१. कैरीच्या बारीक पातळ फोडी करून घ्याव्यात. फोडी करताना साल काढू नये.
२. तव्यात तेल गरम करून घेऊन त्यात जीरे, मोहरी चांगले तडतडवून घ्यावेत.
३. मग कैरीच्या फोडी घालून परतावे.
४. मीठ, तिखट घालून परतावे.
५.शेवटी गूळ घालून गूळ विरघळेपर्यंत परतावे.

मस्त चुट्चुटं तय्यार!!!!!!!!!!
लगेच तव्यावरून ताटात घेऊन गट्टम करावे....

वेळ आणि उन असल्यास घरी कैरीच्या लांबट फोडी करून उन्हात कडकडीत वाळवाव्यात. नाहीतर तयार अंबोशी घ्यावी.
थोडे तेल गरम करुन, त्यात मेथीचा रवा परतावा, मग हिंग परतावा व बडिशेपेची पुड परतावी. मग हळद व तिखट टाकून गॅस बंद करावा.
मोहरीची डाळ बारीक वाटावी. बाकीचे तेल गरम करुन ते थंड करुन त्यात ती टाकावी. हातानेच जरा फेटावी. मग त्यात कैरीच्या फोडी आणि वरील मसाला, मीठ व गूळ घालावा. हे सगळे आठदहा दिवस मुरु द्यावे.
खायला घेताना, सगळेच परत गरम करावे, म्हणजे फोडी मऊ होतात. मग खायला घ्यावे.
चवीला मस्तच लागते हे.

तेल तापवून त्यात मोहरी व हिंग घालावा. मग मेथीची पूड घालून जरा परतावे, मग मोहरी
डाळ घालावी. बाकिचे जिन्नस घालून आच बंद करावी. हे सगळे थंड झाले कि त्यात कैरीच्या
सुकवलेल्या फ़ोडी मिसळून घ्याव्यात. मग हे बरणीत भरावे. फ़ोडी बूडतील इतके तेल गरम
करून घ्यावे, आणि ते पूर्ण थंड झाले कि बरणीत ओतावे. सतत फ़ोडींवरती तेल राहील असे पहावे.

पार्ल्याक्वांच्या आग्रहामुळे आईला विचारून ही पाककृती यो.जा.टा. आहे.
१. कैर्‍या आणि कांदे सालं काढून किसुन घ्यावे.
२. गुळ आणि दोन्हीचा कीस एका भांड्यात घालून ठेवून द्यावा.
३. थोड्यावेळाने गुळ विरघळून त्याला भरपूर पाणी सुटतं.
४. नंतर त्यात लाल तिखट आणि मीठ घालून नीट ढवळून घ्यावं.
लगेच खाललं तरी चालतं किंवा रात्रभर ठेवून दिलं की चांगल मुरतं.