सोनी मराठी - अजूनही बरसात आहे

Submitted by DJ....... on 27 August, 2021 - 09:37

सोनी मराठी वाहिनीवर अजूनही बरसात आहे ही सिरियल सुरु आहे अन त्यातील कलाकारांमुळे ती चांगलीच चर्चेत आहे. मुक्ता बर्वेचा एक जबर फॅन फॉलोवर आहे जो तिच्या नुसत्या असण्याने शिरेली हिट्ट करतो. अशा सॉफ्ट कॉर्नर हिरविणीमुळे सोनी मराठीला प्रेक्षकांनी स्विकारलं असं चित्र दिसत आहे. या शिरेलीत उमेश कामत, शर्मिला राजाराम, सुहिता थत्ते, सुलक्षणा पाठक असे कलाकार आहेत.

या मालिकेबद्दल चर्चा करण्यासाठी हा धागा... Bw

Group content visibility: 
Use group defaults

अरेरे किती दळीद्रीपणा चाललाय, बरं झालं बंद आहे आमच्याकडे ही आता. मनु काय, तीचा नवरा काय अन् सासू काय, सगळे एकाच माळेचे मणी आहेत, निर्लज्ज. ही प्रेग्नट आहे हे कळल्यावरच हाकलून दिले नाही ना, त्याची फळं भोगताय आता आई वडील. मला वाटलं होतं मीरा आदीचं लग्न झाल्यावर संपवतील सिरीयल पण हे कुठच्या कुठे नेलीय,,, सगळाच कळस आहे.

या सगळ्या येड्या लोकांना कंटाळून आदि आणि मीरा खेड्यात जायला निघतील
खांद्यावर पडशी टाकून कायमचे
आणि बॅकग्राउंड ला गाणे वाजेल
आ अब लौट चले Happy

काय सांगता येत नाही
तिकडे आदीबाबा आणि सानीबाबा यांची फुस लावलेले गुंड येतील
मग निखिल येईल वाचवण्यासाठी पण त्याचा प्लॅन मिराला आदीपासून दूर करण्याचा
मग बालिश कट कारस्थान सुरूच राहतील Happy

नका हो चर्चा करू.... अजून निनावं खावी लागतील आपल्याला Lol (निनावे बाईंची मुक्ताफळ म्हणजे निनावं अस सुचलं मला आत्ताच)

निनावं Rofl Rofl Rofl

निनावं खावी लागली तर एक वेळ ठिक आहे परंतु मानबा सारखं ते निनावं स्क्रीनवर आलं तर खरंच प्रेक्षकांवर संक्रांत येईल..!!

त्या मधुराने आयतोबा मनू आणि मल्हारलाही घेऊन जावं स्वतःचं अस्तित्व शोधायला जाताना. आयत्या बिळावरचे नागोबे कुठले!!!
हे घरचं रामायण सोडलं तर हॉस्पिटलचा व्यवहार इंटरेस्टिंग होईल बघायला. ज्यावेळी सगळे गैरव्यवहार बाहेर येतील, मीराचा उदोउदो होईल, घरच्यांना मीरा ही किती देवमुलगी आहे ह्याचा साक्षात्कार होईल त्याआधी आपण सुडोमि म्हणजे बघणं बंद करावं.

निनावं >>> हाहाहा.

बर झालं मानबा बघत नव्हते मी फारशी >>> सेम पिंच. हीपण बघत नाही, मधेच आठ मिनिटं किंवा प्रोमोज बघून अंदाज येतो.

त्या मधुराने आयतोबा मनू आणि मल्हारलाही घेऊन जावं स्वतःचं अस्तित्व शोधायला जाताना. आयत्या बिळावरचे नागोबे कुठले!!! >>> अगदी अगदी.

ते हॉस्पिटलमधे सानिकाबाबा काय उद्योग करतात, किडन्या वगैरे काढून विकतात की काय पेशंटच्या, आदीबाबापण सामील आहेत का यात. एक शॉट बघितला त्यात आदीच्या पेशंटला वॉर्डबॉय नेत असतो, मीरा बघते बहुतेक. हे असले वाईट उद्योग करायचे असतील तर आदी मीराला का सामावून घेतलं तिथे. त्यांच्यावर घालायला का. हे उद्योग इतक्या वर्षात बाहेर कसे आले नाहीत. संत मीराबाई खणून काढेल ही वाट बघत होते का. आदीला जरा डॅशिंग दाखवा, त्याला सुगावा लागूदे.

तिळगूळ द्यायला मीरा जाते तेव्हा निदान मधुरा तोंडाने तरी सुनावते पण मनु जी काही ताईला झिडकारते ते बघून, मनु दुसरी वैशंपायन होत चाललीय असं वाटतं. मल्हारला तेव्हढा व्हिलनपणा जमत नाहीये.

त्या आदी मीराने मनु मल्हारला काडीची किंमत देऊ नये.

बाय द वे मागे मनुची आई मनुसमोर तिच्या चुकांचा पाढा वाचते, तेव्हा ती काय उत्तर देते, प्रॅक्टीकल विचार करा असं बाबांना वसकन ओरडून सांगत असते, तो शॉट.

हयात म वे मुलीला शोधायला बाहेर पडेल तेव्हा वेग येईल, त्यानंतर बघायला हवी. आत्ता तशी बोअर होतेय>> फाइनली तुमची.मुलगी काय करते मध्ये मधुरा वेलणकर ची मुलगी गायब झाली.. कर्जत ला पार्टी असते.. आणि वेलणकर च्या नवर्याला जुगार खेळायला जायचं असत नवी मुंबई ला.. दोघ एकत्र पुण्याला जात आहोत असं खोट सांगून बाहेर पडतात.. हा बाबा मुलीला गाडी तू घेऊन जा सांगतो..ना तिच्या सोबत च्या कोणाचे नम्बर घेत..ना मध्ये फोन करत..सकाळी एकत्र भेटू म्हणुन सांगतो..मुलगी पार्टी ला जाते तिथे गेल्यावर कळत की ही रेव्ह पार्टी आहे..ती निघते.. आणि मागून कोणी ओळखीचाच तिला गायब करतो..

तुमची.मुलगी काय करते आणि कलर्सवरची ' आई- मायेच कवच' दोन्ही सिरियल्सची कथा एकच आहे. काही ट्रॅक्स, पात्रे हेसुद्दा सिमिलर घेतलेत, उदा. मुलीच्या वडिलान्चे विबान्स, आईला मदत करणारा पोलिस ( इथे हरिश दुधाडे, तिथे विजय चव्हाणचा मुलगा) ई.

दोन्ही सिरियल्स आलटून पालटून अधूनमधून बघते. एकेकाळी भगतसिन्गवरती चार पाच हिन्दी चित्रपट एकत्र प्रदर्शित झाले होते त्याची आठवण झाली.

मधुरा वेलणकरच्या सिरीयलमधे मला गीतांजली कुलकर्णी (बेडरीडन म्हातारी) आणि विवेक गोरे (शाळेतला शिक्षक मित्र) यांच्या कॅरॅक्टर्सवर संशय येतोय. मी तीन चार मिनिटांचे प्रोमोज बघते, क्वचित आठ मिनीटं बघते. मंत्र्याचा हात असेलच पण मुलीचे बाबा जर त्या मंत्री का आमदारासाठी काम करतात तर पंधरा लाख चिल्लर रक्कम तो देऊ शकत नाही त्यांना.

मधुराच्या आईचा संशय आलेला पण नातीला गायब करणार नाही ती.

ती जमदाडे मस्त काम करते हा.

मधुरा, भार्गवीमधे मधुरा एकदम सहज काम करते. भार्गवी आवडते मला, मधुरा जास्त आवडते पण त्या भार्गवीच्या सिरीयलचे प्रोमोज फार बघितले जात नाही, वरद चव्हाण जीवलगा मधे पण इन्स्पेक्टर होता.

मधुराचे दीर दाखवलेत का, ते कसे आहेत. मला जाऊ दिसली पण दीर नाही दिसले.

चंपा
Rofl Rofl Rofl

भावना पोचल्या तुम्हाला

ही आठ वाजता असते रात्री, सोनी हिंदीवर बडे अच्छे लगते है २ पण आठला असते आणि दोघांचे रीपिट टेलिकास्ट नसतात, मी हिंदी बघायची असं ठरवलं आहे, राम प्रिया फार गोड आहेत. त्यांची पुर्वीची एक सिरीयल पण मधे मधे या दोघांसाठी बघितली होती, त्यात आपली सोनाली पंडीत व्हिलन होती. आदित्य पंखुडी असं या दोघांच्या कॅरॅक्टरचं नाव होतं.

कैच्या कै दाखवू लागलेत बरसात मधे.. ते येडं माजोर्डं मल्हार बाळ ज्याच्याकडे पैसा त्याच्या कंपूत शिरु लागला आहे... ग्यानमुड्याला आई-बाप पण कळेनात Biggrin त्याची बायको एकपट अन हा दुप्पट..! दोघांचे आई-बाप एकमेकांचं टाळकं धरून बस्लेले....

त्यांची पुर्वीची एक सिरीयल पण मधे मधे या दोघांसाठी बघितली होती, त्यात आपली सोनाली पंडीत व्हिलन होती. आदित्य पंखुडी असं या दोघांच्या कॅरॅक्टरचं नाव होतं. >>>>>>>> मानसी साळवीसुद्दा होती त्यात हिरोची आई म्हणून.

आजचा भाग भन्नाट होता.... माठक डॉक्टरना मुब ने चांगलंच सुनावलं..! मल्हार आईस पण असंच झमकावलं तिने.. एकाच एपिसोडात हे सासर्‍याला असं सुनावणं अन नणंदेला झमकावणं खरेच खूप एनर्जी खाऊ काम आहे पण मुबने ते केलं त्याबद्दल तिचे करावे तेवढे कौतुक. आदिमाय ते सुनावणं अन झमकावणं भक्तिभावाने बघत होती. ठोम्या मल्हारबाप स्तिमित झाला होता. मनुबाळ भयाकलं होतं. उका वेड पांघरून पेडगावला जात होता.

उद्या काय होईल ते बघण्याची उत्सुकता आहे... मल्हार आई मुब अन उकाची भांडाफोड करणार असं वाटतंय.

मी ही तो शॉट बघितला, आदीबाबाना सुनावले तो, मस्त होता.

मी सोनी हिन्दी बघत होते त्यावेळी, तिथे अॅड आल्या की इथे यायचे.

हो ना अन्जू, मलाही नाही पाहता येत ताराराणी. शनिवारी मी एकदम सगळे एपिसोड बघतो. तसेही प्राईम टाईम व्यतिरिक्तच्या मालिकांचे धागे इथे चालत नाहीत हा अनुभव गाठीशी आहे Wink

मला असं वाटतंय की मालिकेच्या लेखकाची शाळेची परिक्षा सुरु झाली असावी आणि आई वडीलांनी सांगितले असेल बास आता टाईमपास, आणि बघता बघता एकदम गुंडाळून टाकली.
सगळे यशस्वी झाले, शेवट शेवयाच्या खीरीसारखा गोड करून एकदाचा सगळ्यांनी निश्वास टाकला

Pages