एका धावकाचे (म्हणजे माझेच :P ) ‘मैत्री’ खातर आवाहन

आज तळजाई टेकडीवर ४ वेळा वरखाली धावलो. वॉर्मअप सकट एकूण १६ किमी धावलो.

ट सर, जिन्यांवर पळण्याचा सराव सर्वात जास्त दमवतो - हे बाकी अगदी खरं आहे. काल चतु:शृंगी देवळाच्या पायर्‍ या जरा कुठे वरखाली केल्या तर टाच-पोटरीपासचे स्नायु 'आहोत' 'आहोत' अशी जाणीव करून देताहेत लगेच आज.

पण अर्थात ह्या व्यायामामुळे पायांमधली आणि फुफ्फुसांची ताकद पण जबरदस्त वाढते.

धन्यवाद स_सा आणि मंजूताई.

कालचा दिवस धावपळीचा गेल्याने इथे येता आले नाही. कालच्या दिवशी तसेही धावायला सुट्टी होती. त्यामुळे लिहिण्यासारखे काही नव्हतेच.

आज ४ तास धावलो एकूण ३७ किमी अंतर पार केले. मधेच जोरात पाऊस लागला होता. संपुर्ण ओलेचिंब व्हायला झाले. वाहत्या पाण्यात फताक फताक करत , पळता पळता पायाने पाणी उडवत जाताना परत एकदा लहानपण जगायला मिळाले. मजा आली.

हो अन्जू. काळजी घेतोच यापुढेही घेत जाईन. ऑफीसात गरम पाण्यावर भागवावे लागेल. तसेही काढा वगैरे फार काही आवडत नाही.
मंजूताई, मी लिहितो ते वाचून तुम्हाला मस्त वाटतं जे तुम्ही इथे लिहिता आणि मग ते वाचल्यावर मलाही मस्त वाटतं

आज सकाळी साडेपाच वाजता धावायला सुरु केले आणि साडे नऊ वाजता संपवले. घरापासून बोपदेव घाट माथा आणि मग अडीच-तीन तासच झाले होते म्हणून मग तिकडेच परत एकदा घाट वर पर्यंत चढून उतरलो तरी ही साडेअतीन तासच झाले होते मग धावत खडी मशीन चौकातून कोंढव्या कडे जायच्या रस्त्यावर चार तास पुर्ण झाले. नंतर आरजू म्हणून रे स्टॉरंट आहे तिथे ब्रेक्फा स्ट केला आणि तिथला ब्लॅक टी प्यायला ऑलमोस्ट काढाच होता कहाव्यासारखा पण वेगळा गरमागरम चहा पिताना अन्जू यांची आठवण काढली.

आजचे अंतर नीट मोजावे लागेल. घाट रस्त्याच्या चढावर वेग कमी होत असल्यामुळे जेम्तेम ३२ किमी झाले असावे असा अंदाज आहे.
सलग दोन दिवस सकाळी चार तास पळून मस्त वाटत आहे.

आज काहीही केले नाही.

धन्यवाद जाई. जिना चढ उताराचा अनुभव स्वतः घेतलेला दिसतोय

तर मंडळी आज सोमवार, मागच्या आठवड्यात किती जणांनी किती रक्कम जमा केली ह्यबद्दल माहिती देतो. तर कळवण्यास आनंद होत आहे की, मागच्या आठवड्यात ४ जणांनी मिळून १६००० रुपये मैत्रीकडे जमा केलेत. एकाने ११००० एकाने ३००० आणि दोन जणांनी १००० अशा रितीने ही रक्कम जमा झाल्ये.

सगळ्या देणगीदारांचे आभार !

आज १६ कि मी धावलो. ८ किमी च्या दोन फेर्‍या मारल्या. पहिल्या फेरीच्या वेळेस राम अय्यर बरोबर होता दुसरी फेरी एकट्यानेच मारली. दुसर्‍या फेरीच्या वेळेस (जाईच्या प्रतिसादातून स्फुर्ती घेऊन) चतु:शृंगी मंदीरच्या पायर्‍या चढून उतरलो. चढताना जितका त्रास वाटला तितकाच आनंद शरीराला आलेल्या हलकेपणा मुळे वाटला.

ट्रेनिंग असे करा की प्रत्यक्ष स्पर्धा सोपीच वाटली पाहिजे.

एकाच मार्गावर रोज रोज पळून कंटाळा येतो खरा पण नियमितपणामुळे आपल्या सारखे दुसरे चालणारे / धावणारे अनेक लोक तोंडओळखीचे होतात. आपली विपु करतात ते खूप भारी वाटते. दुसर्‍या फेरीच्या वेळेस असेच एकांनी (तसं पाहिले तर फक्त इतकेच) विचारले, "आज दुसरी फेरी वाटतं?" (पण) त्यामुळे पण मस्त वाटले एकटेपणाची भावना निघून गेली. त्या जोरावर पुढचे बरेच अंतर तरंगत गेल्यासारखे चटकन संपले.

रीया __/\__

आज ८ किमी धावलो. आज चतु:शृंगी मंदीराच्या पायर्‍या चार वेळा चढून उतरलो.

नमस्कार आणि धन्यवाद VB , आदित्य. (Its ok Aditya)

आज तळजाई टेकडी रस्त्यावर वरखाली धावलो. एकूण १५ किमी अंतर झाले असेल.

हो आदित्य काल आरामाचाच दिवस होता, आज धावायचा दिवस होता पण काल रात्री अंगदुखी कणकण ताप आल्यासारखा वाटल्यामुळे आणि जोरदार पावसामुळे आजही सरावाला दांडीच मारली.
पहिल्यांदाच असे होतेय की लाँगरनच्या दिवशी गॅप घ्यावी लागत्ये. पण फंडा क्लियर आहे मेजर आजारी पडायचे नाहीये आणि दुखपतग्रस्त व्ह्यायचं नाहीये. त्यामुळे नो रिग्रेटस !
उद्या बद्दलही अजून विचारच करतोय.

आज विचार असा केला की जास्त काही झाले तर मधल्या सरावात गॅप घेऊ पण रवीवारची लाँग रन हुकवायला नको.
आजचा अरूण च्या डोक्यातून आलेला आणि खूप दिवस न करू शकलेला प्लॅन होता, दांडेकर पूलापासून सिंहगड किल्ल्याच्या माथ्यापर्यंत घाटरस्त्याने वर जा यचे आणि परत घाटरस्त्ययाने गडाच्या पायथ्याशी धावत परत यायचे. येताना बसने परत.

सिंहगड धावत या अधी बरेच वेळा केलाय पण तो पायथ्यापासून चालू करून. यावेळी १७ किमी अंतर आधीच धावून संपवलेले असणार होते. त्यामुळे आणि कालच्या अंगदुखी-तापामुळे मनात जरा धाकधूक होती पण बरोबर दोन मित्र अमनदीप आणि निखिल नक्की येणार होते त्यामुळे ठरवले चालू तर करू मग जितके जसे जमेल तसे पळायचे. बरोबर पाठीवर पिशवी घेऊन धावलो. त्यात टीशर्ट जर्कीन पाणी आणि ईलेक्ट्रॉल घेतले होते. गडाच्या पायथ्यापर्यंत मस्त गेलो धावणे चालू करून चार वर्षे झाली, पुण्यातले बरेच रस्ते धावून झाले पण सिंहगड रस्त्यावरून पार गडापर्यंत पहिल्यांदाच धावत होतो.
घाटरस्त्याच्या सुरुवातीच्या २-३ किमी मधेच पोटर्‍यांमधे गोळे आल्यासारखे जाणवले मग लगेच उरलेले सगळे ईलेक्ट्रॉल संपवले आणि थोडेसे अंतर चाललो नंतरही वाटेतल्या खोपटात सरबत पिण्यासाठी थांबलो होतो. बरोबरचे दोघेही पुढे निघून गेले होते ते परत येताना दिसले की मी पण वळणार असे ठरवले कारण शेवटचा चढ अती भयानक आहे. त्याप्रमाणे सिंहगड माथा २ किमी दर्शवणारा दगड ओलांडून अर्धा किमी पण पुढे असेल नसेल तिकडे अमनदीप परत येताना दिसला त्याच्या बरोबर परत वळलो आणि धावत खाली आलो. असे एकूण ३३ किमी अंतर धावलो असेन. परत येताना ठरवल्याप्रमाणे बसने आलो, आज हवा मस्त होती या मोसमात असतेच त्याप्रमाणे धुके वारा पाऊस नयनरम्य नजारे वगैरे नेहेमीप्रमाणेच अफाट सुंदर ! पाऊसही जोरदार पडला पण बदलायला टीशर्ट आणि जर्कीन बरोबर नेले अस्सल्यामुळे येताना थंडी नाही वाजली नाही.

सिंहगड माथा गाठला नाही, थोडे अंतर चाललो अशा बाबी आजच्या धावण्यामधे अंतर्भूत असल्या तरी कालच्या तापामुळे पडलेल्या खंडानंतर लगेच आज हे करू शकलो त्यामुळे समाधान आहे.

एकंदरीत मजा आली

. डबल पोस्ट