सामाजिक उपक्रम

नमस्कार,
दरवर्षीच्या प्रथेप्रमाणे सामाजिक उपक्रमाचे हे पहिले आवाहन.

गेल्या काही वर्षात आपण काही संस्थांना वस्तुरुपात मदत केली. त्या सर्वच संस्था शाळांशी निगडीत असल्याने त्यांना दरवर्षी मदतीची जरूर असतेच. त्यानुसार यावर्षी देखील जितकी मदत करता येईल ती करणार आहोतच पण त्याचबरोबर आपल्यापैकी कोणाची एखाद्या नवीन गरजु संस्थेची ओळख झाली असेल तर त्याबद्दलची माहिती मागवत आहोत.

ज्या संस्थेला वस्तुरुपात मदत हवी असेल त्याबद्दल खालीलपैकी शक्य तितकी माहिती द्यावी.

१. संस्थेचे नाव. (संस्था नोंदणीकृत असावी), संस्था कोणासाठी व कशा प्रकारचे काम करते याबद्दल थोडक्यात माहिती.

नमस्कार,
गेली ३ वर्षे महिला दिनानिमित्त मायबोली-संयुक्ता-सुपंथ तर्फे गरजू संस्थांना वस्तू स्वरूपात मदत करण्याचा उपक्रम चालवला जातो. ह्या वर्षी पण हा उपक्रम होणार आहे पण उपक्रमाचे स्वरूप थोडेसे वेगळे ठेवत आहोत. आशा आहे उपक्रमाला अजून जास्त प्रतिसाद मिळेल.

वेगळेपणा काय असेल?
१. दोन प्रकारे उपक्रम राबविला जाईल.
- आर्थिक मदत - ज्यात दरवर्षीप्रमाणेच गरजेच्या वस्तू विकत घेऊन संस्थेला दिल्या जातील.
- श्रमदान/बुद्धी दान वगैरे... ज्यात आर्थिक मदतीची गरज नसेल

नमस्कार मायबोलीकर,

८ मार्च ला 'जागतिक महिला दिन' साजरा केला गेला.

मागील वर्षी ह्याच निमित्ताने काही संस्थांना 'सुपंथ' च्या मदतीने आपण देणगी गोळा करुन दिली होती. ह्या वर्षी पुन्हा तोच कार्यक्रम करत आहोत.

'सुपंथ' च्या सदस्यांनी पुन्हा मदत करायची तयारी दर्शवली आहे. (त्या बद्दल त्यांचे मनापासुन आभार).

३० एप्रिल २०११ पर्यंत देणगी गोळा करुन ती २ संस्थांना देण्याची योजना आहे. ही देणगी रोख रक्कम किंवा संस्थेला उपयुक्त अशा भेटवस्तुच्या स्वरुपात देण्याचा विचार आहे. संयुक्ताच्या काही सदस्यांनी काही संस्थांना भेटी दिल्या व त्यानुसार सध्या निवडलेल्या २ संस्था.

आदिपथ फाउण्डेशन आणि रिसर्च सेंटर ही एक अशि सेवाभावी संस्था आहे जी स्त्रिया आणि मुले यांच्या वर होणाय्रा घरगुति हिंसाचाराच्या विरोधात काम करते. तसेच या वर्गाच्या समुपदेशनाचे काम करते. स्त्रिया आणि मुले यांच्या साठि सुरक्षीत आणि मुल्याधारित समाजाची निर्मीती हे आमचे प्रमुख उद्दीष्ट आहे. त्या साठी आम्ही दु. १२ ते सा. ६ अशी एक फोन लाईन चालु (Warm Line) सुरु केलेली आहे.
कोणतेही चांगले काम सुरु करण्यासाठी समाजाच्या मदतीची अतिशय गरज असते.
आम्हाला पहिले प्रोत्साहन दिले, "क्लब नोस्टाल्जिया" यांनी. क्लब नोस्टाल्जिया हे सामाजिक कार्याला स्फुर्ती म्हणुन निधी संकलनासाठी संगीत रजनीचे आयोजन करीत असतात.