प्रथन चिकन स्वच्छ धुवून घ्या व त्याला १ चमचा हळद आणि थोडे मोहरीचे तेल चोळून घ्या. सर्व कांदा उभा चिरून घ्या. मिरचीचे लहान-लहान तुकडे करून घ्या आणि आले-लसूणाची पेस्ट करून घ्या.

आता कढईत तेल गरम करून घ्या व त्या तेलात लसूण तळून घ्या. (हे काम फार काळजीने करावे. लसूण टाकल्यानंतर तेल अंगावर उडण्याची शक्यता असते. अस्मादिकांचा एकदा हात भाजल्यापासून मोठया ताटाचा उपयोग ढालीसारखा करतो. )

लसूण काढल्यानंतर तेलात मिरचीचे तुकडे आणि कांदा टाका. ८-१० मिनिटे कांदा परता व त्यातच
चिकन व तळलेला लसूण टाका. कढईला खाली न लागेल अशा बेताने हे मिश्रण परतत राहा.

१० मिनिटांनंतर चवीनुसार मीठ घाला. त्यामध्ये आता आले-लसुणाची पेस्ट, चिकन मसाला, गरम मसाला व अर्धा ग्लास पाणी टाका.
जेवढी ग्रेव्ही हवी असेल तेवढे पाणी टाकून १५-२० मिनिटांपर्यंत शिजवत राहा.

ह्या सगळ्या मिश्रणाचा अर्क लसणात उतरतो आणि लसणाला अफलातून टेस्ट येते.

१. चिकन व्यवस्थित ४-५ वेळा पाण्याने स्वच्छ धुवुन घ्यावं.
२. एका कढईमध्ये तेल घाला.
३. तेल गरम झाल्यावर जीरं घाला, जीरं तडतडलं की त्यात ठेचलेल्या लसणीच्या पाकळ्या घाला.
४. मग चिकन घालुन हलवुन घ्या. शेवटी चवीप्रमाणे मीठ, काळीमिरी आणि कसुरी मेथी घाला.
झाकण ठेवुन कमी आचेवर चिकन शिजु द्या. अधुन मधुन हलवत रहा.
चिकन शिजलं की गॅस बंद करा.

हा फोटो;

चिकनच्या तुकड्यांना हळद तिखट मीठ लावून ठेवा.
ओव्हन ४०० डि फॅ ला तापत ठेवा.
एका ओव्हन प्रूफ भांड्यात कांदा, आले, लसूण, हिरवी मिरची , भाज्या पसरवा. त्यावर थोडे मीठ शिंपडा. त्यावर चिकनचे तुकडे पसरवा. त्यावर आपल्या आवडीचा मसाला शिंपडा. कोथिंबीर, पुदिना ची पाने हातानेच तोडून शिंपडा. पाहिजे तर थोडा साबूत गरम मसाला ( लवंग दालचिनी वेलची मिरे ) पण घालू शकता.
त्यावर दोन वाट्या धुतलेले तांदूळ पसरवा. त्यावर चार वाटी पाणी अगदी हलक्या हाताने ओता.
वरुन फॉइलने गच्च झाकून ४०० डि व ३५ ते चाळीस मिनिटे बेक करा

१. बोनलेस चिकनचे तुकडे करून घेऊन त्याला आले लसूण पेस्ट, हळद आणि मीठ लावून २४ तास मॅरिनेट करावे.

२. ग्रील १८०° पर्यंत तापवून त्यात चिकन भाजून घ्यावे. वरून तांबूस रंग आला की ऍल्युमिनियम फ़ॉईल ने झाकून आणखी थोडावेळ भाजावे.

३.काजू गरम पाण्यात भिजवून ठेवावेत आणि केशराच्या काड्या गरम दुधात घालून ठेवाव्यात.

४. पातेल्यात तूप गरम करून खसखस, मिरे भाजून घ्यावे व बाजुला काढून ठेवावे. नंतर आले लसूण पेस्ट घालून चिरलेले कांदे घालून परतावे. कांदे तांबूस व्हायला पाहिजेत.

५. हे मिश्रण थंड झाले की त्यात मिरे, खसखस घालून वाटून घ्यावे.

६. पातेल्यात पुन्हा तूप गरम करून वाटलेले मिश्रण, टोमॅटो प्युरी, तिखट, गरम मसाला घालून उकळावे.

७. काजू वाटून त्याची पेस्ट ग्रेव्हीमध्ये घालावी. केशराच्या काड्या थोड्या चुरडून ग्रेव्हीत घालाव्यात.आवश्यकतेनुसार पाणी घालावे.

८. त्यात भाजलेले चिकन घालून आणखी १० मिनीटे उकळावे.

९. चवीनुसार मीठ घालावे. सर्वात शेवटी क्रीम घालावे आणि कसूरी मेथी चुरडून घालावी. (क्रीम घातल्यावर उकळू नये, त्यामुळे त्यातील तुपाचा अंश वेगळा होतो.)

१०. सर्व्ह करताना बारीक चिरलेली कोथिंबीर आणि उभा चिरलेला कांदा घालावा.

१. हिरवी मिरची , १० लसूण पाकळ्या आणि अर्धा चमचा आले ह्याची पेस्ट करावी .

२. गरम मसाला पूड , थोडे मीठ , हळद , दही , लाल मिरची पूड एकत्र कालवून चिकनला लावून १/२ तासभर मुरत ठेवावे .

३. तवा गरम करून त्यावर लवंगा , मिरे , दालचिनी , वेलची , जिरे , धने , बदाम भाजून त्यात उरलेलं आलं आणि लसूण घालून पेस्ट करून घ्यावी .

४. पातेल्यात थोडे तेल तापवून बारीक चिरलेला कांदा परतून घ्यावा .

५. कांदा काढून घेऊन त्यातच चिकनचे तुकडे मॅरिनेशनसकट परतून घेऊन काढून ठेवावेत .

६. त्याच तेलात वाटलेला मसाला परतावा . मग त्यात टोमॅटोचा रस ( मी प्युरी वापरते ) , मीठ घालून ढवळावे . आता परतलेलं चिकन घालून , थोडं पाणी गरम करून , साखर ( होय साखरच ) आणि कॉर्नफ्लोअर घालून शिजवावे .

७. चिकन शिजले की कोथिंबीर घालून सर्व्ह करावे .

८. तंदूरी रोटी किंवा बटर नान बरोबर हे चिकन अफलातून लागते .

१. चिकन आडवं मधून कापून ओपन करून हातोड्यानं मारून पातळ (thin) करूण घ्या.
२. चिकनला दोन्ही बाजूने मीठ, मीरपूड, मीट टेंडरायजर, इटालियन सिझनिंग लावून १५-२० मिनीटे बाजूला ठेवा.
३. मैद्यात मीठ, इटालियन सिझनिंग घालून नीट मिक्स करून घ्या.
३. ग्रिलींग पॅनमधे १ टे. स्पून बटर घ्या
४. चिकन मैद्यात दोन्ही बाजूने घोळवून (जास्तीचे पीठ झटकून घेउन) पॅनमधे टाका.
५. दोन्ही बाजूने ग्रिल करून घ्या. प्रत्येक बाजू साधारण ३ मिनीटे.
६. झालेले चिकन एका प्लेट मधे काढून वरून त्याला नीट फॉईल लावून ठेवा. म्हणजे चिकन ड्राय, गार होणार नाही.
७. त्याच पॅन मधे उरलेले बटर घेऊन त्यात लसूण पाकळ्या ठेचून टाका. थोडं सिझनिंगपण टाका.
८. मश्रूम्स घाला. त्यातच चिकनला लावलेला मैदा एक चमचा टाका.
९. नीट हलवून मश्रूम्स मऊ झाले की मर्साला वाईन घाला.
१०. वाईन थोडी आटली की चिकन स्टॉक घालून एक उकळी येउ द्या.
१२. चव बघून मीठ घाला.
११. बाल्सामिक विनीगर घालून नीट हलवून चिकन परत पॅन मधे घाला. नीट मिक्स करून २-३ मिनीटे शिजू द्या.
लगेच सर्व्ह करा.

चिकन लेग पिस ला दोन्ही बाजुनी सुरीने तिन चार तिरक्या चिरा पाडा. मॅरीनेड करण्याचे साहित्य चिकनला लावा व तिन ते चार तास मुरत ठेवा (फ्रिजमध्ये सकाळी ठेउन संध्याकाळी केले तरी चालेल). मुरल्यावर तेल लावलेल्या काचेच्या ट्रे मध्ये किंवा मायक्रोवेव्ह नॉनस्टीक तव्या मध्ये पिसेस ठेवा. वरुन पातळ केलेले बटर सोडा. ट्रे हाय रॅकवर ठेवा.

कॉम्बीनेशन (मायक्रोवेव्ह पॉवर ५०% + कन्व्हेक्शन २१० डिग्री) वर ८-१० मिनिटे चिकन ब्राउन होईपर्यंत ठेवा. ट्रे बाहेर काढा. सुरीने टोचुन पाहा. शिजलेले असेलच मग पिसेस उलटे करुन दुसर्‍या ट्रे मध्ये ठेवा कारण चिकनचे पाणी ट्रेमध्ये साठलेले असते. जर दुसरा ट्रे नसेल तर ते पाणी काढुन टाका. पिसेस उलटे करुन वरुन परत बटर सोडा. पॅन हाय रॅक वर ठेवा व ६-७ मिनीटे वरुन ब्राउन होईपर्यंत ग्रिल करा. झाली तयार तंदुरी. जर पेशन्स असतील तर आता पिसेस डिश मध्ये काढा. वरुन कोथिंबीर घाला, कांद्याच्या रिंग्ज व लिंबाच्या फोडी बरोबर सर्व्ह करा.

१) प्रथम चिकन साफ करून त्याचे बाईट साईझ तुकडे करून घ्यावेत.
२) चिकनला मीठ,मिरपूड,(आलं+लसूण्+मिरची+कोथिंबीर) पेस्ट लावून मुरवावं.
३) करायला घेते वेळी ह्या चिकन मधे एक अंडं फेटून घालावं. गरजे प्रमाणे कॉर्नफ्लोअर्,तिखट,शानचा तंदूरी चिकन मसाला घालावा.
४)आता हे तुकडे तेलात तळून घ्यावेत.
५)सर्व तुकडे तळून झाल्यावर एका पातेल्यात थोडे तेल तापवावे.
६)आलं,लसूण,मिरची, पातीचा कांदा, कांदा,भोपळी मिरची असे क्रमा क्रमाने परतावे.
७)त्यात टोमॅटो केचप, सोय सॉस, हॉट सॉस, मीठ,मीरपूड घालावे. सर्वात शेवटी तळलेले चिकन मिक्स करावे.

एका कढईमध्ये अमुल बटर तापवून घ्यावे. त्यात ओबडधोबड वाटलेले आलं-लसुण आणि हिरवी मिरची घालून परतावे. लसूण, हिरवी मिरची व आल्याचे वाटण अंदाजे अर्ध्या वाटीपेक्षा जास्त असावे आणि त्याची पेस्ट न करता अर्धवट ठेचून बटर मध्ये परतावे. एखाद्या मिनिटानंतर त्यात चिकन चे तुकडे घालावेत. चिकन परतावे. चवीप्रमाणे मीठ अन मिरेपुड घालावी. परतत राहवे. २-३ मिनिटांनी त्यावर लिंबु पिळावे. चिकन शिजेपर्यंत मधून अधून परतत रहावे
चिकनचे तुकडे छोटे असावेत . याप्रकारामध्ये बोनलेस चिकन पन वापरले तर चालू शकेल.

वाटण :-
१. पॅनमध्ये अगदी थोडं तेल घालुन लवंगा, काळी मिरी, दालचिनीचा तुकडा टाकुन परतुन घ्या.
२. त्याच पॅनमध्ये आधीचा खडा मसाला न काढता कापलेल्या कांदयाच्या २/३ कांदा परतुन घ्यावा.
३. कांदा ब्राऊन कलरचा झाला की त्यात सुकं खोबरं, ४-५ लसणीच्या पाकळ्या, आलं बारीक तुकडे करुन सगळं ब्राऊन कलरचं होई पर्यंत परतुन घ्या.
४. हे सगळ गार झालं की लागेल तसं पाणी टाकुन मिक्सरमधुन खुप बारीक वाटण करुन घ्या.

मुख्य कृती :-
१. चिकन स्वच्छ धुवुन घ्यावं.
२. कुकरमध्ये २ चमचे तेल टाकुन ते गरम झाल्यावर जीरं टाकावं. त्यात ४-५ लसणीच्या पाकळ्या खुप बारीक चिरुन घालाव्यात.
३. लसुण थोडा परतला की कापलेल्या कांद्याच्या अर्धा कांदा टाकुन परतावं.
४. टोमॅटो हवा असेल तर कांदा परतला गेला की त्यात घालुन परतावं.
५. थोडी हळद, १/२ चमचा लाल तिखट घालुन मिनिट्भर परतावं.
६. मग त्यात धुतलेलं चिकन घालुन ते मिनिट्भर परतावं. त्यात अगदी थोडं मीठ घाला.
७. कुकरचं झाकण लावुन ३ शिट्ट्या होवु द्याव्या. कुकर गार झाल्यावर चिकन शिजलेलं असेल आणि त्यात सुप पण तयार झालं असेल.
८. आता कढईमध्ये २-३ मोठे डाव तेल घालुन गरम झाल्यावर जीरे घाला.
९. नंतर वाटण घाला. हे वाटण तेलात खुप चांगलं परतुन घ्या. साधारण १२-१५ मिनिटं तरी परता. मग त्यात काजुची पेस्ट, लाल तिखट, गरम मसाला, हळद घालुन अजुन १-२ मिनिटं परतुन घ्या.
१०. ह्यात कुकर मधलं चिकन आणि सुप घाला. करी किती घट्ट किंवा पातळ हवी त्याप्रमाणात पाणी घाला.
११. चवी प्रमाणे मीठ घाला, एक उकळी आली की चवीप्रमाणे कोथिंबीर घाला.
१२. उकळी आल्यावर अजुन १०-१२ मिनिटं मंद आचेवर उकळु घ्या.

मी केलेल्या करीचा फोटो.