'राजा-राणी' शतशब्दकथा

Submitted by हर्पेन on 29 August, 2013 - 13:49

ती म्हणाली, राजा, मला किनई, दिवसभर घरी राहून कामे करायचा अगदी कंटाळा आलाय.

ती म्हणाली, आपण किनई भांडी घासायला एक बाई ठेवू, धुणी धुवायला एक.
मला किनई दिवसभर घरी राहून कामे करायचा अगदी कंटाळा आलाय

तो म्हणाला होय राणी.

ती म्हणाली, आपण किनई खोल्या झाडायला एक बाई ठेवू, फरश्या पुसायला एक.
मला किनई दिवसभर घरी राहून कामे करायचा अगदी कंटाळा आलाय

तो म्हणाला होय राणी.

ती म्हणाली, आपण किनई स्वैपाक बनवायला एक बाई ठेवू, वरकामाला एक.
मला किनई दिवसभर घरी राहून कामे करायचा अगदी कंटाळा आलाय

तो म्हणाला होय राणी.

शेवटी एकदाच तो म्हणाला राणीगे, माझी नोकरी करायला बाबा ठेवूयात?

Group content visibility: 
Public - accessible to all site users

mast Lol

सगळयांना धन्यवाद आणि हलके घेतल्याबद्दल विशेष आभार Happy
वर्षा_म आपल्याला शेवट काय असेलसे वाटले हे जाणून घ्यायला आवडेल.

हर्पेन, माझ्या मते हा शेवट योग्य आहे, भावना पोचताहेत (;-)), पण ते अजून योग्य शब्दांत, अधिक चपखलपणे आलं तर 'जोरका झटका धीरेसे लगे' होईल असं मला वाटतंय.

नक्की काय आणि कसं हे मला सुचलं तर इथे लिहितेच मी.

कथा म्हणून
शतशब्दकथेचा प्रयोग म्हणून
आवडली.
कथासार वरवर जरी पटले , खुदकन हसू येण्यासारखे वाटले तरी जरा खोलात विचार करता नवरा बायकोचे संसारातले , एकमेकांच्या आयुष्यातले स्थान काय असा प्रश्न पडला. घरकाम न करणारी बायको निरूपयोगी , पैसे न कमावणारा नवराही निरूपयोगी असे फारच ठसलेय नाही आपल्या मनात.
एखाद्या माणासाकडे काही वेगळा कलागुण असेल तर माझे तुझ्यावर प्रेम आहे , विश्वास आहे. तू तुझ्या आवडीचे काम कर घराचा आर्थिक भार मी उचलते काळजी करू नकोस, असे म्हणणार्‍या बायका कीती सापडतील. ( अनिल अवचटांची पत्नी , नरेन्द्र दाभोळकरांची पत्नी यांच्याकडे बघता हे जाणवले)
असाच सपोर्ट पत्नीला करणारे कीती पुरुष असतील.

मंजूडी - अधिक चपखल अशा शेवटच्या वाक्याची वाट बघतोय Happy

डेलिया - "घरकाम न करणारी बायको निरूपयोगी , पैसे न कमावणारा नवराही निरूपयोगी असे फारच ठसलेय नाही आपल्या मनात." अगदी अगदी

<< शेवटी एकदाच तो म्हणाला राणीगे, माझी नोकरी करायला बाबा ठेवूयात? >>

तरीच.. तिने सहा बायका ठेवल्या. राजा निदान बरा म्हणावा त्याने एकच पुरुष ठेवायचा विचार मांडला. राजा राणीच्या गोष्टीत व्यभिचार असतो म्हणे, हाच का तो?