काही मॅचेस उरकून एकदाचे भारतात जाउ, मग दोन वर्षे बाउन्स नाही नी स्विंग नाही, सगळे एकदम किंग होतील अशा विचारात दिसत आहेत.

२००३ व २००७ च्या ऑस्ट्रेलिया टूर्समधे जाम मजा आली होती. ही फारच बोअर झाली आहे.

असामी - मी पोस्ट लिहायला लागून पोस्ट केल्यावर तुझी बघितली. त्यावर हे - गांगुलीचे म्हणणे योग्य आहे. गेल्या दोन तीन वर्षात सचिन अधूनमधूनच खेळला आहे वन डेत. त्यातही मला वर्ल्ड कप पूर्वी तसे करणे योग्य वाटत होते. आता काय गरज आहे? फिटनेस आहे तोपर्यंत दोन्ही खेळावे. मला तर तो खेळायला हवाच आहे.

आणि गांगुलीचे काय झाले? चांगला परत येउन दोन वर्षे फॉर्ममधे खेळला की. शेवटच्या सिरीज मधे शतक, शेवटच्या मॅच मधे ८० मारले.

>> मला नाही वाटत की सचिन स्वत: महाशतकाबद्दल एवढा कासावीस झाला असेल.
तो नक्कीच झाला आहे. ते त्याच्या खेळावरूनच समजतंय. सुरुवातीला नसेल कदाचित! पण जसजश्या बर्‍याचशा मॅचेस शतकाशिवाय जायला लागल्या तसतसं टेन्शन नक्कीच वाढणार यात शंका नाही. ऑल टाईम ग्रेट रेकॉर्डचं प्रेशर आहे ते आपल्याला नाही समजणार! त्यातून तो पडला फार सुपरस्टिशस! दोन तीन वेळा ९०च्या आसपास आउट झाल्यामुळे आणखी खचला असणार! गावसकरला पण मला वाटतं ब्रॅडमनचं रेकॉर्ड मोडताना आलं होतं!

अमोल, तो मह्त्वाच्या सिरीज खेळतो आहे उघड आहे, जे चांगलेच आहे ना. तोवर इतर तयार होतील. Baptism by fire हा प्रकार आपल्या इथे चालत नाहि हे तर उघड आहे.

गांगूली आधी form मधे नव्हता, चॅपेल बरोबर अडकला, संघातून बाहेर गेला, रणजी खेळला, वैगरे गोष्ती त्याच्या बाबतीमधे घडल्या तशा सचिनबाबत होत नाहियेत. तो अजूनही out of form वाटत नाहिये जरी त्याचा score होत नसला तरी. कपिलबाबत काय झाले ते लिहित नाहि.

म्हणून मी आधी म्हटले तसे कि हे सगळे कुठले तरी कोणाबरोबरचे जुने हिशेब इतरांच्या माध्यमातून चुकवणे सुरू आहे असे वाटतेय

ज्येष्ठ खेळाडूंच्या क्षेत्ररक्षणाबद्दलः
मी मागे अनेकदा सुचवले होते की क्षेत्ररक्षणाचेहि गुणांकन करावे. आणि त्यानुसार ठरवावे की ज्येष्ठ खेळाडू खरोखरच इतके वाईट आहेत का. उदा. बेसबॉलमधे एरर्स देतात, मोजतात. तसे काही क्रिकेटमधेहि करायला हरकत नाही. नुसतेच वय झाले म्हणून क्षेत्ररक्षण वाईट असे नसते, थोडा अनुभवाचाहि भाग असतो. नि ज्येष्ठ खेळाडू अनुभवानुसार, किती जवळ, किती लांब, थोडे डावीकडे, थोडे उजवीकडे असे उभे राहू शकतात.

खरे तर मला या सर्व खेळाडूंची फार कीव येते.
बिचारे दोन महिने घरापासून दूर. घरच्या काळज्या असतीलच, आईवडीलांची तब्येत, इतर आवडत्या नातेवाईकांची काळजी. घरी काही समारंभ असतील तर त्यात भाग घेता येत नाही.

सचिनला भीति की मुलगा फेरारी घेऊन कुठे अपघात तर करणार नाही. त्याच्या मुलाचे वयच आहे असले काही करण्याचे, कुणितरी लक्ष ठेवायला पाहिजे. तो मुलगा इतका चांगला खेळतो हे पहायला आपण तिथे नाही. इ.
त्यात हे जिंकण्याचे प्रेशर, मिडिया वाले!
मला कसल्याहि काळज्या नाहीत. कुणाच्या काही अपेक्षा नाहीत माझ्याकडून,
तरी, भारतात आल्यावर माझे मन तर एकाच आठवड्यात सैरभैर होते.

ज्येष्ठ खेळाडूंच्या क्षेत्ररक्षणाबद्दलःआहे > जेष्ठ म्हणून का. एकच फूटपट्टी सगळ्या देशांमधे लागू पडत नाहि.

जुने हिशेब असतील पण गांगुली आणि सचिनमधे काहीच नव्हते. धोनी, सेहवागला ही त्यानेच आणलेला/टिकवलेला आहे. त्याला काही पुरानी दुश्मनी असेल तर ती फक्त द्रविडबद्दलच असू शकते.

मात्र गांगुली धोनीला काही खेळाडूंना झुकते माप देण्याबद्दल बोलतो ते मात्र तो स्वतःही तसे करायचा हे विसरतो. प्रत्येक कॅप्टनचे असे विश्वासू लोक असतातच. गांगुलीने इतरांचा विरोध पत्करूनच युवराज, हरभजन, दिनेश मोंगिया, संजय बांगर इत्यादींना सतत संधी दिली होती. फक्त सध्या फरक एवढाच आहे की धोनी चे चेले अजून चमकले नाहीत. कदाचित एक दोन वर्षे देशात अनुभव घेतल्यावर चमकतीलही.

गावसकरला पण मला वाटतं ब्रॅडमनचं रेकॉर्ड मोडताना आलं होतं!>> चिमण, बहुधा त्याला ते मोडल्यावर काही दिवस आलं असेल :), कारण नंतर १९८४-८५ मधे त्याचा फॉर्म ढासळला होता. उलट जसा तो बॉयकॉट, सोबर्स वगैरेंना पार करत गेला तसा पटापट शतके करत गेला. ८२-८३ च्या पाक टूर मधे एक, ८३ च्या विंडीज टूर मधे एक आणि विंडीज विरूद्धच्या भारतातील टूर मधे दोन शतके (व एक ९०) मारून त्याने तो मोडलाही.

महाशतकाचं टेन्शन हे सचिनच्या सध्याच्या 'बॅड पॅच्'चं कारण नसावं असं मला राहून राहून वाटतं. तो ८०-९०च्या वर जाऊन बाद होत राहिला असता तर कदाचित तसं म्हणतां आलं असतं. डावाच्या सुरवातीलाच, व तेही 'सेट' झाल्यावर, १५-२० धांवा झाल्यावर त्याच्यासारखा कसलेला व 'प्रेशर 'सिच्युएशन्स'ना सरावलेला फलंदाज असलं टेन्शन स्वतःवर येऊं देईल व बाद होईल , हे संभाव्य नाही वाटत. प्रश्न एवढाच आहे कीं हा तात्पुरता "बॅड पॅच"च आहे कीं .... ! पण हें ठरवणं त्याच्यावरच सोपवणं हें त्याच्या आतांपर्यंतच्या अभूतपूर्व कामगिरीला व त्याच्या निर्विवाद परिपक्वतेला खरी दाद देण्यासारखं होईल, असं माझं प्रामाणिक मत. 'बॅड पॅच' कारकिर्दीच्या कोणत्याही टप्प्यावर, कोणत्याही कारणाने येऊं शकतो व त्यातून खेळात तंत्रशुद्धता असेल तर फलंदाज बाहेर येऊन पुन्हा तळपूंही शकतो याची गावसकरसारखीं उदाहरणं आहेतच.
पण ,त्याचबरोबर, जर माझं मत मी इथं व्यक्त करतों तर कपिल, गांगुली व वेंगसरकर इत्यादीनी याबाबत आपलं मत व्यक्त करण्यात कांहीं वावगं नसावं, हेंही आहेच.

पण हें ठरवणं त्याच्यावरच सोपवणं हें त्याच्या आतांपर्यंतच्या अभूतपूर्व कामगिरीला व त्याच्या निर्विवाद परिपक्वतेला खरी दाद देण्यासारखं होईल, असं माझं प्रामाणिक मत. >> ++१

पण ,त्याचबरोबर, जर माझं मत मी इथं व्यक्त करतों तर कपिल, गांगुली व वेंगसरकर इत्यादीनी याबाबत आपलं मत व्यक्त करण्यात कांहीं वावगं नसावं, हेंही आहेच.>> त्यांनी खेळाडूपेक्षा खेळाबद्दल मत व्यक्त केले तर मला वाचायला अधिक आवडेल.

जुने हिशेब असतील पण गांगुली आणि सचिनमधे काहीच नव्हते. >> मी त्यांच्यात होते नाहिच म्हणतोय रे. "सगळे कुठले तरी कोणाबरोबरचे जुने हिशेब इतरांच्या माध्यमातून चुकवणे सुरू आहे "

थिसारा परेरा! थिस्सारा परेरा! थिस्सारा पर्रेरा!!! आणि कुलसेखरा!!!!
शेवटच्या ९ चेंडूत मधे १९ धावा. एक सिक्स, दोन फोर.
भल्या पहाटे पाच वाजल्यापासून सामना पाहिला. धन्य तो चंदीमल. नि मॅथ्यूज. बिचारा चंदीमल, तो एकदम वेडा वाकडा नाचायला लागला, आणि पायचित झाला! तो त्या चेंडूवर काय करत होता याचे एकच एक्स्प्लनेशन आहे - माझी खात्री आहे ऑस्ट्रेलियाने त्याच्या पँटीत खाजकुयली टाकली असणार.

चला. आता भारताला काय करायला पाहिजे हे सगळयांनी सांगून झाले आहे, पण कुणि धोणी, वगैरे लोकांना सांगितले आहे का? सेहवाग, गंभीर यांना माहित आहे का? म्हणावे जरा आठ दहा दिवस कळ काढा, मग बोला काय बोलायचे ते!तोपर्यंत जिंकून दाखवलेत तर वाट्टेल त्याला नावे ठेवा, काहीहि बोला. कुणि लक्ष देणार नाही तिकडे.

छे आपण बाहेर आहोत. Pretty next to impossible for us to qualify.

छे आपण बाहेर आहोत
नका हो असे म्हणू. उरलेले दोन्ही सामने बोनस सकट जिंकले की बीसीसीआय चा पहिला नंबर!

मास्तरा तू आपण हरणार म्हणतो आहेस का रविवारची मॅच? तसं असेल तर मी आपण जिंकणार असं म्हणणार!

माझ्या मते सेहवागला फक्त भारतातच घ्यावा. बाहेर त्याचा फारसा उपयोग होत नाही.

मला आता सचिनच्या नशिबी १०० वी सेंचुरी नाही असं वाटायला लागलं आहे. ब्रॅडमनला १०० सरासरी साठी शेवटच्या सामन्यात ४ धावा हव्या होत्या पण त्याही त्याच्या नशिबात नव्हत्या. तसं काहीसं होणार असं दिसतंय! त्यानं विंडीज विरुद्ध भारतात वनडे न खेळण्याची चूक केली असं माझं प्रामाणिक मत!

तेंडुलकर वर अ‍ॅण्डी झाल्टमनने लिहीलेला हा मस्त लेख
http://blogs.espncricinfo.com/andyzaltzman/archives/2012/02/_xxxxxx_is_t...

उद्या वरचे तिघेही खेळतील असे दिसते.
माझा चॉईस - जडेजाला व रैना बाहेर काढून रोहित शर्मा किंवा मनोज तिवारी आणि राहूल शर्मा

रैना - असून फारसा फरक अजून तरी दिसला नाही. अर्थात फिल्डींग मध्ये कदाचित १०-१५ धावा वाचत असतील पण जिथे १०० धावांनी हरतो तिथे ११५ असे गणित होईल.

१. सचिन, २. सेहवाग, ३.गंभिर, ४.विराट, ५.धोणी, ६.पठाण, ७.प्रविण कुमार, ८.यादव हे नक्की. (खरे तर यादव पण वनडेत चालत नाही, पण पर्यायच नाही.)
९.जडेजा ऐवजी राहूल शर्मा कारण जडेजाने अजून तो ऑलराउंडर आहे असे ह्या सिरिज मध्ये प्रुव्ह केलेले नाही.

१० रैना ऐवजी मनोज तिवारी कारण तो पण चांगला फिल्डर आहे, तसेही रैना २०-२५ धावा निघाल्या तर काढतो मग तिवारीला संधी दिली आणि तो चालला तर?
११. रोहित शर्मा.

५ व्या बॉलर साठी मग रोहित, सेहवाग आणि विराट ह्यांना विभागून काम करावे लागेल.

६ स्पेशॅलिस्ट बॅटसमन, १ ऑलराउंडर (पठाण), ३ सेमी फास्ट आणि एक स्पिन आणि हो टॉस आपल्या बाजूने अन पहिली बॅटिंग. - तरच चान्स दिसत आहेत.

सचिन - नॅचरल गेम आवश्यक. मग भले तो ३० धावात आउट झाला तरी चालेल पण तो सचिन वाटला पाहिजे. विकेट टाकने, अनावश्यक फटके मारणे हे अपेक्षित नाही.
सेहवाग - निदान ५ ओव्हर्स आउट व्हायचे नाही ही (भिष्म) प्रतिज्ञा
धोणी - डेथ ओव्हर्स मॅनेज कराव्या लागणार. आपण ४० ओव्हर्स पर्यंत गेम आपल्याकडे ठेवतो नंतर १०० धावा निघतात.

जरा जास्तच अपेक्षा आहेत. पण आहे हे असे आहे, मॅच बघणारच

<< मॅच बघणारच >> "जिंका किंवा मरा" या परिस्थितीत पूर्णपणे हताश झालेला संघ नांगी तरी टाकतो किंवा उसळून वर तरी येतो; उद्यां हे बघणं खरं मजेचं !

रैनाला काढू नये असे मला वाटते, तिवारी पूर्णपणे unknown factor आहे आणि aus तरी तो अजून खेळलेला नाहिये. अशा वेळी त्याच्यावर नाहक दडपण येईल नि हरलो तर बळीचा बकरा बनेल. तसेच death overs करु शकण्याचा explosiveness रैना आणि धोनीएव्हढा तिवारीमधे नाही. रैना नि पठाण ह्यांना floaters म्हणून वापरुन बघायला हरकत नाही. तिवारीला घ्यायचेच असेल तर शर्माऐवजी घ्यावे, तोही पूर्णपणे हरवलेला दिसतोय.

मास्तुरेजी,<< वरील सर्व शक्यता पाहता, भारत अंतिम फेरीत प्रवेश करण्याची शक्यता जवळपास शून्य आहे >> हा तुम्हीच अभ्यासपूर्वक निष्कर्ष काढल्यावर, कोणाला संघात घ्यावं , घेऊं नये यावर डोकं खाजवणं खरंच आवश्यक आहे का ?

भाऊ तुम्ही डोकं खाजवू नका! चित्रावर लक्ष द्या! धोणीस १२वा म्हणून दाखवा.

किन्चित विषयांतर ..
लोकसत्तेत पी.टी.आय. च्या सौजन्याने म्हणून आलेला हा लेखः
http://loksatta.com/index.php?option=com_content&view=article&id=212895:...

आणि क्रिकइन्फोवरील हा सिद्धार्थ रविन्द्रन्चा लेखः
http://www.espncricinfo.com/commonwealth-bank-series-2012/content/curren...

आठवड्याभरापूर्वीही असाच योगायोग (?) दिसला होता...

<< आठवड्याभरापूर्वीही असाच योगायोग (?) दिसला होता... >> अहो सर्कीटजी, हॉलीवूडचे अगणित सिनेमे हिंदीत भाषांतरित झाल्यासारखे वाटतात; त्यालाही आपण योगायोग म्हणतोच ना !!
<< धोणीस १२वा म्हणून दाखवा. >> मग तरी तो तसं कां होईना पण मैदानावर 'पाणी पाजायला' येईल, असं का ?

So Virender Sehwag gets rotated out of a match. He comes back and becomes captain. MS Dhoni gets banned for slow over-rates. He comes back and becomes captain. Michael Clarke misses a game with a calf strain. He comes back and becomes captain. Shane Watson misses a few months of cricket with an injury. He comes back and becomes captain. Spare a thought for Ricky Ponting - for him, the fortunes have swung the other way. Welcome to Game 10 of the Rotation, Rifts and Revolving-door captaincy Series.
Australia are set to play their third captain in three games. Michael Clarke is out again today with a sore back. Shane Watson will lead in his comeback game.

>>

साभार क्रिकईन्फो.

कॅप्टन्सीबाबत ' Revolving-door captaincy Series " भारतालाही लागू होत असलं तरी सामन्यांच्या निकालाबाबत मात्र भारताने या ऑस्ट्रेलिया दौर्‍यात दुर्दैवाने ' " Exit Only " Door ' पॉलिसी अवलंबलेली दिसत्येय !!