शब्दखेळ (3)

हे परिच्छेद तुम्ही कुठून घेता , म्हणजे पुस्तकातून का ?
कारण मीही तयार करू शकते , भरपूर पुस्तकं आहेत.

ओके, छान होते.

पुस्तकातून उतारे देण्यात Copyright ची शंका आली , दुसरं काही बघते. नाटकाचे स्वगत वगैरे....
मला करायचे कसे यावर सुचना/कल्पना द्या

आभार .

मला करायचे कसे यावर सुचना/कल्पना द्या Happy
Submitted by अस्मिता >>>
५-६ वाक्ये ती ही खेळ म्हणून घेतली तर Copyright ची शंका नको.
वाटल्यास Copyright २००२, १९९६ प्रकाशनाचे नाव असे देऊ शकता खाली.
लेखक / पुस्तक नाव Copyright दिल्यास लोक टेम्प्ट होतील मूळ स्रोत बघायला.
नेटवरून घेतलेले नको. एक वाक्य जमल्यावर ctrl F मारावेसे वाटेल
स्वत:ची वाक्ये किंवा छापील पुस्तकातून, बातमी, पेपर पुरवणीतील लेख, कशातूनही घेता येईल.

बाकी 'घुमवता' तुम्हाला येत नाही हे आपल्याला माहिती आहे सॉरी
तेव्हा पहिली २-३ पटकनच सुटणार.

बाकी 'घुमवता' तुम्हाला येत नाही हे आपल्याला माहिती आहे  सॉरी >>>>
दुर्गुण आहे गं तो कोड्यांबाबत किंवा जनरलीच!
( ऐवढे ओळखलेच आहे तर जमल्यास अगं तुगं कर म्हणजे मलाही करता येईल )

छापील पुस्तकातून घ्यायचेच मनात आहे. अधूनमधून करत जाईन. आभार कारवी.

आजचे कोडे :
तुम्ही साखरझोपेत असताना तयार केले.

साद देती हिमशिखरे (पुस्तक)
लेखक गो. खं. प्रधान
Towards the silver crest of Himalayas
अनुवाद रामचंद्र ज. जोशी

मालतीचे माधवास पत्र (थोडा भाग /आशय)
वाग्दत्त वधूचे वरास पत्र

सगळे शब्दं मोठे, अर्थपूर्ण व सुंदर आहेत. जोडाक्षर आहेत बहुतेकांत. हे माझे आवडते पत्र आहे. त्यातून नायिकेचा आत्मविश्वास व वैचारिक स्पष्टता दिसते. करा सुरु. तुमच्या रात्री दहापर्यंत उत्तर देईन.

******

पुढे पुढे (६) -- ऐहिक सुखापेक्षा पारमार्थिक वा (४) सुखाकडे -- तुझ्या मनाचा वाढता (२) मला आढळला, अनुभवास आला, तेव्हा तर माझी फार फार निराशा झाली. माझे (५) जर खरे असेल तर, का नि कसे न कळे, मला असे वाटते की(३) भावनांपेक्षा तू बुद्धीला जास्त प्राधान्य देतोस. त्या( ५) तू आपली(५) जीवनमूल्ये घासून पहात असतोस.
माझी जीवनाकडे पाहाण्याची दृष्टी(५) असल्याने मला तुझी ही वृत्ती (४) वाटते. मी तर अक्षरशः (४) गेले. कुठला तो काळाकुट्ट दिवस उगवला, नि तुझी त्या स्वामीजींशी (२) पडली असे मला वाटते. कारण त्या दिवसापासून तू (२) बदललास !
तू वृत्तीने(२) , व्यवहारी नि आता तर तुझ्यात(३) प्रवृत्तीचाच प्रभाव दिसतो. तुझी वृत्तीही अरेरावीची आहे नि (७) तू कुठेही नमते घेणारा नाहीस. मीही कुणापुढे मान वाकवू इच्छित नाही ; आणि साहजिकपणे माझा नवरा माझ्या मुठीत असावा अशी माझी (५) आहे नि तसे माझे प्रयत्नही असतील. मी कुणाच्या मार्गात (३) होऊ शकत नाही. ती कल्पनाच मला असह्य आहे. मद्रासहून तू आलास तेव्हा तर मला आढळून आले की तुझ्यात केवढा मोठा बदल झाला आहे. (६) वृत्ती की ज्यामुळे वैवाहिक जीवन सुखी व्हायचे ती वृत्तीच नव्हे; तर तरुण वयात हवीहवीशी असणारी (६) तू गमावून बसला आहेस. तुझ्या (६) मला किती किती वाटायचे, तुझी(५) मूर्ती बघून मी हरखून जायची ; नि जीवनात तू जे हवे ते मिळवशील अशा तुझ्याबद्दल मला मोठा विश्वास होता आणि आहेही. मुद्द्याची गोष्ट इतकीच की, आपण जर(७) निगडित होऊन एकत्र आलो, तर आपले जीवन यशस्वी होणार नाही या (५) मी आले आहे. माझा (३) पती तू होशील असे तुझ्यात आताशा काही उरलेलेच नाही, असे (४) मला म्हणावे लागत आहे. आपले वैवाहिक जीवन(५) होईल, अयशस्वी होईल आणि ही घटना (६) सुखप्रद होणारी नव्हे.

धन्यवाद !

छान आहे उतारा अस्मिता. शब्द मोठे ६-७ अक्षरी.... पटकन सुचत नाहीयेत. वेळ लागेल.
पण मुलगी प्रामाणिक आणि स्पष्टवक्ती आहे.
लग्न करून untuned संसार करण्यापेक्षा किंवा नवर्‍याला मोल्ड करण्यात शक्ती वाया घालवण्यापेक्षा, जा बाबा आपल्या वाटेने म्हणून सोडून द्यावे.

लिहू शकता. दुसरे कुणी आहे का खेळात.
संपूर्ण शब्द.... हो.

कारवी , वेळ लागू दे. तुम्ही म्हणालं तेव्हा देईन उत्तर

छान लिहिले आहे कुमारसर , पण मूळ बरेच वेगळे आहे.
इतरांची वाट पाहू.
पर्यालोचन शब्द माझ्यासाठी नवीन आहे.
काही ठिकाणी मूळ शब्दाला -च, -मुळे वगैरे लागले आहे. (ते मोजले आहे )याची नोंद घ्यावी.

छान वाटतोय उतारा. आवडलं असतं प्रयत्न करायला पण गडबडीत आहे.

धन्यवाद punekarp

प्रयत्न केला थोडा. पण एवढे ५ - ६ -७ अक्षरी शब्द काही सुचत नाहीयेत. निदान आज तरी. तेव्हा पास.

जेवढे जमले तेवढे देऊन टाका , हाकानाका
क्लु मागा पण पास म्हणू नका
उद्या देऊन टाकते उत्तर....

पुढे पुढे जिवनामधील ऐहिक सुखापेक्षा पारमार्थिक वा अध्यात्मिक सुखाकडे -- तुझ्या मनाचा वाढता रोख मला आढळला, अनुभवास आला, तेव्हा तर माझी फार फार निराशा झाली. माझे अवलोकन जर खरे असेल तर, का नि कसे न कळे, मला असे वाटते की आपल्या भावनांपेक्षा तू बुद्धीला जास्त प्राधान्य देतोस. त्या कसोटीवर तू आपली(५) जीवनमूल्ये घासून पहात असतोस.
माझी जीवनाकडे पाहाण्याची दृष्टी सर्वसामान्य असल्याने मला तुझी ही वृत्ती अतार्किक वाटते. मी तर अक्षरशः धास्तावून गेले. कुठला तो काळाकुट्ट दिवस उगवला, नि तुझी त्या स्वामीजींशी गाठ पडली असे मला वाटते. कारण त्या दिवसापासून तू पार बदललास !
तू वृत्तीने हट्टी , व्यवहारी नि आता तर तुझ्यात दांडग्या प्रवृत्तीचाच प्रभाव दिसतो. तुझी वृत्तीही अरेरावीची आहे नि आत्मसन्मानासाठी तू कुठेही नमते घेणारा नाहीस. मीही कुणापुढे मान वाकवू इच्छित नाही ; आणि साहजिकपणे माझा नवरा माझ्या मुठीत असावा अशी माझी मनोधारणा आहे नि तसे माझे प्रयत्नही असतील. मी कुणाच्या मार्गात खोळंबा होऊ शकत नाही. ती कल्पनाच मला असह्य आहे. मद्रासहून तू आलास तेव्हा तर मला आढळून आले की तुझ्यात केवढा मोठा बदल झाला आहे. (६) वृत्ती की ज्यामुळे वैवाहिक जीवन सुखी व्हायचे ती वृत्तीच नव्हे; तर तरुण वयात हवीहवीशी असणारी विषयासक्तीच तू गमावून बसला आहेस. तुझ्या रुपड्याबद्दल मला किती किती वाटायचे, तुझी हसतमुख मूर्ती बघून मी हरखून जायची ; नि जीवनात तू जे हवे ते मिळवशील अशा तुझ्याबद्दल मला मोठा विश्वास होता आणि आहेही. मुद्द्याची गोष्ट इतकीच की, आपण जर(७) निगडित होऊन एकत्र आलो, तर आपले जीवन यशस्वी होणार नाही या निर्णयाप्रत मी आले आहे. माझा आदर्श पती तू होशील असे तुझ्यात आताशा काही उरलेलेच नाही, असे ठामपणे मला म्हणावे लागत आहे. आपले वैवाहिक जीवन वैफल्यग्रस्त होईल, अयशस्वी होईल आणि ही घटना (६) सुखप्रद होणारी नव्हे.

धन्यवाद मानवदादा , छान सोडवलतं.

सॉरी अस्मिता काल उत्तर तयार करून ठेवले पण संध्याकाळी इथे येता नाही आले.... लेट एन्ट्री

पुढे पुढे इंद्रियतुष्टीच्या (६) -- ऐहिक सुखापेक्षा पारमार्थिक वा अध्यात्मिक (४) सुखाकडे -- तुझ्या मनाचा वाढता कल (२) मला आढळला, अनुभवास आला, तेव्हा तर माझी फार फार निराशा झाली. माझे अंतःस्फुरण / अवलोकन / अर्थान्वयन (५) जर खरे असेल तर, का नि कसे न कळे, मला असे वाटते की केवळ / निव्वळ / मानवी (३) भावनांपेक्षा तू बुद्धीला जास्त प्राधान्य देतोस. त्या निकषांवर / कसोट्यांवर (५) तू आपली एकूणएक (५) जीवनमूल्ये घासून पहात असतोस.

माझी जीवनाकडे पाहाण्याची दृष्टी रसानुकूल / भावनापूर्ण / भावप्रचुर / भावप्रधान (५) असल्याने मला तुझी ही वृत्ती अनाठायी / अनुचित / अप्रस्तुत (४) वाटते. मी तर अक्षरशः पस्तावून / भांबावून (४) गेले. कुठला तो काळाकुट्ट दिवस उगवला, नि तुझी त्या स्वामीजींशी गाठ (२) पडली असे मला वाटते. कारण त्या दिवसापासून तू पूर्ण (२) बदललास !

तू वृत्तीने रूक्ष (२) , व्यवहारी नि आता तर तुझ्यात विरागी / स्वकेंद्री (३) प्रवृत्तीचाच प्रभाव दिसतो. तुझी वृत्तीही अरेरावीची आहे नि कारणपरत्वेही / अपवादासाठीही (७) तू कुठेही नमते घेणारा नाहीस. मीही कुणापुढे मान वाकवू इच्छित नाही ; आणि साहजिकपणे माझा नवरा माझ्या मुठीत असावा अशी माझी मनोकामना / महत्त्वाकांक्षा (५) आहे नि तसे माझे प्रयत्नही असतील. मी कुणाच्या मार्गात पायरी / अटक / विपदा (३) होऊ शकत नाही. ती कल्पनाच मला असह्य आहे. मद्रासहून तू आलास तेव्हा तर मला आढळून आले की तुझ्यात केवढा मोठा बदल झाला आहे. जीवनाभिलाषी / संसारानुकूल (६) वृत्ती की ज्यामुळे वैवाहिक जीवन सुखी व्हायचे ती वृत्तीच नव्हे; तर तरुण वयात हवीहवीशी असणारी कर्तबगारीही / कार्यक्षमताही (६) तू गमावून बसला आहेस. तुझ्या कर्तृत्वाबद्दल / हुषारीबद्दल (६) मला किती किती वाटायचे, तुझी तडफदार (५) मूर्ती बघून मी हरखून जायची ; नि जीवनात तू जे हवे ते मिळवशील अशा तुझ्याबद्दल मला मोठा विश्वास होता आणि आहेही. मुद्द्याची गोष्ट इतकीच की, आपण जर विवाहबंधनाने (७) निगडित होऊन एकत्र आलो, तर आपले जीवन यशस्वी होणार नाही या निष्कर्षाप्रत / निर्णयाप्रत (५) मी आले आहे. माझा आदर्श / ईप्सित / नेमस्त (३) पती तू होशील असे तुझ्यात आताशा काही उरलेलेच नाही, असे वैफल्याने / उद्वेगाने (४) मला म्हणावे लागत आहे. आपले वैवाहिक जीवन असंतुलित / तापदायक / असमाधानी (५) होईल, अयशस्वी होईल आणि ही घटना दोघांकरिताही / उभयतांनाही (६) सुखप्रद होणारी नव्हे.

धन्यवाद !

सार्‍या शब्दखेळ परिवाराला स्नेहमय, तेजोमय दीपावलीच्या हार्दिक शुभेच्छा

सर्वांना दीपावलीच्या हार्दिक शुभेच्छा!

सर्व कोडीप्रेमी मित्रमंडळीस दिवाळीच्या शुभेच्छा !!

कारवी छान सोडवलेस. अनेक पर्यायी शब्द बघून टडोपाच