'धुरंधर' - आरंभ तो प्रचंड है!

बाजीराव, खिलजी, कपिल (८३), गल्ली बॉय, दिल्ली बॉय (बॅण्ड बाजा बारात), आणि दिल धडकने दो मधला अर्बन अपर क्लास मधला तरूण - भूमिकांचे वैविध्य आणि त्यात पूर्ण शिरणे - यात रणवीरला सध्या तोड नाही. मला डान्सेस मधे काडीचा इंटरेस्ट नसूनही बाजीराव मस्तानी मधला तो तंबूतला "दुश्मनची देखो जो वाट लावली" डान्स आणि रामलीला मधला तत्तड तत्तड - हे दोन्ही प्रचंड आवडतात. त्याची संवादफेकही अफलातून आहे. बॅण्ड बाजा बारात मधला दिल्ली/जाट अ‍ॅक्सेण्ट, दिल धडकने दो मधला उच्चभ्रू, ८३ मधले कपिलचे मोडकेतोडके इंग्रजी, आणि बाजीराव मस्तानी मधले क्लिअर मराठी प्रभाव जाणवणारे हिंदी.
<<<<
टोटली, रणवीर फार कमालीचा अभिनेता आहे ! वर लिहिलेले सगळे मुव्हीज आवडते आहेत
मिडियापुढे काहीतरी माकडचाळे करून / करण जोहर छाप रॉकी और रानी सिनेमे करून स्वतःच्या इमेजची वाट लावणे बन्दं करावे आता त्याने !

रणवीर स्तुती असेल तर त्यात तो बँडरस्नॅच अ‍ॅडवेंचर पण अ‍ॅड करा. काहीही सामान न घेता जंगलात आपण (दर्शक) सांगू तो रुट घेऊन ट्रेक करायचा. हे बाकी कोणी बॉलिवुड व्यक्तीने करण्याचा विचार देखिल केला नसता.

बँडरस्नॅच अ‍ॅडवेंचर >>> हे नव्हते माहित. बघायला पाहिजे. रणवीर आवडतोच बॅंड बाजा बारात पासून. पण डीजे इज राइट, ऑफ स्क्रीन फार छिछोरेपणा करतो
त्यावरून आठवलं, शाहरुख चा ऑफ स्क्रीन वावर नेहमी अतिशय विटी आणि चार्मिंग असतो.

गल्फ प्रदेशात बंदी असून धुरंधरची कमाई ८०० कोटीच्या वरती गेली आहे. जोरदार विक्रम आहे!
सिनेमात दाखवले आहे की अर्थमंत्री चिदंबरम आणि त्याचा कार्टा कार्टीने आय एस आय ला नोट छापायच्या प्लेटा दिल्या होत्या तशा काही प्लेटा धुरंधरच्या निर्मात्यालाही मिळाल्या असाव्यात!
जणू नोटा छापत चाललेत.

शाहरुखशी तुलना कराल तर रणवीर आणखी छीचोरा वाटेल.
पण तो नाही बदलणार.
कारण लोक काय म्हणताहेत याची परवा तेरवा न करता आपल्या मनासारखे जगणे त्याची स्टाईल आणि त्याचा यूएसपी आहे.

मला त्याचा छीचोरेपणा आवडतो असे नाही, किंबहुना ए आय बी रोस्ट शो मध्ये त्याने जे केले होते त्याच्या निषेधात माझा धागा सुद्धा होता जिथे घमासान चर्चा झाली होती.

पण येस, मला त्याची बेधडक बेपर्वा वृत्ती आवडते. ती त्याने बदलू नये

(AIB - बॉलीवूडी अश्लीलतेची नीचतम पातळी.
https://www.maayboli.com/node/52596 )

मला पण त्याचे माकडचाळे आवडतात. शारुखचा सेन्स ऑफ ह्युमर, हजरजबाबीपणा आणि रणवीरचा इंटर्व्यू मधला फालतूपणा हाच बघण्यासारखा असतो. पोक्त वगैरे झाला तर बोर होईल.

मिडियापुढे काहीतरी माकडचाळे करून / करण जोहर छाप रॉकी और रानी सिनेमे करून स्वतःच्या इमेजची वाट लावणे बन्दं करावे आता त्याने >> +१

अस्मिता फार सुरेख पोस्ट.

मी बघितला नाहीये. तू छान ओघवते लिहिलं आहेस. ओटीटी वर आल्यावर बघेन.

शाहरुख (आजकाल) फक्तं ऑफस्क्रीनच चांगला वाटतो.
पण नको इथे तो आणि त्याच्या वाइट मुव्ही चॉइसेसचा विषय.. स्पॅमिंग अ‍ॅलर्ट
रणवीरचा खिलजी आणि रामलीला मधला रोलही फार भारी होता..
धुरन्धरचे ट्रेलर पाहून खिलजी + अ‍ॅनिमल चे काँबो असेल अशी शंका आली होती पण टोटली वेगळा रोल आहे इथे, Ranveer outdid himself

धुरन्धरचे ट्रेलर पाहून खिलजी + अ‍ॅनिमल चे काँबो असेल अशी शंका आली होती पण टोटली वेगळा रोल आहे इथे, Ranveer outdid himself >>> डिजे सेम सेम ! मला वाटत टिझर किवा फर्स्ट लुक बघुन मी हेच लिहल होत पण खुप खुप वेगळा रोल निघाला...ही हॅज लिव्हड द कॅरेक्टर ओफ हमझा !! आय कॅन नॉट इमॅजिन एनीवन एल्स इन धिस रोल.

रणबिर मला कधिच आवडला नाही, जराही व्हेरिएशन देवु शकत नाही, प्रचन्ड लिमिटेड अभिनय आहे त्याचा..सगळिकडे सारखाच वाटतो मला तो.सॉरी टू से पण कपुर घराण्याच्या अभिनयातल्या लेगसी मधे तो कुठेच फिट बसत नाही.

मलाही रणबीर कपुर नाही आवडत अजिबात.. एखाद दुसरा ये जवानी है दिवानी , संजु मधे वगैरे मधे बरे काम केलय पण नाहीच आवडत अ‍ॅक्टर म्हणून आणि पर्स्नॅलिटीही नाही आवडत त्याची !

हा माझा सिरीयस प्रतिसाद.

ट्रेलर बघून अ‍ॅनिमल टाईप असेल असे वाटले होते. नंतर काही जणांचे रिव्ह्यूज वाचून बघावा असे वाटले होते. मी फारसे सिनेमे बघत नाही. घरातून थेटर मधे खेचून नेईल असे आकर्षण वाटणारे खूप कमी सिनेमे येतात. सिनेमॅटिक लिबर्टी बद्दल माझी काही मतं आहेत. एक वेळ पठाण परवडला कारण तो पूर्ण फिक्शन आहे. सध्या अनेक स्पाय वेबसिरीज सुरू आहेत. त्यात खर्‍या घटनांचा आधार घेऊन पुढे फिक्शन असते. हॉटस्टार वरची स्पेशल ऑप्स, फॅमिली मॅन, मुखबीर ,इम्रान हाश्मीची एक. या मालिकात आणि धुरंधर मधे फरक नसेल. असेल तर त्यातून एका पक्षाची जाहीरातबाजी करण्याचा.

ज्यांना ध्रुव राठीचा टीकात्मक व्हिडीओ हेल्दी स्पिरीट मधे घेता येत नाही त्यांनी सिनेमा सिनेमा म्हणूनच बघावा असले अचाट बोलू नये. सिनेमा आहे तर टीका असणारच. टीका नको म्हणणार्‍यांचे परीक्षण किंवा मत विचारात घेण्याची गरज नाही. मआ स्वतःला प्रोपोगंडा आवडत नाही. एव्हढी काही गरज नाही कि प्रपोगंडा आहे हे माहीत असताना घरातून उठून जाऊन साडेतीन तास आणि पैसे वाया घालवावेत. पिक्चर चांगला आहे म्हणून त्यातला प्रपोगंडा चालवून घ्या ही माझी गरज नाही. उद्या दुसर्‍या पक्षाचा असाच सफाईदार प्रपोगंडा आला तरी मी तो पाहणार नाही. कुठलाही हिट पिक्चर पाहिलाच पाहीजे ही काही सक्ती नाही.

रणवीर सिंग हा कुणाला आवडत असेल त्यांना सलाम. हा मला कधीच आवडला नाही. एक वेळ शाहरूख खान परवडला. त्याची आता सवय झाली आहे आणि आता त्याचा वावर परिपक्व वाटतो. पण त्याच्याहून भिकारडा अ‍ॅक्टर आता लोकांना आवडू लागला आहे हे स्विकारावे लागत आहे. सिंघम , सर्कस आणि रोहीत शेट्टीचाच अजून एक पिक्चर ज्यात तो पहिल्यांदा शेट्टीकडे हिरो होता. ते बघताना त्याचे ते मर्कटचाळे बघवत नाहीत. त्याला एनर्जी म्हणवत नाही. आवाज चिपांजी सारखा आहे. अगदी बंडल पिक्चर मधे सुद्धा बांधून ठेवणारा अमिताभ बच्चन आता पुन्हा होणे नाही.

अभिनयाच्या बाबतीत राजकुमार राव, आयुष्यमान खुराना, पंकज त्रिवेदी, नवाजुद्दीन सिद्दीकी हे लोक बाप आहेत. रणवीर सिंग सारख्या माकडाचे हिरो म्हणून पिक्चर थेटरात जाऊन बघावे इतकी वाईट परिस्थिती आली नाही. तरीही धुरंधर मधे अजेण्डा नसता तर नक्की पाहिला असता.
बाकी बाजीराव मस्तानी किंवा खिलजी मधे अभिनय नाही तर गेट अप महत्वाचा होता. दोन्ही सिनेमे वाईटच होते. फक्त बेअरिंगला अभिनय मी तरी म्हणणार नाही. बाजीराव मधे बाजीरावाचे जे बेअरिंग पकडले आहे ते भयंकर कृत्रिम आहे. सतत चेहरा ताणून वावरणे याला अभिनय म्हणायचं ? त्यातून ते अभिनयशून्य बारीक डोळे. मुळात बाजीरावावरचा सिनेमा अजिबात न्याय देणारा नव्हता. संजय लीला भन्साळीने फिक्शनल कॅरेक्टर उभे केले आहे त्याला बाजीरावाच्या जीवनावरची प्रेरित कथा म्हणावे लागेल. त्याचा गंगूबाई पण वाईटच होता. आपण नेमके काय बघितले असे वाटले. एखाद्या रिअल पात्रावरून प्रेरणा घेतलेला पण पूर्णपणे फिक्शन असलेला पिक्चर म्हणजे दीवार. त्यात कुठेच हाजी मस्तान च्या रिअल कॅरेक्टरचा क्लेम केलेला नाही. धुरंधरने रिअल फूटेज वापरले तरी एक वेळ चालेल. पण सिलेक्टिव्ह व्हायला नको होते.

असाच सॅम बहादूर. खूपच हवा केली होती. पण सॅम माणेकशा यांच्यासारखे दिसणे, त्यांची ढब हुबेहूब उतरवणे या पलिकडे हा सिनेमा अजिबात बांधून ठेवत नाही. सॅम माणेकशांबद्दल पूर्ण आदर ठेवूनही म्हणेन कि या पेक्षा त्यांच्यावरची डॉक्युमेण्टरी पाहणे किंवा पुस्तक वाचणे जास्त आवडले असते.

प्रपोगंडा पेक्षा टुकार मराठी मालिका बघणे परवडेल. भारतीय जनता पक्षाने हा सिनेमा टॅक्स फ्रीच नाही तर पूर्ण पणे फ्री करायला हवा होता. धुरंधर स्पॉन्सर्ड बाय भारतीय जनता पक्ष हे जास्त प्रामाणिक झाले असते. मनात एखाद्या पक्षाची जाहीरात हा हेतू ठेवून कितीही वर्ल्ड क्लास पिक्चर बनवला तरी ती फसवणूकच आहे आणि आपण मूर्ख नाहीत, बनायची तयारी नाही असे वाटणारा प्रेक्षक जाणीवपूर्वक फसवून घेणार नाही. हा सरकारी पिक्चर आहे असे सांगा मग आम्हाला प्रॉब्लेम नाही.

जर आदित्य धर प्रॉपोगेन्डा म्हणून सिनेमे बन्वत असेल तर ध्रुव राठी आणि अनुपमा चोप्रा टाइप फेक सेक्युलर लोक तरी काय करतात ?
ते पण ठराविक पार्टीचे /बाजुच्या देशाचे पेड पी आर आहेत इतकी ऑबव्हियस गोष्टं समजत नाही का ?
बाकी धुरन्धर मधे दाखवलय त्यात चूकीचे काहीच नाहीये, काही वाक्यं आहेत प्रोपोगेन्डा वाटतील अशी पण अख्खा सिनेमा तसे नरेशन करत नाही.
बाकी प्रोपोगेन्डा टिका तर शिन्डलर्स लिस्ट वरही झाली होती , म्हणून ज्यु लोकांच्या जेनोसाइडचा इतिहास खोडून टाकायचा कि २६/११ घटना दाखवायची नाही ? कि असे सिनेमे करणे बन्दं करायचे ?

ध्रुव राठी आणि अनुपमा चोप्रा सिनेमे बनवतात किंवा तिकीट काढून ते थेटरात बघावे लागतात ही माहिती नवीन आहे. धन्यवाद,

ध्रुव राठी हा काँग्रेसचा पेड आहे हे जाणावतंच. पण म्हणून त्याने संदर्भासहीत धुरंधरचा प्रपोगंडा उघड केला तो कसा काय नाकारायचा ? धुरंधर सिलेक्टिव्ह आहे हे मी वर लिहीलेच आहे. उद्या राहुल गांधीवर आदित्य धरने सिनेमा बनवला आणि तो एखाद्या भाजपाईने उघड केला तर मला त्यातली तत्थ्य स्विकारायला काहीही अडचण असणार नाही. अनुपमा चोप्रा यांच्याबद्दल त्या कुठल्या राजकीय विचारसरणीच्या आहेत याची मला माहीती नाही.

सिनेमे नाही बनवत, डिजिटल कन्टेन्ट तर बनवतात !
सगळ्या पार्टीजचे लोक अ‍ॅजेन्डा चालवतात, नथिंग न्यु .. धृव राठीच्या व्हिडिओ बनवण्याला कुठे कोण नको म्हणतय ?
बनवु देत कि, पण त्याला विरोध म्हणूनही येणार मग अजुन व्हिडिओज आणि रिअ‍ॅक्शन्सही.. मग कॉमेन्ट्स लिमिटेड करण्या सारखी कॉवर्ड रिअ‍ॅक्शन कशाला ? नेव्हर एन्डिंग आहे हे , दोन्ही साइडने क्रिटिसिझम होणार आहे !
ऑडियन्स म्हणून मला 'देव' सारखे मोदी विरोधी सिनेमेही आवडतात आणि उरी, द्गुरन्धर सारखेही.. स्टोरी टेलिंग /नरेशन कसे अहे डिरेक्टरचे त्यावर आहे सिनेमाचे यश !

<ते पण ठराविक पार्टीचे /बाजुच्या देशाचे पेड पी आर आहेत इतकी ऑबव्हियस गोष्टं समजत नाही का ?>

हे महान आहे.
ठरावीक पक्षाचे एकवेळ समजून घेऊ शकतो. पण थेट शेजारच्या देशाचे ? आणि ते सुद्धा obvious?

या वर लिहिण्यासारखं बरंच काही आहे. पण मग ते पर्सनल होईल.

by the way जसे चित्रपट प्रपोगंडा असतात् तशीच पुस्तकंही असतात. त्यातही वास्तव आणि कल्पित यांचं बेमालूम मिश्रण करता येतं, जसं या चित्रपटात केलं आहे. ते वाचताना आपण रंगून केलो (कथाविषय आपल्या कलाशी जुळणारा असल्यानेही ) म्हणजे त्यातलं सगळं खरंच आहे असं वाटणं हा एकतर निरागसपणा आहे किंवा बनेलपणा.

आम्ही हा चित्रपट चित्रपट म्हणून बघित , एंजॉय केला. प्रपोगंडा आहे, हे माहीत आहेच. असं म्हणणार्‍यांना अशा चित्रपटातला धोका वरचे आणि आधीचेही काही प्रतिसाद वाचून कळला असेल . अर्थात त्यात आपण काही करू शकत नाही. पण ते तसं होतं, याची जाण नोंदवलेली बरी.

मी म्हणालो कि उद्या भाजपाईने पण एखादा सिनेमा उघड केला तर मला प्रॉब्लेम नसेल.
ज्यांना धुरंधर डोळसपणे आवडतोय त्यांना शुभेच्छा. मला मूर्खात निघावे असे वाटत नाही. कदाचित इथे हे जाहीर केल्यावर मी धुरंधर बघेनही. म्हणजे मी फसलेलो नाही हे जाहीर करून बघताना मला अपराधी वाटणार नाही.

ज्यांना धुरंधरवरची टीका अजिबातच झेपत नाही त्यांचे मी काही करू शकत नाही. फक्त त्यांना लवकर बरे व्हा इतकेच म्हणू शकेन. इथे कुणीही अन्य राजकीय पक्षाची छुपी जाहीरात (किंवा बेमालूम) असलेल्या सुपरहीट चित्रपटाचे उदाहरण देऊन मला टेस्ट करावे. त्यातला अजेण्डा राजकीय असेल तर नक्कीच मी त्याच्यावर बोलेन. (असा सिनेमा आहे का पण ? )

त्याचे डोळे बघीतल्यावर >> मला नीतू सिंगची आठवण येते. पण तिच्या बाबतीत ते नशिले (चांगल्या अर्थाने) वाटतात. रणबीरचे झोपाळू वाटतात. मला तो रॉकस्टारमध्ये आवडला होता.

बाकी प्रोपोगेन्डा टिका तर शिन्डलर्स लिस्ट वरही झाली होती , म्हणून ज्यु लोकांच्या जेनोसाइडचा इतिहास खोडून टाकायचा कि २६/११ घटना दाखवायची नाही ?
>>>>>
अगदी.
मान्य आहे की माधवनचे संवाद क्रिन्ज आणि बायस्ड आहेत. पण बॉलिवूडमध्ये प्रपोगंडा इतकी वर्ष चालूच आहे. त्यात काय नवीन आहे? प्रपोगंडा वाटत असेल तर बघू नये. बनवूच नये हे कशासाठी?

अगदी हैदरसारखा उत्तम बनवलेला आणि मिशन काश्मीरसारखा फसलेला पिक्चरही प्रपोगंडाच होता की. हे पिक्चर मला पीडीपी किंवा हुरियतची विचारसरणी सांगणारे वाटतात. म्हणून ते पाहिले म्हणजे मी स्वतःला फसवते आहे किंवा त्या राजकीय विचारसरणीला शरण जाते आहे असे काही नाही.

एखाद्याची मतं वेगळी असली तर त्याचा अर्थ धुरंदरवर टीका सहन झाली नाही असेही नाही. ज्याला चित्रपट काढायचा आहे त्याला काढू द्या. ज्याला पाहायचे आहे त्याला पाहू द्या. नसेल पाहायचा तर तशीही सक्ती नाही. पाहून आवडला नाही तरीही हरकत नाही. न पाहता टीका करायची असेल तर तसं. अभिव्यक्ती स्वातंत्र्य सगळ्यांनाच आहे.

अनुपमा चोप्रा कुठल्याही राजकीय विचारसरणीची वाटण्यापेक्षा अमन की आशाच्या स्वप्नाळू ग्रुपमधली वाटते. तिच्या प्रॉडक्शन हाऊसने काश्मीर समस्येवर शिकारासारखा तद्दन बुळबुळीत पिक्चर बनवलाच की. त्यावर सडकून टीका झाली पण कुणी विधू विनोद चोप्राला पिक्चर बनवू नये असे सांगितले नाही.

एखादे हत्याकांड, एखादा अन्याय याला प्रपोगंडा म्हणायचे तर म्हणू शकता. पण सिलेक्टीव्ह असणे अ‍ॅड्रेस केल्यावर त्याची तुलना अशा मानवी इतिहासातल्या काळ्या घटनांना स्पेस देणार्‍या पिचरशी कशी करणार ?
शिंडलर्स लिस्ट सारखा सिनेमा बनवायचा तर बनवा. ज्यात गुजरात दंगे किंवा शीख विरोधी दंगे हे बॅकग्राउंड असू शकेल. शीखविरोधी दंग्यांवर इतक्यात एक वेबसिरीज आलेली आहे. कुणी टीका केली का ? गुजरात दंग्यांवर पण बनवा. खूप वर्षांपूर्वी दूरदर्शनवर पण भीष्म साहनींच्या पुस्तकावर एक मालिका आली होती. उच्च दर्जाची होती ती. तिला सर्वांनीच अ‍ॅप्रिशिएट केले.

ती सरकारी खर्चाने सरकारच्या बाजूची नव्हती. सरकारने केलेले दुष्कृत्य मांडणारी मालिका होती. ती त्याच पक्षाच्या काळात.

गुजरात दंग्यांवर पण बनवा.
>>>
गोविन्द निहलानींचा देव बघा, चांगला घेतलाय सिनेमा.
प्रॉपर मोदींना विरोध करणारा सिनेमा आहे, कोणीही ऑब्जेक्शन घेतलं नाही सिनेमावर, उत्तम कलाकृति आहे,
अमिताभ आणि ओम पुरी, सोबत करीना आणि फरदीन खान .

देव पाहिलेला नाही. त्याचं प्रमोशनही नाही झालेलं. बहुधा त्याचा हेतू राजकीय सिनेमा असाच आहे. वेड घेऊन पेडगावला जाण्यातला प्रकार नाही.
जसा सिंहासन सिनेमा. उघड उघड राजकीय सिनेमाच आहे.

नर्मदा सरोवरच्या वेळी आमीर खान मेधा पाटकरांच्या आंदोलनात सामील झाला म्हणून फना वर अघोषित बंदी होती. फना पाहून येणार्‍या एका प्रेक्षकाची हत्याही झाली होती. तीच गोष्ट आंधी आणि किस्सा कुर्सी का वर अधिकृत बंदी आणली त्या वेळी झाली. अशा असंवेदनशील लोकांची आरती ओवाळणारे चित्रपट बघणे हे आपले काम नाही.

Parzania

ध्रुव राठीने कमेण्ट बॉक्स का बंद केला हे त्यावर आलेल्या कमेण्ट्स वाचून सहज समजेल. झोंबी भक्तांच्या कमेन्ट्सला बौद्धीक प्रतिवाद म्हणण्याची हिंमत कुणाच्यात असेल का ? त्याने बंद केला नसता तरी चाललं असतं कारण झोंबी यापेक्षा वेगळेपण दाखवूच शकणार नाही.

ध्रुव राठीने ज्या फॅक्ट्स मांडल्या आहेत त्या पाहिल्या तर इथल्या बर्‍याच कमेण्ट्सची गरज राहत नाही. असो मी धुरंधर पाहीन आता.
आणि नकारात्मक असेल तर राज अज्ञानी यांच्या धाग्यावर लिहीन , आवडला आणि टीका अनाठायी आहे असे वाटले तर या धाग्यावर लिहीन. कदाचित लगेच पाहीन किंवा मग ओटीटीवर आल्यावर पाहीन.

थिएटर मध्ये जाऊन पहा, OTT वर न आवडण्याची शक्यता आहे.

ह्या धाग्याचा विषय नाही . पण रहावत नाही. भीशम सहानीची तमस ही सिरीयल अ त्यंत पूर्वग्रहदूषित, डाव्या विचारांनी ग्रासलेली होती. त्या काळी अशा डाव्या विचारांनाच चांगले म्हणायची पद्धत होती. पण कमालीचा हिंसाचार करून मुस्लिमांनी फाळणी घडवून आणली असूनही केवळ रा स्व संघाला खलनायक म्हणून दाखवण्याची हीन डावी वृत्ती ह्या सिरियलमधून दिसली.

कालच पाहून आलो आणि दिवसभर प्रचंड डोके दुखत होते आवाजामुळे. प्रसंग नीट आठवत नाही पण त्यात बॅकग्राउंडला हरे राम हरे कृष्ण हरे राम होते. पाकिस्तानातील कथा सांगत असताना ह्या गाण्याचे प्रयोजन कळले नाही. भाग १ तर प्रचारकी आहेच पण दुसरा अजून जास्त होण्याची शक्यता आहे.
एकीकडे सांगायचे की फिक्शन आहे आणि दुसरीकडे सढळपणे ओरिजिनल फुटेज आणि रेकॉर्डिंग वापरायची. दुसऱ्या भागात पुलवामा स्फोटात दारुगोळा कुठून आला आणि पहलगामला अतिरेकी कसे आले हे पण दाखवणार का? कारण अजून तरी पुलवामाचे उत्तर कोणी दिले नाही.

समजा मॅकेनाज गोल्ड हा पिक्चर आजच्या काळात बॉलीवूडने बनवला. तो पण ओरिजिनल पेक्षा भारी. >> एक प्रयत्न करून झाला आहे, जलजला नामक सिनेमा बनला होता, धर्मेद्र, शत्रुघ्न सिन्हा, राजीव कपूर (तोच कपूर कुलोत्पन्न - राम 'तेरी गंगा मैली वाला), किमी काटकर, विजेता/विजयता पंडित अशी स्टारकास्ट होती.

मिडियापुढे काहीतरी माकडचाळे करून / करण जोहर छाप रॉकी और रानी सिनेमे करून स्वतःच्या इमेजची वाट लावणे बन्दं करावे आता त्याने

>>>
निषेध. रॉकी रानी धुरंधरपेक्षा किमान मला तरी जास्त आवडला.