आम्रसांदणी (अजूनही चुकवून दाखवा!)

आज ही आम्रसांदणी केली. खूप खूप छान झाली आहेत.
ग्लुटेन फ्री म्हणून तांदुळाचा रवा - अ‍ॅक्चुअली इडली रवा- वापरला. तो जरा जाडसर होता म्हणून मिक्सरमधून बारीक वाटून घेतला.
आमरसही जरा जास्त घातला. मी अमरचा unsweetened mango pulp with tidbits वापरला. तो आणि दही दोन्ही आंबट असल्यामुळे पाऊणकपच्या वर थोडी साखर घातली. थोडक्यात प्रमाण आणि साहित्यात बदल करुन बिघडवायचा चॅलेंज घेण्याचा प्रयत्न केला.
पण स्वाती, ही रेसिपी, "नैनं छिन्दंती शस्त्राणि ...." सारखी आहे असं दिसतंय. असो.
इथे फोटो अपलोड करायला जमत नाही. प्रयत्न करतेय.

नेमेचि मग येतो पावसाळा तसा हाही धागा वर यायला हवा.

फार भारी रेसिपी आणि फोटू पण.

मी आम्रसांदणीचे नाव ठेवून आत्या झाल्याने अजून कृती केली नाही तरी फक्त मायेपोटी येऊन जात आहे.

दिलेल्या कृतीतल्या प्रत्येक पायरीत काही ना काही बदल करून पाहिला.

मे संपायला आला, तेव्हा आता तरी करायलाच पाहिजे म्हणून घरात असलेला शेवटचा आंबा सकाळीच सोलून आणि कापून फ्रिजमध्ये ठेवला.
सांदणी करायला संध्याकाळ झाली. आंबा आणि दही पर्सनल ब्लेंडरमध्ये फिरवून घेतले.
इडली रवा तुपावर भाजून घेतला.
मग तो निवल्यावर रस + दह्यात मिक्स केला.
रात्री आता सांदण करू की हे फ्रिज मध्ये ढकलू यासाठी टॉस केला आणि आताच सांदण करणे असा कौल आला.
साखर या स्टेजला घातली.
मिश्रण अर्थातच कोरडं झालं होतं. दूध आणि ब्लेंडर धुवून पाणी घातलं.
मायक्रोवेव्हमध्ये इडल्या वाफवल्या.
कप केकमध्ये केलंय ते रात्रीच खाल्लं. ते अंडरकुक्ड वाटत होतं. म्हणजे शिजलं होतं. पण उकलताना तुकडे पडले. चमच्याने खायला लागलं.
मग इड ल्यांना आणखी एक मिनिट दिलं
उशीर झाल्याने इडल्या गार व्हायच्या आत डब्यात भरून फ्रिजमध्ये ठेवल्या. त्यांना वाफेचं पाणी सुटलं.
दुसर्‍या दिवशी खाताना अर्धा मिनिट मायक्रोवेव्ह केल्या. त्या कप केकपेक्षा व्यवस्थित होत्या.