मावळती
का कोसळतोय आज पाऊस ?
कुठली खोलवर रुतलेली कळ
वर उगवून येतेय परत..
स्वप्नांचा चुरा झाला तरी त्यात
का दिसताहेत हे चंद्रकण..
आणि एकेका कणातून पुन्हा
जुनंच स्वप्नं का जन्म घेतंय ?
चंद्र पहाडी काळोखातून उगवून
पहाटेच्या पाण्यात मावळला..
उगवतीची ती वेदनामय वेळ
आणि मावळतीची ही शांत सल..
मधल्या अज्ञातात तरंगत राहीली
अनोळखी वाटांची वेडी तुडवण..
सूर येत राहतीलच.. पण..
श्वासांना मरणतंद्रीच्या लयीची
पाणनीळ धून कोण देणार ?
साऊलपाणी.. पाणसावली..
खूप दूरून येताहेत आवाज
साद कि प्रतिसाद आहेत हे..
कि माझ्याच हाकांचे प्रतिध्वनी ?
सुन्नावस्थेतल्या माळावरच्या
दूरध्वनींच्या तारांचा आवाज