'धुरंधर' - आरंभ तो प्रचंड है!

पुढच्या भागात एलपीजी गॅस सिलिंडर चा काळा बाजार रोखणे आणि इंडक्शन वापर वाढवणे यासाठी इराण इस्त्राएल अमेरिका युद्ध कसे घडवून आणले ते येईल. कदाचित तो चौथा किंवा पाचवा भाग असेल.

त्या आधी operation सिंदूर, पुलवामा हे येईल.
काश्मीर फाईल्स वाल्याचा एपस्टीन फाईल्स मधल्या काळात येऊन जाईल.

पल्लवी जोशी मराठी असल्याने कॅप्टन फाईल्स सुद्धा येईल.
सेन्सॉर यू सर्टिफिकेट देईल.

इथे हा मुद्दा आधी आला य का माहीत नाही. इश्क जलाकर ज्या ना तो कारवाँ की तलाशवरून घेतलं आहे, त्याचंही मूळ पाकिस्तानीच आहे. ना तो बुतकदे की तलब मुझे ही कव्वाली नुसरत फतेह अली खां यांचे वालिद फतेह अली खान यांनी गायली होती.

--
बरं एवढ्या देशभक्तीपर पिच्चरमध्ये संजय दत्तला का घेतलं आहे? आणि राष्ट्र प्रथम - वाल्यांना तो खटकला नाही? त्याला पापाचं प्राय श्चित्त म्हणून हा चित्रपट मिळाला का? आणि त्या प्रायश्चित्तावर तीर्थ म्हणून १०० वर्षे जुन्या संघटनेचं कौतुक करायला लागलं?

संजय दत्तला संजू चित्रपटात आधीच क्लीन चीट मिळाली आहे.
तसेच यात तो पाकिस्तानी आणि व्हिलन दाखवला आहे. कदाचित हेच त्याचे प्रायश्चित असावे.

Dhurandhar २ मध्ये, विरोधी पक्ष, सरसकट upa हा आतंकवाद्यांचा पक्ष होता हे मला खूप आक्षेपार्ह वाटले.

तसेच धुरंधर १ मध्ये आडून आडून स्पेसिफिक नेत्यांवर भारताच्या नोटांच्या प्लेट्स पाकिस्तानी अतिरेक्यांना विकल्याचे आरोप आहेत तेही आक्षेपार्ह वाटले होते.

बाकी इन जनरल मोदींचे कौतुक, मास्टरस्ट्रोकीफिकेशन मला व्यक्तिगत रित्या कंटाळवाणे वाटले तरी माझा त्याबाबत आक्षेप नाही.

मोदींवरचा पिच्चर चालला नाही‌. बिचाऱ्या विवेक ओब्रॉयला पुन्हा मस्ती करावी लागली. देशभक्तीचा ऑर्गॅझम यायला द्वेष लागतो. नुसतं आपल्या बाळाचं कौतुक केलं तर त्यातलं तथ्य आपल्याला माहीत असतं. म्हणजे रडार बिडार कधी कसे चालतात, यातलं तथ्य माहीत असतं तसं.
आणि ते "नोटांच्या प्लेटांचं मंत्री आणि त्याच्या पुत्राने केलं हे सग्ग्ळ्यांना माहीत आहे" असं अभ्यासू आयडीने इथंच लिहिल़य. या किंवा चिकवा वर. म्हणजे खरंच असणार.

धुरंधर १०

*************स्पॉयलर***********************

काल पाहिला. पहिल्या पार्ट इतका आवडला नाही कारण लांबलाय बराच. पण तरी मला बर्‍यापैकी आवडला. एकदा बघायला एन्टरटेनिंग आहे.
पॉझिटिव -
जितका असेल असे वाटले होते तेवढा प्रचारकी नाही. पूर्ण फोकस अननोन गनमेन आणि अ‍ॅक्शन ही स्टोरीलाइन ठेवली आहे. नोटबंदीची बातमी झटकन येते, ते अनिवार्य होतेच पण मोदींचा जयजयकार नाही, तो त्यांचा मास्टरस्ट्रोक वगैरे आहे असेही येत नाही. फक्त टिव्ही वर ती बातमी येते आणि मग तो खानानीचा सीन आहे डायरेक्ट. मुळात पॉलिटिकल बाजू विशेष नाहीच दाखवलेली, सिनेमाचे नाव रीव्हेन्ज आहे त्यामुळे तेच आहे सिनेमात. भुट्टोवी, खानानी, आयसी ८१४ चा तो हायजॅकर, एस पी चौधरी, आयएसाअय चा मेजर इक्बाल, वगैरे चा सूड. दाऊद चे प्रकरण हुशारीने घेतले आहे. त्याला मारले असे तर दाखवता आले नसते कारण मग बाकीचे सगळेच फिक्शन वाटले असते! इथे सिनेमाच्या बाकीच्या घटना खर्‍या घटना + फिक्शन ची मिसळ आहे, तसा दाखवण्याचा उद्देश आहे आणि ते तसेच ठेवण्यात त्यांना यश मिळाले आहे.
रणवीर ने अक्षरशः कमाल! कमाल !!केली आहे , अ‍ॅक्शन, इमोशन्स , लुक्स सगळ्याच आघाड्यावर जबरदस्त !! लार्जर दॅन लाइफ!! रणवीर कायमच त्या त्या सिनेमातल्या कॅरेक्टर जगतो , कधीच तो "रणवीर" वाटत नाही तर बाजीराव, खिलजी, गलीबॉयच वाटतो. धुरंधर मधे त्याची परमावधी बघायला मिळते!! अर्जुन रामपाल , माधवन, जमाली पण मस्त काम करून गेलेत. आणि अनपेक्षित रित्या तो बलोच सरदार शिरानीही मला यात फार आवडला! काय स्वॅग!! रेट्रो गाण्यांचे रीमिक्स ट्रॅक यातही आवडले पण गाणी कमी होती यात.
निगेटिव-
डीजेने लिहिले तसे, जस्सी ची बॅक स्टोरी जरा जास्त चालली असती. त्याच्या परिवाराची आपली काहीच ओळख, अटॅचमेन्ट होतच नाही, त्यांच्यावरचा अन्याय फारसा रजिस्टरच होत नाही त्यामुळे त्याच्यातला तो पहिल्या सीन मधला रेज फार रीलेट होत नाही.
हिंसा आणि शिवीगाळ खूप आहे. त्यातल्या त्यात संजय दत्त फार बोअर होतो बघायला आणि ऐकायला. वायलन्स असणार होताच पण अगदी पाशवी, रक्तरंजित हत्येचे १०१ प्रकार म्हणावे अशा पद्धतीचे हिंसक सीन्स खूप आहेत, आणि ते बरेच डीटेल्ड आणि लांबलचक ही आहेत, ते खूपच कमी करता आले असते. त्याने सिनेमाची लांबी बरीच कमी करता आली असती किंवा तो वेळ इतर कुठे तरी वापरता आला असता. इक्बाल आणि हमझाच्या मारामारीवर २०-२५ मिनिटे तरी घालवली असतील. अरे हे काय अनब्रेकेबल रोबॉट आहेत की काय असे वाटले. शेवटचा इन्टेन्स भाग संपला तरी सिनेमा चालूच रहातो. तो भारतात परतला इथे संपवला असता तरी चालले असते. त्याच्या पुढचा भाग, तसेच पोस्ट क्रेडीट सीन्स काही फार वॅल्यू अ‍ॅड करत नाहीत.
लास्टली, आता हे पॉझिटिव असे म्हणता येत नाही आणि निगेटिव असेही नाही - पण मजेशीर ऑब्जर्वेशन म्हणू - मी हे नोटिस केले की दोन्ही सिनेमात संधी (!) असून स्त्रियांबद्दलचा वायलन्स दाखवलेला नाही. उलट सर्व कॅरेक्टर्स अगदी पाकिस्तानी व्हिलन्स , जास्तीत जास्त निगेटिव कॅरेक्टर्स पण स्त्रियांना फार आदराने वागवताना दिसतात!! यात हिंसा जशी इतकी तपशिलात चवी चवीने दाखवल्यासरखी आली आहे पण कथा नायकाच्या बहिणीवर बलात्कार हा हिंदी सिनेमावाल्यांचा आवडता प्रकार कथेत असूनही तो यात २-३ सेकंद तोही सूचक पणे येतो. बाकी रहमान डकैत बायको कडून थोबाडीत खातो, तिच्याशी प्रेमाने वागतो, पार त्या मेजल इक्बालचाही डाउन सिन्ड्रोम असलेल्या त्याच्या लहान मुलीसोबत एक टेन्डर मोमेन्ट येतो! हे सीन्स आवर्जून का घातले असावेत ते कळले नाही, कथेत फार संबंधही नाही पण ते आहेत हे खरे!

कट्टर धार्मिक मुसलमान असणारे बरेचसे व्हीलन ह्यात दारू पिताना पण दाखवले आहेत. म्हणजे पितही असतील पण मला आश्चर्य वाटले. म्हणजे काफिर को मारुंगा खतना करौंगा वैगरे घोषणा देत दारू पण पितायत.

पिक्चरची लांबी मारामार्‍या जरा कमी करुन नक्कीच कमी करता आली असती. तसंच अर्जून रामपालच्या घरच्या स्टोरीची काहीही गरज नव्हती. तसंच रणवीर आणि आलम दूधसोडावाला त्या चहाच्या दुकानात पर्सनल गप्पा मारतात ते आणि रणवीर बायकोला गेटवर पासपोर्ट देतो ते प्रचंड खटकलं. असो, बाकी चांगला जमला आहे. पहिल्यात स्टोरी बिल्डींग, गाणी वगैरे असल्यामुळे पहिला भाग जास्त आवडला होता.

त्या उल्फत रहमान जेंव्हा जेंव्हा पडद्यावर येतात, तेंव्हा तेंव्हा, त्या त्या वेळच्या अल्फामेलला थोबाडीत मारुनच मग रडायला सुरु करतात! साला, बायको असावी तर अशी!

.

मीही पाहिला काल. एकूण पहिला भाग पाहिल्यावर दुसरा जसा असेल असं वाटलं होतं अगदी तस्साच निघाला.
एक शेवटचा ट्विस्ट वगळता - जो 'जस्ट फॉर द सेक ऑफ ट्विस्ट' वाटला.

मोदींचं दर्शन झालं दोनदा आणि 'इस चायवालेने...' असा उल्लेख दोनतीन वेळा. अगदी ऐतिहासिक सिनेमांत मुघलांना वैतागाने 'ये सिवा का बच्चा' वगैरे म्हणताना दाखवतात तस्संच.

शेवटी अगदी संपता संपत नाही सिनेमा असं झालं - 'अ‍ॅसेट इज मिसिंग' तर अगदीच येडचॅप. त्याला फॅमिलीला भेटायचं होतं तर तो संन्यालला तसं सांगू शकला असता, नव्हे इतका कसलेला(!) स्पाय सांगेलच.
प्रगती काय नुसती शस्त्रास्त्रं तयार करण्यापुरतीच झाली का? एक कॅमेरा आवारात लावून बघता आलं असतं त्यांचं काय चाललंय ते! असो. आड्यन्सला रडवायला लागतात असल्या गोष्टी.
वेपनरी तर अबब आहे! फक्त पडद्यावर तोफ आणायचीच शिल्लक ठेवली आहे.
आणि तरीही पहिल्या भागाप्रमाणेच वन ऑन वन अनार्म्ड कॉम्बॅटला पर्याय नाही. त्याशिवाय कोणाचंच समाधान होत नसावं.

साडेतीन तासांच्या सिनेमात साडेतीन स्त्रीपात्रांना सगळी मिळून वट्ट साडेतीन मिनिटं स्क्रीनटाइम दिला आहे. बाकी सगळी टेस्टोस्टेरॉन-फेस्ट!

बाकी रणवीरबद्दलच्या वरच्या सर्व पोस्ट्सना सहर्ष सबदाम अनुमोदन! दुसर्‍या कोणालाही हा रोल कॅरी करता आला असता असं वाटत नाही!

>>> त्या उल्फत रहमान जेंव्हा जेंव्हा पडद्यावर येतात, तेंव्हा तेंव्हा, त्या त्या वेळच्या अल्फामेलला थोबाडीत मारुनच मग रडायला सुरु करतात!
हो!

>>> णवीर आणि आलम दूधसोडावाला त्या चहाच्या दुकानात पर्सनल गप्पा मारतात ते आणि रणवीर बायकोला गेटवर पासपोर्ट देतो ते प्रचंड खटकलं
हो, ते अगदीच येडचॅप. आणि इतक्या उघड हे प्रकार करायचे तर आधी कागदावरचे संदेश वाचून कागद खाऊन वगैरे टाकायची नाटकं कशाला करतात?!

चहाच्या दुकानात पर्सनल गप्पा मारतात ते आणि रणवीर बायकोला गेटवर पासपोर्ट देतो ते प्रचंड खटकलं. >>> हो अगदी मला तर ती हस्तलिखित डायरी हवी कशाला तेही कळले नव्हते पहिल्या भागापासूनच.
फक्त पडद्यावर तोफ आणायचीच शिल्लक ठेवली आहे. >>> आणलीच आहे ऑलमोस्ट. त्या मुरीदके मधल्या सीन मधे तो रिझवान मोटरसायकल वरचे कव्हर काढवे तसे मोठ्या तोफे सारख्या डबल फायरिंग गन चे कवर काढून दणाणा सुरु करतो ना.

--------स्पॉयलर अ‍ॅलर्ट!------

धुरंधर, द रीव्हेंज बघितला!
हा एकदा बघायला आवडला. थिएटर मध्येच बघण्याची मजा आहे!
पहिला भाग जास्त आवडला होता.
रणवीर सिंग, त्याची अ‍ॅक्टिंग यात कमाल आहे! पोरगेला जसकिरत, त्याच्यातला बदलाव, हमझाचा स्वॅग सगळच कमाल!!!
जसकिरत जेव्हा बहिणीला त्या शेड मध्ये बघतो, तेव्हाचे रणवीरचे एक्सप्रेशन्स अमेझिंग!
हमझाला त्याचा मित्र पिंदा ओळख दाखवतो तो बाथरुम मधला सीन, तेव्हा रणवीरची घालमेल, आलमचा शेवट एकदम पॉवरफुल सीन!
राकेश बेदीचे सिन्स या सिनेमात कमी आहेत पहिल्या पेक्षा, त्याची अ‍ॅक्टिंग आवडली.
बाकी कलाकार संजय दत्त, अर्जून रामपाल, माधवन, सारा त्यांच्या त्यांच्या रोल मध्ये ठिक!
शेवटचा ट्विस्ट अनपेक्षित होता.

काय आवडले नाही -
१. प्रचंड व्हायोलंस, मारामारीचे काही प्रसंग अगदी अंगावर येणारे डिटेल्ड आहेत, तेवढे कमी करुन पण तो ईफेक्ट आदित्य धर सारख्या हुशार दिग्दर्शकाला नक्कीच दाखवता आला असता. आता हे असले न बघवणारे हिंसक प्रसंग नॉर्म नको व्हायला!
२. गाणी रिमिक्स चांगली आहेत काही, पण पहिल्या भागा एवढी मजा नाही आली गाण्यात. ( गहरा हुआ, शरारत मस्त ओरिजीनल गाणी पण होती पहिल्या भागात)
३. जसकिरतच्या फॅमिली फोटो घेताना शॉट आहे, नंतर लगेच मारधाड सुरु. पण त्या आधी त्यांचे असे कौटुंबिक प्रसंग दाखवले असते तर अजून कनेक्ट झालं असतं.

सिनेमाची लांबी अजून कमी करता आली असती तर चालले असते.
मेजर ईक्बाल ( अर्जून रामपाल) च्या घरच्या काही प्रसंगाना जरा कात्री लावली असती तरी चालले असते. (त्या ऐवजी जसकिरतच्या फॅमिलीचे अजून काही सीन्स दाखवलेले चालले असते)
सर्वात लांबलचक कंटाळवाणा मेजर ईक्बाल आणि हमझाचा शेवटचा फाईट सीन, कधी संपतोय असं झालं होतं.
सिनेमाची १५,२० मिनीटे कमी करता आली असती.

मला सिनेमाची सुरुवात फार आवडली. त्यानंतर पुन्हा lyari मध्ये जाणे almost disappointing वाटले!

त्यानंतर मला शेवट म्हणजे अगदी शेवट, आवडला. त्याबद्दल बोलणे स्पॉयलर होईल. रणवीर सिंगने कमाल केली आहे सुरुवातीस आणि शेवटी.

पण त्या अगदी शेवटानंतर पण शेपटीसारखे काही सीन येतात तिथे वाटते की कशाला राव इतका भावनिक शेवट केलाय कशाला अजून पुढे काहीतरी जोडताय...

बाकी सुरुवात, मध्यंतरापूर्वीचा सीन, आणि क्लायमॅक्स नंतरचा शेवट वगळता मला इतर ३ तास प्रचंड बोअरिंग वाटले. मुख्य पहिल्या सिनेमाचे टेन्शन गायब आहे. तिथे एक रेहमान मारायला हमझा इतकी योजना करतो इथे मोदीकृपेने रोज पंधरा आतंकवादी ठोकली जातायत. पूर्वी एक हमझा आणि आलम होते तर आता प्रत्येक दुसरा माणूस भारतीय एजंट आहे.

खेरीज केवळ बोरिंग नाही तर आक्षेपार्ह वाटलेल्या गोष्टी वर टाकल्या आहेतच.

जान से गुजरते है हे गाणे विशेष आवडले. अर्जीत सिंगचे पण छान आहे.

आदित्य धरचं एक स्टेटमेण्ट फिरतंय.
२६/११ का बदला हमने धुरंधर से लिया. हे त्याचंच स्टेटमेण्ट असेल तर .

उरी हा सिनेमा युद्धानंतर नव्हता काढायला पाहीजे होता. थेट पिक्चरच बनवायचा होता आणि ऑपरेशन सिंदूरचीही गरज नव्हती.
अमेरिकेने निर्बंध तरी घातले नसते. जगात त्या वेळी देशाची लाजिरवाणी परिस्थिती झाली होती. व्हिसा बंद, भारतियांना हाकलले, रोज टेरीफ वाढवत नेला. ही नाचक्की एकीकडे आणि दुसरीकडे बाळाला जसं खुळखुळा देतात तसं धुरंधर मधून सेल्फ प्लेजरचा अनुभव एकीकडे.

एक कमेण्ट फार आवडली. "धुरंधर हा मेकर्सने भयंकर विनोदी सिनेमा बनवला आहे, पण काही जण सिरीयस होऊन बघताहेत. हर्षवायूने जर जीव गेला तर निर्माते जबाबदार नाहीत. कवटीत काही तरी भरून जावे"

*धुरंधर १ आणि शक्यतो २ पण स्पॉयलर*
बाकी, गाण्यांच्या सुरेख प्लेसमेंट मुळे गाणी इतकी छान वाटतात. गेहरा हुआ हे एक प्रेम गीत खरोखर युगल गीत आहे. बाकीचे प्रेमगीत आहेत ते सगळे जसकिरतच्या देशभक्तीवर आहेत.

नाजो अंदाज से कहते हैं क़ि जीना होगा
जहर भी देते हैं तो कहते हैं क़ि पीना होगा
जब मैं पीता हूँ तो कहते हैं क़ि मरता भी नहीं
जब मैं मरता हूँ तो कहते हैं क़ि जीना होगा

>>>> हे मृत्युदंडातून वाचवून पुन्हा मरायला पाठवलेल्याचे गाणे...

दिल पे ज़ख़्म खाते हैं, जान से गुज़रते हैं
वो जो फेर कर नज़रें पास से गुज़रते हैं
(वो जो फेर कर नज़रें पास से गुज़रते हैं)
ऐ ग़म-ए-ज़माना, हम तुझको याद करते हैं
>>>> प्रेमाची अवहेलना (भारतात न्याय न मिळणे) झाल्यावरच गाणे.

गहरा हुआ गहरा हुआ रंग आशिकी गहरा हुआ...

गाणं जाम आवडलं होतं. रोज किमान एकदा तरी गुणगुणण्यात येतं.

दुसरा भाग रणवीर साठीच सगळं काही. आत्तापर्यंतचा बेस्ट रोल हमझा! छा गया है गुरू!

फ्लॅशबॅक पुरताही अक्षय खन्ना यात दिसला नाही. आश्चर्य वाटलं.

म्युझिकने मात्र साफ निराशा केली भाग २ मधे आरी आरी सोडलं तर. पण तेही इतक्या पटकन येऊन गेलं की मजा नाही घेता आली समहाऊ!

जुनी गाणी मात्र चपखल सिचुएशन ला वापरली आहेत.

धुरंधर - २ पाहिला. त्याला ‘द रिवेंज’ ही शेपटी सुट होते.

स्पॉयलर अलर्ट
काय आवडलं नाही?
चित्रपट कधी रेंगाळतो तर कधी जास्तच वेग पकडतो.
उदा. हमझाचा ल्यारीवर कब्जा स्पेशली अर्शद पप्पू प्रकरण लवकर आटपलं पाहिजे होतं. उझैरला अडकवण्यापलीकडे त्याचा तसा काही उपयोग नव्हता.
तर पिंडा प्रकरण, चौधरी अस्लमचा मृत्यू वगैरे फास्ट पेस्ड आहेत.

स्पाय थ्रिलर म्हणून पाहताना बरंच सस्पेंशन ऑफ डिस्-बिलीफ करावं लागतं. काही गोष्टी प्रेक्षकांची अगदी बिगरी लेव्हल धरून सांगितल्या आहेत.

विशेषतः एनएसएने स्वतः हेराला भेटणे आणि पुढच्या सुचना देणे, हमझाने स्वतः प्रत्येकाला मारणे व त्यापूर्वी मरणाऱ्याला कल्पना देणे.

हमझाने त्याचं सिक्रेट समजल्यावरही बायकोला जीवंत ठेवणे.

बडेसाबला सगळेच इनक्लुडिंग आयएसआय डोक्यावर घेतात आणि तो काश्मिरपासून युपीपर्यंत सगळीकडे कारवाया घडवतो हे तर हास्यास्पद आहे. एवढा पॉवरफुल तो भारतात असताना तरी होता का?

मेजर इक्बालच्या बापाचा रोल का आहे?

रक्तपात - तेवढं रक्त वाहिलं तर माणूस शॉकमधेच मरेल.

काय आवडलं?

रणवीर सिंग. हा पूर्णपणे त्याचा पिक्चर आहे. त्याच्या बहीणीला सोडवताना पाहिल्यावर, पिंडाला पाकिस्तानात पहिल्यांदा पाहिल्यावर आणि मग त्याने ओळखल्यावर, आलमला ‘जला दो’ म्हणताना रणवीरने कमाल केलीय.

आरी आरी, तम्मा तम्मा, हवा हवा वगैरे गाण्यांचा योग्य वापर. पण नवी गाणी लक्षात राहत नाहीत.

सारा अर्जून, आलम, राज झुत्शी छोट्याश्या भुमिकेत चमकतात. आतिफ अहमदला शोधून आणणाऱ्या कास्टिंग डिरेक्टरची कमाल आहे.

आलमसारखे हेर जे स्वतःचं अस्तित्व पुसून टाकतात आणि परदेशात मरतात ज्यांच्यासाठी कुणी अश्रूही ढाळू शकत नाही हे फार छान दाखवलंय.

अज्ञात मारेकरी भाग खुलवता आला असता अजून.

राकेश बेदीचा ट्विस्टही मस्त.

दुसऱ्या क्रेडीट सीनमध्ये जसकीरतचं ट्रेनिंग दाखवल्यामुळे हाणामारी बिलीव्हेबल वाटली.

मोदींचा उल्लेख किंवा नोटबंदी प्रकरण कथेच्या ओघात खटकलं नाही.

रेको - हेर आणि सुड म्हटलं की म्युनिक आठवतो आणि त्यातला कोल्ड मारेकरी डॅनिअल क्रेग. हा त्या लेव्हलची नाही. धुरंधरच्या पहिल्या भागाएवढा एन्गेजिंग नाही पण कंटाळा येत नाही. मोठ्या पडद्यावर बघा. ओटीटीवर मजा नाही.

.

Spoiler ॲलर्ट

ही पोस्ट वायरल होत आहे.
हे जर खरे असेल तर यानुसार धुरंदर मधील व्हिलन पात्रे ज्यांच्यावर बेतली आहेत ते 2014 आधीच काँग्रेसचे राज्य आणि मनमोहन सिंग पंतप्रधान असतानाच मारले गेले आहेत. आणि भारतीय गुप्तहेर सुद्धा त्या आधीच पाठवले गेले आहेत.
मग धुरंदरमध्ये हे जिवंत दाखवले असताना मोदींचा शपथविधी आणि नोटबंदी कसे आले?

धुरंधर २ ची गाणी लक्षात राहिली नाहीत असं वाटलं होतं पण स्लो पॉयझन आहेत. फिर से आणि जाईये सजणा.

माझेमन+११
जाईये सजणा आणि जान से निकलते है रिपीट वर ऐकतोय

जान से निकलते है कालपासून पुन्हा पुन्हा ऐकते आहे! इट ग्रोज ऑन यू!! जाइये सजणा कोणाचा आवाज आहे, पॉवरफुल आहे एकदम.

जाइये सजणा कोणाचा आवाज आहे >>> जस्मिन संदलास - खतरा आवाज आहे हिचा + सतिंदर सरताज

बरं ते हमझा ने ५०० रू. लपवले खनानीला मारायच्या आधी त्याचं काय?

घर की याद नही आयी जस्सी? तुफान गाजतोय डायलॉग...

म्युझिकमध्ये पाट्या टाकल्यात.

एक नवा आल्बम म्हणून पुन्हा ऐका असे सुचवेन. कारण सिनेमा मधे गाण्यांना जस्टिस केलेला नाही. त्यात ती अर्धवट ऐकू येतात तेव्हा नोटिसच झाली नाहीत पण आता नीट ऐकल्यावर मला अ‍ॅक्चुअली दुसर्‍या भागाची गाणी फार आवडली आहेत!! पहिल्यात फक्त २ आवडती होती, या सिनेमाची आरी आरी ,दिल पे जख्म खाए है ही तरी रीमिक्स आहेत. पण ओरिजिनल गाणी फिर से नैना भरे , जैयो सजणा नंतर वारी जावा पण आवडत आहे मला , मजा येते आहे ऐकायला! जस्मिन संदलस, बॉम्बे रॉकर्स , कोणीतरी खान, अरीजित, रीबेल ,शाश्वत सचदेव ही यंग टीम भारी जमून आली आहे!

कदाचित दुअर्‍या भागाची गाणी चढत जातील. म्हणजे मनावर गारुड होत जाईल.
मला पहील्या भागात, 'मोनिका ओ माय डार्लिंग' आवडलेले.

धुरंधरची बरीच गाणी बॅकग्राऊंडला वाजत असतात. आपण मारामार्‍या बघण्यात बिझी असताना तिकडे अजिबातच लक्ष जात नाही. मग त्याकरता पिक्चर बघावा लागतो परत