'धुरंधर' - आरंभ तो प्रचंड है!

‘आरी आरी’चं हाय व्होल्टेज फ्युजन ऐकून धुरंधरच्या पहिल्या भागात शाश्वत सचदेवने वाढवून ठेवलेल्या अपेक्षा पूर्ण होणार असं दिसतंय.

Sanjayji waiting for your review for part 2

दुसरा भागही तितकाच वेगवान आहे. ह्या भागाचं नाव रिव्हेंज
असल्यामुळे पहिल्या पाच दहा मिनिटांतच जो व्हायलंस सुरु होतो तो पिक्चर संपल्यावरच संपतो. आरी आरी हे एक नवीन गाणं सोडता बाकी नवीन गाणी नाही आहेत. तम्मा तम्मा, तिरछी टोपीवाले, वॉक लाईक अ‍ॅन इजिप्शीयन वगैरे मध्ये मध्ये पेरली आहेत. पण हा ही भाग आवडला.

दुसरा भयंकर बोअरिंग वाटला

होय दुसरा भरकटलेला व अति लेन्दी सिनेमा आहे. त्या जमाली पात्राचीही वाट लावलीये.

धुरंदर पाहिला
पहिला आवडला असेल तर हा आवडेलच.
ऍक्शन अक्टिंग अदाकारी जुन्या गाण्यांचा वापर वगैरे वगैरे..

शेवटच्या ट्विस्टबद्दल फार ऐकून गेलेलो. त्यामुळे तो काय असेल याचा अंदाज मध्येच बांधला आणि तोच खरा निघाला. म्हणजे काही आऊट ऑफ द बॉक्स नव्हता. जसे त्या बास्टर्ड ऑफ बॉलीवूडमध्ये होता.

अक्षय खन्नाचे गाजलेले अरेबिक गाण्यातील सेम सीन दीदी गाणे घेऊन रणवीर सिंग वर चित्रीत केले पण त्यात मजा नाही आली.

बाकी बघा..
चार तास पिक्चर बघण्यात राहिलेली झोप पूर्ण करतो आधी.. म्हटले तर चार तास तसा कंटाळा आला नाही. पण चित्रपट अजून अर्धा तास कमी करता आला असता.

आणि हो चित्रपटात प्रोपगंडा तर आहे. मोदी भाजपा अगदीच नावडते असतील तर थिएटर मध्ये बघायला जाऊ नका. काही सीन वर लोकं ओरडतात तेव्हा जीवाला त्रास होईल

>> आणि हो चित्रपटात प्रोपगंडा तर आहे. मोदी भाजपा अगदीच नावडते असतील तर थिएटर मध्ये बघायला जाऊ नका. काही सीन वर लोकं ओरडतात तेव्हा जीवाला त्रास होईल>> हो, मोदी २ वेळा टिव्हीच्या स्क्रिनवरही दिसले आहेत. त्यामुळे वैताग येणार असेल तर जाऊच नका.
मेजर इक्बालच्या घरचं उगाचच दाखवलं होतं. ते टाळता आलं असतं.

मोदी भाजपचे कौतुक करणे वेगळे. पण २०१४ ला विरोधी पक्ष हे आतंकवाद्यांचें पक्ष होते हे दाखवणे अयोग्य आहे असे वाटले बुवा मला तरी.

सलीम जावेदच्या सिनेमात दीवारमधे देवळात जाऊन शंकराच्या मूर्तीसमोर एखाद्या मित्राला खडसवावे तसे देवाला खडसावतो.
माझा बाप मारला जात होतास तेव्हा तू काय करत होतास असे दरडावून विचारतो.
हिंदू देवांना मी मानत नाही असे अभिमानाने सांगतो. आई देवळात जाते तेव्हा तो आवर्जून बाहेर वाट पाहतो.
मात्र हाच माणूस कुठल्याशा रहिम चाचाकडून आपल्या बिल्ल्याचा नंबर ७८६ हा मुस्लिमांसाठी पवित्र असल्याचे ऐकतो तेव्हा अचानक त्याला अल्ला कसा सर्वशक्तिमान दयाळू कृपाळू असल्याचा साक्षात्कार होतो आणि तो बिल्ला चुंबन घेऊन मोठ्या आदराने आपल्या खिशात बाळगतो.
आपल्या बापाला मारत होते तेव्हा हा परमन्याय निष्ठूर अल्लाह देखील काही न करता बघत बसला होता हे आठवत नाही. त्यानंतर तो बिल्ला त्याचा कायमचा रक्षक बनतो. शेवटी कधीतरी तो बिल्ला खाली पडतो आणि सर्वशक्तिमान अल्लाह ही कवच कुंडले उतरवलेली बघून त्याला शशी कपूरच्या गोळीचे लक्ष्य बनवतो.
ह्यात काही दुटप्पीपणा दिसत नाही का?
प्रत्येक सिनेमात पंडित ठाकूर हे लोक एक तर विनोदी किंवा कमालीचे क्रूर दाखवणे. जय काली मा, हर हर महादेव , घंटानाद, आगीच्या ज्वाळा भडकलेले निरांजन देवासमोर ओवाळून ते झाले की बलात्कार खून असा गुन्हा करणारे दाखवणे.
उलट मुस्लिम रहिम चाचा, अब्दुल भाई हे एक तर दीनवाणे, कनवाळू, स्वतःच्या जिवाचा, स्वतःच्या मुलाचा त्याग करण्यात तत्पर. नमाज पढून झाल्यावर तर साक्षात संत प्रवृत्तीचा होतो. खून बलात्कार चोरी तर त्यांच्या शब्दकोशातही नसलेले शब्द! इमानदार, त्यागी, सहिष्णू ही ह्यांची ओळख.
असे किती सिनेमे आहेत ह्याची गणती शेकडो मधे जाईल.
हे पूर्वीचे बॉलिवूड . ह्यालाच सेक्युलर, सर्वधर्मसमभाव वगैरे म्हणायची सवय डाव्या लोकांनी लावली आहे. खरे तर ह्याला हिंदू धर्माला तुच्छ समजून झोडपणे आणि मुस्लिम आणि काही वेळा बाकी धर्मांचे उदात्तीकरण, पाकिस्तान आणि भारत हे देश सारखेच असल्याचे ठसवणे. राजकारण्यांनी (आणि पूर्वी ब्रिटिश लोकांनी) वाट लावली नाहीतर पाकिस्तान आणि भारत यामधे प्रेम दुथडी भरून वाहताना दिसेल वगैरे बेगडी कल्पना लोकांच्या माथी मारण्याचा प्रयत्न.
हे वस्तुस्थितीच्या किती विपरित आहे हे रोजच्या बातम्या वाचणार्या व्यक्तीला सहज लक्षात येते. आणि हळू हळू जेव्हा ह्या तथाकथित सेक्युलर विचारांशी फारकत घेणारे सिनेमे निर्माण होऊ लागले तेव्हा लोकांनी ते डोक्यावर घेतले.
असले सेक्युलर काढे पिऊन वाढलेल्या डाव्या विचारांच्या लोकांचा धुरंधर आणि तत्सम विचारांचे सिनेमे पाहून तिळपापड होतो आहे.
दुसरा भाग बघितला नाही. पण उत्सुकता आहे. पहिल्यापेक्षा थोडा फिका असेल ह्याची मानसिक तयारी केली आहे.

सायोला अनुमोदन. खूप मारधाड आहे पण वेगवान आहे.
पार्टीचा सीन मला आवडला.पुर्ण महत्व रणवीर सिंगला आहे व त्याने चांगले काम केले आहे. राजकीय सीनकडे मी तरी दुर्लक्ष केले, कारण सिनेमाचा आनंद घेणे हा हेतु होता . अतिरेक्यांना मारलेल्यांपैकी किती खरे आहे वा नाही हे वेगळे पण दाऊदचे जे दाखवले त्याचे मला आश्चर्य वाटले. त्यातले खरे/खोटे काय असेल की. राकेश बेदीला अगदी कमी सीन आहेत पण त्यातही तो कसब दाखवुन जातोच. तीच गोष्ट जुस सेंटरच्या आलमची. १-२च सीन पण छान केलंय काम. रामपालला जरा अभिनय करायला वाव मिळावा असे २-४ सीन बहाल केलेत यावेळी जे त्याने फार काही भारी नाही पण बरे केलेत. माधवन भसाभसा सिगारेट फुंकतो हे पाहुन मला फारच वाईट वाटले. प्रत्यक्षात तो तसा नसो ही आशा.

shendenaxatra
हो, दिवार सुद्धा दुटप्पी होता.
जुन्या चित्रपटात सुद्धा प्रोपगंडा असायचा. ते स्लो पॉइसन असायचे. जास्त घातक. जे त्यात काम करणाऱ्या बच्चन आणि कपूर यांनाही लक्षात यायचे नाही. की लक्षात येऊनही पैश्यासाठी किंवा अंडरवर्ल्ड भीतीने करायचे?
अश्या सर्व उदाहरणावर वेगळा धागा काढा.
जुनी नवीन सर्व प्रोपगंडा त्यात बाहेर पडायला हवीत.

दीवार मधे लालकृष्ण अडवाणी अंडरवर्ल्ड डॉन दाखवले आहेत आणि वाजपेयी हे देशाचे दुश्मन. याबद्दल खंत ना खेद.

'अष्टविनायक' सिनेमात त्या कुटुंबावर काहितरी संकट येते, मग ते अष्टविनायक यात्रा करतात, मग ते संकट दूर होते असे दाखवले आहे. आठ गणपतींबरोबर हाजी अली व माउंट मेरीलाही जातात असे दाखवले असते तर काय बिघडले असते ? एकाच धर्माचा प्रोपॅगंडा. ( हे मी उपरोधाने लिहिले आहे 'नया भारत' मध्ये हेही स्पष्ट सांगावे लागते)

अनेक हिंदी सिनेमात ' सैन्यात कॅप्टन रमेश, कॅप्टन सुरेश व कॅप्टन अब्दुल असणे, मग अब्दुल ला पाक कडून ऑफर, त्याने ती नाकारणे मत त्याने युद्धात बलिदान देणे', प्रेमळ अशी मिसेस बिगान्झा, खान चाचा अशी पात्रे हे ट्रोप असते, प्रभात चा जुना 'शेजारी' नावाचा सिनेमाही होता. त्याला प्रोपेगंडा म्हणता येणार नाही.

प्रोपॅगंडा म्हणजे काय तर एकाच पक्षाची लाल करणे, दुसर्‍या पक्षाच्या नेत्यांवर रुपयाचे ठसे विदेशात पाठवण्यासारखे गंभीर आरोप करणे, दुसर्‍या एका नेत्याचे पोलिसांकरवी झालेल्या खुनाचे आय एस आय चा बादरायण संंबंध लावून समर्थन करणे, डिमोनेटायझेशन मुळे अमक्या तमक्याला कसा हार्ट अ‍ॅटॅक आला ही भाकडकथा, एन एस ए चे उदातीकरण, त्यांनी ओलीसांना 'भारत माता की जय' म्हणायला लावले या आचरट व काल्पनिक प्रसंगाची भलावण. आपल्याकडे बहुतांश लोकांनी दविंदर सिंग व राजबिर सिंग ही नावेही ऐकलेली नसतात, त्यामुळे पार्लमेंट हल्याच्या मुळाशी जाण्याचे कुतुहलही नसते.

असो अनेक वर्षापूर्वी पाकिस्तानातही असाच एक भन्नाट प्रोपॅगंडा पट आला होता, 'इंटरनॅशनल गोरिल्ले !' त्याचा निदान क्लायमॅक्स तरी जरूर पहा.

ह्या मालिकेत आणखीन चित्रपट येतील असा अंदाज होता, तो बहुतेक खरा ठरेल अशा वळणावर चित्रपट संपतो.
>>>>>>

हो, पुलवामा आणि पहेलगाम दहशतवादी हल्ले आणि त्याचे बदले ते आता चालू असलेले युद्ध.. याच मालिकेत अजून चित्रपट आले तर बघायला आवडतील.

हे बघून झाल्यावर टायगर पठाण मालिका कोण बघायला जाईल प्रश्न आहे.

देशभक्तीचा ऑर्गॅझम आणणं फार सोपं आहे. धुरंधर सारखा पिच्चर बघायचा. बघताना आपण ठरवलेल्या देशद्रोह्यांना शिव्या द्यायच्या आणि शेवटी जय हिंद म्हणायचं.

असाच सामूहिक ऑर्गॅझम ऑपरेशन सिंदूरच्या वेळी आपली न्युज चॅनेल्स बघताना यायचा.

ट्रम्प ने डोळे वटारताच सीझफायर केले हा तपशील मात्र वगळण्यात येइल.

एक लेखक,
पठाण सिरीजचे अवघड होईल.
शाहरुखचे नाही.

तो भारतातीलच नाही तर जगातील.. आय रिपीट.. जगातील सर्वात श्रीमंत कलाकार आहे.
आणि तो भारताचा आहे याचा अभिमान बाळगा.

आणि तो भारताचा आहे याचा अभिमान बाळगा. >> रेशीमबागेतले खेळ.

Fwd post
इंटरेस्टिंग माहितीपूर्ण वाटली शेअर करतो
--------

'धुरंधर' चित्रपट मालिकेतील गाणी आणि त्यांचे मूळ स्रोत -

१. हवा हवा (हसन जहांगीर)
हे या चित्रपटातील सर्वात गाजलेले गाणे आहे. हे मूळचे पाकिस्तानातील प्रसिद्ध गायक हसन जहांगीर यांचे ८० च्या दशकातील सुपरहिट गाणे आहे. चित्रपटात मारामारीच्या एका अतिशय महत्त्वाच्या आणि वेगवान दृश्यात हे गाणे पार्श्वभूमीला वाजते, ज्यामुळे त्या प्रसंगात एक प्रकारची 'थ्रिल' निर्माण होते.

२. आरी आरी (खान साहेब)
या चित्रपटात 'खान साहेब' या पाकिस्तानी गायकाचा आवाज वापरण्यात आला आहे. हे गाणे मूळच्या पंजाबी लोकसंगीतावर आधारित असून पाकिस्तानात ते प्रचंड लोकप्रिय आहे. चित्रपटातील संघर्षाच्या दृश्यांमध्ये या गाण्याच्या तालावर (Beats) मारामारीचे चित्रण अतिशय प्रभावीपणे केले आहे.

३. आफरीन आफरीन (नुसरत फतेह अली खान)
जागतिक स्तरावर गाजलेले हे सुफी गाणे मूळचे पाकिस्तानचे दिग्गज गायक नुसरत फतेह अली खान यांचे आहे. 'धुरंधर २' मध्ये या गाण्याच्या एका नवीन 'रिमिक्स' आवृत्तीचा वापर केला गेला आहे. मारामारीच्या दृश्यात जेव्हा हे गाणे वाजते, तेव्हा ते प्रेक्षकांना एक वेगळाच अनुभव देते.

४. तेरी नी करारान (मोहम्मद सादिक)
हे एक जुने पंजाबी गाणे असून ते दोन्ही देशांत (भारत आणि पाकिस्तान) तितकेच लोकप्रिय आहे. या गाण्याच्या मूळ चालीचा आणि लयीचा वापर चित्रपटात एका विशिष्ट संदर्भात केला आहे, जो तिथल्या संस्कृतीची माहिती देतो.

५. लूट ले गया (सिमरन चौधरी)
हे गाणे 'फोक-पॉप' शैलीतील असून त्याचा संपूर्ण साचा आणि संगीत हे सरहद्दी पलीकडील पंजाबी पॉप गाण्यांशी (विशेषतः पाकिस्तानी कोकम्युझिक शैलीशी) मिळतेजुळते ठेवण्यात आले आहे.

६. फॅसला (Fa9la)
चित्रपटातील 'रहमान डकैत' या पात्राच्या एंट्रीच्या वेळी किंवा त्याच्याशी संबंधित मारामारीच्या वेळी 'फॅसला' सारखी गाणी वापरली आहेत. ही गाणी प्रामुख्याने पाकिस्तानातील हिप-हॉप आणि रॅप संस्कृतीचे प्रतिनिधित्व करतात.

---------------

मारामारीच्या दृश्यांमध्ये गाणी वापरण्यामागे एक वेगळाच 'सिनेमॅटिक' विचार असतो, जो प्रेक्षकांना खिळवून ठेवतो. याचे काही मजेशीर आणि तांत्रिक पैलू खालीलप्रमाणे आहेत:

जेव्हा पडद्यावर तीव्र हाणामारी सुरू असते आणि पार्श्वभूमीला एखादे अतिशय लोकप्रिय किंवा उडत्या चालीचे गाणे लागते, तेव्हा एक प्रकारचा 'ब्लॅक ह्युमर' किंवा 'विनोदी विरोधाभास' निर्माण होतो. प्रेक्षक केवळ मारामारी न बघता त्या संगीताचाही आनंद घेऊ लागतात. यामुळे गंभीर प्रसंगातही एक प्रकारची करमणूक (Entertainment) निर्माण होते.

मारामारीच्या आवाजापेक्षा संगीताचा आवाज मोठा असल्यामुळे त्या प्रसंगातील 'हिंसा' कमी होऊन 'मनोरंजन' वाढते.

सौजन्य - श्री राहुल आपटे

ट्रम्प ने डोळे वटारताच सीझफायर केले

आरी आरी आरी बॉंबे रॉकर्सचं गाणं आहे. नवतेज सिंग नामक डॅनिश सरदारजी आणि अजून एक डेन यांचं आहे. त्याचं क्रेडीट कुठे पाकिस्तानला देता? आमच्या लहानपणीच ऐकलंय. हवा हवा, आफरीन वगैरे पाकिस्तानी आहेत हेही लहानपणापासून माहितेय. .

>>
देशभक्तीचा ऑर्गॅझम आणणं फार सोपं आहे. धुरंधर सारखा पिच्चर बघायचा. बघताना आपण ठरवलेल्या देशद्रोह्यांना शिव्या द्यायच्या आणि शेवटी जय हिंद म्हणायचं.
<<
मुस्लिम माणूस हिंदू मित्राला दिवाळी जवळ आली ह्याची आठवण करून देणार. मग हिंदू मित्र मुस्लिम मित्राला रमजान जवळ येतो आहे याची आठवण करून देणार. मुस्लिम माणूस देशभक्तीचा महापूर दाखवणार मग हिंदूला पश्चाताप होणार.
हिंदू मुस्लिम ऐक्याचा असा खोटा "सलीम जावेदी" ऑर्गॅजम आणणे दिवसेंदिवस अवघड होत चालले आहे. कारण धुरंधर मालिकेतील सिनेमे आणि सोशल नेटवर्क वर आलेली जागृती

जसा भारत चांगला आणि वाईट दोन्ही आहे अगदी तसाच पाकिस्तान आहे. हिंदूस्तान झिंदाबाद पाकिस्तान झिंदाबादच्या घोषणा देऊन मिठ्या मारायच्या.
भारत पाकिस्तानच्या भाईचार्याचा असा खोटा ऑर्गॅजम अवघड होत चालले आहे.
कारण धुरंधर मालिकेतील सिनेमे आणि सोशल नेटवर्क वर आलेली जागृती

धार्मिक मुस्लिम म्हणजे कमालीचा महा त्यागी , परोपकारी, उदार आणि धार्मिक हिंदू म्हणजे हीन वृत्तीचा खलपुरुष बलात्कारी खुनी चोर असा सेक्युलरिजम चा खोटा ऑर्गॅजम आणणे अवघड होत चालले आहे.

@ माझेमन, गूगल केले हे सापडले

धुरंधर २: द रिव्हेंज(२०२६) या चित्रपटातील "आरी आरी" हे गाणे एक जोशपूर्ण ट्रॅक असून, यात सुधीर यदुवंशी, जस्मिन सँडलस, खान साब आणि बॉम्बे रॉकर्स (नवतेज सिंग रेहल)यांनी गायन केले आहे.

Khan Saab is a Pakistani pop artist known for his expressive voice and unique style

पोस्टमधील माहिती बरोबर आहे.

मला पाकिस्तानची कुठली गोष्ट आवडत असेल तर ते म्हणजे त्यांचे संगीत. पाकिस्तानी संगीतात जी जादू आहे तिचे श्रेय त्यांना द्यायला हरकत नाही. तसेच चित्रपट पाकिस्तानात घडतो तर तेथील साजेसे संगीत वापरणे हा चित्रपटाच्या दृष्टीने मास्टरस्ट्रोकच ठरला म्हणू शकतो.

धुरंधर बघून झाल्यावर प्रेक्षक मला फोन करतातच. त्यांनी सांगितले कि संजय दत्त मुळेच आम्ही धुरंधर १ आणि आता २ सुद्धा पहिला. संजय दत्त हा मुख्य आकर्षण आहे.
अभिनयाच्या बाबतीत प्रेक्षकांना सारा अर्जुनचे काम आवडले आहे. चार तासाचा दुसरा भाग साराने आपल्या अभिनयाने आपल्या खांद्यावर उचलून धरला आहे.
शेवटी प्रेक्षक काय म्हणतात तेच महत्वाचं.

इथल्या एका सदस्याचे प्रतिसाद वाचताना. मला पॅम बॉंडी ताई आठवतात. आणि पॅम बॉंडी ताईंची उत्तरे ऐकताना इथल्या त्या सदस्याची आठवण येते.

मलाही पाकिस्तानी संगीत आवडते. सध्या भारतात जे संगीत चालू आहे (मोजके अपवाद सोडल्यास) त्यापेक्षा पाकिस्तानातलं संगीत जास्त खरं किंवा जमिनसे जुडा हुआ म्हणतात तसं वाटतं. आक्षेप सगळ्या गाण्यांचं क्रेडीट पाकिस्तानी संगीताला द्यायला आहे. मी ओरिजनल गाण्याविषयी लिहीले होते. म्हणजे नवतेज सिंग आणि एखाद्या डॅनिश माणसाचं गाणं खानसाब आणि इतरांनी म्हटलं तर क्रेडीट सगळ्यांना द्या, फक्त खान साबला नको एवढंच.

स्पॉयलर स्पॉयलर.. सिनेमा न पहिलेल्यांनी वाचु नका
मला पहिल्या धुरंधर इतका हा नाही आवडला पण नॉट बॅड , वन टाइम वॉचेबल फॉर रणवीर फॅन्स !
धुरन्दर २ म्हणजे ‘द रणवीर वन मॅन शो '. कमाल कमाल कमाल ..त्याचा हॉटनेस ,स्वॅग ,ऑरा, अ‍ॅक्शन आणि फार म्हणजे फार फारच उत्कृष्ट अभिनय !
फक्तं रणवीरचा बेस्ट आजवरचा बेस्ट नाही तर बॉलिवुड मधे आजवर घडलेल्या सिनेमां मधल्या कॅरॅक्टर्स पैकी सर्वात ताकदीचे कॅरॅक्टर /ड्रिम रोल म्हणावा इतका उत्तम अभिनय आहे.
अगदी अमिताभ बच्चन वगैरे लेजन्डरी अ‍ॅक्टर्सना सुद्धा असे ताकदीचे रोल नाही मिळाले करायला.
त्याच्या इतका जीव ओतून कॅरॅक्टर मधे झोकून देणारा या ताकदीचा एकही अभिनेता निदान बॉलिवुडमधे तर एकही नाही/नव्हता , अगदी त्याच्या आसपासही नाही !
असो, तर सिनेमा बद्दल !
न आवडलेल्या गोष्टीत सर्वात मोठा फॅक्टर म्हणजे लेन्थ, स्क्रिप्ट पण धुरन्धर १ इतकी नाही आवडली.
सिनेमाचा इन्टरव्हल आधीचा पार्ट फारसा नाही आवडला , जस्कीरतची पर्सनल रिव्हेन्ज स्टोरी अजुन इन्टेन्स एक्स्पेक्टेड होती मला.
इन्टर्व्हल नंतर अ‍ॅक्चूअल रिव्हेन्ज स्टोरी सुरु होते , त्याचा बालमित्रं पिन्दाची एन्ट्री होते आणि सिनेमा रंगत जातो., आपल्याला वाटतं फक्तं रणवीरने त्याला ओळखलं पण तोही रणवीरला ओळखतो तो सीन भारी जमलाय !
चॅप्टर ५ 'अन्नोन गनमॅन' सर्वात आवडता पार्ट, तो अजुन जास्तं वेळ दाखवून इतर बर्‍याच अ‍ॅक्शन सीन्सना कात्री लावली असते तर चाललं असतं !
नोटबन्दी नंतरचे जवेद खिनानीचंब्त्व फ्र्स्ट्रेश्॑न आणि रणवीरने केलेला त्याचा दी एन्ड , शिरानी बलोचचे किन्गडम , लियारी पेटवून उध्वस्तं होण्याचा अ‍ॅक्शन सीन, रणवीरचे इमोशनल सीन्स, याही सिनेमात येणारी जुनी गाणी हे सगळं खूप आवडलं.
btw, तो नवाझ शरीफ झालेला अ‍ॅक्टर काय हुबेहुब तस्साच दिसतो !
तरी अनेक सीन्स खूप म्हणजे खूपच स्ट्रेच केलेत.. शेवटचा अर्जुन रामपाल आणि र्॑णवीरचा फाइट सीन तर अक्षर्शः हस्यास्पद झाली आहे.. कित्ती वेळ खेचलाय, इतके वेळा एकमेकांचे गळे, पाठी, माना भोस्॑कतात, साखळीने गळे आवळतात, बॉम्ब ब्लास्ट होतात पण कोणालाही काही होत नाही, लग्गेच उठून धावायला लागतात !
दाउद इब्राहिम इतका जख्खड म्हातारा का दाखवलाय ? इतका मोठा असेल का तो वयाने ? मला वाटले सत्तर वगैरे असेल.. जो दाखवलाय तो नव्वद वर्षाचा दिसत होता !
त्याच्या काळातले बॉलिवुड हिरोज अनिल कपुर, जॉनी लिव्हर वगैरे अजुन काही इतके म्हातारे नाही झाले
शेवटचा ट्विस्टही जरा टु मच च झालाय..
व्हॉय्॑लेन्स यातही आहे , पण एक्स्पेक्टेड होता .
तरी ओव्हरॉलच ३ तासात बससेल असा अ‍ॅक्शन सिनेमा तरी चाललं आसतं !
Warning : सुरवातीला शाहरुखच्या कुठल्यातरी आगामी सिनेमाचं टिझर होतं, अक्शर्शः बघवत नाही, अग्ली, थकलेला आणि अ‍ॅक्टिंग पर्सनॅलिटी वगैरेचा तर काही संबंधच नाही !
पब्लिक लिटरली हसत होते , इतक्या पकाऊ शाहरुखला बघून
धुरन्धरच्या व्हॉयलेन्स मधे डोळे मिटु नका पण या ट्रेलरला मिटु शकताच

<<<< म्हणजे नवतेज सिंग आणि एखाद्या डॅनिश माणसाचं गाणं खानसाब आणि इतरांनी म्हटलं तर क्रेडीट सगळ्यांना द्या, फक्त खान साबला नको एवढंच.
>>>>>

माझेमन, ती पोस्ट पाकिस्तान विरोधात असलेल्या धुरंदर चित्रपटात पाकिस्तानी गायक आणि पाकिस्तानी संगीत वापरले आहे हा विरोधाभास दाखवायला आहे म्हणून फक्त त्यांचा उल्लेख आहे. इतरांचे श्रेय नाकारले नाही तर ते त्या पोस्टचा भाग नाही इतकेच.

बाकी पाकिस्तानी संगीत वापरले समजू शकतो.
पाकिस्तानी गायक का वापरला हे समजले नाही. त्याला भारतीय पर्याय वापरता आला असताच. की मुद्दाम यात सुद्धा काही कंट्रोवरसी होत चित्रपटाला बॉक्स ऑफिस वर फायदा होईल हे बघायचे होते.

दाउद इब्राहिम इतका जख्खड म्हातारा का दाखवलाय?
>>>>>>

कारण त्याला आपल्या एजंटने ठार न मारता स्लो पोइजन देत फक्त आजारी पाडले आणि तडफडायला सोडले असे दाखवले आहे. कारण जिंदा रख के तडफडवणे मे जादा मजा आता है असा डायलॉग दाखवला आहे.

पण हे एकूणच हास्यास्पद झाले आहे कारण त्याही स्थितीत तो मास्टर माईंड बनून भारतविरोधी कारवाया तडीस नेतो आहे असेही दाखवले आहे.

एकूणच दाऊदला मारता न आल्याच्या आपल्या अपयशाचे लंगडे समर्थन केल्यासारखे वाटले.