उकडीचे मोदक कसे वळायचे- स्टेप बाय स्टेप (छायाचित्रासहीत)
उकडीसाठी साहित्य :
४ वाट्या तांदुळाची पिठी
३ वाट्या पाणी
१ पळी तेल
१ लहान चमचा साजूक तूप
चवीपुरते मीठ
सारण :
१ वाटी ओलं खोबरं
पाऊण वाटी चिरलेला गूळ
हे दोन्ही एकत्र करून शिजवून घेणे.
उकड काढण्याची कृती:
प्रथम एका भांड्यात पाणी उकळत ठेवा. थोडं गरम झाल्यावर त्यात मीठ आणि तेल टाका. पाणी चांगले उकळले गेले की त्यात तांदुळाची पिठी घाला. नीट ढवळून एक वाफ आणून मग त्यात साजूक तूप घालून पुन्हा एक वाफ आणायची. (काळजी म्हणून वाफ येण्यासाठी जी झाकणी/ताटली ठेवली असेल तिच्यावर साधे/थंड पाणी घाला म्हणजे उकड खाली जळणार नाही.) थंड झाले की ताटात काढून उकड मळून घ्यायची.
मोदक करण्याची कृती:
१. उकडीचा एक लहान गोळा करून तो तांदुळाच्या पिठी मधे घोळवून घ्या.
२. या गोळ्याची वाटी बनवा.
३. दोन्ही हातांचा वापर करून वाटी आणखी खोलगट करा. यासाठी अंगठा आत आणि बाकी सर्व बोटे बाहेरच्या बाजूने घेत दोन्ही हाताने वाटीला गोल आकार देत खोल करायचे आहे.
४. या वाटीमधे मग एक ते दीड चमचा सारण भरा.
५. आता वाटीला एका हाताच्या तळव्यावर ठेवून दुसर्या हाताची ३ बोटे (अंगठा, अंगठ्याच्या बाजूचे index finger आणि मधले बोट) वापरून पाकळ्या काढायच्या आहेत. यात index finger वाटीच्या आत आधाराला व अंगठा आणि मधल्या बोटाची सरळ चिमटी करून वाटीच्या खालपासून पाकळी काढावी.
६. एक एक करत सर्व पाकळ्या काढाव्या. जितक्या जवळ आणि सारख्या अंतराने असतील तितका मोदक नंतर चांगला दिसेल.
७. मग मोदक तळव्यावरच ठेवून दुसर्या हाताने पाकळ्या जवळ घेत घेत मोदक बंद करत जावा.
८. मोदक पूर्ण बंद करून वर टोक काढायचे आणि एक एक पाकळी चिमटीत धरून तिला आणखी शेप द्यायचा ज्यामुळे मोदक अधिक उठावदार दिसतील.
या नंतर मोदकपात्रात पाणी घालून ते गरम करायचे. जाळीवर हळदीची/केळीची पाने घालून (त्याने मोदक खाली चिकटणार नाहीत.) त्यावर मोदक ठेवून पंधरा मिनिटे वाफवायचे. झाले मोदक तयार.
-----------------------------------------------------------------------------------
टीप : सराव म्हणून लहान मुलांच्या खेळण्यातली प्ले डो (play dough) वापरून मोदक वळून बघू शकता.
recipe of ukadiche modak in marathi
वाह काय सुबक आहेत मोदक! हातात
वाह काय सुबक आहेत मोदक! हातात कला आहे तुमच्या.
खपलो.. प्रचि बघून ठार झालो.
खपलो.. प्रचि बघून ठार झालो. परवा हादडणार.
अप्रतिम मोदक HH! तुस्सी ग्रेट
अप्रतिम मोदक HH! तुस्सी ग्रेट हो!
बाईमाणसालाच जमणार हो इतके सुबक मोदक
प्ले डो ची आयडिया बेस्ट आहे
प्ले डो ची आयडिया बेस्ट आहे
हह सुंदरच आहेत मोदक
हह सुंदरच आहेत मोदक
एच्चेच, ज ह ब ह री !!! प्ले
एच्चेच, ज ह ब ह री !!!
प्ले डो ची आयडिया बेस्ट
यावेळी मी दिपा अवचटांची ही
यावेळी मी दिपा अवचटांची ही रेसिपी करून बघणार आहे.
http://maharashtratimes.indiatimes.com/articleshow/6510046.cms
कल्पु, मैदा आहेच त्यात.
कल्पु, मैदा आहेच त्यात. वळायला सोपे जात असेल. प्ले डो मैद्याचे करतात.
मी आजच ट्रायल घेऊन पाहिली.
मी आजच ट्रायल घेऊन पाहिली. पाण्याच्या हाताऐवजी पीठ लावून केल्या. चिकटत नाही. खाण्याचा रंग घातलाय. कळ्या सोळा नाहीत
१६ला चारच कळ्या कमी आहेत.
१६ला चारच कळ्या कमी आहेत. तेवढं चालतं. छान दिसतायत. आत सारण नेहमीचंच का?
कॅनी, मस्त झालेत मोदक. मला
कॅनी, मस्त झालेत मोदक. मला आधी वाटलं की प्लेडोचे आहेत की काय
अनकॅनी छानच. पिवळा कलर पण छान
अनकॅनी छानच. पिवळा कलर पण छान दिसेल अस वाटत.
राखी, LOL नाही. सायो,
राखी, LOL नाही.
सायो, साखर-खोबरं, बटर मायक्रोवेव केलं आणि केळ्याचे तुकडे, बेदाणे इ. शॉर्टकट.
सीमा, हो. खाण्याचे 'निऑन कलर्स' आहेत त्यातल्या हिरवा, पिवळा भयंकर आहे म्हणून हा घातला.
मोदक पांढरेच छान वाटतात.
मस्त मोदक कळ्याही छान
मस्त मोदक कळ्याही छान जमल्यात.
अॅनकॅनी , मस्तच झाला आहे
अॅनकॅनी , मस्तच झाला आहे मोदक पीठ लावल्यावर कोरडा झाला का मोदक?
अॅनकॅनी , छान झालाय तुझाही
अॅनकॅनी , छान झालाय तुझाही मोदक. मला आता शनिवार कधि येतोय असं झालंय. हात शिवशिवतायेत मोदक वळायला. मी हह चं नाव घेउन वळणार मोदक
अहाहा! अनकॅनी, गुलाबी मोदकपण
अहाहा! अनकॅनी, गुलाबी मोदकपण डोळ्यांना अगदी सुखद वाटतायत हं आणि भरपूरच कळ्या जमल्या की तुलाही, त्याही सुबक अगदी हा सुंदर धागा माझ्या 'निवडक १०' त नोंदवला आहे!!!!
हह आता प्रिंट घेउन ठेवतेय या
हह आता प्रिंट घेउन ठेवतेय या लेखाची उद्यासाठी करण्यासाठी.
यावेळी शनिवार असल्याने नाही जमलेच तर मनस्विनीने दिल्याप्रमाणे तळणीचे मोदक करायला वेळ असेल.
बघु झेपतयं का!
कोरडा नाही झाला. उकड कोरडी
कोरडा नाही झाला. उकड कोरडी नव्हती. तेल, पाणी लावून मळून घेतली. हा फोटो वाफवायच्या आधीचा आहे. वाफवल्यावर नेहमीसारखा मॉइस्ट दिसत होता.
मस्त जमल्यात की पाकळ्या.
मस्त जमल्यात की पाकळ्या.
(मला पण त्या प्ले डोच्याच वाटतायत :फिदी:)
तुमच्या मोदकाच्या पाकळ्या छान
तुमच्या मोदकाच्या पाकळ्या छान जमल्यात पण गोळीला बाहेरून पीठ लावल्याने पारी अति जाड व कोरडी खडबडीत दिसतेय.
खुप छान..... उद्या आम्हीपण
खुप छान..... उद्या आम्हीपण प्रयत्न करून पाहतो.....
अनकॅनी, तुझा मोदक एकदम अनकॅनी
अनकॅनी, तुझा मोदक एकदम अनकॅनी बरं का!
हह, साष्टांग नमस्कार. इतके
हह, साष्टांग नमस्कार. इतके सुंदर मोदक..बाप्पा काय मागशील ते देणार नक्कीच!! योवेकृटा आणि खासकरून प्रचि बद्दल आभार.
अनकॅनी, रंगीत मोदकांची कल्पना मस्तच आहे.
हह तू महान आहेस माझा प्रणाम
हह तू महान आहेस माझा प्रणाम बाई तुला.
हह मी पण उद्या करुन पाहणार. तुला कळवेनच काय झालं ते म्हणजे मोदक की गठुडं ते
साष्टांग दंडवत
साष्टांग दंडवत हवे......!!
कसले देखणे झालेत मोदक !!
नुसते बघूनच तृप्ती होतेय
सुंदर!!!!!!
सुंदर!!!!!!
सुरेख! इतके सुबक मला कधी
सुरेख! इतके सुबक मला कधी जमतील कोण जाणे.
इथले(सुरेख फोटो) पाहुन काल
इथले(सुरेख फोटो) पाहुन काल मोदक केले होते! चांगले झाले होते.
खुप छान्...मला खुप
खुप छान्...मला खुप आवडतात.....
शेजारच्या काकु नेहमी आणुन देतात माझ्यासाठी...सन्कष्टीला....
मला नाहीत येत बनवायला....
पण आता प्रयत्न करायला काहीच हरकत नाही........
सावरी
Pages