दीनानाथ मंगेशकर रुग्णालय - तनिषा भिसे मृत्यू प्रकरण

राहूकेतू?!>> ते बोलता बोलता .. बोलण्याच्या ओघात.... बोलण्याची पद्धत असं बोलुन गेले असं मला मुलाखत बघुन वाटलं.
https://youtu.be/gT_47P2KQOY?t=509 इथून तो प्रश्न आणि ते राहूकेतू उत्तर ऐकता येईल.

'कुठून अवदसा आठवली' ह्या अर्थाने असावं.

तरी बरं, डॉक्टरचं आडनाव चुकून सय्यद वगैरे नव्हतं. अन्यथा पत्रकार-परिषदेत ''डॉ. सय्यद यांच्या डोक्यात राहू-केतू आल्यामुळे त्यांनी एक चौकोन करून 10 लाख रुपये डिपॉझिट लिहिलं'', असं म्हणणं अंमळ कठीणच झालं असतं, हे एक.
आणि दुसरं म्हणजे, सांप्रतकाळी दहा कोटी मराठी समाजमन सुसंस्कृत संवेदनांच्या उच्चतम पातळीला जाऊन पोचलेलं असल्यामुळे, आमच्या राहुकेतूच्या भावना दुखावल्या होss, अशी आरोळी ठोकत विषयाला समांतर जी अजून एक लाट उसळली असती, ती थोडक्यात हुकली.

Deposit सांगणे व घेणे आणि deposit भरल्याशिवाय emergency मधे आलेल्या रुग्णाला admit च न करून घेणे, त्याला प्राथमिक उपचार न देणे वेगळे.
या केसमध्ये दुसरी गोष्ट झाली असेल तर रुग्णालय प्रशासनाची चूक म्हणावी लागेल.
हॉस्पिटल ने काढलेली पहिली प्रेस नोट याबाबत काही स्पष्ट खुलासा करत नाही. त्यांनी ठामपणे deny केलं नाहीये की deposit भरल्याशिवाय admit करून घेणार नाही असं सांगितलं नव्हतं. त्यांनी दुसऱ्या अहवालातही असं म्हटलं नाही. प्रेस कॉन्फरन्स मधे यांच्या-त्यांच्या offc ला गेले असते तर असं झालं नसतं असं म्हणाले आहेत. अडमिशनचे लोक असं नाही म्हणाले असं clear सांगत नाहीएत.
त्यांना attend करणाऱ्या डॉक्टरांनी सही केलेलं deposit दहा लाख अशी सही असलेलं पत्र आहे ते दाखवून डॉ. केळकर म्हणाले आहेत की deposit मागितली.
बाकी पेशंटने तपासण्या वेळेत केल्या की नाही आणि आधी सवलतीत शस्त्रक्रिया केली होती त्यांची याचा emergency उपचार न करण्याशी काहीही संबंध नाही.
आता emergency नव्हतीच असं जर म्हणणं असेल तर ती गोष्ट वेगळी. पण ते स्पष्ट रुग्णालयाच्या प्रेस नोट किंवा अहवालात नाही आणि डॉक्टर तसं स्पष्ट सांगतही का नाहीयेत? Instead risky आणि क्रिटिकल situation असल्याने लगेच C-section karu असं सुचवून त्यानंतर येणाऱ्या बाळांसाठी nicu चा एक महिन्याच्या खर्चाची deposit मागत आहेत त्या urgent कराव्या लागणाऱ्या C-section साठी. असा विरोधाभास वाटतो आहे.
जर नव्हती emergency तर सरळ पुढची डेट देऊन planned delivery साठी admit व्हायला का नाही सांगितलं?

बाकी राजकीय पक्षे कार्यकर्ते आणि त्यांचा आक्रस्ताळेपणा याबद्दल काही बोलायलाच नको.
इतक्या मोठ्या प्रमाणात रुग्णांवर चांगले उपचार करत असणारं हॉस्पिटल बंद करा वगैरे काहीही मागण्या.

माझा स्वतःचा अनुभव

माझ्या पोराच्या पोटात रात्री 2 वाजता प्रचंड दुखायला लागलं म्हणून आम्ही जवळच्या जवळ म्हणून गेलेलो दिनानाथ मध्ये
तिकडे त्यांनी सोनोग्राफी, एक्सरे, बीपी सगळ्या तपासण्या केल्या
मग म्हणाले याला प्रायव्हेट वॉर्ड ला ऍडमिट करा
म्हनलं आम्हाला ऍडमिट नाही करायचं तर अक्षरशः धमकवल
म्हणलं आता तर नाहीच करणार तर म्हणे लिहून द्या तसं की पेशन्ट च्या जीवाचे बरेवाईट झाल्यास तुम्हीच जबाबदार असाल म्हणून
तसे सक्तीने लिहून घेतलं
इथपर्यंत तरी ठीक, की रुग्णालयाची जबाबदारी नाही म्हणून, तेही मान्य करून त्याला घेऊन आलो घरी
दुसरे दिवशी ज्या टेस्ट केल्या त्याचा रिपोर्ट मागायला गेलो तर नाही देणार म्हणे, आधी पेशन्ट ला घेऊन या, आम्ही परत टेस्ट करू आणि मग तो ठीक असेल तर रिपोर्ट देऊ
म्हनलं काय संबंध तो ठीक आहे आता
तुम्ही ज्या काल रात्री तपासण्या केल्यात त्याचा रिपोर्ट द्या
मग म्हणे डॉ संध्याकाळी येतील तेव्हा या
मग परत संध्याकाळी गेलो तर डॉ भेट द्यायलाच तयार नाही
म्हनलं टेस्ट केल्यात त्याचे पैसे पण घेतलेत आता फक्त मला ते हवे आहेत आमच्या फॅमिली डॉ ना दाखवायला
तर त्यासाठी डॉ ना का भेटू?
तर 2 तास ताटकळत बसवून ठेवलं
डॉ आले म्हणे पेशन्ट कुठं आहे?
म्हनलं घरी
म्हणे त्याला घेऊन या मगच रिपोर्ट मिळेल
माझं डोकं च सरकला

मग बायकोला फोन केला तिला सांगीतले असं असं त्रास देत आहेत
मग तिने अजून कोणाकोणाला फोन केले, त्या हॉस्पिटल मॅनेजमेंट वाल्या हेड चा नंबर काढला आणि त्यालाच फोन करून खडवसावल की हे सगळं मी लोकमत मध्ये छापते म्हणून
5 मिनिटात 2 जण धावत आले
सगळे रिपोर्ट दिलेच वर पुन्हा सॉरी सॉरी म्हणत दारापर्यंत पोचवायला आले

हे सगळं वरून दणका दिला, बायको पत्रकार आहे म्हणून जमलं
सरसकट रुग्णांना कसे करत असतील याची कल्पनाही करवत नाही

हे भयानक आहे.

@ashuchamp हा प्रसंग साधारण केव्हाचा आहे?
माझ्या वैयक्तिक अनुभवानुसार entry जवळ एक मशीन आहे ज्यात पेशंट नंबर टाकला की सगळे रिपोर्ट प्रिंट करून मिळतात.

बरोबर. त्या मशीन मध्ये पैशाची रिसीट टाकली की रिपोर्ट प्रिंट होऊन बाहेर येतात,

सोनोग्राफी इमेज, एक्स रे फिल्म सुद्धा?

आम्ही खूप जुने पेशंट आहोत दीमं चे. या मशीन बद्दल गेल्या वर्षी तरी ऐकलेलं नाही.
आशुचँप, तुमच्या बाबतीतली घटना 2014/15 किंवा आसपासच्या काळातली आहे का?

सोनोग्राफी इमेज, एक्स रे फिल्म सुद्धा?>>> नाही. ते रिपोर्ट पेशंट ला जागेवरच ताबडतोब देतात. pet MRI बहुतेक काही वेळा नंतर. वरील मशीन पॅॅथॉलोजीकल रिपोर्ट देत असावे.

हॉस्पिटल जे गैरप्रयोग करत असेल त्यावर सरकारने ऍक्शन घ्यावी.
पण डॉक्टरी सल्ल्या विरुद्ध जाऊन , दुर्धर आजारातून जाणाऱ्या बायकोला जुळे होण्यासाठी शरीरावर अत्याचार करणारी ट्रीटमेंट करणाऱ्या, नंतर रेग्युलर चेकप ला न जाणाऱ्या नवऱ्याचीही चौकशी व्हावी आणि दोषी आढळल्यास शिक्षाही व्हावी.
भारतात किती महिला अशा दबावातून जात असतील विचार करववत नाही.
अशा परिस्थितीत गर्भधारणा करून घेतल्यावर आणि ivf ची आर्थिक तयारी केली तशी अशा कॉम्प्लिकेशन्स साठी देखील आर्थिक तयारी करून ठेवायला नको का?

हा प्रसंग घडल्यावर किती दिवसाने महिलेचा मृत्यू झाला? मी ४ दिवसांनी असा आकडा ऐकला, ह्यावर कुणाकडे माहिती आहे का? ४ दिवसांनी असेल तरं रुग्णालयाला दोषी ठरवता येईल का?

लहानग्यांचे वाईट

माझा एक मुद्दा आहे.
समजा रुग्णाची आर्थिक परिस्थिती बेताची आहे पण त्याला दिनानाथमधूनच उपचार करून घ्यायचे आहेत. दिनानाथाने त्या रुग्णाला दाखल करून घेतले, नंतर जो खर्च होईल तो कोण देणार? सरकारने ह्यासाठी काहीतरी व्यवस्था करायला पाहिजे.
खरतर तर सरकारने आरोग्यसेवा आणि शिक्षण ह्यांची वाट लावली आहे. ह्या देशात गरीब असणे हे पाप आहे.
आधी डायसून मध्ये सुधारणा करा म्हणजे रुग्ण दिनानाथ ऐवजी ससून प्रिफर करतील.

. तूर्तास डिपॉझिट शिवाय रुग्णाला भरती करून घेतले नाही, या मुद्द्यावरक्ष लक्ष ठेवणे उचित वाटते.>> +1

गेल्या काही वर्षांत व्हिक्टीमचं दानवीकरण करून आपली काळी रेष छोटी करण्याचा ट्रेंड बळावला आहे. सलमान च्या हिट & Run पासून ते कल्याणी नगर पोर्शे प्रकरण. नंतरही ही मालिका थांबत नाही. कायदा वळवण्याचा माज आणि यंत्रणा खरेदी करण्याचा विश्वास आहे यामध्ये.

अपघातात कारवाला सॉफ्ट टार्गेट ठरतो हे काही ब्रह्मसत्य नाही. शक्तिशाली लोक सुटून जातात म्हणून काही वेळा लोक आक्रमक होऊन कायदा हातात घेऊ पाहतात असंही याकडे बघता येत. तुम्ही कुठल्या बाजूने बघता त्यावरून तुम्हाला तसे चित्र दिसते.

सत्य दोन्हीच्या मधे असते. हल्ली त्यालाच न्यायाची गरज आहे.

ओके.
पण पैसे कोण देणार? सरकार पैसे बिल भरणार असेल तर हॉस्पिटलला काय प्रॉब्लेम नाय. हलवायाच्या घरावर तुळशी पत्र असा कायदा नको.
ससून मध्ये सुधारणा केव्हा होणार त्याबद्दलही लिवा की.

खासगी हॉस्पिटलला मोफत जागा, करसवलती, विविध योजनांमधून निधी, 10% केसेस ची बिलं हे सरकार करणार असेल तर ते त्याच जागेवर स्वतः हॉस्पिटल का नाही उभारत?

खासगी रुग्णालयाने किती बिल चार्ज करायचे हा त्यांचा प्रश्न आहे. पण मग ते पूर्ण खासगी का नाही? सवलती लाटायला चॅरिटेबल ट्रस्ट आणि नफा कमावताना खासगी हे कोणतं धोरण आहे?
22 कोटी मनपाचा टॅक्स भरलेला नाही. काही बडय़ा हॉस्पिटलला तो नंतर माफ होतो म्हणून हे इंटेन्शनल आहे का?
ज्या कायद्या अंतर्गत परवानगी घेता त्यातल्या तरतुदी पाळायला हरकत कसला?
ससून वर यापेक्षा हजार पटीने लोड आहे. अशा नफ्यात चालवण्याच्या हॉस्पिटलला मेहेरबानी नको. ज्यांची जमीन फुकट मिळाली त्यांनाही यांनी सोडलं नाही. खखोतेजा.

समजा पेशंटने आय व्ही एफ चा घेतलेला निर्णय चुकीचा आहे, त्यांनी रेग्युलर फॉलो अप ठेवला नाही. तरी वीस लाख दिले तर हा गुन्हा तुम्हाला चालणेबल होता ना? जबाबदारी घेत होता ना?
पेशंट स्वतःच्या चुकीमुळे गेला असा निष्कर्ष काढण्यासाठी ही पूर्वतयारी आहे का?

अशा सर्व सवलती खाजगी उद्योगानाही मिळतात. जेव्हा टाटा ला ममता दीदीने बंगाल मधून हाकलले आणि मग ते गुजरात मध्ये गेले. ह्या दोनही वेळी अबब त्यांनी केव्हढ्या सवलती लाटल्या होत्या त्याची यादी तेव्हा पेपर मध्ये आली होती.
त्याना कधी कोणी विचारले आहे?

काय संबंध?
तुम्ही विचारा. अडवलंय का?

भरत, अहवालात तफावत आहे यात मला तरी काही चूक वाटत नाही. It is a developing investigation and new findings will surface. There is a process in place. जर या केसमध्ये दीनानाथकडून काही चुका झाल्या असे अहवालात समोर आले तर दीनानाथ रूग्णालय त्याचा गांभीर्याने विचार करेल आणि रूग्णालयाच्या कारभारात आवश्यक त्या सुधारणा करेल यावर माझा पूर्ण आणि ठाम विश्वास आहे. हे डॉक्टर केळकर यांनी देखील पत्रकार परिषदेत सांगितले आहे.

या प्रकरणी समाजाने देखील अतिशय गांभीर्याने आत्मचिंतन करण्याची गरज आहे. मी डॉक्टर घैसास यांच्या देखील पाठीशी उभी राहू इच्छिते. त्यांच्याकडून जरी चूक झाली असेल तरीही त्यांना ज्या पद्धतीने रोषाला सामोरे जावे लागते आहे ते चूक आहे. वड्याचे तेल वांग्यावर निघते आहे. रूग्णांना नाडणाऱ्या अनेक डॉक्टरांवरचा राग त्यांच्यावर निघतो आहे.

Judgement पास करण्याची इतकी घाई का आहे? राहुकेतू का म्हणाले/हे अवैज्ञानिक आहे! डॉ. केळकर एक उत्तम oncosurgeon आहेत, एका ७५०/८०० खाटांच्या रूग्णालयाचे संचालक/अधिष्ठाते आहेत आणि त्यांच्या रूग्णालयात घडलेल्या घटनेची संपूर्णपणे चौकशी करून शासकीय अहवालातून येणाऱ्या सर्व निष्कर्षांचा विचार करून त्यानुसार उपाययोजना करण्याची त्यांची तयारी दिसते आहे. या गोष्टींकडे दुर्लक्ष करून त्यांच्या उस्फूर्त बोलण्यातली विसंगती पकडून बसणे हे का होतंय?

जशी या घटनेत सामिल असणाऱ्या रूग्णालयाची चौकशी होते आहे तशीच रूग्णाच्या कुटुंबाने देखील काही हलगर्जीपणा केला आहे का याची चौकशी व्हायला हवी. जशी बांधिलकी डॉक्टरांनी दाखवणं अपेक्षित आहे तशीच बांधिलकी रूग्णाने दाखवली पाहिजे. डॉक्टरांनी दिलेला वैद्यकीय सल्ला न पाळणे, रिपोर्ट लपवणे याचे गंभीर परिणाम असतात आणि ते समोर आले की केवळ डॉक्टरवर किंवा रूग्णालयावर खापर फोडून मोकळे होता येण्याची पळवाट रूग्णांना/त्याच्या नातेवाईकांना असता कामा नये असे वाटते.

कायद्याने पेशंट आणि कुटुंब यांचीच बांधीलकी आहे. पेशंटला सुद्धा चॅरिटेबल ट्रस्टकडे नोंदणी अनिवार्य करावी. कारण त्यांच्या मुळेच नाईलाजाने हॉस्पिटल चालवावे लागते.
लोकांचा पैसा घेऊन हलगर्जीपणा केल्या बद्दल पेशंटच्या नातेवाईकांना अटक करावी. या नोटवर सहमती व्हायला हवी.

जिज्ञासा ><< तुमच्या प्रतिसादाशी पूर्ण सहमत.
22 कोटी मनपाचा टॅक्स भरलेला नाही. काही बडय़ा हॉस्पिटलला तो नंतर माफ होतो म्हणून हे इंटेन्शनल आहे का?>>> डॉक्टर केळकर ह्यांची मुलाखत पुन्हा एकदा नीट ऐका. या देशात अजून कायद्याचे राज्य आहे. आणि अफवावर विश्वास ठेऊ नका.

जर पेशंटच्या नातेवाईकांनी हलगर्जीपणा केला असेल तर त्यांना निक्षून का नाही सांगितले इथे थांबू नका असे?
वीस लाखाचे एस्टिमेट दिले याचा अर्थ हॉस्पिटलची तयारी होती.
शिवाय आधीच्या इनसाईड स्टोरी प्रमाणे पेशंट सिरीयस नव्हता (म्हणजे चार पाच तास उशीर झाला तो गंभीर नाही)
आता पेशंटचा जीव गेला त्याला नातेवाईक जबाबदार.
इनसाईड स्टोरी प्रमाणे जीव नव्हता जायला पाहिजे.
जुन्या पेशंटची हिस्टरी पेशंट लपवत असेल तर हॉस्पिटलचे रिपोर्ट्स हॉस्पिटलला मिळू दिले नाहीत म्हणून पे ना वर गुन्हा दाखल करा.
जर हॉस्पिटलला पेशंटच्या कॅन्सर बाबत इतक्या दिवसात समजले नसेल तर टेस्ट्स का करू दिल्या नाहीत म्हणून आणखी गुन्हे नोंदवा.
त्यांना कॅन्सर झाल्याचे घरगुती उपायांनी आधीच माहिती असावे. त्याचे रिपोर्ट्स दडवून ठेवले.