प्राजु

स्वरचित्र फेब्रुवारी २०१३

Posted
11 वर्ष ago
शेवटचा प्रतिसाद
11 वर्ष ago

पुणे आकाशवाणी वरुन दर रविवारी प्रकाशित होणार्‍या स्वरचित्र ह्या कार्यक्रमात फेब्रुवारी महिन्याचे विशेष गीताची चाल यंदा माझे आजोबा (म. ना. कुलकर्णी - मनाकु१९३०) ह्यांची आहे...

आणि ह्यावेळेस विशेष म्हणजे हे गीत आपल्या मायबोलीवरची कवयित्री प्राजु हिने लिहिलेले आहे..

आणि गाणार आहे मधुरा दातार...

तेव्हा नक्की ऐका फेब्रुवारी महिन्याच्या दर रविवारी सकाळी ८ वाजून ४० मिनिटांनी पुणे आकाशवाणीवर "स्वरचित्र"

विषय: 
प्रकार: 

पुन्हा दिवाळी..

Submitted by प्राजु on 4 November, 2010 - 16:54

लखलखती त्या दीप कळ्या, अन पहाट ओली नवी नव्हाळी
मांगल्याचे समृद्धीचे, गीत छेडते पुन्हा दिवाळी..

चमचमती ते बिंदू ओले.. ओल्या नवथर सोनसकाळी
सलज्ज हिरव्या तृणांवरती, विसावते बघ पुन्हा दिवाळी

सजून जाते अंगण अवघे, रंग रंगूनी फ़ुले कळ्यांनी
दारी तोरण ऐश्वर्याचे, लावून जाते पुन्हा दिवाळी

अभ्यंगाची लज्जत ऐसी, गुलाब, चंदन, घेत ओंजळी
आणि प्रीतीचा दरवळ न्यारा, घेऊन येते पुन्हा दिवाळी

प्रेम-मायेचा झरा वाहू दे, परमेशा! भर माझी झोळी
चराचराला दान सुखाचे, देऊन जावो पुन्हा दिवाळी..

- प्राजु

गुलमोहर: 
शब्दखुणा: 
Subscribe to RSS - प्राजु