शब्दवेध व शब्दरंग (५)

कळले.

वरील सर्वांना थँक्यू

“भोंदू बाबा” हे expression खूपदा वाचतो. भोंदू म्हणजे ढोंगी, खोटारडा किंवा फसविणारा हे माहित होते

परंतु

“भोंदणे” असे कधी वाचनात आधी आले नव्हते, ते इतक्यात वाचले.

मराठी शब्दकोष बघितला तर आहे तसा शब्द:

भोंदणे = वश करणे, फसविणे, भुलविणे

भोंदू- भोंदणारा, फसविणारा

प्रश्न अर्धा सुटला पण अर्धा अनुत्तरित राहिला.

“ क ळा ले” >> हा विध्यर्थ नाही. मग हा आ चुकीचा आहे का?

जंग जंग पछाडणे.. या वाक्प्रचाराची व्युत्पत्ती काय असावी ?

जंगी तयारीमध्ये ज्या अर्थाने जंग वापरला आहे तो अर्थ असावा. जोरदार प्रयत्न करणे.

गाठ मारलेल्या भिक्षेच्या झोळीचा आकार उलट्या अंबारीसारखा असतो>>>>> खरच की

ऋतुराज,
आणि पछाडणे .. कशाबद्दल मग?

हो, जंग हे लढाई अर्थानेच असावे आणि पछाडणे हे झपाटणे, ग्रासणे या अर्थी.
शाहिस्तेखानाने जंग जंग पछाडले. हे पहिलेच वाक्य आपल्याला इतिहासाच्या पुस्तकात शाहिस्तेखानाची फजिती या धड्यात होते. महाराजांचा पराभव करण्यास फौज घेऊन हात धुवून मागे लागला होता या अर्थी. एखाद्या गोष्टीचा ध्यास घेऊन अथक प्रयत्न करणे यासाठी पण वाक्प्रचार मग वापरात आला असेल.

हो.

आणि कुणाच्याही मागे लागण्यापूर्वी हात का धुवायचे असतात म्हणे?
आणि एकच हात (डावा ?) धुवायचा की दोन्ही? ..

म्हणजे, सगळी कामं पूर्ण करून, मागे काहीही पाश न ठेवता, एखाद्याचा पाठपुरावा करायचा...असे असावे का?

जेवणाचा जो काय खंड पडेल तेवढाच, बाकी जेवण झाल्याबरोबर त्या कामाला लागणे.. किंवा,
कसेबसे घाईत जेवण उरकायचे, पटकन हात धुवायचे आणि मग कामाच्या पाठीस किंवा मागे लागायचे....
.
.
हे अर्थ काही सुसंगत वाटत नाहीत!

मानवजी+११ जंग/ जाँग (मूळ फारसी) लढाई अर्थी च आहे इथे. युद्ध पातळीवर प्रयत्न. आज फारसी चे गुरुजी आठवले ह्या शब्दावरून, अमेरिका युद्धखोर आहे त्यासंदर्भात हे शब्द ऐकलेत.. WhatsApp बंद आहे बहुदा इराण मध्ये सध्या, मेसेजना उत्तर नाही आले, सुखरूप असू दे बिचारा. जाँग / जाँगी / जाँग्जू असे शब्द क्लासमध्ये ऐकले आहेत. जंगी तयारी पण त्यावरूनच आला असावा.

कुणाच्याही मागे लागण्यापूर्वी हात का धुवायचे असतात म्हणे?
आणि एकच हात (डावा ?) धुवायचा की दोन्ही? >> योग्य प्रश्न. विशेषतः डावा असेल तर हात धुवून मागे लागण्यापेक्षा मागे लागून हात धुवायला पाहिजेत.