शब्दखेळ (3)

हा मूळ उतारा.....

पुढे पुढे तत्वज्ञानाकडे -- ऐहिक सुखापेक्षा पारमार्थिक वा आध्यात्मिक सुखाकडे -- तुझ्या मनाचा वाढता कल मला आढळला, अनुभवास आला, तेव्हा तर माझी फार फार निराशा झाली. माझे अवलोकन जर खरे असेल तर, का नि कसे न कळे, मला असे वाटते की ह्रदयस्थ भावनांपेक्षा तू बुद्धीला जास्त प्राधान्य देतोस. त्या निकषावर तू आपली जीवनमूल्ये घासून पहात असतोस.
माझी जीवनाकडे पाहाण्याची दृष्टी भावभधुर असल्याने मला तुझी ही वृत्ती भयप्रद वाटते. मी तर अक्षरशः हादरून गेले. कुठला तो काळाकुट्ट दिवस उगवला, नि तुझी त्या स्वामीजींशी गाठ पडली असे मला वाटते. कारण त्या दिवसापासून तू साफ बदललास !

तू वृत्तीने शुष्क, व्यवहारी नि आता तर तुझ्यात संन्यासी प्रवृत्तीचाच प्रभाव दिसतो. तुझी वृत्तीही अरेरावीची आहे नि कुटुंबजीवनात तू कुठेही नमते घेणारा नाहीस. मीही कुणापुढे मान वाकवू इच्छित नाही ; आणि साहजिकपणे माझा नवरा माझ्या मुठीत असावा अशी माझी महत्त्वाकांक्षा आहे नि तसे माझे प्रयत्नही असतील. मी कुणाच्या मार्गात लोढणे होऊ शकत नाही. ती कल्पनाच मला असह्य आहे.
मद्रासहून तू आलास तेव्हा तर मला आढळून आले की तुझ्यात केवढा मोठा बदल झाला आहे. तारुण्यसुलभ वृत्ती की ज्यामुळे वैवाहिक जीवन सुखी व्हायचे ती वृत्तीच नव्हे; तर तरुण वयात हवीहवीशी असणारी जीवनमूल्येच तू गमावून बसला आहेस. तुझ्या कर्तृत्वाबद्दल मला किती किती वाटायचे, तुझी रुबाबदार मूर्ती बघून मी हरखून जायची ; नि जीवनात तू जे हवे ते मिळवशील अशा तुझ्याबद्दल मला मोठा विश्वास होता आणि आहेही.
मुद्द्याची गोष्ट इतकीच की, आपण जर विवाहबंधनांनी निगडित होऊन एकत्र आलो, तर आपले जीवन यशस्वी होणार नाही या निर्णयाप्रत मी आले आहे. माझा आदर्श पती तू होशील असे तुझ्यात आताशा काही उरलेलेच नाही, असे दुर्दैवाने मला म्हणावे लागत आहे.
आपले वैवाहिक जीवन बदसूरत होईल, अयशस्वी होईल आणि ही घटना उभयतांनाही सुखप्रद होणारी नव्हे.

छान आहे उतारा अस्मिता. ५-६-७ अक्षरी शब्द मुळातून पूर्ण शोधायला कठीण तर गेले पण मजाही आली.
एखादे अजून द्या दुसर्‍या पुस्तकातून.

हो देत जाईन कारवी.
दुसरे कोडे येऊ द्या कुणाकडे तयार असेल तर.

हा खुराक कसा आहे?
घटक पदार्थ नुसते एकत्र मिसळलेले आहेत? सुकामेवा प्रमाणे
की
घटक पदार्थ शिजवून घोटून एकजीव केलेत? च्यवनप्राशप्रमाणे

१ अक्षरजोडी दोनदा -- जशीच्या तशी दोनदा आली आहे की काना/मात्रा/वेलांटीचा फरक असू शकतो?

मिष्टान्नभोजन / सुग्रासभोजन

असं काही किंवा याच्याशी मिळतंजुळतं .... ?

एकच पदार्थ... आठ अक्षरी आणि गोड व स्निग्ध ..
बघते.

मधू
मधुर
शर्करा
हे शब्द कुठे आहेत का त्या नावात किंवा आठ अक्षरात ...

एक अक्षरजोडी दोनदा आली आहे
ती मधु आहे काय?
(मधुमधुरेमधुकैटभ भंजिनी ह्या महिषासुरमर्दिनी स्तोत्रातल्या ओळीच मनात यायला लागल्यात)
स्निग्ध आहे तर स्नेह आहे का कुठे

अस्मिता,याचा उच्चारही करायला कठीण ग.

हो ना

स्निग्ध पदार्थासाठी
दूध / दुग्ध
साय / मलई / लोणी ( यासाठी जोडाक्षरेयुक्त / उकार असलेला बघावा लागेल)
तूप / घृत / आज्य

मधु; + तूप / घृत / आज्य
+
वैपुल्य लयलूट बाहुल्य
उकार / जोडाक्षरे घेतली तर १ अक्षर कमी पडते; ४ अक्षरे घेतली तर जोडाक्षरे नाही

मधुपूर्ण घृतपूर्ण आहे का?

३ जोडाक्षरे, २ मुळाक्षरे,३ उकारयुक्त अक्षरे
१ अक्षरजोडी दोनदा
सगळे आहे

मधुकुंड घृतकुंड ?
कुंड = हौद याअर्थी ;
हौद भरून मधु / घृत असण्याइतकी ऐपत...

घृतयुक्तमधुयुक्त

घृतकुल्यामधुकुल्या ?

मस्त शब्द, ऐकला नव्हता फार फार वर्षांपासून.
सगळे गोड व स्निग्ध पदार्थ यातच येतात का?