अलोट जनसागर - पुढे?

उद्धव ह्यांनी आपल्या वडिलांचे परममित्र शरदरावजी पवार ह्यांचे मार्गदर्शन घ्यावे असे मला वाटते. >>>> शरद पवारांनी सल्ला दिलेला......पण तो ऐकला नाही त्याने...बाळासाहेबांसमोरच......त्या नंतर दोघांनी त्याला सल्ला देण्याचा नादात पडले नाही..पालथ्या घड्यावर पाणी आहे तो.......तो फक्त त्याचे पीएचेच ऐकतो......

शिवसेनेला उतरती कळा लागेल . मनसेला चढती कळाच कधी लागणार नाही, त्यामुळे उतरत्या कळेचा प्रश्न येणार नाही.. वसई नगरपालिकेत शिवसेना राष्ट्रवादीकडून हरली आहे.. ठाणेसारख्या भगव्या बालेकिल्ल्यात राष्ट्रवादी शिरलेली आहे.

मुंबईवर राज्य इतकी वर्षे याच लोकानी केले. तिथला मराठी टक्काही यांच्याच काळात कमी झाला. ( आणि पुन्हा मराठी टक्का कमी का झालायांच्या आरोळ्याही हेच लोक ठोकतात! ) लोकल / मराठी हे मुद्दे आता मुंबईत कुचकामी ठरणार आहेत. मराठी टक्का कमी झालेला आहे, त्याचे फळ हे पक्ष भोगतील.

बाळासाहेबांचा दरारा न राहिल्याने काही जुन्या पदाधिकार्‍यांचा स्वार्थही डोके वर काढू शकतो. त्याचा बंदोबस्त कसा करायचा ह्याची उद्धवना सदैव चिंता राहू शकते.

अगदी अनुमोदन .. शिवसेना आता अशा बांडगुळांचे साम्राज्य होणार आहे.

काल राज ठाकरेंनी घेतलेली "मी पुढली व्यवस्था बघतो" ही भूमिका आणि उद्धवचं अंत्यविधींच्या वेळेला बधीर झाल्यासारखं होणं यावरून सध्या तरी दोघांच्याही मनात कुठलेही राजकीय विचार चालू नसावेत असं वाटत होतं. राजकीय खेळापेक्षा दोघांनाही पोरकं झाल्याची भावना येत होती हे त्यांच्या चेहर्‍यावरून जाणवत होतं. एकदा का सर्व संपलं की मग कदाचित राजकीय खेळांना वेग येइल.

सध्यातरी शिवसेना-मनसे एकत्र येणे कठीण आहे. कारण, आता प्रश्न शिवसेनाप्रमुख पदाचा आहे. इतके दिवस हे राज्-उद्धव असो ना भुजबळ्-राणे इत्यादि लोक असो, वाद हा कायम नं. २ च्या पदासाठी होता. नं,१ वरती बाळासाहेब कायम राहिले. आता सिंहासन रिकामे झाले आहे. बाळासाहेबांच्या इच्छेनुसार उद्धव आता प्रमुख होतील. आणि त्याच कारणासाठी तर राजने सेना सोडली होती. त्यामुळे त्याने परत सेनेमधे जाण्याचा प्रश्न येणार नाही.

राज ठाकरेकडे एक प्लस पॉइंट हा आहे की तो बाळासाहेबांची प्रतिकृती असल्यासारखा आहे. त्याचे हावभाव, वक्तृत्व, चेहरामोहरा आता सर्वांनाच बाळासाहेबांची आठवण देत राहील. राजकीय खेळ न समजणार्‍या पण बाळासाहेबांवर भरभरून प्रेम करणार्‍ञा कित्येक शिवसैनिकांना राज कदाचित आपलेसे वाटू लागतील.

बाळासाहेबांबाबतची सहानुभुती / आस्था / आदर / प्रेम / श्रद्धा कुठेतरी तरी दाखवतील ना शिवसैनिक?
>>>> लगेचच निवडणुक असती तर नक्कीच फरक पडला असता. पण आता मध्ये खुप गॅप आहे, तेव्हा फारसा फरक पडेल असे वाटत नाही.

नंदिनी +१

पण आंबा म्हणतात त्याप्रमाणे केवळ मराठीचा मुद्दा राज ठाकरे ह्याच्यासुद्धा उपयोगी पडणार नाहीये आता. गेला आठवडाभर गावाकडे होतो तेव्हा कळले तिकडे उसाच्या दराचा मुद्दा महत्वाचा आहे.

ही हळहळ काही काळच राहील नंतर जनता त्या त्या वेळी ठरवील कुणाला उचलायचे आणि कुणाला धोबीपछाड द्यायची ते.

शिवाय ग्रामीण महाराष्ट्रात हल्ली नेत्यांकडून मिळणार्‍या पैशांवर मतांचे सर्व ठरते... आमच्या गावच्या ग्रामपंचायतीचा निकाल नुकताच लागला आहे त्यावरून हे सिद्ध झाले. अर्थात हे सर्व ऐकीव पण खरे वाटलेले आहे.

बाळासाहेबांबाबतची सहानुभुती / आस्था / आदर / प्रेम / श्रद्धा कुठेतरी तरी दाखवतील ना शिवसैनिक?

असे असते, तर वसईत सेना का हरली? शिवाय ती जत्रा सगळी शिवसेनेची नसेल. त्यात मनसेचाही वेगळा प्रवाह असेल ना? इतरही अनेक पक्षाचे लोक असतील. निवडणूक प्रचाराला येणारे पब्लिक आणि अंत्ययात्रेला येणारे पब्लिक हे एकाच मानसिकतेने येत नसतात.

निवडणूक लगेच असली, तर असे होऊ शकते.

विरोधी पक्ष असा मुद्दा करू शकणार नाहीत काय?

"बाळासाहेब होते तोवर शिवसेनेला निदान एक तात्विक बैठक तरी होती, आता सगळाच आनंदीआनंद आहे"

असे झाले तर त्याचे काय परीणाम होतील?

माझ्या मते उद्धव ठाकरेंना आधी एस्टॅब्लिश व्हायलाच बराच संघर्ष करावा लागेल.

शिवसेनेतल्या बर्‍याच ज्येष्ट नेत्यांना उद्धव ह्यांची विचारशैली पटत नाही हे स्पष्ट आहे आणि अशा नेत्यांनी शिवसेना बाळासाहेबांच्या खांद्याला खांदा लावून बांधलेली आहे. बाळासाहेब होते तोवर जरी कुणी उघडपणे उद्धवला विरोध दर्शविला नसला तरी आता तसे होणारच नाही ह्याची खात्री देता येत नाही.

"उद्धव आणि आदित्य ह्यांना सांभाळून घ्या" असे शिवसैनिकांना आवाहन बाळासाहेबांनी केले त्यामागे हे सर्व तर नसावे? इथे आदित्य ह्यांना सांभाळून घेण्याची विनंती म्हणजे सरळसरळ घराणेशाहीचा पुरस्कार नाही का? पुत्राच्या पाठोपाठ भविष्यात नातवाला शिवसेनेत उच्चपदस्थ बनवा असे ह्यातून सुचित होत नाही का?

शिवसेनेची तात्विक बैठक आजही व पुढेही तीच राहणार

कसली तात्विक बैठक?? यान्ना तात्विक बैठक असती तर मराठी टक्का ढासळला असता का?

तेच तर.. काँग्रेसचेही ढीगभर नेते आजवर मेले.. पण माझ्या मुलाला, नातवाला सांभाळून घ्या , अशी आर्त विनवणी कुणी केल्याचे ऐकीवात नाही.

पण माझ्या मुलाला, नातवाला सांभाळून घ्या.... याचा दुसरा अर्थ हा पण होतो की काँग्रेसचा कुठलाच नेता येव्हड भावनिक नात नाही करु शकला जनतेसोबत......

सुशांत अगदी योग्य बोललात पण ते भावनिक नाते बाळ ठाकरे ह्या व्यक्तीसोबत होते जी आता हयात नाही. उद्धवला असे नाते कधी निर्माण करता येईल का हाच अवघड प्रश्न आहे.

निवडणुकांमधे मतदान करणारी जनता ही वेगळ्याच मानसिकतेची असते असे मला वाटते. अशी आवाहने जनतेला द्रववू शकत नाहीत असे वाटते.

वसई नगरपालिकेत शिवसेना राष्ट्रवादीकडून हरली आहे>> वसई-विरार महानगरपालिका आहे आणि तीथे राष्ट्रवादी नाही तर बहुजन विकास आघाडीची (हितेंद्र ठाकुर)सत्ता आहे जी वसै आणि विरार वेगळ्या नगरपालिका होत्या तेव्हाही होती त्यामुळे त्याचा संबंध शिवसेनेच्या घसरणीशी जोड्ण्याचे काही कारण नाही .(नाही म्हणायला याच भागात एक आमदार विवेक पंडित आहेत पण ते नावालाच शिवसेनेत आहेत , त्यानी निवड्णुक लढवली ती स्वतःच्या श्रमजीवी संघटनेच्या चिन्हावर लढवली होती).
छोट्या नगरपालिकामध्ये लोकल संघटना, लोकाल युत्या जास्त प्राभावी ठरतात.

वर कुणितरी म्हटल्याप्रमाणे वर्ष/दिडवर्षाचा कालावधी आहे विधानसभा/लोकसभा निवड्णुकीना. त्यामुळे सहान्भुतीच्या लाटेचा फायदा होणार नाही. मात्र राज ठाकरेनी बाळासाहेबांचे राजकारण पुढे नेणे त्यांच्यासाठी अ‍ॅडव्हांटेजस ठरू शकते. उदा. पूढील महिन्यात येणार्‍या पाकीस्तानी टिमला विरोध केला तर त्यातुन बाळासाहेबांची हिच इच्छा होती आणि ती पुरी करायची धमक फक्त मनसेत आहे असा स्ट्राँग संदेश जाऊ शकतो. त्यातुन आत्तापर्यंत कुप्णावर असलेले नेते/कार्यकर्ते त्यांच्या बाजुला जाऊ शकतात.

विदिपा माझही हेच म्हणन आहे की शिवसेनेला उद्धव ठाकरेमुळ जिंकण केवळ अशक्य आहे.... त्यांना सध्याची सहानुभुती जिंकुन देऊ शकली असती पण पण पण विधानसभेच्या निवडणुकांना अजुन दिड वर्ष बाकी आहे..... आता उद्धव ठाकरेंपुढ विधानसभेत मताधिक्य मिळवण्यापेक्षा आहे तेच संख्याबळ टिकवण्याच आव्हान आहे. सध्यातर त्यांच्याकड विरोधीपक्ष नेते पद पण नाहीये.

अडवानींनी देशभर काढलेल्या रथयात्रेमुळे व ती अडवण्यात आल्यामुळे भाजपची अशीच लाट आली होती..... असहमत... ही भाजप लाट नव्हती... ती काँग्रेसविरोधी लाट होती.... काँग्रेस नको म्हनुन भाजप असा प्रकार होता तो कारण तोपर्यंत जनता दल बरच कमकुवत झालेल होत

बेफि, मला काळाच्या मुद्द्याबाबतच बोलायचे होते.

अलिकडे गावातले निवडणुकीचे राजकारण फार जवळून पाहिले असल्याने मला असे वाटत आहे. जनताही आता खूप हुशार झाली आहे इतकेच म्हणायचे आहे. बाकी राज्यकर्ते कुणीही झाले तरी फरक पडत नाही ह्या मताचा मी आहे.

विजय पाटिल तुमच्याशी सहमत. दुर्दैवाने आता कुणी न्यायी, कणखर आणी सर्वसामान्यांशी निगडीत असा नेताच नाहीये.

दिसायला सगळे पक्ष वेगवेगळे असले,त्यांची ध्येयधोरणं वेगवेगळी असली, नेते एकमेकांवर कुरघोडी करणारे(दिसत)असले तरी पडद्यामागे ह्या सगळ्यांचं साटंलोटं असतं हे आपल्याला कळत नाही..कळलं तरी वळत नाही आणि पचत तर मुळीच नाही....त्यामुळे कुणीही जिंकलं तरी आपल्या सामान्यांच्या जीवनात लक्षणीय असा काहीच फरक पडत नाही/पडणारही नाही.

जनताही आता खूप हुशार झाली आहे इतकेच म्हणायचे आहे. बाकी राज्यकर्ते कुणीही झाले तरी फरक पडत नाही ह्या मताचा मी आहे. >>> या विदिपांच्या आणि...

कुणीही जिंकलं तरी आपल्या सामान्यांच्या जीवनात लक्षणीय असा काहीच फरक पडत नाही/पडणारही नाही. >> या देवकाकांच्या मताला अनुमोदन.

विजय दिनकर पाटील, तुमचे बरेचसे मुद्दे पटले.

गर्दी का जमली यातील १०,११,१३,१६,१७ कारणे गैरलागू आहेत बाकी सर्व कारणे एकदम अचूक!

संभाव्य परिणामातः
२,३ गैरलागू
६: कुठलिही गोष्ट हा "प्रसिध्दीचा कार्यक्रम/संधी" मानणार्‍यांचे अचूक निदान
७: असंबध्द!
९: अंत्यदर्शनाला नेते आले म्हणून केवळ प्रतिमा ऊजळावी ईतके कमकुवत व्यक्तीमत्व व कर्तूत्व बाळासाहेबांचे नक्कीच नव्हते!

the crux is: करोडो पैसे ओतून निवडणूका जिंकता येतात, अनेक करोडोंचे घोटाळे करात येतात, पैसे ओतून समारंभाला लोक ट्रक मधून आणता येतात (अण्णा मेळावे..), पण स्वतःच्या अंत्ययात्रेसाठी कितीही पैसा मोजला तरी १० लाख काय एक लाख लोकं देखिल बळजबरीने आणता येत नाहीत.. कारण अशा बळजबरीने येणार्‍यांसाठी "परतभेट्/फायदा" हा गेलेल्या व्यक्तीकडून मिळणार नसतो!
तेव्हा भारताच्या आजवरच्या इतीहासात पहिल्यांदाच असा मनुष्य-समुद्र एखाद्या नेत्याच्या, बाळासाहेबांच्या अंत्ययात्रेला लोटला यातच बाळासाहेबांचं व्यक्तीमत्व, कर्तुत्व, लोकनेतेपण, जेतेपण, जाणतेपण, जनमानसावरील प्रभाव, आणि माणूसकीचे नाते जे त्यांनी अखेरपर्यंत जपले..... सर्व सर्व काही आलं.

पण स्वतःच्या अंत्ययात्रेसाठी कितीही पैसा मोजला तरी १० लाख काय एक लाख लोकं देखिल बळजबरीने आणता येत नाहीत.. कारण अशा बळजबरीने येणार्‍यांसाठी "परतभेट्/फायदा" हा गेलेल्या व्यक्तीकडून मिळणार नसतो!
तेव्हा भारताच्या आजवरच्या इतीहासात पहिल्यांदाच असा मनुष्य-समुद्र एखाद्या नेत्याच्या, बाळासाहेबांच्या अंत्ययात्रेला लोटला यातच बाळासाहेबांचं व्यक्तीमत्व, कर्तुत्व, लोकनेतेपण, जेतेपण, जाणतेपण, जनमानसावरील प्रभाव, आणि माणूसकीचे नाते जे त्यांनी अखेरपर्यंत जपले..... सर्व सर्व काही आलं.>>>> योग +१०००...