चाल : 'जय गणराय नर्तन करी' (संदर्भ - घाशीराम कोतवाल)
जय गणराय नर्तन करी
'मायबोली' त्याला वंदन करी
वंदन करी हो वंदन करी
मायबोलीचे हे वारकरी
लिहा लेख, चढवा ची रंग
बाप्पाच्या सुंदर चित्रावरी
चित्रावरी हो चित्रावरी
मायबोलीचे हे वारकरी
मिसळम् गट्टम् पाककृती,
खादाडी होता, गाणी की गाती
सभासदांनो झब्बू द्यावा
मायबोलीवर किरपा ठेवा
"ए शंभ्या, खातोयस काय वर्गात?"
"सर! खूप भूक लागलीय"
"जेवून नाही का आलास?"
"नाही! सर, आई किनई आज माबोच्या तोंपासु स्पर्धेसाठी पदार्थ करतीय."
"कोणासाठी काय करतीय?"
"मायबोलीच्या, इ-गणेशोत्सवाच्या, 'तोंडाला पाणी सुटणे' स्पर्धेसाठी न-पदार्थ बनवतीय."
"न-पदार्थ?"
मायबोलीकरांनो, आजच्या अंगारक संकष्ट चतुर्थीच्या सुमुहूर्तावर पहिली दवंडी सादर करत आहोत.
"ढिंक चिका..ढिंक चिका...ढिंक चिका ढिंक......"
आधी तर कळेच ना, भर हापिसात एवढ्या जोरात कुठला रेडा, रेडीला आळवतोय ते. समोरच्या क्युबिकलमधली बकरी (हो बकरीच, रेडी म्हणावी इतकी वाढलेली नाहीये अजुन) डोळे विस्फारून माझ्याकडे बघायला लागली. मी चाट पडलो, पटकन पेपर स्टँडला लटकवलेला गॉगल हातात घेतला आणि माझा चेहरा बघीतला. व्यवस्थित होता. (अजून तरी पिताश्रींनी जा तोंड काळे करा असा हुकूम या आज्ञाधारक बालकाला दिलेला नाहीये). मी तिला डोळ्यांनीच खुणा करत विचारलं..
"काय्ये?"
