निसर्गाच्या गप्पा (भाग ४)

साधना, किती गोष्टी नव्याने शोधायच्या / अनुभवायच्या आहेत .. ती चव इतर कुणाला खास आवडणार हि नाही कदाचित, कारण त्याला जो आपल्या आठवांचा स्वाद असतो, तो काय कुणाला सांगून समजणार आहे ?

जो ती रानकेळी खातात, गोड पण पिठूळ लागतात. आत मोठ्या बिया असतात. पण सहसा ती कड्यावर वगैरे उगवतात, त्यामूळे माकडे, पक्षी यांनाच ती लाभतात सहसा.
याच्या केळफूलाची भाजी होतेच, शिवाय पाने मजबूत असल्याने पावसापासून संरक्षण करता येते.

असे अनुभव मला काही घाटात आलेत. एक म्हणजे तिलारी, दुसरा अनमोड आणि तिसरा चोर्ला.

हे तिन्ही घाट डोंगरात असल्याने, आजूबाजूला वस्ती, गाव दिसत नाही. (याउलट करुळ, खोपोली घाटातून कसे खालचे गाव दिसत राहते) इथे असे अनेकदा वाटायचे कि इथे उतरुन चालत जावे. त्यापैकी चोर्ला घाटात आम्ही तसे केलेही, पण अनमोड आणि तिलारी राहिलाच. अनमोड मधे फारच दाट जंगल आहे, आणि तिलारी तसाही धोकादायक आहे. विमा कंपन्याही त्याही हमी देत नाहीत.

पण चोर्ला घाटात आता टिपीकल धबधब्यातला अचकट विचकट नाच सुरु असतो. हे तिन्ही घाट कोल्हापूर्-गोवा मार्गावर आहेत (एकमेकांना पर्याय म्हणून) फोंडा घाट मात्र लहानपणापासून भिती दाखवत आलाय. सहसा तिथे एस टी गाड्या थांबवत नाहीत, सुसाट पळवत नेतात. आता काही थांबे आहेत. दुसरे म्हणजे त्या घाटात जिथे कोल्हापूर विभागाची हद्द संपते, तिथून खोल दरीतले तळकोकणाचे विराट दृष्य, छातीत धडकी भरवते. लहानपणी तर मी त्या जागी डोळे बंदच करायचो.

फोंडा घाट मात्र लहानपणापासून भिती दाखवत आलाय. << खरंय दिनेशजी , आत्ता पर्यंत जेव्हा त्या भागात गेलो तेव्हा तेव्हा तो रस्ता टाळला तो केवळ ऐकिव माहितीवर

जागु मेल आली नाही ग..

सचिन,
एस टी चे ड्रायव्हर सांगतात तिथे, रानगवे बेधडकपणे भर रस्त्यावर उभे ठाकत असत.
रात्रीच्या वेळी ससे, अजगर, पांढर्‍या बाया (?!!!) असत.
त्यामूळे रातराणी एस्टीसाठी खास धाडसी चालक लागत. पण पुर्वी कोल्हापूरातून कोकणात जायला तोच घाट वापरात होता. करुळ घाट नंतर सुरु झाला. आता तर तोच जास्त वापरात आहे.

बाय द वे, मी परत एकदा आठवण करुन देतो कोल्हापूर गोवा मार्गावर सात पर्यायी घाट आहेत.

फोंडा, करुळ (गगनबावडा), भुईबावडा, चोर्ला, अंबोली, अनमोड आणि तिलारी.. सर्व घाटातून रहदारी चालू असते. अगदी अनुभव घ्यावाच असे हे घाट आहेत.

करुळ (गगनबावडा), भुईबावडा, अंबोली, एवढेच पाहिलेत आत्ता पर्यंत

सचिन,
तिलारी च्या पायथ्याशीच धरण आहे, पण ते घाटातून दिसत नाही. (कोल्हापूर, आजरा, गडहिंग्लज, चंदगड. तिलारी -- गोवा)
आणि चोर्ला घाट, हणजुणे धरणाला वेढून वर जातो, त्याचा जलाशय मात्र दिसत राहतो. त्या घाटाने बेळगावात जाता येते. दोन्ही घाट आवर्जून भेट देण्यासारखे आहेत.

तिलारी घाटात मी दुर्मिळ सोनेरी सोनटक्का बघितला तर चोर्ला घाटात दुर्मिळ असा पिवळा करमळ, बघितला होता. चोर्ला घाटात प्रस्तरारोहणाच्या पण जागा आहेत. तिथे काहि हौशी गट प्रॅक्टीस करत असतात. कर्नाटक परिवहनाच्या बसेस त्या घाटातून जातात.

जागु, फोटो पाहून खूप छान वाटले. तरीही कोकणातले कितिही फोटो पाहिले तरिही समाधानच होत नाही गं !

अरे वा, बरेच जण कोकण -दौरा करुन आलेले दिसतात .......... जागूने काढलेले फोटो एकदम भन्नाटच.........
मी व अंजू (शांकली) देखील ४ दिवस कोकणात गेलो होतो, फोटो टाकीनच यथावकाश्.....तोपर्यंत हा कोण ओळखा पाहू - (वरंधा घाटात दिसला पठ्ठ्या)......फारच देखणा पक्षी.....

खरंच देखणा..........पण कोणता पक्षी?

काल रात्री आमचे येथे तुलसी विवाह झाला.
घरी वरकाम करणारा "शरद" रांगोळी फार सुंदर घालतो. त्याची चित्रकलाही फार छान आहे.

शशांक हा निलकंठ ना - indian roller

सुप्रभात

जो / मानुषी मस्त फोटो,
शशांक बी ईटर का ?

हा पक्षी कोणता मध्ये ह्या पक्ष्याने दर्शन दिलेय. तो बीबी काढा वर आता

शशांकने टाकलेला रोलरच आहे. हा उडताना याचे पंख अगदी गर्द निळे दिसतात. सकाळची वेळ असेल तर नजर ठरणार नाही इतके चमकतात.

धंन्यवाद दिनेश, माझ्या टेरेस वरून काढलेला आहे तो फोटो

शशांकने टाकलेला रोलरच आहे.>> बरोब्बर -Indian roller / blue Jay / Coracias benghalensis फारच छान दिसतो हा - काल वरंधा घाटातून येताना दर्शन दिले याने - आम्ही गाडीत अगदी शांत बसलो होतो तेव्हा शशांकने फोटो काढले याचे.
जो_एस - सूर्य किरणे छान टिपलीस अगदी.
मानुषी - शरदची रांगोळी खूप म्हणजे खूपच आवडली - त्याला जरुर सांग.
जागू - हा फ्लेमिंगो नाहीये - स्टॉर्क फॅमिलीतला आहे - एशियन ओपनबिल असावा.

जो एस्....मस्त फोटो!
जरूर सांगते शरदला शांकली!

.

जागू, कालच ऑफिसला येताना , नदीतील एका झाडावर हे बरेच पक्षी बसले होते. कापसाचे बोळे झाडावर लावल्या सारखे वाटत होते. नीट पाहिल्यावर ते पक्षी आहेत ह लक्षात आलं.

हो जागू, ते बगळेच असतील. (किती ते अज्ञान :अओ:)

बाप रे...! किती गप्पा झाल्या आहेत...
दिनेशदा, माझ्या मावस बहिणीकडे बुलढाण्याला हनुमान फळ म्हणून एक झाड आहे, फळ वरुन सीताफळासारखे हिरवे पण सीताफळासारख्या गाठी त्यावर नसतात, तर आतला गर सीताफळ आणि रामफळ यांची कॉमन टेस्ट आहे..
तिलारी माझे खुप आवडते ठिकाण, संध्याकाळी याच रस्त्यावर भेकर आडवे आले होते, खुप घाबरलो होतो आम्ही.. सोनेरी सोनटक्का मी लोणावळ्यातही पाहीला आहे, त्याच बरोबर पांढरा सोनचाफा पण होता तिथे..
जागू, तू प्रचि. टाकलेला तो पक्षी आहे ना, मी त्यांना भांडकुदळ म्हणते, इतके वचावचा भांडतात, आपल्यालाही जुमानत नाहीत.. सगळेच प्रचि. सुरेख..
शोभाचे जपानी फळ पण मस्तच आहे.. शशांक कडून खुप माहीतीचा खजिना गोळा करायचाय..

मानूषी, शरदने छानच रांगोळी काढलेय ग.

सारीका, त्याला काटेफणस म्हणतात (गोव्यात) झाड लहानसेच असते पण फळ मात्र ओंजळीएवढे होते.

जागू, या कूळातले पक्षी तसे वेंधळट असतात. ते दोनतीन पिल्ले जन्माला घालतात खरे पण त्या सर्वांचे संगोपन करायची क्षमता नसते त्यांची. मग त्या पिल्लातले सर्वात मोठे आणि धटिंगण पिल्लूच, कमकुवत पिल्लाला खाली ढकलून देते. निसर्गाचा नियम..

या वर्गातला स्टोर्क पक्षी दिसतो का आपल्याकडे ? हा पक्षी उडताना एक खास आवाज काढतो. अगदी लहान बाळाच्या रडण्यासारखा. पश्चिमेकडे लहान बाळे, तोच घेऊन येतो असा समज आहे तो त्यामुळेच.
(आमच्याकडे खुप दिसतो.)

दिनेशदा, मी कोकणात फणसासारखे एक फळ पाहीले होते, एका मित्राने ते नीर फणस आहे सांगितले होते, फणसाच्या आकाराचेच छोटे फळ, पण झाड अंजीराच्या झाडासारखे वाटले, त्याची भाजी व काचर्‍या खुप मस्त होतात म्हणे.. ते झाड कुठे मिळेल का..?