महिलांनि स्वतःला सुरक्षित कसे ठेवावे?

एम. पोस्ट आवडली.

लोकप्रभातला एक लेख - मी तरी याच्याशी सहमत - http://www.lokprabha.com/20130104/matitartha.htm

लोकप्रभातला एक लेख - मी तरी याच्याशी सहमत - http://www.lokprabha.com/20130104/matitartha.htm >>> चांगला लेख आहे.

एम.,

>> त्या मुलाने आमच्यापुढे आईची कॅसेट वाजवली अन आम्ही सुधरलो.

मुद्दा पटला. बाईने कितीही उत्तान कपडे घातलेले असले तरी तिच्याकडे मादी म्हणून बघू नये. चुकून अनावृत्त झालेल्या स्त्रीची तर बातच दूर!

आ.न.,
-गा.पै.

हा एवढा सोपा उपाय असतांना इतर उपायांची गरजच काय म्हणा!
थोपुवरून साभार!
***
"आज देशामध्ये बलात्कार व बलात्कारीयांचे प्रमाण खूपच वाढल्यासारखे दिसत आहे. आपल्या देशात अशा नराधमांना शिक्षा करण्यासाठी कडक कायदे नसल्याची ओरड तर सर्वत्र होत आहे. सरकार देखील याबाबत ठोस निर्णय घेण्यात कचरत आहे असे दिसत आहे. सामान्य माणूस आपली सकाळी घराबाहेर पडलेली मुलगी संध्याकाळी सुखरूप घरी येईल कि नाही या विवंचनेत दिवस काढतो आहे. मात्र परमेश्वराचे नियम खूपच कडक असून बलात्कार करणाऱ्यांना शिक्षा हि नक्कीच आहे.

दिनांक ३ जानेवारी रोजी आपल्या परमपूज्य सद्गुरूंनी श्रीहारीगुरुग्राम येथे सर्व स्त्रियांना भयमुक्त केले. एवढेच नाही तर, एका गोष्टीची खात्री बाळगायला सांगितली कि यापुढे कोणीच माझ्या मुलींकडे वाकडया नजरेने पाहू शकणार नाही .

परमपुज्य बापूंनी खालील पंचसुत्री सांगितली,

०१. कोणावरही बलात्कार झालेला असेल व त्या व्यक्तीने १०८ वेळा अनिरुद्ध चलिसा ११ दिवस म्हंटली तर बलात्कार करणारी व्यक्ती नपुंसक होईल व तसे झाल्याचे सर्वांना लगेच कळेल .

०२. जी व्यक्ती रोज पाच वेळा श्रीअनिरुद्ध गुरूक्षेत्रम मंत्र म्हणेल त्या व्यक्तीवर कोणी कुठ्ल्याचप्रकारे जबरदस्ती करू शकणार नाही.

०३. ज्या व्यक्तीला स्वतःवर बलात्कार होईल अशी सतत भीती वाटते त्या व्यक्तीने श्री मातृवात्सल्य उपनिषदातल्या, श्रीशिवगंगागौरीच्या महात्म्याचे दोन अध्याय वाचाल्यासं त्या व्यक्तीचे भय व भयाचे कारण कायमचे नाहीसे होईल.

०४. ज्या व्यक्तीस लिहिता वाचता येत नसेल अशा व्यक्तीने पूर्ण विश्वासाने व प्रेमाने फक्त अनिरुद्ध अनिरुद्ध म्हंटले तर सर्व वाचन स्वतः सद्गुरु करतील व त्याचा संपूर्ण फायदा त्या व्यक्तीस मिळेल.

०५. अहिल्या संघाच्या बल गटास व श्रीचंडिका आर्मीच्या गटास स्वतः परमपुज्य बापू असे टेक्निक शिकवणार कि ज्याने बलात्कार करणारा लागलीच कायमचा नपुंसक होईल.

परमपुज्य सद्गुरूंनी सर्वांना सांगितले कि आत्माविश्वासाने भयमुक्त जीवन जगा व त्या परमात्म्यावर मनापासून प्रेम करत संपूर्ण सुखमय जीवनाचा आनंद लुटा.

आपण खरोखरच फार सुदैवी आहोत की आपल्याला बापुंसारखा बाप, नंदाईसारखी आई आणि सुचीतदादासारखा मामा सातत्याने आपले सर्व वाईट गोष्टींपासून रक्षण करावयास ढालीसारखे आपल्या सर्वबाजुनी उभे आहेत.

श्री राम आणि हरि ओम "
****
तेव्हा मातांनो आणि भगिनींनो निर्धास्त व्हा!

आर यू सिरीयस????

काय भारी उपाय आहेत. बलात्कार करावासा वाटणार्या व्यक्तीकरता काही उपाय आहेत का? म्हणजे समजा त्याने अनिरुद्ध चालिसा म्हटल्यास त्याची सद्सदविवेकबुद्धी जागृत होईल वगैरे.

@प्रमोद देव
हे थोपुवर आलेले गांभीर्याने आहे कि उपहासात्मक आहे?

सायो +१०००

भयाण आहे ती वरची पोस्ट...

थोपुवर आणि इतरही असलं फिरत असतं सिरीयसली.
इथे उपहासाने टाकलं असावं अशी आशा आहे.

देवा!!!!!!!!!!!!!!!!!!!!!

अरे देवा.....

इतके दिवस कुठे होते हे...इतका दंगा सुरु असताना....

आता मला वाटतं सगळ्या चॅनेलवरून बापूंचे व्याख्यान सतत दाखवायला हवे...आख्या समाजातून बलात्कारी नाहीसेच होतील....

@प्रमोद देव
बापुंसारख्या सत्पुरुषाविषयी माहिती दिल्याबद्द्ल धन्यवाद!
आता माता भगिनींना त्यांनी बलात्कारापासून भयमुक्त होण्याचे मंत्र दिले आहेतच तेव्हा त्या भयमुक्त होतीलच.
भाववाढ, चोर्‍या, बेकारी, अपघात, जीवघेणे आजार अशा अनेक गोष्टींच्या संभाव्यतेने आम्ही भयग्रस्त आहोत. त्यासाठी त्यांचेकडे मंत्रोपचार असतीलच. मला आता त्यांचा पत्ता मिळवावाच लागेल. तो मिलाला की टाकतोच इथे!
तमाम माबोकरांना सम्पूर्ण भयमुक्त होता येईल.

बापूंच्या पावरविषयी हलकट कॉमेंट करणार्‍यांच्या जिभा झडून जाव्यात (किंवा कीबोर्ड जळून जावेत किंवा बोटे झडून जावीत) म्हणून मी आयएमए तर्फे (बापू गोल्ड मेड्यालिस्ट एमडि डोक्टर आहेत म्हणे) जप अ‍ॅरेंज करायचा प्रयत्न कर्णारे!
(बिन्डोक) इब्लिस

(बिन्डोक मोड ऑफ)
अर्र्र्र्र्र्र्र्र्र्र,
भास्करा,
आहे की मन्त्र

>>
भય *** ** ................!!!!!!!!!!!!!!!!!!!!!!!!!<<

इस्रू नका हो भौ, जप करा

प्रमोद देव, तुम्ही कॉपी पेस्ट केलेला मजकूर फक्त बापुंवर श्रद्धा असलेल्या स्त्रियांसाठी आहे. बाकीच्यांचा त्याच्याशी काही संबंध नाही आणि बापुंनीही हे इतर कुणासाठीही सांगितलेले नाही. फेसबूक अश्या अनेक गोष्टी आपल्याला न पटणार्‍या वाचनात येतात व त्याच्याकडे आपण दुर्लक्ष करतो तसे इतरांनी करावे. या उप्पर आपली मर्जी. धन्यवाद.

लोक कसे विचार करतात/कोणते उपाय सुचवतात/कशावर विश्वास ठेवतात वगैरे बाबतीतला मनोरंजक वाटलेला हा मजकूर मुद्दाम इथे दिलाय....माझा असल्या उपायांवर काडीचाही विश्वास नाही....ज्यांचा विश्वास असेल त्यांच्या बाबत काही न बोललेलेच बरे.

ज्यांचा विश्वास असेल त्यांच्या बाबत काही न बोललेलेच बरे.>> उत्तम! यात मीही आले कारण माझी बापुंवर अढळ श्रद्धा आहे.

हे असले भंपक मजकूर जर खुलेआम फिरणार असतील तर याबद्दल केवळ श्रद्धा असलेल्यांपुरते आहे इतरांसाठी नाही याला काही अर्थ नाही.

कुठली स्तोत्रे म्हणून बलात्कार टाळले जातात असला भयंकर चुकीचा प्रचार केला जात असेल तर तो प्रचार करणारा, विश्वास ठेवणारा सगळेच निषेधार्ह आहे.

म्हणून तर वर म्हटलं "या उप्पर आपली मर्जी".

श्रद्धा असणं गैर नाही. पण वर सुचवलेले उपाय प्रचंड हास्यास्पद आहेत आणि श्रद्धेशी खेळणं , त्यांचा बाजार मांडणं आहे.
दुर्दैवाने बापू भक्तगणांपैकी कुणावर अशी वेळ आल्यास तिने जरुर करुन पहावेत उपाय. मनात श्रद्धा आहे म्हणजे त्याचं फळ तिला मिळेलच.

आमची कणभर श्रद्धा नाही. आणि स्तोत्रे म्हणून कुणी बलात्कारापासून वाचू शकेल हे संभवत नाही. मग ते स्तोत्र कोणतेही असो. यावर माझी अढळ श्रद्धा आहे.
असल्या पत्रकांचा प्रसार होणे हे समाजविघातक आहे यावरही माझी अढळ श्रद्धा आहे.

नी, सहमत.

ती पोस्टच उडवून टाका ना.. आताच्या वातावरणात आणि झी टीव्हीवर त्या मुलाची मुलाखत पाहील्यानंतर ती अतिशय भयानक वाटतेय. या मुलाने समाजाच्या अलिप्त राहण्यावर कोरडे ओढलेत. अर्धा पाऊण तास अनेक गाड्या तिथून गेल्या, कुणीही मदत केली नाही. मी दहा बारा दिवसांपूर्वीच समाजातलं क्षात्रतेज लोपलं आहे अशा अर्थाची पोस्ट लिहीली होती. पोलीस स्टेशनची पायरी न चढणे, साक्ष द्यायला न येणे,घटना घडत असताना बघ्याची भूमिका घेणे हे खरेतर दंडनीय अपराध मानले जायला हवेत. यातलेच काही जण मेणबत्ती मोर्चातही सामील झाले असतील.. कोडग्यांची समाजात कमी नाही.

यातूनच महिलांनाच तुमच तुम्ही संरक्षण करा हे सांगण्याची पाळी आलेली आहे. हे दुर्दैव आपल्या पुरूष असण्याचं आहे.

नीधप यांना पाप लागणारे

काय इब्लिस.. नवीन सांगा की राव काहीतरी.

पण जगद्गुरू बापू जगातून ही अशी कीड नाहीशीच का करून टाकत नाहीत मंत्रबलाने? त्यात विश्वास असणारे नसणारे अशी विभागणी का?

अरेरे मग १% ला चाळणी कशी लावणार हो ताई?

या मुलाने समाजाच्या अलिप्त राहण्यावर कोरडे ओढलेत. अर्धा पाऊण तास अनेक गाड्या तिथून गेल्या, कुणीही मदत केली नाही. मी दहा बारा दिवसांपूर्वीच समाजातलं क्षात्रतेज लोपलं आहे अशा अर्थाची पोस्ट लिहीली होती. पोलीस स्टेशनची पायरी न चढणे, साक्ष द्यायला न येणे,घटना घडत असताना बघ्याची भूमिका घेणे हे खरेतर दंडनीय अपराध मानले जायला हवेत. यातलेच काही जण मेणबत्ती मोर्चातही सामील झाले असतील.. कोडग्यांची समाजात कमी नाही. <<

मान्य.
सहमत.
पण.

तुम्ही एक चार/दोन चाकी गाडीचे मालक आहात. रस्त्यावरून चालला आहात. सकृतदर्शनी अपघातग्रस्त कुणी रस्त्यावर पडलेले दिसत आहेत. तुम्ही स्वतः थांबून त्यांना उचलून हॉस्पिटलात नेणार/नेता/नेले का? या प्रश्नाचे उत्तर आधी मनात नीट ठरवा.

१. हे अपघाताचे नाटक करून रस्त्यावर मला थांबवून लूटमार करणारे लोक दिसतात. पळा.
२. दारू पिऊन गाड्या चालवतात. यांच्यासाठी हीच शिक्षा बरी.
३. गाडीत घालून नेले तर गाडी अपहोल्स्ट्री धुवायचा खर्च कोण देणार? - हे मनात येतेच
४. कोणत्या हॉस्पिटलात नेऊ? तिथे अ‍ॅडव्हान्स कोण भरेल? मी? हेही येते.
५. सरकारी इस्पितळात पोलीस/डॉक्टर नाव गांव विचारतात. नंतर साक्षी द्यायला कोर्टात फेर्‍या मारत कोण जाईल?
६.
.
.
.
अहो अ‍ॅम्ब्युलन्सवालेही पळून जातात बाजूने. सामान्य लोक सोडा. एका गाडीचे मागचे सीट केवळ धुता येत नाही म्हणून नवे बसवले आहे मी. अन हो. दारूडेच होते. खर्च गेला उडत, अकाऊंटला पुण्य जमा झाले असेल असे म्हणून सोडून द्यावे लागते.

महोदय,
इन्टर्नशिप करीत असताना, चौकात एका आजोबांना धडक मारून एक रिक्षावाला पळून गेला. त्या आजोबांना उचलून आमच्याच सरकारी हॉस्पिटलच्या एका नर्सच्या पतींनी सरकारी हॉस्पिटलात दाखल केले. त्या आजोबांचे नातेवाईक व पोलीस यांनी मिळून त्या भल्या माणसाला, तुम्हीच या म्हातार्‍याला धडक मारलीत म्हणून त्यांचा जो काही छळ केला तो मी पाहिला आहे. बिचार्‍या सिस्टरांना सायकिअ‍ॅट्रिस्टची ट्रीटमेंट घ्यावी लागली. चांगुलपणाचा मोबदला म्हणून.

असो.

(मेणबत्ती मोर्चात सामील न झालेला) इब्लिस.

>> त्या व्यक्तीचे भय व भयाचे कारण कायमचे नाहीसे होईल.
बाप रे! म्हणजे काय?

असो. कोणाची श्रद्धा दुखावायचा हेतू नाही. अश्विनी, क्षमस्व, पण हे खरंच चीड आणणारं आहे.

इब्लिस

१% चं काय नी?
स्वाती, प्वाईंट आहे. अजूनही वेळ गेलेली नाही. बापू आपल्या अलौकिक शक्तीने, मंत्र तंत्राने त्या पाच आरोपींना कायमचे नपुंसक करतील का? केस कोर्टात गेल्यावर जजना कठोर निर्णय घ्यायला लावून त्याची अंमलबजावणी करायला भाग पाडतील का?

नवीन सांगा की राव काहीतरी.<<

माझी नरकात अ‍ॅडव्हान्स बुकिंग आहे. विण्डो सीट.

(नवीन माहीती देण्यास उत्सुक) इब्लिस

हे राम!! (आज आणखी काय नवीन... काल ईंग्रजी शाळा..)

कोणाच्या श्रद्धेचा अपमान करण्याचा हेतु मुळीच नाही.

पण वरील मजकूर (प्रमोद देव ह्यांची पोस्ट) वाचून उलट वाटले भाविकांच्या श्रद्धेचा फायदा घेवून 'अंधश्रद्धा' पसरवणे वाटतो. स्त्रीयांनी सतत भिती बाळगत जगत आता अश्या प्रकारे मार्ग शोधायचे असे पसरवले जातेय हे दिसतेय. कारण सरकार ** आहे.

आधीच काय कमी भिती आहेत का जगात?...

एकंदर लोकांना भावनिक रित्या गुंतवत ठेवायचे व त्यांचे मार्गच बंद करायचे परीस्तिथीशी झगडा करण्याचे तसेच हे वाटतेय.

देवाची पूजा व वाचन विरोध नाही पण मनुष्याला (आणखी)कमकूवत बनवायला कमी साधने आहेत काय?

मग असा एखादा मंत्र का नाही जो प्रत्येक माणसाने म्हटल्याने त्याच्या सर्व वाईट विचारांचा नाश होइल? सर्वांनी म्हटल्यावर जगातील अश्या वाईट शक्तींचा नाश होइल?

ते होतं ना कुठेतरी की १% च वाचणार वगैरे...

ईब्लीस

त्या लोकांमधे मी स्वतःलाही धरतो. तुमची पोस्ट संपूर्णपणे पटण्यासारखी नाही. जबाबदारी टाळण्यासाठी अनेक कारणं उपलब्ध असू शकतात. त्या मुलीच्या आणि मुलाच्या अंगावर बस घालण्याचा प्रयत्न केला गेला. कुणी नग्न शरीरावर कापडाचा तुकडाही टाकला नाही, पाऊण तासात पोलिसांच्या तीन व्हॅन्स तिथे आल्या. त्या वेळेत त्यांनी घटना कुणाच्या हद्दीत येते यावर काथ्याकूट केला. पण मदत मिळवून देण्यासाठी तातडीची हालचाल केली नाही. रस्त्याने येणारे जाणारेही काहीही न करता जात होते.

इथे वैयक्तिक अनुभव लिहीणे योग्य नाही असं वाटतं. अन्यथ अपघातग्रस्त व्यक्तींना रुग्ण्यालयात पोचवून नातेवाईकांना फोन करून व्यवस्था लावून दिल्याच्या घटना नमूद करता आल्या असत्या. ते खरंच टाळायचं आहे. आपला तो विषय नाही.

मदत न करण्याचे सर्वात मोठे कारण पोलिसांचे भय आणी कट़कटीत सापडणे हे आहे.
मिरा बोरवणकर कमिशनर असताना त्यांच्याशी बोलताना एकदा म्हणाल्या की सामान्य माणसे पोलिसांकडे येत नाहित त्यांनी पुढे आले पाहिजे. त्यांना जेव्हा विचारले कि पोलिस स्टेशन सामान्य माणसांसाठी येण्यासारखे आहे का याच्यावर मात्र त्यांच्याकडे उत्तर नव्हते!

(मेणबत्ती मोर्चात सामील न झालेला) इब्लिस.>>>>> नुसते माबोवर पोस्टी टाकणारे रस्त्यावर उतरणार्यांबद्द्ल भंपक लिहिताना पाहुन वाइट वाटते. आधी स्वतः दुसरा उपाय सुचवा, तो करुन दाखवा मग मेणबत्ती मोर्चावर टिका करा!

स्वाती, खरंतर मला इथल्या टिकेचा काहिच फरक पडत नाही. फेसबुकावर कालच्या प्रवचनाचा थोडासाच भाग दिला गेला असल्याने अशी भावना होते आहे. पुर्ण प्रवचन मी स्वतः हजर राहून ऐकले आहे. आणि खरंच, ज्यांची रामावर श्रद्धा असते ते रक्षणासाठी रामरक्षा म्हणतात, हनुमंतावर असणारे मारुती स्तोत्र म्हणतात. पण ते उपाय काम करणार ज्यांची श्रद्धा असेल त्यांच्याच साठी. बाकीच्यांसाठी रामरक्षा किंवा कुठलंही संस्कृत स्तोत्र हे फक्त जिभेला वळण लावण्यापुरतंच. आम्ही हे सर्व म्हणतोच पण मी स्वतः अनेकवेळा त्यांच्यातल्या सद्गुरुतत्वाचा बियाँड डाउट अनुभव घेतलेला असल्यामुळे त्यांच्या शब्दावर माझा पुर्ण विश्वास आहे. मी ओपनली सांगते की मी आज जी खंबीरपणे उभी आहे ती केवळ त्यांच्याचमुळे. नाहीतर आज मी नसतेच.

पुरुषांसाठीचे बलविद्येचे आणि अहिल्यासंघातर्फे चालवले जाणारे स्त्रियांसाठीचे 'बल'चे वर्ग यात स्वसंरक्षणाचे अगदी घामटा काढून प्रशिक्षण दिले जाते. हे प्रशिक्षण घेतलेल्या काही व्यक्ती मायबोलीवर कार्यरत आहेत.

असो, मला वादात पडायचं नाही कारण माझी श्रद्धा माझ्याजवळ. फक्त मी तिथे होते त्यामुळे काही गोष्टी स्पष्ट कराव्याश्या वाटल्या इतकंच. असो... no more comments from my side.

चार पाच टाळकी येता जाता नाक्यावर प्रत्येक मुलीची छेड काढत असतात. येणारे जानारे किमान हजारेक लोक माना खाली घालून ते सहन करत असतात. या प्रत्येक घटनेत पोलीसांना तरी कसा दोष द्यायचा ? त्या वस्तीतल्या शंभरेक नाही किमान पंधरा जणांनी एकत्र येऊन या टाळक्यांना फोडून काढणे अगदीच अशक्य आहे का ?

आज उस्मानाबादेतल्या एका कॉलेजातल्या मुलींनी नेहमीच होणा-या छेडछाडीला कंटाळून कॉलेजला न जाण्याचा सामूहिक निर्णय घेतला आहे असं स्टार माझा वर सांगण्यात आलं. हे या घटनेच्या निमित्ताने झालेल्या जागरूकीचं फळ आहे. एरव्ही या मुली सहन करत गेल्याच असत्या. याचं पुढचं पाऊल म्हणून इतर मुलांनी एकत्र येऊन या टोळक्याला अद्दल घडवायला हवी.

फार पूर्वी 'गंगाजल' नावाचा चित्रपट आला होता....

त्या वस्तीतल्या शंभरेक नाही किमान पंधरा जणांनी एकत्र येऊन या टाळक्यांना फोडून काढणे अगदीच अशक्य आहे का ? >>> +१ हे घडू शकते. माझ्या लग्नापुर्वी मी स्टेशनवरुन घरापर्यंत चालत येत असे. आणि एक दिवस एक माणूस मला फॉलो करतो आहे हे लक्षात आल्यावर मी पुढे चार पाच दिवस वॉच ठेवून कन्फर्म केलं. नंतर सहाव्या दिवशी माझ्या घराच्या आधीच्या नाक्यापर्यंत आल्यावर तिथल्या एका वडापाव की कसल्याश्या गाडीपाशी आल्यावर एकदम पलटी मारुन त्या माणसावर कडाडले. तेव्हा त्या गाडीवर हजर असलेल्या ७-८ जणांनी त्याला धू धू धुवत जवळच असलेल्या सरकारी हॉस्पिटलच्या समोरच्या रस्त्यापर्यंत नेला. नंतर अजूनही लोक्स जॉइन झाले. मी त्या सगळ्या जणांबरोबर जात राहिले. मी एकटी मुलगी असले तरी माझ्यासाठी त्या माणसाला अद्दल घडवायला निघालेल्या त्या अनोळखी पुरुषांना टाकून कृतघ्नासारखं निघून जाणं मला पटलं नाही. नंतर त्या माणसाने माझी माफी मागितली. मी त्या अनोळखी पुरुषांचे आभार मानून घरी निघून आले. तो माणून नंतर मला दिसलाच नाही.

अश्विनीताई
तुमचे अभिनंदन. सुरुवातीलाच टाकायची ना ही पोस्ट. असो.

तुमची पोस्ट संपूर्णपणे पटण्यासारखी नाही.
<<
सखेद, पण मान्य. मी सामान्यांच्या नाईलाजाबद्दल बोलत होतो साहेब.

>>. त्या मुलीच्या आणि मुलाच्या अंगावर बस घालण्याचा प्रयत्न केला गेला. कुणी नग्न शरीरावर कापडाचा तुकडाही टाकला नाही, <<

याच बाफवरची पहिली पोस्ट पहा. मला खरेच लाज वाटली हो..

>>पाऊण तासात पोलिसांच्या तीन व्हॅन्स तिथे आल्या. त्या वेळेत त्यांनी घटना कुणाच्या हद्दीत येते यावर काथ्याकूट केला. पण मदत मिळवून देण्यासाठी तातडीची हालचाल केली नाही.<<

हे खरे भयावह आहे..
इट्स देअर ब्लडी जॉब. अमेरिकेत 'इट्स माय जॉब' या तीन शब्दांची किंमत काय असते हे अमेरिकेत स्थायिक झालेल्या मायबोलीकरांनी सांगावे. आय हेट पीपल व्हू डोंट डू देअर जॉब.

>> रस्त्याने येणारे जाणारेही काहीही न करता जात होते.<<
जबाबदारी टाळण्यासाठी अनेक कारणं उपलब्ध असू शकतात... तुम्हीच म्हटलात.

- तरूण पोरीचा बाप )इब्लिस(

भारतीय | 4 January, 2013 - 23:57

<<
फाटा ~डोळे मिचकवा~

जबाबदारी टाळण्यासाठी अनेक कारणं उपलब्ध असू शकतात... तुम्हीच म्हटलात.>>

विपर्यास होतोय अर्थाचा. जबाबदारी टाळायचीच म्हटली तर अनेक कारणं (सांगण्यासाठी) उपलब्ध होऊ शकतात. असो. गुड नाईट !

अश्विनी के, मी सहसा प्रतिसादाला + करुन काउंट वाढवत नाहि, परंतु तुमच्या वरील प्रतिसादाला + आवर्जुन दिला आहे; निव्वळ तुम्ही दाखवलेल्या धाडसामुळे.

परत अशी वेळ कोणावरहि येउ नये, पण दुर्दैवाने आलीच तर जप्-जाप्य न करता वर दाखवलेला धाडसीपणाच सगळ्या महिला अंगीकारतील अशी आशा करतो.

इथे वैयक्तिक अनुभव लिहीणे योग्य नाही असं वाटतं. अन्यथ अपघातग्रस्त व्यक्तींना रुग्ण्यालयात पोचवून नातेवाईकांना फोन करून व्यवस्था लावून दिल्याच्या घटना नमूद करता आल्या असत्या. ते खरंच टाळायचं आहे. आपला तो विषय नाही.
<<
Hindsight is always six by six
शुभ रात्री.
तत्वज्ञान सांगणे अन आचरणे हे वेगळे असते, हे प्रत्येकाने आपल्या मनात ठरवायचे आहे. इतकाच बोध इथे घेतला तरी पुरे.

इब्लीस

दुर्दैवी पोस्ट. तुम्ही वैयक्तिक का होत चालला आहात समजत नाही. मी तुमच्या वैयक्तिक अनुभवांची चौकशी केलेली नाही. तरीही तुम्हाला हवी असल्यास अशा घटनांची जंत्री तुमच्या विपूत देतो. याबाबत फोनवर बोलून तुमची खात्रीही पटवून देऊ शकतो.

इथे लिहीणे म्हणजे टिमकी वाजवण्यासारखे होईल हे आपल्या लक्षात आले असेल असे वाटले होते. असो. शक्य असल्यास आपला नंबर मेल मधून कळवणे. बोलूयात.

सर,
माझ्या लिहिण्याचा अर्थ / रोख तसा नव्हता. वेगळा अर्थ कदाचित माझ्या लक्षात आलेला नसावा. चुकले असेल तर माफ करा
धन्यवाद.

राज, धन्यवाद शहाणपणाने केलेलं धाडस हवंच हवं. कधी कधी युक्ती धाडसापेक्षा महत्वाची ठरु शकते. मी एकटीने आसपास जास्त माणसं नसताना त्या माणसाशी दोन हात करायचे ठरवले असते तर तो माझा मुर्खपणा ठरला असता कारण ६ दिवस मी त्याच्या सगळ्या हालचाली टिपत होते. म्हणून मी वडापाव गाडीच्या जवळ पोहोचल्यावर त्याच्या कानठळ्या बसतील एवढ्या तारस्वरात सगळा संताप बाहेर काढला. पलटी मारतानाही तो माणून माझ्या एक दिड हाताच्या अंतरावर मागे मागे आहे हे पाहूनच मारली. म्हणजे पळून जायच्या प्रयत्न केला असता तर मला मागच्याबाजूने त्याची कॉलर किंवा शर्टचा मिळेल तो भाग हाताने गच्च पकडून त्याला अटकाव करता आला असता. एका क्षणात तिथल्या लोकांना काय घडतंय ते लक्षात आलं आणि सगळं निपटलं गेलं. पण एकटी असताना दोन हात करायची वेळ आलीच असती तर मी ते निकराने केलेही असते पण मनात देवाचा धावाही केला असता यश दे म्हणून किंवा मदत पाठव म्हणून.

स्वकर्तृत्वाबरोबर मला भगवंताची साथही आवश्यक वाटते. मात्र स्वतः हातपाय हलवले नाहीत तर भगवंतही साथ देणार नाही.