निसर्गाच्या गप्पा (भाग ४)

नीर फणसाची भाजी छानच लागते.

सारीका, त्याचे झाड मोठे असते. पानेही सर्वात मोठी असतात. मुंबईत आहेत हि झाडे. हि फळे साधारण दक्षिण भारतीय लोक राहतात तिथल्या बाजारात मिळतात. (माटुंगा, चेंबूर )
माझ्या बघण्यात एक झाड चुनाभट्टीला फाटका जवळ आहे.

हल्ली ब्राउन पंखांचे बगळेही बरेच आले आहेत.
पाण कोंबड्या माझ्या घराजवळही आहेत. त्यांच वैशिष्ठ्य म्हणजे त्या इतक्या प्रकारचे आवाज काढतात, आणि कधी कधी रात्रीही ओरडत असतात.

माझ्या पिवळ्या सोनटक्कयाला अजून फुल येत आहेत, नाहीतर फक्त श्रावणात येत असत

शशांकजी, पक्षी एकदम सुंदर आहे!

या वर्गातला स्टोर्क पक्षी दिसतो का आपल्याकडे

मी राणी बाग सोडुन इतरत्र पाहिला नाहीय पण आपल्याकडे याला ढोक म्हणतात. आणि याचा आकार पाहता याला पाहताच लोक याची शिकार करुन खायचा प्रयत्न जास्त करतात.

जो-एस मला त्या पिवळ्या सोनटक्याची मुळी हवी आहे.

तुला मिळाली की मलाही दे

४) वेळणेश्वरला हे पक्षी भरपूर होते. पण पोझच देत नव्हते. कोणते आहेत हे ? >>>>

रत्नागिरीत यांना केकेटी म्हणतात - हे तसे थव्यानेच रहातात, घरांभोवती कोंबड्यां बरोबर धाण्य आणि किडे टिपतात, आवाज जास्तच आसतो यांचा म्हणुनच कदाचीत केकेटी नाव पडल असाव

पारवा - याला कवडा म्हणतात ( पुर्वी यांची शिकार होत असे आता शिकारीच प्रमाण कमी झाल आहे.) हे एकटे किंवा जोडीने आढळतात.

माझ्याकडे एक छोट्या पानांचे बेलाचे झाड आहे, इतके दिवस कुंडीत होते पण मोठे झाल्याने ते काढुन जमीनीत लावले पण ते सुकत चाललेय..:(
मम्मी म्हणतात दुखावल्यामुळे असं होतय..
त्याला वाचवायला काय करू..?

हा नीरफणस............

सारिका, नियमित पाणी, आणि कडक ऊन्हापासून बचाव, केला तर वाढेल

अगं खुप ठिकाणी आहेत ही झाडे. पण ती आपोआप येत नाहीत, लावावी लागतात. तुला सोसायट्यांच्या आवारात दिसतील. नीरफणस नारळाएवढे, ओबडधोबड नी फणसासारखे काटेरी असतात. आपल्यात जास्त वापरत नाहीत. कर्नाटकात नी साऊथमध्ये वापरतात.

दिनेश, पुदिन्यालाही सावलीत ठेवावे काय???

नमस्कार लोक्स

एकुण १३५ नविन पोस्ट सावकाश वाचेन
उत्तर कन्नडा ट्रिप बोल्ले तो एकदम झक्कास
फोटो आणि वृतांत ल व क र च ..........

हा सोनटक्का दुर्मीळ आहे का? अनेक जण मागतात. मला आमच्या शेजारच्या काकांनी दिला. त्याना टाकायचा होता मुंग्या फार होतात म्हणून.
साधना पुदीन्याला कोवळ उन लागेल अस ठेव, मी कडक उन्हात ठेवला तेव्हा पानं फारच बारीक यायची

जो, दुर्मिळ आता झालाय तो.
जिप्स्या, विकेंड सत्कारणी लाव रे.

मला नीरफणसाचे झाड हवे आहे, कुठे मिळू शकेल.? पुण्यात मिळेल का..?

जिस्प्या, खजिना ओत रे इथे लवकर....

(आंबोलीला गेला नाहीच ना शेवटी??? )

नीरफणस सगळ्या नर्सरीत उपलब्ध आहे. पण तो वृक्ष आहे हे लक्षात ठेऊन लाव.. उगीच कुंडीत लावून बिचा-याला गुदमरवण्यात मजा नाही

माझा पुदिना सावलीत होता आधी तेव्हा मस्त घुसघुशित झाला होता. सगळ्या कुंड्यांबरोबर त्यालाही उचलुन मी उन्हात ठेवले. आता एकदम हाडकलाय बिचारा, आणि पानेही वरुन पांढरी पडायला लागली. मला तेव्हाच शक आला की साहेबांना उन जरा जास्त होतंय...

आता त्याला मस्त टांगत्या कुंडीत टांगते उनही मिळेल आणि सावलीही..

सारीका, ते झाड खुप मोठे होते आणि सावलीही दाट असते. मोठ्या नर्सरी मधे मिळू शकेल. पण ते मोकळ्या जागेवरच लावावे लागेल.

गोव्यात, खुप मोठा विस्तार असलेली झाडे आहेत.

यालाच विलायती फणस किंवा ब्रेड फ्रुट ही म्हणतात. हे फळ भाजल्यावर पावासारखे लागते.

धन्स साधना आजच पुण्यात शोधायला लावते..

मोठी जागा असेल तर हा वृक्ष तिथे असणे नेत्रसुखद आहे. ह्याची जुन पाने अगदी गडद हिरवी होतात, कोवळी पाने फिक्या हिरव्या रंगाची असतात आणि बोनस म्हणुन पिवळे हिरवे कोंबही आलेले असतात. आणि असे हे हिरव्या रंगाच्या वेगवेगळ्या छटांनी रंगलेले झाड सदाहरीत राहते. डोळ्यांना सुखद गारवा देते. मोठ्या पानांमुळे लक्षही वेधुन घेते. ज्यांच्याकडे जागा आहे त्यांनी नक्की लावा.

ह्याच्या भाजीपेक्षा ह्याच्या वांग्यासारख्या चकत्या कापुन त्याची भजी जास्त फेमस आहेत. माझ्या एका कारवारी मैत्रिणीच्या तोंडातुन पाणीच गळायला लागायचे याचे नाव घेताच. तिच्या घरातच मी पहिल्यांदा नीरफणस ऐकला. नीर हा शब्द तिकडचाच. आपल्याकडे विलायती फणस असेही गोड नाव आहे.

(नंदन कलबागांना मी मुद्दाम विचारलेले की हे विलायतेहुन आलेय का?? ते म्हणाले की आपल्याकडे काहीही वेगळे दिसले की त्याला विलायती म्हणायची पद्धत पडलीय... विलायती चिंच, विलायती फणस... )

नीर फणस मोकळ्या जागेत लावायचा तर, फॅक्टरीतच लावते, माळी काका काळजी घेतीलच..
पण इकडे ऊन जास्त असते, झाड टिकेल का..?

सारीका, कोकणातले झाड. उन्हाची काय पर्वा त्याला ?
याची कापं करुन किंचीत वाफवायची. मग तांदूळ आणि तुरीची डाळ भिजवून वाटायची आणि त्यात तिखट, मीठ, हिंग टाकायचे. त्यात हि कापे घोळवून तळायची. मस्त लागतात. याची रसभाजी पण मी लिहिली होती.
साधारणपणे समुद्रकिनारी छान वाढते. (जागू ऐकतेस ना ?)

http://www.maayboli.com/hitguj/messages/58489/124996.html?1176484849

जागू, या पानावर माझा जुना लेख आणि फोटो आहे.