विंडिजचा भारत दौरा - २०११

<< द्रवीड फॅन क्लबचा बॅनर बघून लै भारी वाटल >> द्रविडचा फॅन क्लब प्रचंडच आहे व तो देशभर पसरलेला आहे; फक्त तो द्रविडसारखाच शांत व गंभीर असावा म्हणून क्वचितच असा नजरेत भरत असावा !!

भाऊ +१

भारत ४७०-६. लक्ष्मणचं शतक. चेंडू वळतोय ? वळवळतोय !!!

५३३-६. धोनी शतकाच्या व लक्ष्मण दीड शतकाच्या वाटेवर. सचिनने सोन्यासारखी संधी दवडली.

काल मी सचिन ची सेंच्युरी व्हावी म्हणून देवाला साकडे घातलेले. शनीची प्रार्थना केलेली. घरी येऊन पाहते तर
राहून द्रवीडचे शतक? ये क्या हो गया भगवान? कितना इंतजार कर्ना पडेंगा?

पंचक माहिती नाही, पराभव पचवायला आलेपाचक निश्चीतच लागेल.

धोनीचंही शतक !
<< तो बिचकत का खेळत आहे हे कळत नाही >> १००वं शतक झालं कीं त्याच्या निवृत्तिसाठी मिडीया
ताबडतोब रान उठवणार म्हणून !!

अजून तासभर तरी खेळतील.. आणि तोपर्यंत लक्ष्मणच्या आधी धोनीचीच डबल सेंच्युरी होईल असं वाटतं आहे..

६३१ला डाव घोषीत !
वे. इंडीजचा पूर्वीचा दरारा परत एकदां तरी अनुभवायला मिळावा असं तीव्रतेने वाटतं; अर्थात, ही मालिका संपल्यावर !!!!

wd chi 1wicket geli....

दोन गेल्या. ३४/२
Bad light stops play.

धोनीचे कसोटी व एक दिवशीय सामने मिळून कितवे शतक? किती महिने, वर्षे झाली या पूर्वी शतक केल्याला?

धोनीचे कसोटी व एक दिवशीय सामने मिळून कितवे शतक? किती महिने, वर्षे झाली या पूर्वी शतक केल्याला? >> धोनी कप्तान, यष्टीरक्षक आधी आहे नि मग फलंदाज

वेस्ट इंडीजची नवी पिढी मोठ्या प्रमाणावर फुटबॉलकडे वळतेय म्हणे त्यामुळे त्याना क्रिकेटमध्ये फारसा रस उरलेला नाही असे म्हणतात....

http://www.espncricinfo.com/india-v-west-indies-2011/content/player/2808...

झक्की... वरची सरासरी बघा. शतकांची संख्या (पाचव्या सहाव्या क्रमांकावर खेळत असल्याने) खूप नसली तरी त्याच्याएवढा चांगला Finisher अजून तरी दुसरा कुणी नाही. तुमच्या बर्‍याच पोस्टींमधे तुम्हाला धोनी आवडत नसल्याचे वाटते. पण त्याएवढा चांगला कर्णधार भारताला कधीच मिळाला नाही (सचिन, सौरव, सुनिल, राहूल, कपिल, अझरुद्दीन.. सगळे धरा). त्याशिवाय धोनीपूर्व काळात अटीतटीचे सामने जिंकण्यापेक्षा ढेपाळण्यार्‍या भारतीय संघाला जिंकण्याची सवय त्यानेच लावली आहे. एकदिवसीय सामन्यात सचिनचे द्विशतक होतानाही दुसरीकडून हल्ला चढवून त्याने क्रिकेटपेक्षा कुणी मोठे नाही हेही दाखवून दिलं आहे (द्विशतक होऊ दे म्हणून तो सचिनला स्ट्राईक देत बसला नाही).. असला कप्तान मिळणे भारताचे नशीब आहे आणि त्यामुळेच आपण 20-20 World Cup, 50-50 World Cup आणि टेस्ट मॅच मधे पहिल्या नंबरावर होतो..

<< वेस्ट इंडीजची नवी पिढी मोठ्या प्रमाणावर फुटबॉलकडे वळतेय म्हणे >> फुटबॉलपेक्षा बास्केटबॉलकडे असं वाचलंय . पण तिथले भारतीय वंशाचे खेळाडू तरी क्रिकेटची कांस सोडणार नाहीत !
<< पण त्याएवढा चांगला कर्णधार भारताला कधीच मिळाला नाही (सचिन, सौरव, सुनिल, राहूल, कपिल, अझरुद्दीन.. सगळे धरा). >> सगळे धरा पण वाडेकरला वगळा कारण प्रथम<<भारतीय संघाला जिंकण्याची सवय त्यानेच लावली आहे >>

देसाई, भाउ दोन्ही मुद्दे पूर्ण मान्य पण Captain is as good as his team हेही लक्षात असू दे

आत्तापर्यंतचा बेश्ट कॅप्टन गांगुली.. गांगुली आणि फक्त गांगुली !
द्रविड, लक्ष्मण आणि धोनी अश्या तीन तीन सेंच्युर्‍या.. लय भारी !

तिकडे मुंबईने पण ६०० च्या वर धावा करून पहिल्या धावात अघाडी मिळवून ३ गुण जिंकले..

विंडीज सारख्या संघाविरूद्ध डाव घोषित करण्यासाठी ६३१ पर्यंत थांबण्याची काय गरज होती? धोनीने आपले शतक झाल्यावर लगेच म्हणजे ५५० च्या आसपासच डाव थांबवायला पाहिजे होता. स्वतः बाद झाल्यावर सुद्धा त्याने चहापानानंतर अश्विनला फलंदाजीला पाठवून फुकट वेळ वाया घालविला. फेब्रुवारी मध्ये विंडीजविरूद्ध शेवटची कसोटी जिंकण्याची सुवर्णसंधी असताना धोनीने बचावात्मक पवित्रा घेऊन वेळकाढूपणा करून कसोटी अनिर्णित ठेवण्यात धन्यता मानली होती. आज पुन्हा एकदा त्याचा अनावश्यक अतिसावध पवित्रा दिसून आला.

विंडीज सारख्या संघाविरूद्ध डाव घोषित करण्यासाठी ६३१ पर्यंत थांबण्याची काय गरज होती? धोनीने आपले शतक झाल्यावर लगेच म्हणजे ५५० च्या आसपासच डाव थांबवायला पाहिजे होता >> साडेतिनशे नि चारशेतीसचा फरक आहे. जवळ्जवळ तीन दिवसांपेक्षा अधिक वेळ बाकी ठेवलाय ना ? आज पाचवा दिवस असल्यासारखे का बोलताय ?

तुमच्या बर्‍याच पोस्टींमधे तुम्हाला धोनी आवडत नसल्याचे वाटते.
खरे तसे काही नाही. कोण कुठला धोनी? मला काय त्याच्याशी देणे घेणे? नि त्याला तरी काय पडलीय् मला तो आवडतो की नाही. मी आपले विचारले कारण बरेच दिवसात ऐकले नव्हते, त्यानी शतक केल्याचे.

कुणास ठाउक, जसे बीसीसी आय चे फलंदाज खेळले तसे वेस्ट इंडीजचे खेळू लागले तर दोन डावात त्यांच्या ६३१ पेक्षा जास्त होतील. मग त्यांना दोन वेळा बाद करून पुनः जिंकायला पुरेश्या धावा काढायला लागतील. तीन दिवसच उरले आहेत. एकूण क्रिकेटचे काही खरे नाही. Glorius uncertainty!

वेस्ट इंडिज - १०३/६.. लगे रहो!!

वेस्ट इंडिजचा सातवा भिडु गेला.

१५३/१० जास्तीत जास्त उद्या पर्यंत मॅच चालेल.

अरे झाले पण ऑल आऊट !! भारीच.. !

>>> साडेतिनशे नि चारशेतीसचा फरक आहे. जवळ्जवळ तीन दिवसांपेक्षा अधिक वेळ बाकी ठेवलाय ना ? आज पाचवा दिवस असल्यासारखे का बोलताय ?

तेवढा फरक मला कळतोय. वेस्ट इंडिजसारख्या लिंबूटिंबूविरूद्ध धावांचा एवढा डोंगर निर्माण करण्याची गरज नव्हती. सामना ५ दिवसांचा असला तरी तो ५ व्या दिवसापर्यंत रेटला पाहिजे असा काही नियम आहे का? जो संघ तिसर्‍या दिवशीच पराभूत होऊ शकतो (पहिल्या डावात फक्त १५३ धावा करून हे विंडीजने सिद्ध केलेच आहे), त्या संघाला हरवायला ४ थ्या किंवा ५ व्या दिवसाची का वाट बघायची? स्वत:चे शतक पूर्ण झाल्यावर आणि तब्बल ५५० धावा झाल्यावर एका दुबळ्या संघाविरूद्ध ६३१ पर्यंत डाव रेटणे हे अति बचावात्मक विचारसरणीचे लक्षण आहे.

>>> पण त्याएवढा चांगला कर्णधार भारताला कधीच मिळाला नाही (सचिन, सौरव, सुनिल, राहूल, कपिल, अझरुद्दीन.. सगळे धरा). त्याशिवाय धोनीपूर्व काळात अटीतटीचे सामने जिंकण्यापेक्षा ढेपाळण्यार्‍या भारतीय संघाला जिंकण्याची सवय त्यानेच लावली आहे.

या मताविषयी पूर्णपणे सहमत नाही. धोनीच्या विजयांचे बरेचसे श्रेय सेहवाग, गंभीर, सचिन, लक्ष्मण, द्रविड व झहीर यांच्या जबरदस्त खेळाला आहे. त्यांच्या जबरदस्त खेळामुळे धोनीच्या कप्तानकीतले कच्चे दुवे दिसत नाहीत. पण जेव्हा ते नसतात (उदा. नुकताच संपलेला इंग्लंडमधला दौरा ज्यात सेहवाग, गंभीर व झहीर नव्हते व एकदिवसीय सामन्यात सचिनसुद्धा नव्हता) तेव्हा भारताची वाट लागते व धोनीच्या नेतृत्वातले कच्चे दुवे अतिशय ठळकपणे समोर येतात. विंडीज सारख्या दुबळ्या संघाविरूद्ध बचावात्मक पवित्रा घेणे हे योग्य वाटत नाही.

सुनील गावसकर स्वत: फारसा आक्रमक नव्हता. तसेच त्याला मिळालेला संघही फारसा थोर नव्हता. तसेच त्या काळात विंडीज, ऑस्ट्रेलिया, पाकिस्तान हे संघ अतिशय ताकदवान होते. त्यामुळे त्याची नेतृत्वाची कारकीर्द फारशी ग्रेट वाटत नाही.

कपिल स्वत: आक्रमक होता, पण त्याला मिळालेल्या संघाच्या दर्जात व सुनीलला मिळालेल्या संघात फारसा फरक नव्हता. त्यामुळे त्याचेही नेतृत्व झाकोळले गेले.

सचिन जेव्हा जेव्हा कप्तान होता, तेव्हा तेव्हा त्याला अतिशय खराब संघ मिळाला होता. कानिटकर, विजय भारद्वाज, सुनील जोशी, राहुल बेदाडे, जेकब मार्टिन, डोडा गणेश, संदीप दिघे, आकाश चोप्रा, दीप दासगुप्ता, साबा करीम असे एकापेक्षा एक भारी खेळाडू त्याला मिळाले होते. अशा संघाला घेऊन तो बांगलाविरूद्ध सुद्धा जिंकू शकला नसता.

गांगुलीला जबरदस्त संघ मिळाला होता आणि तो त्यामुळे खूप यशस्वी झाला होता. स्वत: गांगुली अत्यंत आक्रमक कर्णधार होता.

राहुल द्रविड कर्णधार असताना चॅपेल गुरूजींनी संघात दुफळी माजवून दिलेली होती. त्याचा त्याला फटका बसला.

एकंदरीत धोनीच्या नेतृत्वकाळातील विजयांचे श्रेय खेळाडूंना जाते. धोनीच्या नेतृत्वगुणांचा त्यात कमी वाटा आहे.

माझ्या मते आता धोनी, गांगुली आणि कपिल एकाच लेव्हलला आहेत, त्यात कप जिंकल्याने कपिल व धोनी सरस. गांगुली जबरदस्त होताच आणि २००० नंतर जो बदल झाला त्यात त्याचा मोठा हात होताच. एक २००३ ची फायनल जिंकली असती तर गांगुली सर्वश्रेष्ठ ठरला असता.

कपिल - वर्ल्ड कप आणि १९८६ ची इंग्लंड सिरीज. जबरी आक्रमक कप्तान. पण बाकी फारसे यश नाही.
गांगुली - गाळात गेलेल्या संघाला पुन्हा वर आणले. त्याच्याकाळात सर्वात भारी असलेल्या ऑस्ट्रेलियाविरूद्ध बरेच विजय - २००१ ची सिरीज सर्वात जबरी. आणि ज्याला माझ्या दृष्टीने प्रचंड किंमत आहे - पाक मधे पहिल्यांदाच टेस्ट आणि वन डे सिरीज जिंकणे - जी गोष्ट पूर्वी कायम अशक्य वाटायची. भारताबाहेर कसोटी सामने जिंकणे - १९३२ ते २००० भारताबाहेर फक्त १३ विजय, २०००-२००८ मधे १८ विजय. "He turned Indian players from meek losers to chest thumping warriors" असे कोणीतरी त्याच्याबद्दल म्हंटलेले खरे आहे.
आणखी स्टॅट्स मीच येथे लिहीले होते:
http://vishesh.maayboli.com/node/86

धोनी - वर्ल्ड कप. पण बाकी वन डे सिरीज मधे फारसे यश नाही. आंतरराष्ट्रीय टी-२० मधला पहिला कप वगळता अपयशी. कसोटीत चांगले विजय.

एक नेहमी वाटते - २००५ मधे द्र्विडला करण्याऐवजी कुंबळे ला केला असता तर कदाचित आणखी फरक पडला असता. कुंबळे कप्तान म्हणून आपल्याला आणखी काळ हवा होता.

फारएण्ड,

सहमत. भारताला आजवर श्रीलंका, ऑस्ट्रेलिया, द. आफ्रिका या देशांविरूद्ध त्यांच्या देशात जाऊन कसोटी मालिका जिंकता आलेली नाही. पाकिस्तानमध्ये फक्त एकदाच मालिका जिंकली आणि ती सुद्धा गांगुली कप्तान असताना. अर्थात त्या विजयामध्ये सेहवाग, सचिन, द्रवीड, इरफान पठाण व बालाजी यांचा जबरदस्त वाटा होता.