पुन्हा झुळूक

तु सोबत असलीस की
पावसात चिंब न्हान होतं..
तु सोबत असलीस की
शब्दांचही सुरेलसं गाणं होतं....

आज सकाळीच मला
शब्दांची रांग भेटलेली,
मौनाची अक्षरे शोधत
कुठेतरी वाट चुकलेली.

मौनात माझ्या सापडतील तुला
शब्दांची..आठवांची काही हळुवार पावलं...
आणि माझे अस्फुटसे हुंकार....

सांजेचा ढळला पदर,
उगवतीचा चंद्र पाहून,
रात चांदण्याची आली मग,
दिर्घ आनंद स्वप्ने घेवून..

पिलु, तुला एक दाद म्हणुन

शब्दांचा बाजार पाहीलेला,
तुला म्हणुन खुप काही होते खरेदीला...
पण माझ्यात कुवत फक्त मौनाची !

चारोळ्या सुचाव्या म्हणुन
एकांती जावुन बसले
डु नॉट डिस्टर्ब बघुन
शब्दही खुदकन हसले

चिमुरे.. एकच नं ... सॉलीड चारोळी. लगे रहो

चिमुरी...

हाय सुर्या...मल्लिनाथ... चिमुरी..

पिवळ्या माळरानावर
एकांत उगाच भटकत होता,
मी विचारल्यावर कळलं
त्यालाही एकांत हवा होता.

कुंडीतल्या फुलांना नेहमीच,
रानफुलांचा हेवा वाटतो,
लिमिटेड एडिशनपेक्षा,
अनलिमिटेडचा आनंद मोजकाच असतो..

सर्वांना हाय

एकांतालाही हवा एकांत
हि कल्पना अशी
अंधारालाही कधी वाटे भीती
अंधाराची जशी...

एकदा एकांत माझा
कल्पनेच्या दुनीयेत रमला,
मी त्याच्यावर केली तशी
माझ्यावर कवीता करायला लागला.

माझ्या आठवणींच्या वेळी
कांदे कापत जा,
निमित्त रडण्याचं
असच शोधत जा.

हल्ली तुझ्या आठवणी
मला दुरुनच पाहतात..
ह्रदयातल्या जखमा मग
डोळयातुन वाहतात.....

वाहु दे जखमांना
तेवढीच निवशील
काळ मोठ्ठं औषध
नव्याने हसशील.

आजकाल आठवणी
नुसत्या जवळुन जातात,
डोळ्यांनाही नेहमीचंच झालंय
तेही त्यांच काम चांगल बजावतात.

काहिहि केलं तरी
मनात फुलतेच तुझी आठवण...
कितीही औषधं लावली तरी
ऊरी सलतेच तुझी आठवण........

mallinath, सुकि, अविनाश, मयुरेश, पिलु मस्त आहेत चारोळ्या

अगं तुही ये ना......:स्मित:

अगं आठवणच ती
फुलेल तरी सलेल तरी
का गोंधळतेस एवढी
उरेल तरी विरेल तरी.

मनातलं गुज
नकळत कागदावर उतरु लागलं
त्या नादात
मनात काही यायचंच बंद झालं

अगं तुही ये ना.....>>>>> पिलु, यावरुन एक काहीच्या काही चारोळी (काकाचा) सुचलीये

आमंत्रण द्यायला
हा काय खेळ आहे
चारोळी रचायला
इथे कुणाला वेळ आहे

पाउस आता थांबलाय
त्याला साकडे घालूया
अन तो येईपर्यंत
चारोळ्यांचा पाउस पाडूया...

तुझ्या आठवणीची एक सर मला
वेडेपिसे करून जाते
अन साठलेल्या भावनांचा
बांध तोडून जाते...

सारेच थेंब जणु
आभाळ होउन बरसले,
ओजंळ भरुनही माझे
हात तुझ्या स्पर्शास तरसले.

चिमुरी... मस्त गं

जुन्या आठवणी आठवणं
हाच नवीन छंद
नवीन आठवणी साठवणं
सध्यातरी बंद

मध्यान्हीच्या उन्हात,
छाया बिलगून गेली,
रखरखीत देहावर,
तुषार उडवून गेली...

नवं जुनं असं सखे
कधीच काही नसतं......
आज नवीन भासणारं उद्या
जुन्यांच्या ओळीत बसतं.........