रामनाम लेखन जपयज्ञ वही

विकार खूप सूक्ष्म आहेत. त्यांचेवर मात करायला जो उपाय शोधायचा तो तसाच सूक्ष्म असायला हवा. नाम हे विकारांहून सूक्ष्म आहे. त्यामुळे ते विकारांपर्यंत पोहोचू शकते व मातही करू शकते. आपल्याला नामाची फक्त सतत धार धरता आली पाहिजे.

हेही गोंदवलेकर महाराजांचेच आहे. फक्त शब्द असेच असतील असे नाही. अनेक वर्षांपूर्वीचं वाचलेलं आहे.
_/\_

श्रीराम जय राम जय जय राम

राम रामेति रामेति रमे रामे मनोरमे |
सहस्रनाम तत्तुल्यं रामनाम वरानन ||

( श्रीराम कृपेने जानेवारी महिन्यांत प्रथम अपत्य कन्यारत्न प्राप्त झाले, तिचे नाव रमा ठेवले आहे हा श्लोक तिला सतत म्हणून दाखवते, आता ती ह्या श्लोकाला छान प्रतिसाद देऊ लागली आहे, गोड हसून )

जय श्रीराम ||

अभिनंदन किल्ली, सुंदर नाव रमा.

अभिनंदन किल्ली! मलाही रमा नाव खुपच आवडतं.

धन्यवाद सामो, धनुडी, अन्जू

अभिनंदन किल्ली!!

अभिनंदन किल्ली, आणि बाळाला खूप आशीर्वाद आणि शुभेच्छा नाव गोड आहे.
आदिश्री

आशा करते कोणी माझी मस्करी करणार नाही. पण जेव्हा जेव्हा मी रामनाम घ्यायला सुरुवात केली, त्या त्या रात्री, मला रात्रभर खूप वाईट, त्रासदायक स्वप्ने पडली.>> फक्त राम म्हणु नका श्रीराम असे उच्चारण करा. >> धन्यवाद सामो. Happy प्रयत्न करून बघते.>>
"श्रीराम जयराम जय जय राम" नाही का म्हणत?

श्रीराम कृपेने जानेवारी महिन्यांत प्रथम अपत्य कन्यारत्न प्राप्त झाले, तिचे नाव रमा ठेवले आहे >> अभिनंदन किल्ली

मला वाटते कोहंसोहं१० यांना पाहिजे असावे ----> शामजी लिंक बद्दल धन्यवाद. मी हे पुस्तक scribd वरूनच वाचले होते आधी. मी या पुस्तकाचा पहिला भाग 'नामजपाचे महत्व' हे पुस्तक शोधत होतो. ते मिळाल्यास नक्की कळवा.

किल्ली!
अभिनंदन! नावही सुरेख आहे.तुझ्या बाळंतपणाच्या धाग्या वरून शंका आली होती.

नामजपाने कधीकधी वाईट स्वप्ने पडू लागलास सुरुवातीला नामजप विधिपूर्वक करायचा प्रयत्न करा. सर्वात प्रथम जपला सुरुवात करण्याआधी त्या देवाची देव्हाऱ्यात मूर्ती/फोटो समोर बसून हळद कुंकू वाहून नामजपाला सुरुवात करत आहे तेंव्हा रक्षण करावे असे सांगूनच सुरुवात करून बघा. सुरुवातीचे काही दिवस तरी जमिनीवर आसन (आसन शक्यतो लोकरीचे किंवा रेशमी वस्त्राचे असावे त्यामुळे शरीरातील पॉसिटीव्ह करंटचे अर्थिंग होत नाही) अंथरून जपमाळेने ठरलेल्या वेळी ठराविक माळा जप करा. शक्यतो गादीवर बसून किंवा झोपून जप करणे काही दिवस तरी अव्हॉइड करा असे सुचवेन.

मला अगदीच किळसवाणी (इथे सांगू शकत नाही) किंवा खूप भीतीदायक स्वप्ने पडतात. कधी कधी गुदमरल्यासारखे जाणवते. सामोंनी सांगीतल्याप्रमाणे फक्त राम न म्हणता "श्रीराम जय राम जय जय राम" असं नामस्मरण सुरू केले आहे तेव्हापासून त्रास नाही जाणवला.

नामजप विधिपूर्वक करायचा प्रयत्न करा. >>

असे नाही जमत आजकाल. ध्यान, मंत्रोच्चार, किंवा इतर मंत्रजप करताना मणक्यातून एकदम करंट बसल्यासारखे वाटते. जास्त करून मानेतून वर माथ्यापर्यंत झटके बसतात. आवाज एकदम चढतो. असे वाटते कोणीतरी ताबा घेईल शरीराचा. मी लगेच उठतेच त्या जागेवरून. काही न जाणवणाऱ्या मानसिक तणावामुळे होत असेल का??? येता जाता नामस्मरण करताना असा त्रास जाणवत नाही. म्हणून मी होता होईल तो नामस्मरण करते.

सामोंनी सांगीतल्याप्रमाणे फक्त राम न म्हणता "श्रीराम जय राम जय जय राम" असं नामस्मरण सुरू केले आहे तेव्हापासून त्रास नाही जाणवला. >>> वा मस्त अनुभव.

ध्यान, मंत्रोच्चार, किंवा इतर मंत्रजप करताना मणक्यातून एकदम करंट बसल्यासारखे वाटते. जास्त करून मानेतून वर माथ्यापर्यंत झटके बसतात. आवाज एकदम चढतो. >> कुंडलिनीशी संबंधीत असू शकते का? जाणकारांना विचारा.

ध्यान, मंत्रोच्चार, किंवा इतर मंत्रजप करताना मणक्यातून एकदम करंट बसल्यासारखे वाटते. जास्त करून मानेतून वर माथ्यापर्यंत झटके बसतात. आवाज एकदम चढतो. >> कुंडलिनीशी संबंधीत असू शकते का? जाणकारांना विचारा.>>>
भूताबितानं पकडलेलं असेल पूर्वी कधीतरी नाहीतर एखाद्या उग्र दैवताचा संचार होणार असेल. यातील जाणकारांना दाखवा.

भूताबितानं पकडलेलं असेल पूर्वी कधीतरी नाहीतर एखाद्या उग्र दैवताचा संचार होणार असेल. यातील जाणकारांना दाखवा. >> हाडळीचा आशिक >> खरतर आयडी बघता तुम्हीच जाणकार असाल असे वाटलेले. (दिवे)

भूताबितानं पकडलेलं असेल पूर्वी कधीतरी नाहीतर एखाद्या उग्र दैवताचा संचार होणार असेल. यातील जाणकारांना दाखवा. >> तुमच्या आयडी नुसार तुमचा या गोष्टींवर विश्वास असेल. माझा नाही.

कुंडलिनीशी संबंधीत असू शकते का? जाणकारांना विचारा. >> असू शकेल. नसेलही. मानसिक सुद्धा असू शकेल. या बाबतीतला सखोल अभ्यासक भेटला पाहिजे. त्याला नशीब पाहिजे. भोंदूगिरी करणारे सुद्धा कमी नाहीत.

हम्म्.
सूक्ष्म देह पाहू शकणारा अधिकारी पुरूष सांगू शकेल. त्यात परत तो नामस्मरणातला अधिकारी पाहिजे. पण ती लोकं कधीही कारण सांगणार नाहीत. फक्त काय करायचे ते सांगतील.
असो.

हा धागा रामजपाविषयी आहे. पण माझा प्रश्न कुठे विचारावा माहित नाही म्हणून इथेच विचारते.
गुरुमंत्राच्या ( गुरूने जपासाठी दिलेला मंत्र) जपाबद्दल कोणाला काही माहिती आहे का? किंवा वाचनासाठी कृपया काही पुस्तके सुचवू शकाल का?

अजून एक शंका. जर स्वप्नात कोणी येऊन दोन तीन वेळा एखादा मंत्र सांगत असेल तर आपल्याला त्या मंत्राचा उपदेश झाला असे समजावे का

@चंद्रा, बाबा बेलसरे यांनी लिहिलेली किंवा क्षीरसागर महाराजांची गुरुवाणी मिळाली तर वाचावी.

धन्यवाद प्राचीन. बघते कुठे उपलब्ध आहेत ही पुस्तकं.

@चंद्रा, विपू केली आहे. कृपया पहा.