रव्याच्या उकडीचे मोदक (Easy Recipe for beginners)

Submitted by ShitalKrishna on 23 August, 2020 - 15:44
ravyachya ukadiche modak
प्रत्यक्षात लागणारा वेळ: 
४५ मिनिटे
लागणारे जिन्नस: 

आवरण : 1 वाटी बारीक रवा, सवा वाटी पाणी, 1 चमचा तूप, पाव चमचा मीठ

सारण : 1चमचा तूप, खवलेला नारळ 2 वाटी, गूळ 1 वाटी, 2 चमचे खसखस किंवा पांढरे तीळ(यापैकी एक), आवडी नुसार काजू, बदाम, पिस्ता यांची जाडसर भरड

क्रमवार पाककृती: 

"आळस ही शोधाची जननी आहे ( said by someone like me)
मला विकतची तांदूळ पिठी वापरायला risky वाटते (मोदक नाही वटले तर), तसेच तांदूळ धुवून सुकवून पिठी करायचा कंटाळा व आळस
मी नेहमी कारण सांगायचे सासूबाईंना कि तांदूळ पिठी नाहीये वगैरे. त्या म्हणायच्या कि अग रव्याचे कर चांगले होतात, पण कधी केले नव्हते. काल नैवेद्याला मोदकचं हवे होते, त्यात जिकडे तिकडे मोदकाचे फोटो.. मग घेतला मनावर"

कृती अगदी तांदूळ उकडी प्रमाणे आहे फक्त तांदूळ पीठी ऐवजी रवा.

कृती:
1. सवा वाटी पाणी उकळत ठेवावे, त्यात तूप मीठ घाला. पाण्याला चांगला उकळा आला कि गॅस फ्लेम लो करा.
2. हळूहळू रवा सोडा व कलथ्याने हलवत राहा.
3. गॅस बंद करून झाकण ठेवा. 15-20 मिनिट सेट होऊ द्या.
4. तोपर्यंत सारण करून घ्या. कढई मध्ये चमचाभर तुपात ड्रायफ्रूटस भरड परतून घ्या, तीळ किंवा खसखस घाला, त्यातच गूळ घाला.
5. गूळ विरघळला कि खवलेला खोबरं घाला.
6. खोबऱ्याचा पाणी सुके पर्यंत परतत राहा.
7. वेलची जायफळ पूड घालून गॅस बंद करा.
8. रव्याची उकड जरासा पाण्याचा हात लावून मळून घ्या. अगदी मऊ शिजलेली असते अजिबात वेळ नाही लागतं मळायला.
9. आता हवे तसें मोदक वळा.
10. 5 मिनिट वाफवून घ्या.

IMG_20200823_112541.jpg

चवीला अगदी तांदुळासारखे लागतात. कळणारही नाही खाऊन कि रव्याचे आहेत.

IMG20200822210616_0.jpg

कलर किंचित पिवळसर येतो रव्यामुळे

IMG-20200822-WA0022_0.jpg

वाढणी/प्रमाण: 
11 होतील मेडीयम साईझ
अधिक टिपा: 

मापात पाप करु नका.. रवा आणि पाणी प्रमाण

आहार: 
शाकाहारी
पाककृती प्रकार: 
उपाहार
गोड पदार्थ
पक्वान्न
प्रादेशिक: 
पारंपारीक मराठी
शब्दखुणा: 
मोदक
रव्याच्या उकडीचे मोदक
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

वाह छान
Try करून पाहते
कालच उकडीचे मोदक करून पाहिले, त्याचे काय झाले हे सांगायला वेगळा धागा काढावा लागेल Biggrin

Submitted by किल्ली on 23 August, 2020 - 15:47

नक्की करा, अजिबात नाही बिघडणार.

Submitted by ShitalKrishna on 23 August, 2020 - 15:52

आम्ही नेहमी रव्याचेच मोदक करतो. कारण सेम. तांदळाचे पीठ करता येत नाही आणि बाहेरुन आणलेले रुचत नाही.
रव्याचे मोदक चवीलाही खूप छान लागतात. आणि फुटण्याचे प्रमाण कमी असते.

Submitted by मी चिन्मयी on 23 August, 2020 - 20:07

मी वाफवते रव्याची पारी असली तरी मोजून २-३ मिनिटेच फक्त.
हि माझी पद्धत आहे,
https://www.maayboli.com/node/55554

पण, नाही उकडले तरी चालतात जर उकड शिजवून घेतली असेल तर.

Submitted by देवीका on 23 August, 2020 - 21:24

नियती छानच, सरणामध्ये काय वापरला?>>>> नेहमीच्या गुळ खोबऱ्याच्या सारणात थंड झाल्यावर डेअरी मिल्क चॉकलेट किसून घातले. थोडेच केले होते चॉकलेट मोदक . बाकीचे साधेच होते.

Submitted by नियती on 26 August, 2020 - 22:26

हे वाचून मी केले असे मोदक. रव्यात फक्त थोडा केशरी रंग घातला. मस्त झाले आणि आवडले सुद्धा. पहिल्यांदाच वाचले पण रव्याची उकड हा प्रकार.

Submitted by वर्णिता on 27 August, 2020 - 10:20

धन्यवाद वेका
धन्यवाद मानव, Easy recipe for Engineers असं पण चालतंय कि Proud Proud

Submitted by ShitalKrishna on 29 August, 2020 - 04:06

Pages