पुन्हा झुळूक

शब्दांनी बोलून नातं
तोड्ण्यापेक्शा अबोल्याने
नातं जोड्ण्यात जास्त मजा आहे.

तुझ्याशिवाय आयुश्य जगण्याची
मी सवय करतेय पण कधी कधी
वाटतं की मी मलाच का शिक्शा
करुन घेतेय.

नांत म्हणजे एक कोडंच जणू
माणसाला ओळखायच का शोधायचं?
एक स्पर्धाच जणू .

येता घरी पत्नी
नाती-गोती अळणी झाली,
बायकोच्या नादापायी
आई बापाची फाळणी झाली

लक्ष दिव्यांच्या रांगोळीने
लखलख सारे अंगण सजले
अंगणातले तेज बघूनी
आभाळातील गोंदण हसले

मातीच्या पणतीचा
काय बाई तोरा
म्हणे ज्याला त्याला
सरका बरं जरा

अंजलीजी, ..... छान जमल्येत चारोळ्या
पणतीची चारोळी अधिक आवडली.
दिवाळीच्या शुभेच्छा.

का नसावा तोरा
मातीच्या पणतीला,
महाराष्ट्रात अंधार आहे
सरकार आहे तिच्या दिमतीला.

गर्दी दिव्यांची महालो
महाली किती जल्लोषात.
एका पणतीने दिवाळी
सजली पहा झोपडीत.

अंजली, मस्त चारोळ्या.. पणतीची तर अगदीच तोर्‍यात
जेडी, सहीच

वा...छानच बहरलिये झुळुक ,,,,

आकाशात चांदण्यांची
मैफल सजलेली....
तुझ्या एक एक आठवणींनी
प्रत्येक चांदणी भारावलेली....

तू आणि तुझ्या आठवणी
सगळंच बेभरवशी
लोकांत हसवती
अन एकांतात रडवती

एकांतात रडण्यात
कसली मजा;
तुमचं दु:ख वाटून घेण्याची
द्या की गर्दीला सजा

ललिता मस्तच

रडुन रडुन तिचे
लाल झाले डोळे
जवळ जावून पुसती
निर्ढावलेले भोळे.

शब्दांनी विणता आला असता
जर प्रेमाचा रेशीमकोश
शब्दकोशांच्या संपादकांचा
झाला नसता का जयघोश

शब्दकोष आणि संपादक
शब्दांचे केवळ चाकर...
कारण शेवटी सर्वांनाच
कमवायची असते भाकर

मी नशिबाला शब्द दिलाय
तुला बोल लावणार नाही
स्वतःच्या चुकांचे ओझे
आता दुसऱ्यांवर लादणार नाही

वाट चुकली तर दोष वाटेचा कसा
किंवा दाटलेल्या धुक्याचा
अन् खंत तरी कशाला चुकल्याची
जर विश्वास असेल धरलेल्या दिशेचा

मी नशिबाला हाक दिली
मित्रा, थोडी तसदी द्यायचीय
अनोळखी निसरड्या वाटेवर
थोडी मदत घ्यायचीय

अजुनही चित्रे धुमसतात डोक्यात
हातपाय बांधुन प्रारंभरेषेला पडल्याची
अपयशाची खंत कधीच नव्हती
चीड होती न धावताच हरल्याची

सौरभ छान आहेत चारोळ्या

सौरभ छान आहेत चारोळ्या
>>> + १

माझ्याकडून पण एक

ह्या वर्षीचा पाऊस
मुक्यानेच बरसेल
कारण तो तुझ्या
मल्हाराला तरसेल

दरवळत राहीन तुझ्याभोवती
मी उदबत्ती सारखा..
संपलो तरी अस्तित्वाची..
जाणिव केल्या सारखा.

गाय नेहमी हिन्दूची
बकरी मुसल्मानाची असते
ज्वरीची भाकरीच तेवढी
माझ्या ईमानाची असते

(म्हणून मी मान्साहार करत नाही............कधीच )

विसरलेल्या मैत्रीला,
आज जाग आली. . .
अश्रुपुराबरोबर मग,
जुनी खंतही वाहुन गेली. . .

माय पाहिली मी फक्त,
देव पाहिलेला नाही.
कारे शोधता देवाला,
देव म्हणजेच आई.

गटारी स्पेशल.

प्राण्यांच्या कोर्टात
मानवावर झाली केस दाखलं
न्यायाधिश महाराज ''सिंह'' म्हणतात
तळं राखल तो पाणी चाखलं

गटारी स्पेशल.: जबरदस्त

माझी पहिली चारोळी

अधुन मधुन मला काही सुचतात शब्द
या शब्दांचे काही कळ्त नाही
अन वेळे वर यमक ही जुळ्त नाही
पण तु हसल्यावर होतात ते मुग्ध

( नक्की प्रतिसाद द्या मी नविन आहे)