निसर्गाच्या गप्पा (भाग - ८)

जागुताई रेन शॉवर ट्री झकासच आहे , आमच्याकडे पण फुललाय पण माझा प्रचिग्राहक गेलाय भटकायला

आजचे निरीक्षण
१) बहाव्याची काही फुले गर्द पिवळ्या रंगाची तर काही फिकट पिवळ्या रंगाची झाली आहेत त्यामुळे त्या झाडांना नैसर्गिक आभा प्राप्त झाली आहे.
२) गुलमोहर पुर्ण भरात आला आहे काही ठिकाणी लालेलाल तर काही ठिकाणी भगवा केसरी टोप घालुन मिरवतो आहे.
३) तामणाचा बहर ओसरु लागलाय, जांभळी गुलाबी फुले हळुहळु फिकट होत चालली आहेत.

शुभदुपार!
हा माझ्या घराजवळ असलेला गुलमोहर.

आणि हा आहे सज्जन्गडावर गुलमोहोर (किती लालभडक आहे.)

ही फुले कसली आहेत?

मोहक दोन्ही गुलमोहर !

जागू, मस्तच फुले.

उजू, हे झाड तसे कॉमन आहे पण पावसाळ्याच्या सुरवातीला फुलते, म्हणुन लक्षात येत नसावे.

राणीच्या बागेत, अस्वलाच्या पिंजर्‍याजवळ आहे. कोल्हापूरला महावीर उद्यानात आहे.

शोभा मस्त आहेत प्रचि.

धन्यवाद! ईनमीन तीन.

शोभा, हि फुले कोकणात आणि अंबोलीतहि खुप दिसतात, या दिवसात.
साधनाला विचारातला पाहिजे.

http://www.evivek.com/back_issues.html इथे सा.विवेक चे जुनेअंक दिसतात त्या पैकी दिवाळी अंकाच्या खाली ०१, ०२, ०३, ०४, ०५ असे पीडीएफ डाउन्लोड करणारे दुवे दिसतात. त्यापैकी ०२ क्रमांकाच्या दुव्यात (पान ४१ पासून पुढे) गिरीश प्रभुणे यांचा " वृक्षवल्ली आम्हा सोयरी " हा लेख सगळ्या निसर्गप्रेमीना आवडावा असा आहे. (दिवाळी अंका ची एक सरळ लिंक नसल्यान इतक डिट्टेलवार लिहाव लागल.)

Ditto Varshu-Neel... mi tar Jamel tevha yeun fakt waachun/pahun jaatey...:)

बाप्रे आठव्या भागाचं नववं पान ... किती मागे आहे मी जगाच्या!
आठव्या भागाबद्दल सर्व निसर्गप्रेमींचं अभिनंदन!

शोभा, सेम पिंच ... मागच्या आठवड्यात मी ही फुलं बघितली - भाज्याला, आणि नंतर मुळशी परिसरातही. मस्त वास आहे या फुलांना. कसली फुलं आहेत ही?

वा गौरीजी काय सुंदर प्रचि आहे , हे तर नक्कीच एखाद्या परीच्या छत्रीचा दांडा असणार

छत्रीचा दांडा आवडला. फारच सुरेख किमया!

गौरी काय सुरेख भेट आहे तुझी ! खूप आवडली !!
शोभा, दुसरा गुलमोहोर तर खासच रंगसंगती !

जागू, मस्त दिसतोय ग रेनशॉवर ट्री !
शांकली दुर्गभ्रमणमधले काही उतारे तू ईथे टाक ना ! म्हणजे आम्हालाही वाचायला मिळतील.

बाप्रे आठव्या भागाचं नववं पान ... किती मागे आहे मी जगाच्या!+१
किती वाचू आणि किती पाहू....असं होतं ईथे आल्यावर.
परवाच माझा मुलगा(वय ३.५) शाळेतून (शाळेतर्फे) मातृदिना निमीत्त माझ्यासाठी एक छोटसं रोप घेऊन आला. यापेक्षा सुंदर भेट ती काय!!

माहिती आणि सुंदर फोटो बद्दल सर्वांना धन्यवाद.

गौरी, आत्ताच फ्लॉवर्स ऑफ इंडियावर बघितले; तू दिलेल्या फुलाचे नाव भुरुंडी असे आहे. त्याचे बोटॅनिकल नाव Heliotropium indicum आहे. फारच सुंदर रचना आहे त्या फुलांची.

मस्त भेट गौरी..

जगाच्या बरोबर राहायचा एक प्रयत्न...:)
अवांतर -- सगळीच फुलं/फोटू मस्तच आहेत....:)

शशांक, मला खात्री होती इथे फोटो टाकल्यावर नाव मिळणार म्हणून!
नितिन, परीची छत्री नाव मला फारच आवडलंय! (फक्त ते तुम्ही ऐवजी तू म्हटलेलं पळेल :))
बी, वेका, प्रज्ञा, आभार!
वर लिहिताना मी जरा गोंधळ केलाय. ही भुरुंडी मला कार्ल्याला दिसली. आणि ते मस्त वास होता म्हटलंय ते पांढर्‍या फुलांच्या गुच्छाविषयी. शोभाच्या फोटोत पांढरी फुलं आहेत ना याच पानावर वरती, त्यांना मस्त वास असतो. ती मला मुळशीला आणि भाज्याला दिसली होती.
गुलमोहोराचे रंग काय सुरेख आहेत! sonalisl नी टाकलेली फुलं पण मस्त!
जागुताई, ते रेन शॉवर ट्री कॅशियासारखंच दिसतं का साधारण?

गौरी, ते छत्रीच्या दांड्यासारखं दिसतेय ते (किंवा तसेच ) फूल असलेले झाड, माझ्या आजोळी विंचवाच्या दंशावर वापरतात. लाईक किल्स लाईक, हे तत्व वापरले असणार बहुदा.
आजकालच्या कॅमेरांच्या कृपेने, अगदी लहान फुलांतले सौंदर्य पण नीट दिसते..

बीबीसी (आलो मूळपदावर) च्या इन्व्हीजीबल वर्ल्ड मधे अशा अफलातून प्रतिमा आहेत. रंगांची, प्रकाशाची, आकारांची विस्मयकारक दुनिया आहे ती.

BBC Invisible World III 2010 या नावाने सर्च करा.

दिनेशदा, जास्वंदीच्या परागांचे बारकावे काय सुंदर टिपले आहेत! कॅमेर्‍याची किमया!

विकीपिडियावर म्हटलं आहे की फिलिपाईन्समध्ये हे झाड जखमांवर लावतात ... http://en.wikipedia.org/wiki/Heliotropium_indicum.
देशी रानफुल आहे म्हणजे त्याचा आपल्याकडे काहीतरी उपयोग असणरच ... नास्ति मूलम् अनौषधम्

मी काही दिवसांपूर्वी प्रथमच जलपर्णीची फुलं जवळून बघितली. ही जलपर्णी आहे हे माहित नसतं तर बहुधा मी या फुलांच्या प्रेमातच पडले असते!

वाव् किती माहिती..

जागु त्या शॉवर ट्रीबद्दल धन्यवाद. माझ्या कॉलेजम्ध्ये हे झाड होते आणि जूनमध्ये अगदी बहराला असायचे. मला तेव्हा नाव माहित नव्हते आणि नंतर मी त्याला कॅशिया समजायला लागले. पण कॅशिया कसा घोसांनी लोंबतो तसे हे नसते तर याची पुर्ण फांदीच फुलांनी भरलेली असते.

माझी एक मैत्रिण मला या झाडाबद्दल असे सांगायची की तिच्या भावाच्या कॉलेजात हे होते आणि कॉलेजच्या सुरवातीला मुले याच्या फुलांनी डवरलेल्या फांद्या तोडुन एकमेकांना पुष्पगुच्छ म्हणुन देत. अर्थात माझ्या कॉलेजमधले झाड दोन मजली उंच असल्याने फांद्या तोडता येणे अशक्य.\

दिनेश, मला नाव माहित नाही.

आत्ता सकाळी ऑफीसला येताना एका तारेवर एक पक्षी बघितला. डोके, पोट पांढरे, बाकदार चोच, कबर्‍या/राखाडी रंगाचे पंख, शरीराच्या ठेवणीवरुन शिकारी पक्षी असावा. दुर्दैवाने कंपनीच्या गाडीतुन येत असल्यामुळे जवळ कॅमेरा असुन सुद्धा त्याला कॅमेरात कैद करु शकलो नाही.

पिंक शॉवर ट्री, भुरुंडी, गुलमोहर मस्तच. भुरुंडी लहानपणी खूप बघितलय पण त्याचे सौंदर्य ह्या फोटोनेच जाणवले. त्याच्या पानामुळे जराशी खाज येते म्हणून खेळताना ते उपटूनच टाकले जायचे. गौरी, फुलाच्या प्रेमात पडायला त्याचे नाव का आड यावे? तूच लिहिलं आहेस ना - नास्ति मूलम् अनौषधम्. त्यामुळे सुंदरच आहे जलपर्णी. जमल्यास त्याच्या केसराचा कोजअप घेऊन इथे देशील का? खूप दुंदर दिसताहेत ते.

दिनेश, खूपच सुंदर फोटो आलाय जास्वंदीचा.

वा.. सगळेच प्रचि मस्त..

गौरीच्या परीची छत्री पहिल्यांदा पाहिली तेव्हा एखाद्या अळीने डोक्यात फुलं घातल्यासारखं वाटत होतं

माधव, जलपर्णी आपल्याकडे शोभिवंत झाड म्हणून आली. पण ही अतिशय आक्रमक वनस्पती आहे ... आणि आता तिने कितीतरी नद्या, नाले, तलाव व्यापून तिथली मूळ इकोसिस्टीम धोक्यात आणली आहे, ना, म्हणून तिच्या प्रेमात पडणं धोक्याचं वाटतं मला.

माझ्याजवळ या फुलांचा अजून चांगला फोटो नाही. (हा सुद्धा काढता आला कारण आमची पेडलबोट रस्ता चुकून जलपर्णीमध्ये घुसली. पण जालावर इथे एक मस्त फोटो सापडला: http://upload.wikimedia.org/wikipedia/commons/7/77/Pond_Water_Hyacinth_F...

जागूतै, त्या कोरल शॉवर ट्री सारखी दिसणारी फुलं मला पुण्यात पाषाणला डी आर डी ओ च्या हद्दीत बघितल्यासारखी वाटताहेत.

गौरी परीची छत्री आणि जलपर्णी मस्तच.
दिनेशदा, सोनाली, शोभा छान प्रचि. दिनेशदा आम्ही लहानपणी भातुकली खेळताना दाण्याच्या कूटात गुळ घालून वाटीत ते चांगल मिक्स करून ठेवत असू, नंतर जरा वेळाने ते एका ताटलीत वाटी उपडि करून काढत असू.त्याला केक बनवून अगदी झोकात कट करून खायचो पण. त्या आमच्या केकवर डेकोरेशनचे काम ह्या बिचार्या जास्वंदिच्या परांगांनी किती वेळा बिनबोभाट केले आहे त्याची गणतीच नाही.तुम्ही टाकलेला फोटो बघून आमच्या लहानपणीचा ऊद्योग आठवला.
जागु, पिंक रेन शॉवर ट्री बघायला आयुष रिसॉट्ला भेट द्यायला पाहिजे.

आणि आता तिने कितीतरी नद्या, नाले, तलाव व्यापून तिथली मूळ इकोसिस्टीम धोक्यात आणली आहे, >> ही खूप फैलावणारी वनस्पती आहे खरी. मानवाच्या अतिक्रमणापुढे टिकायला इतर सजिवांनी अवलंबलेला हा मार्ग तर नाही? आकाशात कबुतरे आणि पाण्यात जलपर्णी.