निसर्गाच्या गप्पा (भाग २३)

फ्लॉवर किसून केलेली "साबुदाणा" खिचडी. नीधपची रेसिपी आहे.+++क्या बात है!
या दोन मुलांनी सर्व भाज्या खाल्ल्या नाहीत तर वाढ कशी होणार त्यांची ?
मनुषी ताई

जिप्सी आणि रीया, या उनाड मूलांना माझ्याकडे पाठवा बघू, महिनाभर फ्लॉवर सप्ताह करेन.>>>>दिनेशदा, ७ दिवस कशाला? चांगल १५ दिवस येतो कि. पण फ्लॉवरच्या ऐवजी तुम्ही ते ई-मेजवानीत दिलेले पदार्थ बनवा.

दिनेश ......गुर्जी काय ऐकत नाय!
असो..........गुर्जी तुम्हाला बिलेटेड हॅप्पी अ‍ॅनिव्हरसरी! एन्जॉय!

ताटात वाढलेलं सगळं खायचं असतं रे बाळा... उद्या ही भाजी करायचीच म्हणून बाजारातून घेऊन येऊ असे नसते रे आमच्याकडे, आज हिच भाजी मिळाली, तिचे काय करू ? असे असते.

एखाद्या भाजीची नावड तयार व्हायला एखादे कारण असते, पण त्या आठवणीला शह देणारा पदार्थ समोर आला, तर परत आवड निर्माण होऊ शकते.
मला काही भाज्या आवडत नसत पुर्वी.. पण आता तशी एखादीच भाजी असेल.

ताटात वाढलेलं सगळं खायचं असतं रे बाळा... >>>> कोण कोणाला म्हणेल .... वर्षभराने ......

हल्ली पहाटे सायन किल्ल्यावर फिरायला जाणे सूरू केले आहे. किल्ल्या वर जायच्या रस्त्यावर अनेक बहरलेली झाडे अचानक सुकलेली दिसली, एकही पान नाही आणि खोडाचा रंग ही काळा पडलेला. बहुतेक त्या झाडांच्या मुळांशी अ‍ॅसिड वैगरे घातले असेल असे वाटते .
मागेच लोकसत्ता मधे याबद्द्ल लिहिण्यात आले होते. मुंबईत अनेक ठिकाणी अशी झाडे आढळून आली आहेत. खूप वाईट वाटले ती सुकलेली झाडे बघून.

किल्ल्यावर फिरताना मस्त वाटते. खूप्श्या खारूताई इकडे तिकडे पळत असतात. पोपट मोठ्या संख्येने आहेत.

सामी, खुपदा जाहीरातीच्या फलकांना अडचणीची ठरणारी झाडे अशी "मारली" जातात. हळू हळू सुकत जातात झाडे.
मुंबईत कुणीही एखादी फांदी तोडली तर तो गुन्हा ठरतो. पण असे करणे गुन्हा नसावा.

शशांक, "बाबा आधी तू खा, मग मी खाईन.". असे बोलायला शिकवू या आपण बाळाला !

दिनेशदा, शशांक

मानुषीताई, धन्यवाद

उद्या ही भाजी करायचीच म्हणून बाजारातून घेऊन येऊ असे नसते रे आमच्याकडे, आज हिच भाजी मिळाली, तिचे काय करू ? असे असते.>>>>>तुमच्याकडे जेंव्हा येऊ तेंव्हा रेडी टु इटची काही पाकिटं घेऊन येतो, ज्या दिवशी फ्लॉवरची भाजी असेल त्यादिवशी मी याच्यावर ताव मारेन, हाकानाका.

बहुतेक त्या झाडांच्या मुळांशी अ‍ॅसिड वैगरे घातले असेल असे वाटते .>>>>हा अतिशय क्रुरपणा आहे.

जिप्स्या... विसरलेच.. तुला लग्नाच्या पहिल्या वाढदिवसाच्या अनेकानेक शुभेच्छा...

मुंबैत रेनट्रीवर कसलातरी रोग आलाय आणि ती सगळी झाडे मरताहेत असे महापालिकेने निवेदन दिलेय.. मला आधी अ‍ॅसिड वाटले पण तसे नसावे कारण आजुबाजुची इतर झाडे आहेत आणि फक्त रेनट्रीच जाताहेत.

ताटात वाढलेलं सगळं खायचं असतं रे बाळा... >>>> कोण कोणाला म्हणेल .... वर्षभराने
सामी काय मस्त वाटत असेल ना कील्यावर फिरायला..

किती दिवसानी इथे लिहित आहे. काल तुम्ही माझी आठवण काढलीत निग वर किती छान वाटल . निग वर मन रमत आणि पुन्हा पुन्हा इथे यावस वाटत ते म्हणूनच.

जवळ जवळ मागचा सर्व महिना भर मी रोमामध्येच होते. पीसी नव्हता त्यामुळे मोबाईल वरच वाचत होते फक्त. तसतर मोबाईल वर मराठी टाईपता येत पण वेळ लागतो आणि तेवढा वेळ ही नव्हता माझ्याकडे. पण आता येत जाईन नियमितपणे.

बाकी धागा मस्त धावतोय. सर्वच फोटो माहिती मन रमवणारी.

जिप्सी, फुगोच्या बाबतीत तुमच्याशी १०० टक्के सहमत. मला ही ही भाजी घ्यायच कधी धाडस होत नाही.

अजून एक फुलपाखरु. ब्ल्यू टायगर नाव असावे बहुतेक. शांतपणे बसले होते.

दिनेशदा, साधना हा रोग असेल तर ठीक आहे , पण अ‍ॅसीड घालून झाड मारण्याचे प्रकार पण होत असतात .
मागे काही झाडांना खिळे ठोकलेले आढळले होते. लोकासत्ता मधे बातमी आणि फोटो आले होते.

सामी काय मस्त वाटत असेल ना कील्यावर फिरायला..> हो सायली मस्त वाटते .:-)

वर्षा मस्त फोटो ....सुरेख रंग आहेत.

हेमा ताई, कीत्ती दिवसांनी.. बापरे!
वर्षा मस्त फु.पा..

फक्त रेन ट्री वर.. मला आमच्या कॉलेजचा परीसर आठवला.. आपण ही झाडे नेहमी खालून बघतो.. आमच्या वर्गातून त्याचे छत वरून दिसत असे. पण असे न घडो, पण जर ती झाडे नष्ट झालीच तर त्याजागी आपला शिरिष लावला पाहिजे.

वर्षा, छानच फोटो. थोडा क्रॉप केला तर जवळून बघता येईल.

आसिड घालुनही मारतात झाडे. झाडाचा बुंधा सोलुनही मारतात झाडे.लोकांना झाडे का नकोशी होतात देव जाणे. झाडे नकोशी पण ते स्वतः मात्र त्यांना हवेसे...

कोण कोणाला म्हणेल .... वर्षभराने ...... स्मित >>>>>>>>> शशांक दिनश +१०००

दिनेश्,शशांक..

जिप्स्या.. परत तूच्चे टारगेट ( टारगट असं नको वाचूस चुकून )

वर्षा, सुंदर आहे फुलपाखरू..

खूप वर्षांपूर्वी माथेरान का कुठल्याश्या दरीत ,' फुलपाखरांचं पीक' येतं असं वाचलेलं आठवतंय अंधुकसं..

अजून कुणाला माहितीये का याबद्दल???

मुंबईत कितीतरी मोठ- मोठ्या वृक्षां वर विषप्रयोग झालेत, न्यूजपेपर्स मधे अश्या बातम्या वाचून इतका जीव कळवळतो ना.. कसली माणसं असतील ती..

वर्षाने सध्या ब्रश, रंग, रंग-पेन्सिल्स सोडून कॅमेरा धरलेला दिस्तोय हातात - फोटोग्राफीही अतिशय सुरेख आहे हां ....

पण चित्रकला ती चित्रकलाच - आणि त्यातून वर्षाची तर एकमेवाद्वितीय ... केवळ सुपर्ब .... याकडे दुर्लक्ष करु नये ही नम्र विनंती ...

मला पानकोबी पिठ पेरुनच आवडते आणि फुलगोभी बारीक निवडून (चिरुन नव्हे) बटाट्याच्या बारीक चकत्यांसोबत एकत्रित फोडणी दिलेली आवडते.

जिप्स्या.. परत तूच्चे टारगेट (>>> हेच लिहिणार होते मी पण.
अलिकडे आलेले फुलपाखरांचेह फोटो फारच सुंदर आहेत.

हा मध्यंतरी घरी फुललेला मोगरा.

मला तोंडलीचा फुटवा हवा आहे...कुणी देउ शकेल काय?

माझा मोगरा गेला...काहिही कारण नसताना...जीव जळतोय नुसता...आता नवीन आणावा लागणार

वैशाली कुठे रहातेस? माझ्याकडे वरील मोगर्‍याच्या फांद्या वरवर जाताहेत. वेली टाईप. तुला हवे तर देऊ शकते मी.

तोंडली माहिती आहे पण तोंडलीचा फुटवा म्हणजे काय ते कळले नाही. माहिती पुरवावी. धन्स.

मोगरा मस्तच!

वाह मस्तच आहे मोना तुझा मोगरा...