डास, झुरळे, पाली, मुंग्या यांचे तुम्ही काय करता?

कत्याच हाती आलेल्या माहितीनुसार म्यांवबोली.कॉम वर एका मांजरीने पोस्ट टाकली आहे - 'माझ्या संडासात एक बाई रोज फिनेल, दालचिनी, काकड्या आणून टाकते, तिचे काय>> बेस्ट ए हे !!

सध्या आमच्या पत्रपेटीच्या आसपास मोठ्या प्रमाणात गोगलगायींची पैदास झालेली आहे आणि त्यातल्या काही गोगा मातीतून बाहेर पडून वरती वरती सरकत आमच्या (आणि इतरांच्याही) पत्रपेटीत जाऊन बसतात. कुठलीही पत्रं आली की ती कुरतडत बसणे हा त्यांचा आवडता छंद आहे. त्यामुळे ती पेटी उघडली की पत्रांसोबत गोगांच्या शीतून बाहेर पडलेले कुरतडीचे अवशेषही बाहेर पडतात. त्या गोगा तिथे बहुधा रात्री येऊन जात असाव्यात; मला एकदाच एक जिवंत सापडली होती त्यात - रंगेहाथ (रंगेपाय म्हणावं का? पण ते त्यांच्या पोटात असतात.). त्यामुळे येणारी सगळीच पत्रं आता निराळ्या अर्थाने स्नेल मेल्स झाली आहेत.

ओके अनु. मोठ्या गोगा आहेत. एक इंचभर.

तिथे तंबाखु टाकुन बघा

गुड आयडिया मृनिश . मिळते का बघतो.

अस्सल गावरान सातारी जर्दा >>> हा चारचाकीत उंदीर शिरू नये म्हणून पण वापरतात म्हणे. एकदा माझी मावशी त्यासाठी गेली होती गादीवर. आत्तापर्यंत फक्त पूजेसाठी विड्याची पाने नेणारी पन्नाशीतली मध्यमवर्गीय बाई जर्दा मागते म्हणून पानवाला आणि आजूबाजूचे पंटरपण दचकले.

अनुच्या हिंजवडी चावडीतल्या जर्दावाल्या ताईंचा गगनभेदी आवाज आठवला
पूजेसाठी विड्याची पाने नेणारी पन्नाशीतली मध्यमवर्गीय बाई जर्दा मागते

आता जर्दा पण स्मगल करावा की काय? परवाच बॅकयार्डात उंदीर दिसलाय.

मध्यमवर्गीय बाई जर्दा मागते म्हणून पानवाला आणि आजूबाजूचे पंटरपण दचकले. >>> हाहाहा.

आमच्या कारमधेही तंबाखू ठेवायला लागतो, मागे उंदरानी वायरी कुरतडून फार नुकसान केलेलं आणि खर्च फार झाला. नवरा आणतो जाऊन.

एवढ्या उन्हाळ्यात गोगलगायी येताहेत म्हणजे जवळपास कुठेतरी पाणी / ओल आहे. ते पाणी / ओल तिथून दूर हटवता आली तर काहीही न करता गोगलगायींचा प्रश्न सुटेल.

गोगलगायी चालताना श्लेष्मा (नाम नामेति) स्रवतात. त्यात खूप प्रमाणात पाणी वापरले जाते. त्यामुळे त्यांचा वेग बघता त्यांना पाण्यापासून जास्त दूर जाणे शक्य नसते.

परवाच बॅकयार्डात उंदीर दिसलाय.>>>याने की पीस्तॉल जेल मे आ चुका है! भाउ बन्द कधिच तुमच्या अ‍ॅटिक मधे पाहणी करत असतिल... पेस्ट कन्ट्रोल लगेच करुन घ्या!

आमच्या इथे पण जरा पाउस पडला की " आली दिवाळी " करत बाहेर येतात...सकाळच्या घाईत निट बघत जावत लागत.

डास, झुरळे, पाली, मुंग्या, उंदीर, चिमण्या इ. घरात येणार्‍या प्र्राण्यांचे खायचे पदार्थ अश्या पाकक्रिया कोरिया, चीन इ. देशातील पाकक्रियांच्या पुस्तकात सापडतात.
उत्साहि लोकांनी करून पहाण्यासारखे असावेत.

त्या दुसर्‍या धाग्यावर पालींचा उल्लेख झाला आणि आमच्याकडे पालबाधा झाली.
पलिकडच्या विंगेतल्या काकूंनी त्यांची कुंडी बाहेर आणून ठेवली होती. त्यात त्यांनी ओला कचरा मुरवला आहे. त्यात पालीची पिल्लं झाली होती. ती संपूर्ण मजल्यावर बागडू लागली. आम्ही हवेसाठी घराचं दार उघडं ठेवलेलं होतं. त्यातून एक पिल्लू आत आलं..

नीट पाहून घ्या, सगळीच आत आली असतील खेळायला मुसीबतें कभीभी अकेली नहीं आती - खासकर जब वो पालका पिल्लू हो!

हाहाहा.

त्यांना सांगितले समजावून. आमच्या भू भू ने एक पाल मारली.
हिंसा आवडत नसल्याने वाईट वाटले पण पालीपासून सुटका झाली.
आज्जी म्हणायची पाल मारू नये, लक्ष्मी असते.

.इन्फ्रारेड लॅम्प नंदादीप लावल्यासारखा अहोरात्र थोडी थोडी विश्रांती देऊन लावला आहे. >>>
वॉटेज लो असेल म्हणा पण इन्फ्रारेडने तिथले तापमान वाढत नाही का? झाडं वगैरे मरायची जास्त वाढले तर.

अमावस्या पौर्णिमा पाक्षिक एक सुट्टी देणं गरजेचं आहे त्या दिपाला अन्यथा इन्फ्रारेड मध्ये अमानवीय वगैरे काही दिसायचे पाली आणि इतरांना.

तेलुगुत पालु म्हणजे दूध. याईक्स!!

धमाल धागा आहे...
>>>आमच्या भू भू ने एक पाल मारली.>>>>>
माझ्या घरची माऊ नेहमीच पाली,सरडे इ. बाहेरून मारून आणायची आणि माझ्यासाठी गिफ्ट आणल्यासारखी समोर समोर करत टाकायची... या करतुतीसाठी माऊ ला शाबासकी द्यावी लागायची नाहीतर तोपर्यंत पायात घोटाळत सतत म्याऊ म्याउ चालायचं.

तिचा पोपट झाला >>> तीच कुत्री होती ना? तिचा पोपट कसा झाला? ( मला चाची ४२० चा कन्व्हर्ट हो गया वाला सीन आठवतोय इथे )