'धुरंधर' - आरंभ तो प्रचंड है!

>>> यात युद्ध दाखवलेले नाही. तसे भारताने करावे असेही सुचवलेले नाही.
अजून.
'ये नया इन्डिया है, ये घर में घुस के मारेगा' हे हेरगिरीबद्दल म्हटलेलं वाटत नाही, दुसरा भाग आल्यावर ते स्पष्ट होईल.

धन्यवाद मनमोहन मावशी

मला काही तरी नॉन पॉलिटिकल व धाग्याशी समांतर लिहू द्या बरं.

पुरुषांचे तेही हिरोचे सेक्शुअल ॲसॉल्ट हिंदी गल्लाभरू चित्रपटांत फारसे दाखवत नाहीत. यात तो सुरवातीला दाखवला आहे. तेही हिरो सहन करतो व रॅंडमली वाचतो. स्वतःला वाचवत नाही, ते "मर्द को कभी दर्द नहीं" होता च्या विपरीत आहे. ते मला आवडले. शिवाय अजून दाखवायला हवेत. कारण पुरुष प्रेक्षकांना जरा अंगावर येईल व हे स्त्रियांसाठी किती अपमानास्पद व किळसवाणे आहे हे कदाचित लक्षात येईल.

ही हिरो सहन करतो व रॅंडमली वाचतो
>> मला वाटलं की दूधसोडावाला बाजूला जातो आणि पोलिसांना फोन करतो. तो स्वतः वाचवायला जात नाही.

पुरुषांचे तेही हिरोचे सेक्शुअल ॲसॉल्ट दाखवत नाहीत हे खरे आहे. नटरंगमध्ये दाखवला आहे पण तिथेही हिरो मुळातच व्हल्नरेबल दाखवला आहे.

>>> स्त्रियांसाठी किती अपमानास्पद व किळसवाणे आहे हे कदाचित लक्षात येईल.
आय अ‍ॅम नॉट सो ऑप्टिमिस्टिक. त्यातून फक्त समलैंगिकांबद्दलचा द्वेष वाढण्याचे चान्सेस दुर्दैवाने जास्त वाटतात मला. पुरुषांच्या बाबतीत चित भी मेरी पट भी मेरी लॉजिकच लागू होतं सहसा.

पण तू म्हणतेस तशी आणखी दोन (नॉन-हिंदी) उदाहरणं आठवली त्यावरून - Shawshank Redemption आणि नटरंग.

नटरंग मलाही आठवला होता. पण हे स्त्रियांच्या दैनंदिन आयुष्याचा भाग आहे, स्वतःला प्रोटेक्ट करण्यात किती एनर्जी जाते आपली. आयुष्यात अजून काय काय करता आलं असतं. लेकीसाठी/ भाचीसाठी पॅनिक व्हावं लागलं नसतं. जाऊ दे, असं हजारो वेळा पाहिले तर कदाचित one neuron at a time तरी होईल ही वेडी आशा !

समलिंगींविषयी का असे मत, हे तर माझ्या मनातही आलं नाही. ॲसॉल्ट करणारा बाय सुद्धा असू शकतो की. विकृती अधोरेखित केली जावी, सेक्शुअलिटी नाही. लोक कसा विचार करतील काही सांगता येत नाही पण !

पण हे स्त्रियांच्या दैनंदिन आयुष्याचा भाग आहे, स्वतःला प्रोटेक्ट करण्यात किती एनर्जी जाते >>> ही गोष्ट अज्ञान बालक यांना का नाही सांगत कुणी ?

(कारण पुरुष प्रेक्षकांना जरा अंगावर येईल व हे स्त्रियांसाठी किती अपमानास्पद व किळसवाणे आहे हे कदाचित लक्षात येईल)
अशी एक फेसबुक की इन्स्टा रील आहे. भारतातलीच आहे.

अज्ञान बालक नाही विक्षिप्त मुलगा.

निरुपमा राव यांच्या लेखाबद्दल फा ची बहुतेक निरिक्षणे पटली.
पण लेख वाचला तर मला 'पाकिस्तान वर का सिनेमा काढला, चीन वर का नाही? हा सूर जाणवला नाही तर 'भारतीय जनमानस पाकिस्तान बद्दल इतके ऑब्सेसिव्ह का आहे ? चीनबद्दल का नाही ?' असा वाटत्ला आणी पटलाही.

त्या लेखात व्यक्त झालेली आणखी एक भिती, की अशा सिनेमामुळे पाकिस्तान च्या मनात भारताच्या भूमिकेबद्दल जे चित्र तयार होईल हीही मला अनाठाई वाटली. हा सिनेमा तद्दन प्रोपॅगंडा आहे, त्याचा टार्गेट ऑडियन्स डोमेस्टिक आहे हे पाकिस्तानलाही कळले असावे, तिथेही लग्नात या सिनेमातील गाण्यावर नाच वगैरे करतात.

हा सिनेमा तद्दन प्रोपॅगंडा आहे, त्याचा टार्गेट ऑडियन्स डोमेस्टिक आहे हे पाकिस्तानलाही कळले असावे, तिथेही लग्नात या सिनेमातील गाण्यावर नाच वगैरे करतात.
>>>>

त्या लोकांना किंवा इथल्या लोकांना किंवा कुठल्याही लोकांना हे इतके सहजी कळत असते तर जगात कायम शांतता नांदली असती

जोपर्यंत कोणी मसीहा येऊन टाळकी भडकवत नाही तोपर्यंत सगळी जनता फार विचार न करता आवडीच्या गाण्यावर नाचून खुश राहते.

चिकवा वर मोठी पोस्ट होईल, आपल्या संभाजींचा धागा आहे, कनेक्शन देशावरचा पिक्चर.

बॉर्डर २ चा फक्त चार दिवसात २०० कोटी एव्हढा धंदा झाला हे बघून डोकं चालेनासं झालं. थांबा, मी बॉर्डर हेटर नाही, लगेच देशद्रोहीचा स्टँप घेऊन धावू नका. हल्ली देशप्रेमी आणि देशद्रोहीचे शिक्के घेऊन फिरणारे वाढत चालल्याने पिक्चर आवडला नाही आवडला हे सांगण्याची चोरीच झाली आहे. आणि चांगलंच आहे ना, धुरंधर चालला, बॉर्डर २ त्याच्या पेक्षा जोरात सुरू आहे.

बॉर्डर पाहिलेला असल्याने आणि आवडलेला असल्याने पुन्हा त्याच बॅनरकडून त्याच युद्धावर सिनेमा येत असेल तर तोच तोच पणा असेल असे वाटले होते. मला वाटले तसे अनेकांना वाटलेले असेल. इथे मायबोलीवर सुद्धा उत्सुकता दिसत नाही. धुरंधर मधे अजेण्डा असो वा नसो, ते स्वतंत्र चित्रपट आहे. किमान फ्रेश स्टोरी आहे. बॉर्‍डर २ मधलं बॅटल वेगळं आहे याची कल्पना आहे. पण प्रत्येक फौजीच्या घरची परिस्थिती दाखवणार आणि मग युद्धात समोरासमोरची सैन्यं एकमेकांना ललकारणार. हे खास सनीसाठी. सनी असला कि आरडा ओरडा आणि पेट्रोलपंपावर जळती काडी टाकावीत तसे जळजळीत डायलॉग्ज हे असणारच. विशेष म्हणजे ते त्याला अजूनही सूट होतात. जणू काही त्याचं वय वाढलंच नाही.

पण असाच गदर २ पाहिला आणि भयंकर फसवणूक झाल्याचा फील आला. पुन्हा तोच फील देऊन पैसे छापणे यापेक्षा वेगळा कुठलाही हेतू नव्हता. पण थेटरमधे तीन तास सनी फॅन्ससाठी मनोरंजन होतं हे नाकारता येत नाही. धर्मेंद्र हा भारतीय अर्नोल्ड असेल तर सनी हा भारतीय स्टॅलोन आहे. त्यामुळे अचाट शक्तीचे प्रयोग असणारच.

तर विषय काय होता ? चार दिवसात २०० कोटी.
मग बातम्या आल्या कि १४००० स्क्रीन्स वर रिलीज झालाय. पठाण ९००० स्क्रीन्स वर रिलीज झाला होता. आता हा हिशेब कसा असतो समजत नाही. म्हणजे एका स्क्रीनवर दिवसातले किती खेळ ? बुक माय शो वर पाहिलं तर एका एका मल्टीप्लेक्स ला कमीत कमी १८ शोज होते. काही ठिकाणी ३० शोज. आपण २० पकडू. एव्हढे शोज लावले कि पहिल्या दिवशी निर्मात्यांना सकाळच्या शोजला प्रिटच पोहोचवता आली नाही. प्रेक्षकांनी थेटर वाल्यांना जाब विचारला .

थोडक्यात एका पाच स्क्रीन असलेल्या मल्टीप्लेक्सला २० शोज असतील तर सरासरी एका स्क्रीनवर ५ शोज झाले. १४००० स्क्रीन्स सोडा. १०००० स्क्रीन्स धरले तर एका दिवसात ५०००० शोज. सरासरी ३०० रूपये तिकीट असे १,५०,००,००० . सरासरी प्रेक्षक संख्या १५०.
१५०००००० * १५० = २२५ ,०० ,००, ०००

हे असं गणित आहे. बाकीच्या छोट्या पिक्चरवाल्यांचं काय पण ? बॉर्डर २ चे निर्माते टी सिरीज दिसतात. मग एव्हढे स्क्रीन्स मिळाले यात नवल नाही. आठवड्यात पाचशे कोटी. दोन आठवड्यात हजार कोटी.

बडी मछली छोटी मछली को खा जाती है.

बॉर्डर २ असाच धुवांधार चालत राहिला तर मयसभा पिक्चरला किती स्क्रीन्स मिळतील ? ज्यांना तुंबाड आवडला आहे त्यांना हा बघायचाच असेल. पण त्यांना तो पहायला मिळणार का ?

वरची पोस्ट वाचल्यावर 'm like ...... आखीर तुम कहना क्या चाहते हो भाई !

अमुक सिनेमाचा कोट्यवधींचा धंदा झाल्याच्या बातम्या वाचल्या की भारतीय लोक महाश्रीमंत आहेत असे वाटायला लागते.

आता हे दोन्ही चित्रपट एकत्र नांदताहेत आणि एकत्रित कोट्यावधी छापताहेत. म्हणजे एकाच महिन्यात काही सिनेमाप्रेमींनी दोन्ही चित्रपट पाहिले असल्याची शक्यता आहे.

अजुन दोन दिवसात बजेट येईल. ते आल्यावर ‘भारतीय गृहिणीचे कंबरडे मोडले, महिन्याचे बजेट कोलमडले‘ हे वाक्य कुठलातरी पेपर हमखास छापणार. जीवनावश्यक जबाबदार्‍यांचा भार भारतीय गृहिणीवर मग मनोरंजनाचा भार कोणावर? ज्याच्याकडे महिन्याला दोन चित्रपट थेटरात जाऊन पाहायला वेळ व पैसा आहे त्याच्याच गळ्यात हा भार भारतीय गृहिणीने टाकलेला बरा.

घ्या…. नाहीतर झोडपायला याल.

भारताची लोकसंख्या १४० कोटी पार आहे. सिनेमा हिट करणारे प्रेक्षक २ कोटी पण नसतात.

असतील. पण बातम्यात अग्रस्थानी जे दिसते त्यावरच बोलणार ना..

ते नेटकरी जे सापडेल त्याला भयंकर ट्रोल करतात ते १४० करोडात काही लाख किंवा हजारांच्या संख्येत असतील.. पण त्यांना इतके महत्व मिळते की सगळे जगच ट्रोल करते असे संबंधिताला वाटायला लागते. तसेच आहे हे.

इथे मायबोलीवर सुद्धा उत्सुकता दिसत नाही >> एले, तो रिलीज झालाय हे ही मला आज समजले. थोडे मार्केटिंग पाहिले आहे पण नक्की कधी रिलीज होणार माहीत नव्हते. त्यात "२" चा इतिहास आपल्याकडे काही खास नाही. वरती तुमच्या गदर-२ च्या अनुभवाचेच उदाहरण. पहिला बॉर्डर आवडला होता. त्याच्या जवळपास जरी असेल तरी हा पाहायला आवडेल.

बाकी "आपण व आपल्या ओळखीतील किती लोकांनी थिएटर मधे जाउन पाहिला" ही एक फुटपट्टी धरली तर धुरंधरचे यश निर्विवाद आहे. बॉर्डर-२ तसाच निघतो का पाहू.

आपण बॉर्डर काढल्यावर ऑस्ट्रेलियाने गावसकर नावाचा पिक्चर काढला हा जोक मात्र नंतर खूप कॉमन होता

आपण बॉर्डर काढल्यावर ऑस्ट्रेलियाने गावसकर नावाचा पिक्चर काढला >>>
हा जोक सॉलीड होता. माझ्यापर्यंत आता आला.

हल्ली कुठल्या धाग्यावर कोणती पोस्ट लिहीली आहे हेच लक्षात न राहिल्याने भलत्याच धाग्यावर शोधून सापडली नाही कि अ‍ॅडमिनने का उडवली असेल या विचारात लॉग आउट करून बसतो.

नेटफ्लिक्स वर आताच धुरंधर पाहिला. लगेचच फ्रेश मतं लिहीते. नंतर आफ्टरथॉट नको लिहायला.

मला या पिक्चरची स्टोरीटेलिंग खूप वेगळी आणि इम्प्रेसिव्ह वाटली. पण आउटस्टँडींग नाही वाटली. दोन्हीही टोकाची मतं ऐकली तितका कोणत्याही टोकाला जात नाही पिक्चर. सुरूवातीला पार्लमेंट अ‍ॅटॅक स्पे ऑप मधे आणि मुखबीर कि आणखी एका सिरीयल मधे पाहिलेला आहे. गेल्या काही वर्षात स्पाय थ्रिलर वेबसिरीज जास्त डिटेल्स मधे पाहिल्या आहेत. त्यामुळं नवीन काही वाटलं नाही. नेफ्लिने दहा मिनिटांचा पिक्चर कापला आहे. खूपच मोठा आहे. त्यात अक्षय खन्नाचा गाजलेला डान्स एडिट झाला आहे.

पण सिनेमाचा वेग भयाण आहे. तुम्हाला विचार करायला वेळच मिळत नाही. ध्रुव राठीचा व्हिडीओ सुद्धा पाहिला. त्याने सांगितले म्हणून उजवा अजेण्डा आहे हे लक्षात आलं. अन्यथा कळलाही नसता. पण इतना तो चलताही है. जो तो आपल्या मतानेच सिनेमा बनवणार. त्यामुळं इथे लिहीलेल्या अनेकांची मतं आता पटली.

अभिनयाच्या बाबतीत सर्वांचीच कामे छान झाली आहेत. क्रमच लावायचा तर सर्वात वर मी राकेश बेदीला ठेवीन. सगळेच अल्फा मेल आहेत. राकेश बेदीच्या नंतर अक्षय खन्ना. त्याचा अभिनय एकसुरी आहे असं वाटलं नाही. त्याच्या जबड्याच्या ठेवणीत दोष आहे असं वाटतं. त्यानंतर रणवीर सिंग. रणवीर सिंग पहिल्यांदाच एव्हढा आवडला. इथे लुक्सचा काहीच संबंध नाही. त्याचा आवाज मात्र मांजरासारखा आहे. या आधी सलमान, सैफ अली यांचेही आवाज अजिबात मर्दानी नव्हते. त्यांच्या डबिंगमधे बास अ‍ॅड करतात का ? असा आवाज बदलत नाही. आणी हे टेक्नीक असेल तर रणवीरसिंग ने ते वापरायला हवं.

रिअल फूटेज वापरलं यात मला आक्षेपार्ह काही वाटत नाही. काही ठिकाणी कंटाळा आला होता. पण ही माझी समस्या आहे. मला कॉन्सन्ट्रेट करता येत नाही. पिक्चर दहा पंधरा मिनिटे असा करत करत बघायची सवय लागली आहे.

सिनेमाचा लुक मात्र खूप ठिकाणी खटकला. टिव्ही सिरीजचा लुक आहे. तो बॉर्डर २ च्या ट्रेलर मधेही जाणवला. अनेक इनडोअर सीन्स मधे दृश्य क्रॉप केल्यासारखं दिसतं. हा आयमॅक्स कॅमेर्‍याने शूट केलाय का ? कारण हिंदीच्या बाबतीत जर आयमॅक्स ने शूट केला तर ७० एम एम वर त्याची क्रॉप केलेली प्रिंट रिलीज करतात आणि जर ७० एम एम वर शूट केला तर तो साईडने क्रॉप करून आयंअ‍ॅक्स वर उभा ताणून दाखवतात. त्यामुळं अनेक क्लोज अप्स मधे छाती पण नाही गळ्याची सुरूवात आणि मुंडकं असे दिसत राहतं.

आउटडोअर शूटींग मधे लायटिंग स्टुडीओ लुक वाली वाटते. नॅचरल लाईट मधे ज्या शॅडोज येतात त्या न येता बॅकग्राऊंड आणि चेहर्‍यावरचे लाईटस याचा मेळ बसत नाही. अगदी माझ्यासारख्या अडाणी प्रेक्षकाला कळून येईल असे.

धुरंधर २ मधे बरंच काही असेल. मेजर इक्बाल चा मोठा रोल असेल आणि कदाचित प्लॅशबॅक मधे रेहमान डकैत परत येईल असं वाटलं.

आर माधवन चं काम ठीक वाटलं. अजित डोवाल यांच्यावरून ते पात्र बेतलं आहे. हल्ली अनेक मालिका आणि सिनेमात तसं पात्र असतं. त्यांच्या स्टोरीज सुद्धा आता माहिती झाल्या आहेत. त्याची पारायणं होऊ लागली आहेत.

शेवटच्या चाळीस मिनिटांपर्यंत बुद्धीबळाचा डाव चालू आहे असं वाटतं. पण शेवटी हिरोच्या हातूनच रेहमान डकैत मेला पाहीजे हा अट्टाहास वाटला.
एकूणच सिनेमा वेगवान आहे. वेगळी हाताळणी आहे. साऊथ च्या बिनडोक नॉनसेन्स अ‍ॅक्शनला उत्तर दिलं आहे. एव्हढंच कि गाजावाजा झाला त्यामुळे अपेक्षा काहीच्या काहीच उंचावल्या तेव्हढा सिनेमा उच्च नाही वाटला.

संजय भावे, सिनेमा पाहिल्यानंतर तुमचं परीक्षण आवडलं. बघितलाच नव्हता तोपर्यंत काय करावं हेच कळत नव्हतं. मग गप्प बसणं पसंत केलं.

धुरंदर नेटफ्लिक्स वर आला आहे. पण मला नाही वाटत मी त्यावर तो पुन्हा बघेन.
पहिले कारण म्हणजे या पिक्चरला फार रिपीट व्हॅल्यू आहे असे मला वाटत नाही.
दुसरे म्हणजे छोट्या पडद्यावर तो बोर होईल कारण जे सीन थिएटरमध्ये तेव्हाच्या मूडला बघायला छान वाटले त्यातील फोलपणा घरी उठून दिसेल.

काल इथे लिहीताना डोळ्यांवर प्रचंड झोप होती. त्यामुळे उरकती घेतली पोस्ट.
बघताना पडलेले काही जेन्युईन प्रश्न .

आपल्या सर्वांचा गेल्या काही वर्षात रॉ, आय बी वगैरेचा वेबसिरीज, सिनेमे यांनी खूप अभ्यास घेतला आहे. आपल्याला हुषार करून सोडलेले आहे. हा अभ्यासक्रम पार पाडला असेल तर सांगा , कुठलाही सिने हेर पाकिस्तानात जाईल तेव्हां तो लियारीचा बादशहा बनायचा प्रयत्न करेल कि लो प्रोफाईल राहील ? रेहमान डकैतच्या इतक्या जवळ जाऊन पोलीस यंत्रणांच्या डोळ्यात येईल कि सांगकाम्या बनून राहील ?

जमीलला व्हिडीओ पाठवून रेहमान डकैतला सोडवायला सांगेल, त्याच्या मुलीशी लग्न करेल ? कोणता हेर एव्हढं डोळ्यावर येण्याचं काम करेल ?

तुमचा अभ्यास कमी पडतोय:-) तुम्ही spy बघा. त्यात तो इस्राईली हेर तर सिरीयात मंत्री बनतो. ती तर सत्यकथेवर आधारित आहे.

इस्राईली हेर तर सिरीयात मंत्री बनतो >>> एली कोहेन

परवाच तर चीनमध्ये शी जिनपिंगच्या जवळच्या माणसाने हेरगिरी केली म्हणून पर्ज झालेत.

पूर्व जर्मनीच्या चान्सलरच्या पर्सनल सेक्रेटरीलाही हनीट्रॅप करवून हेरगिरी करवलीच होती की. तोच तर पॉईंट आहे म्हटलं तर महत्वाचा जागा पण डोळ्यात भरणार नाही अशा ठिकाणीच हेराला प्लेस करतात ना?

इथे रणवीर एकदम हिरो नाही ना बनत. दूध सोडावाल्याकडचा वेटर, मग मुलाला वाचवून गॅंगमध्ये प्रवेश, तिथेही तो उझैर किंवा डोंगापेक्षा कमी महत्वाचाच आहे की अजूनही. दुसऱ्या भागात कदाचित प्रॉमिनन्सला येईल.

बाकी हा पिक्चर एकदाच पहायचा असेल तर बिग स्रीनवरच बघावा.

रणवीर सिंगच्या आवाजाबद्दल लिहिलेलं पटलं. मलाही खटकलं होतं पण नीट मांडता आलं नाही.

तुमचा अभ्यास कमी पडतोय >>>
गरीबी प्रचंड आहे हो. म्हणून भारतातच अभ्यास केला

इटलीत लो प्रोफाईल रहा असे सांगत नसावेत.

रणवीर सिंगच्या आवाजाबद्दल लिहिलेलं पटलं. मलाही खटकलं होतं >> थँक्स माझे मन.

चित्रपट आवडला. दीड महिन्यापूर्वी पहिला होता.सगळ्यांची कामे उत्तम झाली आहेत. अक्षय खानचा अभिनय आवडला नाही . औरंगजेब म्हणूनही तसाच. आणि इथेही तसाच.
रणबीरसिंह , राजेश बेदी, अर्जुन रामपाल सुरेख अभिनय.

बाकी धागाकर्त्याने छान परीक्षण केले आहे.

नेटप्लिक्सवर पहिल्यांदा टॉप टेन मधे भारतीय सिनेमा आलाय. छान वाटलं पाहुन.

बाकी हा पिक्चर एकदाच पहायचा असेल तर बिग स्रीनवरच बघावा.>> +१
धिस इज बिग स्क्रिन मार्व्हल!! रिपिट मी परत स्मॉन स्क्रिनवर बघितला..तितकाच आवडला...पहिल्यादा बघतो तेव्हा इतक्या वेगवान मुव्हित काहि डिटेलिन्ग सुटुन गेलेल ते परत बघता आल.
यु एस मधे नेटफ्लिक्सने काहिच काटछाट केलेली नाही..पुर्ण मुव्हि जसाच्या तसाच आहे..

पहिला अर्धा भाग पाहिला. अशा सिनेमात आजकाल 'सेम टू सेम' NSA सारखे दिसणारे पात्र असते.
कंदहार घटनेत घुसवलेले तपशील आणी पार्लमेंट अ‍ॅटॅक मध्ये वगळलेले तपशील पहाता सिनेमाचा हेतू काय हे लक्षात आलेच.
राजकारणी हे भ्रष्ट व देशद्रोही असतात व आर्मी, आयबी वगैरेचे लोक मात्र देशभक्तच असतात हा 'तिरंगा' सिनेमातला trope इथेही आहे.

असो, अधिक काही लिहून लोकांच्या देशभक्तीच्या फुग्याला टाचणी लावणे टाळेन.