एकटा

एकटा

Submitted by चेतन खैरनार on 19 July, 2020 - 01:32

आपुलेच गेले पाठ दाखवुनी
केली त्यांचीच मनोमनी
गाठीत विश्वासाच्या
हा मी झालो एकटा
मित्र गेले
शत्रू गेले
प्रेमही नको म्हणाले
रंगमंची या जगीच्या
हा मी झालो एकटा
वाट दिली
पण साथ नाही
राज्य दिले
पण प्रजा नाही
खेळात नशिबाच्या
हा मी झालो एकटा

विषय: 
शब्दखुणा: 

एकाकी

Submitted by अजय चव्हाण on 27 November, 2019 - 03:19

एकट्याच मन माझं... एकट्याच स्वप्न...
भरलेलं आभाळं आणि एकटं चांदण..
एकट्याच आयुष्य माझं.. एकटाच करविता..
एकटेच शब्द माझे..एकट्याच माझ्या कविता..

एकट्या माझ्या भावना..
एकट्या माझ्या वाटा..
भलामोठा हा पसारा..
तिथे मी एकटा...
एकाकी हा प्रवास
श्वासही एकाकी..
पुसट रेषा माझ्या
माझे हातही रिकामी....

गलितगात्र नयनात अश्रू माझे एकटे..
सलत चालले ह्रद्याला हे दुःख माझे एकटे...
एकटाच मी एकट्याला अंतर हे ना उरले....
साथही सोडली शाईने....
शब्दही माझे संपले..

- अजय चव्हाण

शब्दखुणा: 

एकटा

Submitted by राजेंद्र देवी on 12 August, 2018 - 23:54

एकटा

खरंच मी एकटा आहे
साऱ्यांना वाटते नेटका आहे
आयुष्याचा मागे खेकटा आहे
खरंच मी एकटा आहे

स्वप्न पाहिले इंद्रधनुचे
त्याचा पण रंग विटका आहे
कसा रंगवू त्यास
मी खरच एकटा आहे

सारे रस्ते चुकले आहेत
वळणावर पण कोणी नाही
सावलीने पण साथ सोडली
हा तारा भटका आहे

राजेंद्र देवी

शब्दखुणा: 

लदाख सायकल ने : दिल्ली वरून सुरुवात (भाग १)

Submitted by हिंडफिरा on 20 April, 2016 - 02:08

लदाख सायकल ने : दिल्ली वरून सुरुवात (भाग १)

हा प्रवास माझे मित्र नीरज यांनी सायकल वरून केला आहे. हे प्रवास वर्णन जास्तीत जास्त लोकांपर्यंत पोहोचावे असा आमचा उद्देश आहे. म्हणून हे प्रवास वर्णन त्यांच्या संमतीने भाषांतर करून देत आहे. काही ठिकानी मुद्दामुन हिन्दी चा वापर केला आहे. तर मग करू या सुरुवात प्रवासाला...

विषय: 

एकटा

Submitted by अभिदेश on 14 January, 2015 - 13:46

--------------------------------------------------

(१) एकटा

०५-१२-२०१४
--------------------------------------------------

असाच एकदा फिरताना

मनात एक विचार आला ।

का पडलो मी एकटा ?

हे जग माझे असताना ।।धृ ।।

प्रश्नाचे वारे, मस्तकी फिरताना

मनाला उत्तर का मिळेना ।

का पडलो मी एकटा ?

हे जग माझे असताना ।।१।।

शब्दांना वाट फुटेना

स्त:ब्ध उभा असताना ।

का पडलो मी एकटा ?

हे जग माझे असताना ।।२।।

मित्रांमधला, मित्र मीळाला

माझ्यातला मी मीळेना ।

का पडलो मी एकटा ?

हे जग माझे असताना ।।३।।

शब्दखुणा: 

शून्य

Submitted by संतोष वाटपाडे on 7 May, 2014 - 01:08

दिवाणाखाली कचरा साचलाय
कपाटावर धूळ जमा झालीय
भिंतीचे पापुद्रे ओठ काढून आहेत
सारवल्या नाहीत मी अजून.....
छप्पराचा पत्रा चिरलाय
त्यातून येते दिवस असताना
धुलीकणांशी घुटमळत
एखादी प्रकाशाची तिरीप
आणि रात्री थोडा निःशब्द गारवा...

कपडे अस्ताव्यस्त पडलेत
रणांगणात मरुन पडलेल्या सैनिकांसारखे
निवांतपणे अगदीच सुन्न.. बेवारस
तुझ्या स्पर्शाची वाट बघत..
जणू तू येशील अन भरशील
तुझ्या जिव्हाळ्याचे श्वास त्यांच्यात
आणि बोलू लागतील ते निर्जिव कपडेही..

प्रत्येक कोपर्‍यात जाळं विणलंय कोळ्याने
रोज हळूहळू आकार वाढत जाणारं
माझ्याकडे बघून छद्मीपणे हसणारं
अख्खं घर त्याच्या विळख्यात घेऊ पाहणारं..

शब्दखुणा: 
Subscribe to RSS - एकटा