भुभु आणि माऊ बाळांच्या गंमती जमती २

गुलकंद घ्यायला उभा आहे
आमचा पान वाला त्याला थोडंसं गुलकंद देतो कागदावर घालून
त्याने नाही दिलं तर हे असं मागून घेतो ओड्या

ओड्यासाठी ओडीण शोधताय का आशुचॅम्प ? छोटे छोटे ओडुकले आले डोळ्यासमो>>>>>
हा हा हा, मलाही
लहानपणी ओड्या कसा कापसाचा गुंडा दिसत होता तसेच दिसतील

अर्थात ओडीण म्हणजे सिफ (Sif) आणि लेकरं म्हणजे थोर, हेलगा आणि लोकी

असो, हे फारच बाजारात तुरी प्रकरण झालं

ओड्या ची बायको ओडीण म्हणजे फ्रीग्गा >>> हो हो
बरोबर, सिफ ही थोर ची सावत्र आई
फयोर्जीं ही खरी आई

अरे भारीच की हॅरी
व्हिडीओ आहे का, तो युट्युबवर टाकून लिंक द्या ना इथे

आशुचॅम्प, ओडीन चा इंस्टा वरचा natu natu cha vdo पाहिला. खूप मस्त जमलाय.>>> धन्यवाद
बायको म्हणाली हे गाणं सूट होत नाही व्हिडिओ ला

या दोघांचा एक किस्सा लिहायचा आहे
टाकतो थोड्या वेळात

आय एम हॅप्पी व्हेन आय स्लीप मोडातले >>>> सुखी जीव

ओड्या आणि त्याचा बडी रिओमध्ये लव्ह-हेट रिलेशनशिप आहे. दोघे कडाकडा भांडतात पण आणि एकत्र खेळतात पण. पहिल्यांदा भांडले तेव्हा आम्ही दोघे बाबा टेन्शन मध्ये. ओड्याने फुल ऑन अटॅक करून रिओला गवतात खाली लोळवलं. आणि भांडण कशाचे तर बारक्या काटकीवरून. बॉल खेळून कंटाळा आला की काठी टाकतो आणि हे दोघे पळत जाऊन घेऊन येतात. त्यात रिओ लहान आणि तुडतुडीत असल्याने तो पळण्यात ओड्याला मागे टाकतो. ओड्या पण जीव खाऊन पळतो पण नंतर नंतर डुलत डुलत जातो. त्यामुळे बरेचदा रिओच काठी घेतो. मग हा डांबिसपणा काय करतो तर मध्येच उभा राहतो आणि रिओ काठी घेऊन आनंदात पळत यायला लागला की त्याला पकडून त्याच्याकडून काठी हिसकावून घेतो.

रिओ बिचारा गरीबडा आहे, त्यामुळे तो सुरुवातीला निमूटपणे द्यायचा. आता त्यालाही स्वाभिमान वगैरे जागृती झालीये. त्यामुळे तो देत नाही. आणि त्यात कधी ओडीनच्या ताब्यात काठी आली की तो कुणालाच देत नाही. रीओ घ्यायला गेला की त्याला आडवाच पाडतो.

पहिल्या वेळी मी अक्षरश: झेप टाकून त्याला मागे खेचला. रिओचा बाबा पण थोडा पॅनिक झालेला. पण दहा मिनिटांनी काहीच न झाल्यासारखे एकत्र हुंदडणे सुरु केले तेव्हा लक्षात आले यांच्या मारामाऱ्या फार सिरीयसली घ्यायच्या नाहीत. ओड्याच्या दादागिरीला आता रिओची बंडखोरीचे आव्हान असे सध्याचे चित्र आहे.

पण दोघे एकमेकांना बॅकिंग पण देतात. रिओला दुनियाभरचे कुतुहल आणि अंगात मस्ती फार. तो कायम भटके भूभू दिसले कि त्यांना हुसकावून लावायला त्यांच्या मागे पळतो. एकदा असाच एकटे भूभू दिसले म्हणून पळत गेला, तर एकदम कुठूनतरी २-४ भुभू आली आणि रिओच्या अंगावर आली. आम्ही दोघेही त्याला वाचवयाला म्हणून पळत सुटलो, पळता पळता मी ओड्याला चुटकी वाजवून सांगितले की रीओला बघ, तो एकटा आहे.

देवाशपथ सांगतो, त्याला हे वाक्य कळलं का परिस्थितीची जाणीव झाली माहीती नाही पण आमच्या इथून तो तीरासारखा पळत सुटला आणि रिओच्या इथे गेला. आणि तो अंगावर जातो तेव्हाचा त्याचा आवेश एकदम भयप्रद असतो. पाठीवरचे केस फुलवून आणि पुढचे पंजे आपटत, छाती पुढे काढत जातो. त्याला बघून त्या भूभूंनी तात्काळ माघार घेतली. त्यावर मग काहीच न झाल्यासारखा तिथे जाऊन शू केली आणि ओडीन महाशय माघारी आले.